Një automjet tip “BMW”, është përplasur me një automjet tjetër tip “Audi”. Si pasojë e aksidentit, ka humbur jetën në vendin e ngjarjes shofer i mjetit “BMW”, shtetasi Aurel Çipi, 28-vjeç nga Pogradeci.

Ai ka mbetur i bllokuar brenda automjetit të tij, teksa shërbimit zjarrfikës të Maliqit, i janë dashur mbi një orë për ta nxjerrë trupin nga makina.

Nga aksidenti ka mbetur i plagosur dhe drejtuesi tjetër i mjetit “Audi” K. L., i cili po merr ndihmë mjekësore në spital dhe mësohet se ndodhet jashtë rrezikut për jetën.

Siç shihet edhe nga fotot e mëposhtme, përplasja mes dy mjeteve ka qenë shumë e fortë, ku një prej makinave pothuajse është shkatërruar plotësit.

Grupi hetimor po punon për zbardhjen e plotë të rrethanave të aksidentit tragjik.

The post Aksident i rëndë në aksin Korçë-Pogradec, ky është 28-vjeçari që humbi jetën (EMRI+FOTOT) appeared first on Albeu.com.