Krahas përmendjes në mënyrë të shpeshtë të dashurisë për familjen dhe prindrit, moment të cilin e argumentoi se i vjen natyrshëm pasi është një djal i përmalluar për shkak se ka jetuar gjatë në emigracion, ajo që u konsiderua një “flamur i kuq” dhe i uli pikë në takim Aurelit, ishte posesiviteti i treguar ndaj Saides fillimisht gjatë njohjes në makinë dhe më pas kur ajo kërkoi një gotë verë.

I pyetur pse reagoi kështu, Aureli tha që Saide ka dalë këtu për t’u martuar, dhe “nëse është gati për t’u martuar ashtu sikurse tha edhe në klip” duhet ta respektoj dhe të sillet si një person i pjekur përballë tij. “Nëse është për njohje, të thotë që kam dalë për njohje dhe jemi dakord.”

“Unë s’kam dalë të merrem me llafe grash, por të bëjë një njohje”- tha Aureli në studio.

Sipas Aurelit, kërkesa e saj për të pirë verë kur ajo e dinte që besimi atij nuk ia lejon alkoolin ishte mungesë respekti ndaj figurës së tij.

Aureli: Ça do pish?

Saide: Unë do të pi një verë.

Aureli: Verë?!

Saide: Po, verë.

Aureli: Jo nuk do të pish verë. Merr një çaj më mirë.

Saide: Pse? Unë verë dua, nuk e pi çajin.

Aureli: Jo, në tavolinën time nuk ulet verë. Besimi im nuk ma lejon dhe për respektin tim nuk do të pish verë në tavolinë.

Saide: Ok, meqë po insiston pije çajin tënd. Unë nuk po marr asnjë gjë. Burrat shqiptar kështu e kanë, duhet t’ju kënaqësh egon. T’u bë qejfi?

Aureli: Jo…

Saide: Ti po qesh, normal që t’u bë qejfi.

Aureli: Jam i kënaqur që më respektove dhe këtë respekt që më dhe unë do të kthej 100 fish.

Gjatë rrëfimit, Aureli deklaroi se “Ky takim u mbyll me një Saide që e kuptoi gabimin që bëri”. Mirëpo, gjërat nuk shkuan teksualisht këtu.

Saide u shpreh se nga ky takim kuptoj se: “Respekti nga ana e Aurelit ishte zero. Unë kam dëgjuar dhe parë në prapaskenë që Aureli nuk e respekton fenë aq sa hiqet dhe thotë.”

Në kundërpërgjigje, Aureli tha se priste më tepër mirëkuptim nga Saide sepse ajo “ka qenë ndër të vetmet që kur unë kam bërë ato faljet e mija të vogla ka ardhur dhe më ka vlerësuar”.

Për të shpjeguar në mënyrë më të thjeshtuar pse veproi ashtu, Aureli u shpreh se: “Nëse ti ke alergji nga sallata, në tavolinën time nuk do të ketë sallatë. Unë po i kërkoja një fije respekti nuk po kënaqja egon.”

“Po ti pse s’më respektove mua. Unë kam qenë femër aty”- tha Saide, duke e sfiduar Aurelin se do t’i tregonte me pamje se nuk ishte edhe aq besimtar i devotshëm sa e paraqet veten.

Saide publikoi pamjet video, ku shihej Aureli që thoshte “edhe një gotë” teksa pinte alkool. Moment i cili ka shokuar konkurrentët dhe opinionistet në studio./tch

The post I kërkoi verë, Aureli detyron Saiden të pijë çaj: Do më respektosh tavolinën! appeared first on Albeu.com.

Në pranga kanë rënë Aurel, Florian, Halil, Dyrmishi dhe Gëzim Vzhari. 32-vjeçari u kap në flagrancë teksa ujiste bimët narkotike që kishte kultivuar në fshatin Tozhar, në bashkëpunim me 2 të arrestuarit e tjerë.

Nga kontrollet u gjetën edhe tri armë zjarri të cilat përdoreshin për të ruajtur parcelën.

Njoftimi i policisë:

Poliçan/Finalizohet si rezultat i një hetimi proaktiv, faza e dytë e operacionit policor anticannabis, të koduar “Tomorri”.

Të armatosur, ruanin bimët narkotike që kishin kultivuar në fshatin Tozhar, vihen në pranga 3 shtetas (babai dhe 2 djemtë).

Gjithashtu, arrestohet në Durrës pronari i sipërfaqes së tokës ku ishin kultivuar bimët narkotike. Procedohet penalisht vëllai i tij, për posedim pa leje të një arme gjahu.

Asgjësohen nëpërmjet djegies 125 bimë narkotike cannabis sativa dhe sekuestrohen 4 armë gjahu.

Shërbimet e Stacionit të Policisë Poliçan në bashkëpunim me Komisariatin e Policisë Skrapar dhe të DVP Berat, si rezultat i një hetimi proaktiv, të kryer me Prokurorinë e Beratit, për një rast të kultivimit të bimëve narkotike, në fshatin Tozhar, Poliçan, nga disa shtetas, finalizuan fazën e dytë të operacionit policor anticannabis, në nivel qarku, të koduar “Tomorri”.

Në kuadër të kësaj faze u arrestuan shtetasit H. D., 58 vjeç, F. D., 32 vjeç dhe A. D., 29 vjeç (babai dhe 2 djemtë). 32-vjeçari u kap në flagrancë teksa ujiste bimët narkotike që kishte kultivuar në fshatin Tozhar, në bashkëpunim me 2 të arrestuarit e tjerë, 125 bimë cannabis sativa të cilat u asgjësuan nga Policia, nëpërmjet djegies. Nga kontrollet, këtyre shtetasve iu gjetën dhe iu sekuestruan 3 armë gjahu që posedoheshin pa leje, me qëllim ruajtjen e sipërfaqes me bimë narkotike.

Në vijim të veprimeve procedurale për këtë rast, në bashkëpunim me Policinë e Durrësit, u kap dhe u arrestua shtetasi G. V., 63 vjeç, aktualisht banues në Durrës, pasi bimët u gjetën të kultivuara në tokën në pronësi të tij, në fshatin Tozhar.

Gjithashtu, u referuan materialet në Prokurori ku nisi procedimi në gjendje të lirë për shtetasin H. V., 59 vjeç (vëllai i 63-vjeçarit), banues në fshatin Tozhar, pasi iu gjet në banesë dhe iu sekuestrua si provë materiale, një armë gjahu që posedohej pa leje.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Berat, për veprime të mëtejshme.
[10:50, 26/08/2023] Neës Titra: Poliçan-arrestuar gjatë fazës së dytë të operacionit “Tomorri”, për veprat penale “Kultivimi i bimëve narkotike” dhe “Mbajtja pa leje e armëve të gjahut”, shtetasit Aurel, Florian, Halil, Dyrmishi dhe Gëzim Vzhari.

Proceduar për veprën penale “Mbajtja pa leje e armëve të gjahut”, shtetasi Hysen Vzhari.

The post EMRAT/ Ruanin të armatosur parcelën më kanabis në malin e Tomorrit, arrestohen babai dhe dy djemtë appeared first on Albeu.com.