Gjatë deklaratës së tij, Berisha tha se blihen pajisje ushtarake nga zona lufte dhe më pas Shqipëria paraqitet si vendi i prodhimit.

“Kjo është një kontrabandë e mirëfilltë, blerja behet nga zona e luftës. Çka është e papranueshme. Ndryshohet vendi i blerjes, paraqitet Shqipëria si vend prodhues, dhe kryeministri investon duke thënë se ne po prodhojmë armën, por në të vërtetë nuk po prodhojmë asgjë dhe transportohen në zonë lufte. Në meritën e atyre punonjësve të ministrisë përkatëse të Ukrainës thonë ne blejmë me tender. Ndërsa Rama dhe kompania e tij thotë çfarë është tenderi. Pra kemi të bëjmë me një super skandal. Ju garantoj se çdo javë do të dëgjoni skandale të tilla. Ai është trafik armësh, të garantoj. Nëse në lëvizjet e armëve nuk respektohen rregulla të caktuara kombëtare dhe ndërkombëtare kemi të bëjmë më kontrabandë dhe trafik armës”, tha lideri demokrat.

Ai deklaroi se opozita do ta ndjekë çështjen si në Kuvend, ashtu edhe në arenën ndërkombëtare.

“Ne do bëjmë çdo përpjekje brenda parlamentit, do bëjmë çdo përpjekje ndërkombëtare për të paraqitur rrezikshmërinë e lartë që ky person paraqet për NATO-n, Rajonin dhe Shqipërinë”, u shpreh Sali Berisha.

The post Audio-përgjimi me Ron Yeffet, Berisha: Superskandal, kemi të bëjmë me kontrabandë dhe trafik a*mësh! Rama, rrezikshmëri të lartë për NATO- n appeared first on Albeu.com.

Kreu i LZHK-së nëpërmjet një postimi në rrjetet sociale thekson se “legalizimet falas rezultuan mashtrimi më i madh në tetë vite, ashtu siç ishin premtimet për shëndetësi falas, për arsim falas dhe për rritje ekonomike”.

Shehi thotë se Lame flet në emër të kryeministrit Edi Rama si të t’i mashtrojnë qytetarët për legalizimin i vë vulën shkërmoqjes shtetit, i vë vulën paturpësinë dhe hajnisë së këtij shteti që për tetë vite talli dhe rrënoi shqiptarët.

Ndër të tjera ai thekson se “shqiptarët më 25 prill nuk do të do t’ja falin poshtërimin Edi Ramës dhe shpurës së tij”.

Postimi i plotë në Facebook

Legalizimet falas të sollën në pushtet, Legalizimet të vendosën vulën e humbësit dhe mashtruesit !

Premtimi për legalizime falas në fund të fushatës të solli një bum votash në vitin 2013, çka solli dhe rrotacionin. Legalizimet falas rezultuan mashtrimi më i madh në tetë vite, ashtu siç ishin premtimet për shëndetësi falas, për arsim falas dhe për rritje ekonomike. Skandali i fundit ku kreu i Kadastrës Artan Lame, flet ne emër të kryeministrit se si ti mashtrojnë qytetarët për legalizimin i vë vulën shkërmoqjes shtetit, i vë vulën paturpësinë dhe hajnisë së këtij shteti që për tetë vite talli dhe rrënoi shqiptarët.

Më 25 prill shqiptarët nuk do t’ja falin poshtërimin Edi Ramës dhe shpurës së tij. Shqiptari gjithë jetën punon për një pronë, vlera e së cilës ka rënë nga paratë e krimit të injektuara në ndërtim. Për të legalizuar këtë pronë të ndërtuar me djersë shqiptarit i duhet të poshtërohet nga shteti, nga Lame nga Rama dhe sekserët e tyre. Fytyra e vërtetë e kësaj qeverie janë ato fjalë të Artan Lames dhe jo video me mesazhe në facebook të Ramës e kukullave të tij. Me 25 prill votojmë së bashku për t’ju rikthyer dinjitetin . Paturpësia dhe rrënimi i shtetit kanë emër, ai është Edi Rama!

The post Skandali në përgjimin e Artan Lames, Dashamir Shehi akuza të forta: Kjo është fytyra e vërtetë e qeverisë appeared first on Albeu.com.