Qarkullimi i madh financiar që krijohet gjatë sezonit të dasmave ka nxitur Administratën Tatimore të Kosovës të rrisë aktivitetin në terren.

Gjatë sezonit veror, ATK-ja do të verifikojë nëse bizneset dhe individët që përfitojnë nga dasmat, ahengjet dhe organizimet e tjera familjare po i deklarojnë të hyrat dhe po i përmbushin detyrimet tatimore.

Për këtë qëllim, institucioni ka shtuar kontrollet dhe veprimet operative ndaj dhjetëra veprimtarive të përfshira në këtë industri, e cila në këtë periudhë shënon qarkullim të lartë financiar.

Inspektimet do të përfshijnë sallat e dasmave dhe hotelet, këngëtarët, grupet muzikore dhe DJ-të, por edhe fotografët e videografët. Pjesë e verifikimeve do të jenë gjithashtu bizneset e veshjeve ceremoniale, përfshirë ato që ofrojnë kostume dhe fustane nusërie.

Nën monitorim do të vendosen edhe makeup artistët, hairstylistët dhe frizerët, kompanitë e dekorimit të sallave, organizatorët e eventeve, si dhe ofruesit e ndriçimit dhe të efekteve speciale. Kontrollet do të shtrihen edhe te kompanitë “Rent a Car” që japin automjete për dasma.

Lista e veprimtarive që do të kontrollohen përfshin po ashtu luleshitësit që përgatisin aranzhime dhe zbukurime me lule, si dhe ëmbëltoret që prodhojnë torta dhe produkte të tjera për dasma.

ATK-ja u ka kërkuar qytetarëve të ndihmojnë institucionin duke denoncuar rastet kur dyshohet për mosdeklarim të të hyrave, moslëshim të kuponëve fiskalë ose shmangie të detyrimeve tatimore. Rastet mund të paraqiten në platformën elektronike DENONCO ose në Qendrën e Thirrjeve, përmes numrit 038 222 165.

Sipas institucionit, legjislacioni në fuqi e obligon çdo individ apo biznes që ofron shërbime me pagesë t’i deklarojë të hyrat dhe t’i paguajë tatimet përkatëse.

Administrata Tatimore kërkon që të ardhurat të deklarohen dhe tatimet të paguhen rregullisht, në mënyrë që subjektet të mos përballen me ndëshkime ligjore.

Një thirrje të ngjashme ATK-ja ua kishte drejtuar edhe vitin e kaluar këngëtarëve, artistëve dhe subjekteve të tjera që veprojnë në industrinë e argëtimit, duke u kërkuar respektimin e obligimeve tatimore.

“Angazhimet e shtuara artistike gjatë kësaj periudhe nuk e lirojnë askënd nga përgjegjësitë ligjore. Pagimi i tatimeve përbën detyrim ligjor”, theksohej në njoftimin e institucionit.

Të dhënat e ATK-së tregojnë se nga këngëtarët u mblodhën 2.3 milionë euro tatime vetëm në periudhën janar–gusht 2024. Sipas institucionit, kjo shifër dëshmon një rritje të ndjeshme të deklarimit dhe pagesës së tatimeve nga artistët dhe performuesit e industrisë muzikore.

The post Sezoni i dasmave me qarkullim të lartë, ATK shton kontrollet ndaj këngëtarëve, sallave dhe bizneseve appeared first on Albeu.com.

The Director of the Tax Administration of Kosovo, Mentor Hyseni, was received by the Chief State Prosecutor, Zejnulla Gashi, in a meeting where the expansion of inter-institutional cooperation to combat financial crime was discussed.

During the conversation, Hyseni first extended congratulations to Gashi on assuming the new position. Subsequently, the main issues focused on improving joint efficiency in tackling criminal offenses such as money laundering, tax evasion, and other forms of economic crime, with the aim of consolidating the rule of law in the country.

An important point of the meeting was the more committed implementation of the existing memorandum between the Office of the Chief Prosecutor and ATK. This document provides for data sharing through an intelligence-led investigative platform, which is expected to significantly increase effectiveness in the fight against corruption, money laundering, and organized crime.

The post Gashi-Hyseni Meeting: Need to Strengthen Fight Against Financial Crime Emphasized appeared first on Albeu.com.

Drejtori i Administratës Tatimore të Kosovës, Mentor Hyseni, është pritur nga Kryeprokurori i Shtetit, Zejnulla Gashi, në një takim ku u diskutua zgjerimi i bashkëpunimit mes institucioneve për të goditur kriminalitetin financiar.

Gjatë bisedës, Hyseni fillimisht i shprehu urime Gashit me rastin e marrjes së detyrës së re. Më pas, çështjet kryesore u përqendruan në përmirësimin e efikasitetit të përbashkët në përballjen me veprat penale si pastrimi i parave, evazioni fiskal dhe forma të tjera të krimit ekonomik, me synim konsolidimin e sundimit të ligjit në vend.

Një pikë e rëndësishme e takimit ishte zbatimi më i angazhuar i memorandumit ekzistues mes Zyrës së Kryeprokurorit dhe ATK-së. Ky dokument parashikon ndarjen e të dhënave përmes një platforme hetimore të bazuar në informacione inteligjente, çka pritet të rrisë ndjeshëm efektivitetin në luftimin e korrupsionit, pastrimit të parave dhe krimit të organizuar.

The post Takim Gashi-Hyseni: Theksohet nevoja e forcimit të luftës kundër krimit financiar appeared first on Albeu.com.

Administrata Tatimore e Kosovës ka njoftuar se po forcon kontrollet për të evidentuar fitimet e padeklaruara nga qiradhënia, duke paralajmëruar të gjithë individët që nxjerrin të ardhura nga ky aktivitet, përfshirë edhe nëpërmjet faqeve si Airbnb, të kryejnë detyrimet ligjore tatimore.

Sipas institucionit, qëllimi i fushatës është inkurajimi i respektimit vullnetar të ligjit dhe garantimi i një barazie të plotë midis të gjithë kontribuesve.

Nga analizat e kryera rishtazi, ATK ka zbuluar se një grup i konsiderueshëm individësh kanë përfituar nga marrëveshjet e qirasë pa u regjistruar fare në organet tatimore, pa raportuar fitimet dhe pa shlyer taksat përkatëse.

Për këtë arsye, autoritetet u kërkojnë këtyre personave të ndërmarrin menjëherë tre hapa të domosdoshëm: të pajisen me Numër Fiskal në rast se nuk e kanë bërë ende, të plotësojnë deklaratën e të ardhurave të tyre dhe të kryejnë pagesën e tatimit sipas dispozitave ligjore në fuqi.

ATK thekson se disponon një bazë të dhënash, informacione dhe fakte konkrete që lejojnë identifikimin e qiradhënësve. Në mungesë të një veprimi vullnetar, administrata paralajmëron se do të aplikojë masat e detyrueshme të parapara nga ligji tatimor.

Këto masa parashikojnë regjistrimin e detyruar nga zyra, llogaritjen e taksave bazuar në provat e grumbulluara, aplikimin e kamatëvonesave dhe gjobave, si dhe çdo veprim tjetër administrativ e penal që e lejon kuadri ligjor.

Në deklaratën e saj, ATK ripohon angazhimin për të promovuar pagesën e taksave në rrugë vullnetare dhe për të siguruar ligjshmëri të plotë në trajtimin e të gjithë tatimpaguesve.

Për çdo informacion shtesë mbi procedurat e regjistrimit, deklarimit dhe pagesës, qytetarët ftohen të shfrytëzojnë kanalet zyrtare të komunikimit ose të paraqiten fizikisht në zyrat rajonale të Administratës Tatimore.

Mesazhi përmbyllës i institucionit mbetet i qartë: përmbushja me dëshirë e detyrimeve është alternativa më e favorshme për të gjithë.

The post ATK shton presionin ndaj qiradhënësve për deklarimin e të ardhurave nga pronat appeared first on Albeu.com.

Ngjarja ka ndodhur në zonën e “Pazarit të Ri” ku mësohet se Ibrahimaji i kishte zënë pritë Koshajt.

Një ngjarje në përmasat e skandalit ka ndodhur mëngjesin e datës 20 Nëntor 2023, në mes të Tiranës, por që është mbyllur nga përfshirja e drejtuesve të disa institucioneve të rëndësishme shtetërore. Sigurisht, autori i goditjeve me thikë është burri i një ministre.

Rasti është kallëzuar dhe në Policinë e Tiranës, në Komisariatin Nr.1 nga Eri Koshaj, por institucionet kanë heshtur. Me kërcënime dhe ndërhyrje të shumta “nga lart”, kallëzimi i Drejtorit të Përgjithshëm në Ministrinë e Financave është pluhurosur në sirtare.

Prokuroria e Tiranës ka marrë materialet proceduriale të referuara nga blutë e kryeqytetit, por ka vendosur që të pushojë çështjen. Nga ndikimi dhe influenca e fortë e njerëzve të përfshirë në ngjarje vetëkuptohet dhe vendimi i organit të akuzës. Në ekzaminimin e Institutit të Mjekësisë Ligjore, kryer nga mjeku ligjor Harallamb Martopullo provohet se në trupin e shtetasit Eri Koshaj janë konstatuar dremishje në pjesën e fundshpinës të shkaktuara nga një mjet prerës. Delina Ibrahimaj u largua nga drejtimi i Ministrisë së Financave dhe Ekonomisë në Shtator 2023, për të marrë drejtimin e Ministrisë së Sipërmarrjes, detyrë të cilën e mban dhe aktualisht.

Ibrahimaj kërcënonte Koshajn prej një kohe të gjatë që të jepte dorëheqjen

Arsyeja e këtij konflikti që degjeneroi deri në përdorimin e thikës nga ana e burrit të ministres socialiste, Andri Ibrahimaj, është pikërisht posti që mban Eri Koshaj si drejtor i Përgjithshëm i Agjencisë së Trajtimit të Kredive. Atij i është kërkuar vazhdimisht të japë dorëheqjen, gjatë kohës që bashkëshortja e Andri Ibrahimaj drejtonte Ministrinë e Financave.

Agjencia e Trajtimit të Kredive është një institucion në varësi të kësaj ministrie dhe shtetasi Eri Koshaj nuk ka pranuar që të largohet pas presioneve dhe kërcënimeve. Një tjetër detaj që thellon skandalin ku është përfshirë Andri Ibrahimaj, bashkëshorti i ministres Delina Ibrahimaj. Ky shtetas i ka kërkuar vazhdimisht Eri Koshaj që të jepte dorëheqjen sepse drejtor do të emërohej një shok i tiji. Pra, burri i ministres Delina Ibrahimaj duket se de fakto drejtonte Ministrinë e Financave, sepse vendoste se kush do të emërohej dhe kush do të largohej nga detyra.

Përndjekjet ndaj shtetasit Eri Koshaj janë shtuar përgjatë muajve dhe mëngjesin e datës 20 Nëntor 2023, Andri Ibrahimaj sapo e ka parë duke kaluar në rrugë ka dalë nga lokali ku ndodhej, duke shkuar drejt Drejtorit të Agjencisë së Trajtimit të Kredive. Aty e ka kanosur dhe ofenduar me fjalë fyese, ndërsa ka tentuar dhe ta çojë drejt një ambienti tjetër privat për “t’u sqaruar”.

Kur drejtori nuk ka pranuar, referuar dhe kallëzimit të depozituar në Komisariatin Nr.1 në Tiranë, burri i ministres ka nxjerr nga brezi një mjet në dukje prerës dhe e ka qëlluar në pjesën e brinjëve dhe të fundshpinës. Këto goditje ndaj drejtorit të Agjencisë së Trajtimit të Kredive janë provuar dhe nga Instituti i Mjekësisë Ligjore.

Ngjarja u fsheh, Andri Ibrahimaj largohet nga Shqipëria

Interesante është dhe ajo që ka ndodhur pas kësaj ngjarje. Andri Ibrahimaj është larguar menjëherë nga Shqipëria, e provuar kjo dhe nga sistemi TIMS. Nga frika se mos rasti bëhej publik dhe ai arrestohej, burri i ministres Delina Ibrahimaj ka vendosur të ikë nga vendi atë periudhë. Shteti është vënë në dispozicion të tij.

Ngjarja është tentuar të fshihet dhe Eri Koshaj është kërcënuar që të mbyllë gojën. Ai është shkarkuar nga posti i Drejtoritë të Përgjithshëm në Agjencisë e Trajtimit të Kredive, institucion në varësi të Ministrisë së Financave që sot drejtohet nga Ervin Mete, dhe asnjë institucion nuk ka marrë masa për një sulm fizik në përmasat e skandalit.

Pjesë në këtë shkarkim ka dhe vetë ministrja Delina Ibrahimaj, e cila edhe përse është larguar nga Financat ka aty të gjithë stafin që ka emëruar në vite dhe bën ligjin. Ashtu siç u tentua dhe me drejtorin e ATK-së, por ky i fundit nuk pranoi të largohej për t’ia lënë postin shokut të burrit të ministres. Punë ka, por dhe profesionistë po! Ama në Shqipëri ka një rregull të pashkruar që nuk të lënë të punosh kur je i aftë…/ Lapsi.al

The post Bashkëshorti i ministres Delina Ibrahimaj qëllon me thikë drejtorin e ATK, ngjarja në mes të Tiranës u mbajt e fshehtë appeared first on Albeu.com.

Administrata Tatimore e Kosovës, ka njoftuar se trajtimi i borxheve ndaj tatimpaguesve, të cilët nuk ju kanë përgjigjur kërkesave të ATK-së për pagesën e obligimeve tatimore, ka vazhduar me procedura te masave së sforcuara.

Lidhur me këtë departamenti i Mbledhjes së Detyrueshme me datë 20 dhe 23 maj 2022 ka zhvilluar aksion tek 14 subjekte biznesore, tek të cila janë ndërmarrë masat e konfiskimit.

“Aksioni në fjalë është zhvilluar në Prishtinë, Ferizaj, Prizren dhe Gjilan, ku si rezultat  është arritur që të mbledhin afro 1 milion euro borxhe (939, 290 euro). Po ashtu, nga masat e ndërmarra përveç borxhit të inkasuar është arritur që pjesën tjetër të borxhit ta paguajnë sipas marrëveshjeve- pagesa e borxheve me këste”, thuhet në njoftimin e ATK.

Ky aktivitet në të njëjtën kohë ka rezultuar edhe me konfiskimin e pasurisë së paluajtshme në vlerë prej 775,053.64 euro, vlerë e borxhit që tatimpaguesit kanë pasur ndaj institucionit.

“Aksione të ngjashme do të zhvillohen edhe ditëve në vazhdim, tek të gjithë subjektet biznesore që kanë borxhe ndaj ATK-së. Trajtimi i barbarët i tatimpaguesve, do të vazhdoj ta karakterizoj ATK-në, pasi që vetëm në këtë mënyrë institucioni do të arrit të ketë shtrirje gjithëpërfshirës”, thuhet në njoftim.

ATK ditë më parë po ashtu ka njoftua se trajektorja e lëvizjes së të hyrave nga rreth 42.9 milionë euro që kishte tejkaluar të hyrat për tre muajt e parë,  ka shënuar rritjen tjetër, ku vetëm për katër muajt e parë të këtij viti janë inkasuar 269.4 milionë euro tatime, që në krahasim me vitin e kaluar kemi rritje për 68.5 milionë euro apo 34.1%.

“Tejkalim të të hyrave ATK nuk ka vetëm në raport me vitin paraprak, por edhe në krahasim me planin, ku rritja e të hyrave në raport me planin ka shkuar në 39.5 milionë euro  apo 17.2%. Të gjitha këto statistika janë reflektim i madh në zvogëlimin e hendekut tatimor, pasi që çdo rritje e inkasimit nënkupton zvogëlim të hendekut tatimor”.

Më tej në njoftim thuhet se pavarësisht këtij trendi rritës të të hyrave, ATK është duke punuar fuqishëm në identifikimin e çdo rasti, i cili i shmanget obligimeve tatimore siç parashihet me legjislacionin tatimor.

Në rritjen e të hyrave, gjithashtu rol të rëndësishëm ka luajtur rritja e llogaridhënies dhe e përgjegjësisë te stafi, rritja  e inkasimit të mbledhja e borxheve, lehtësirat për tatimpaguesit në deklarimin dhe pagesën e tatimeve.

Institucioni i ATK-së çdoherë e ka konsideruar si “inspektor” më të mirin qytetaret, të cilët përmes raportimeve për çdo parregullsi tatimore të hasur, kanë arritur që të krijojnë partneritet të fortë me ATK-në./monitor

The post Administrata Tatimore për dy ditë mbledh afro 1 milion euro borxhe në Kosovë appeared first on Albeu.com.