Sulmuesi uruguaian Darwin Nunez mund të largohet nga Arabia Saudite pas vetëm një sezoni me Al-Hilalin, duke u bërë objektivi kryesor i Atlanta United në Major League Soccer. Sipas raportimeve të The Athletic, kontaket mes palëve tashmë kanë nisur.

Ende nuk është arritur një konsensus i plotë, por klubi amerikan po e konsideron me seriozitet të lartë afrimin e lojtarit 27-vjeçar.

Në ishullin britanik, ku Nunez veshi fanellën e Liverpool-it, një kalim i tillë po konsiderohet si një zhvendosje aspak e zakontë në tregun e transferimeve.

Pas mbërritjes në Al-Hilal në fillim të sezonit të shkuar, Nunez duket i destinuar për një tjetër lamtumirë. Ardhja e yllit Karim Benzema nga klubet saudite e ka lënë uruguaianin në hije dhe hapësirat për të janë tkurrur ndjeshëm.

Në total, Nunez zhvilloi 16 ndeshje zyrtare për Al-Hilalin, duke shënuar gjashtë herë dhe duke asistuar katër gola të tjerë.

Ai gjithashtu u grumbullua me përfaqësuesen e Uruguait për Kupën e Botës, e cila u organizua në muajt e verës së kaluar. Për të ishin paraqitjet e para me kombëtaren që prej muajit shkurt, por ekspedita u mbyll me një bilanc dëshpërues.

Ende nuk dihet nëse Atlanta United do të ketë sukses në bindjen e Al-Hilalit për të hequr dorë nga sulmuesi.

Megjithëse skuadra amerikane disponon burimet e mjaftueshme ekonomike për të kryer një operacion të tillë, një marrëveshje përfundimtare mbetet për t’u finalizuar.

The post Darwin Nunez, protagonist i një lëvizjeje atipike gjatë merkatos së verës appeared first on Albeu.com.