Prindërit e shkollës “Fan Noli”, akuzojnë mësuesit dhe drejtoreshën e shkollës për mosmarrjen e masave, pasi ishin në dijeni të konfliktit.

Në rrjetet sociale, është publikuar një audio nga mbledhja me prindërit e shkollës “Fan Noli”, pas ngjarjes së rëndë.

Në audio dëgjohet një prind që i kërkon llogari mësueses dhe thotë se stafi i shkollës kishte dijeni se i mituri ishte i armatosur.

Sipas prindërve, jo vetëm nxënësit, por edhe mësuesja, drejtoresha, psikologia e shkollës “Fan Noli” dhe oficerja, kanë qenë në dijeni të thikës që 14-vjeçari i dyshuar si autor i vrasjes së Martin Canit mbante në shkollë, ditën e ngjarjes.

“Përgjegjësia juaj ishte që ata fëmijë të mos vinin as orën e 5 e të 6 që kishin marrë leje. Nga e premtja ishte bërë çfarë ishte bërë dhe për zyshën duhet të merren masa, edhe për drejtoreshën. Edhe oficeren. Gjithë çfarë kanë qebë. Edhe psikologu ishte në dijeni”, thotë prindi”.

14-vjeçari u kishte treguar thikën nxënësve të klasës dhe u kishte thënë se për kë e kishte marrë.

“Dhe kur gjithë klasa po përpëlitej, ai djali kishte thënë ‘prisni ju çfarë do të ndodhë sot’. Dhe vjen me një thikë kaq! Dhe ua ka treguar edhe shokëve”, dëgjohet në audio.

Në bisedë prindi kërkon llogari nga mësuesit dhe drejtuesit e shkollës, për këtë neglizhencë dhe akuzon stafin e shkollës se u kanë sugjeruar fëmijëve, të mos flasin me gazetarët apo të japin intervista për ngjarjen.

Martin Cani, mbeti i vrarë më 18 nëntor në kryeqytet, pas një sherri me thika. Policia arrestoi si autor të vrasjes 14-vjeçarin M.P., ndaj të cilit është ngritur akuza e vrasjes në rrethana cilësuese.

I plagosur mbeti dhe shoku i viktimës. Sherri mes të miturve kishte nisur prej ditës së premte, ç`ka ka bërë të ngrihen shumë pikëpyetje se si askush nuk arriti ta parandalonte krimin.

The post Vrasja e 14-vjeçarit Martin Cani/ Zbardhen detaje tronditëse, dëshmia në mbledhjen me prindërit te “Fan Noli”: Autori nxori armën në klasë, e dinin të gjithë (publikohet Audio) appeared first on Albeu.com.

Këngëtarja “Jenny from the Block” ishte e përpiktë në premierën e “Wicked” në tapetin e kuq dhe e mahnitur me një pamje që i la të gjithë me sy hapur, teksa tregonte belin dhe një pjesë të shpinës, si dhe këmbët e saj.
Por në Instagram ajo tërhoqi vëmendjen jo vetëm për veshjen e saj seksi, por edhe për audion virale që vendosi të shoqëronte klipin. Çfarë dëgjohet konkretisht?

Epo, mund të dëgjoni një vajzë duke thënë: “Unë jam një shtrigë e keqe”.

E vërteta është se të gjitha lëvizjet e Jennifer Lopez janë të llogaritura ftohtë dhe ajo është një mjeshtër marketingu dhe kjo audio mund të jetë prova më e mirë e kësaj ku diva dëshiron të bëhet trend në çdo hap që hedh.

The post Jennifer Lopez vihet në pozitë të keqe, publikohet një audio: Çfarë tha ajo? appeared first on Albeu.com.

“Është regjistrim nuk është përgjim dhe është shumë i gjatë. Familjes ia kam çuar kasetën e plotë, e disponon familja Nika. Ky është vetëm një fragment i materialit. Ne tani e gjetëm, po ta kisha gjetur më parë do ta kisha bërë publike më parë. Kjo është një indicie që të çon te prova”, tha  Artan Hoxha në News 24.

Në audio dëgjohet ndër të tjera:

–Të porta numër 5

–Është prishur porta, po tentojnë të futen brenda

—Dëgjon..

—Dëgjoj…

—Hajde pak tek kolonat

—Mbrapa ku rrinë ministrat

—Largohu..

—Çfarë ka drejtor?

—Këtu jam tek kolonat…

The post “Çfarë ka drejtor?” Artan Hoxha publikon pjesë nga audio e 21 janarit, biseda mes gardistëve pak para vrasjeve appeared first on Albeu.com.

Berisha e cilësoi të gjithën një krijim i ish-kreut të Policisë Ardi Veliut, ndërsa shtoi se sot ka teknika që mund të krijojnë zërin e kujtdo.

Ai akuzoi gjithashtu mazhorancën, duke thënë se i përdor të ndjerët e protestës vetëm për qëllime politike, pasi sipas tij hetimi nuk ka pasur pengesa.

“U tha që është audio pa e dëgjuar publiku. Ai është një transkript që shkruhet si të duash. Pse Ardi Veliu ka një teknikë të krijimit të zërit, a doni t’ua jap këtu? Duket se zëri nuk u ka dalë dot, se gjë më qesharake se të paraqesësh atë. Të thonë që ka audio kur nuk ka zë është e turpshme. Kur të dalë nuk ka asnjë kredibilitet më, sepse duhet të dilte me transkriptin. Krijohet zëri i kujt të duash. Zëri që ti nuk e dikton dot, sot ka teknika. Do thuash pse Ardi Veliu, dy skena të keni parasysh. Anila Hoxha po ndiqte një herë një zhvillim te Mali me gropa dhe desh e hodhi polici te gremina, kujtoni kur u kap Klement Balili, ky që servirte shkrimin për audio raportonte nga makina e tij takimin e Veliut me Balilin. Ky është një njeri i shumë përdorur. Nëse e ke zërin e merr e dërgon në SPAK, ministri çfarë tha. SPAK të verifikojë është apo jo e vërtetë. E kuptoni ju ku është ky? Jam pro për çdo hetim, nuk ka pasur pengesa, po këtyre u duhen të ndjerët kur u leverdisin për qëllime politike. Personi që ka fshirë serverin e kanë marrë dhe e kanë nxjerrë të pafajshëm”, tha Berisha. /albeu.com

The post Audio e 21 janarit, Berisha e mohon sërish: Ardi Veliu ka një teknikë të krijimit të zërit appeared first on Albeu.com.

Hoxha ka thënë në emisionin “Opinion” se për komunikimin është përdorur një kanal me një grup prej 10 vetësh. Ai ka treguar se dikush ka hyrë në kanal dhe ka regjistruar urdhrat, teksa shtoi se ky publikim do të shërbejë si indicie për provë.

Biseda:

Artan Hoxha: Unë kam nxjerr një transkript të komunikimit në radio të zinxhirit komandues, para gjatë dhe pasi ka ndodhur ngjarja.

Fevziu: Sa i gjatë është regjistrimi?

Hoxha: Komunikimi është i gjatë, por ai që ka vlerë është dinamika e momentit kur është marr vendimi për të hapur zjarr.

Në hetimin e parë prokuroria nuk e ka gjetur, sepse serverat kanë qenë të fshirë. Që të kesh Ministrinë e Brendshme, policinë, gardën dhe shërbimin informtaiv dhe të thuash nuk e gjej dot këtë provë.

Fevziu: Ku e keni gjetur ?

Hoxha: Ekzistonte. Është përdorur një kanal komunikimi për një grup të caktuar njerëzish prej 10 vetësh. Këto urdhëra i kanë dëgjuar zinxhiri komandues i gardës dhe kjo njësia me MP5.  Në radio , dikush ka hyrë në kanal dhe po i regjistronte në diktofon.

Fevziu: Mund të jetë spekulim?

Hoxha: Këtë gjë e vendos hetimi. Video që unë kam nxjerr për 21 janarin atëherë nuk ishte provë, por ajo shërbeu si indicia për të shkuar tek Agim Llupo dhe të gjejnë predhën e automatikut të Agim Llupos në trupin e Ziver Veizit.

Fevziu: Sa e gjatë është?

Hoxha: Për atë pjesën që ka vlerë është diku tek 10 minuta, por regjistrimi është më i gjatë, kjo është indicie për një provë të re. /albeu.com

The post Artan Hoxha tregon si u regjistrua audio-përgjimi i 21 janarit: Dikush ka hyrë në kanal dhe… appeared first on Albeu.com.

Në një prononcim për mediat pasi bëri deklarimin e tij, Hoxha e nisi me humor duke thënë se ka ndjekur këshillën e avokatit Maks Haxhia dhe është veshur trashë për të qëndruar gjatë në polici.

“Duke ndjekur fjalën e avokatit Maks Haxhia për tu veshur trashë në kohë dimri këtu, unë jam veshur me triko leshi, pallto, jam i përgatitur për të qëndruar gjatë”, tha ai.

Ndërkohë, ai theksoi faktin se nuk ka ende një autor për vrasjet e Hekuran Dedës dhe Aleks Nikës.

Hoxha tha se ish-kryeministri Berisha duhet të japë një përgjigje sepse tashmë është e qartë që Garda ka vepruar me urdhër për të ekzekutuar qytetarë të pafajshëm.

“Fakt është se 12 vite pas ne kemi dy të vrarë në bulevard, Hekuran Dedën dhe Aleks Nikën që janë ekzekutuar para kamerave dhe janë pa autorë. Sot ajo që duhet të jepet përgjigje nga ish-kryeministri i kohës që vazhdon me variantin e vjetër që Garda ka zbatuar ligjin për përdorimin e armëve, ndërkohë ajo që kam nxjerrë unë së fundmi tregon se Garda jo vetëm nuk ka zbatuar ligjin por ka ekzekutuar qytetarë të pafajshëm me urdhër, qytetarë që kanë qenë përtej trotuarit.Aleks Nika është ekzektuar te kullat, përballë kryeministrisë, nuk ka qenë as brenda në bulevard.

Sa kohë këto vrasje janë pa autor,dhe dy vajzat e Aleks Nikës nuk kanë një përgjigje kryeministri i kohës Sali Berisha dhe kryeministri që është sot Edi Rama duhet tu japin një përgjigje atyre. Ajo që duhet të marrë përgjigje është kush e ka vrarë Aleks Nikën dhe Hekuran Dedën? Tani dimë se kush e ka vrarë Ziver Veizin.

Edhe ajo video që unë nxora në 21 janar nuk u cilësua provë por shërben si indicie për të çuar te prova. Pamja dëshmoi se nga automatiku i Shefit të Shtabit Agim Llupo ishte qëlluar Ziver Veizi, rrëzoi gjithë alibinë e Sali Berishës”, tha Hoxha. /albeu.com

The post Audio për 21 janarin, Hoxha batuta para Policisë: Jam veshur me triko leshi e pallto, i përgatitur të qëndroj gjatë appeared first on Albeu.com.