Atiq Ahmed, i cili ishte nën shoqërimin e policisë, po fliste për gazetarët në momentin që disa persona nxorën armën dhe e qëlluan në kokë. Ngjarja ndodhi në Prayagraj, i njohur ndryshe si Allahabad.

Pas të shtënave të shtunën mbrëma, tre burra që ishin hequr si gazetarë iu dorëzuan policisë. Djali adoleshent i Ahmed-it u qëllua për vdekje nga policia disa ditë më parë.

Dhjetëra raste, duke përfshirë rrëmbim, vrasje dhe zhvatje, janë regjistruar kundër Atiq Ahmedit gjatë dy dekadave të fundit. Ai dhe dy persona të tjerë u dënuan me burgim të përjetshëm në mars të këtij viti për një rast rrëmbimi.

Ahmed kishte pohuar më parë se ishte kërcënuar me jetë nga policia. Në pamjet e publikuara nga mediat ndërkombëtare shihen Ahmedin dhe vëllai i tij, Ashraf, të dy në pranga, duke folur me gazetarët rrugës për një kontroll mjekësor në një spital disa sekonda para se të qëlloheshin të dy.

Në pamjet, të shpërndara në mediat sociale dhe kanalet televizive, Ahmedi pyetet nëse mori pjesë në funeralin e djalit të tij.

Fjalët e tij të fundit para kamerës janë: “Nuk na morën, prandaj nuk shkuam”.

Tre sulmuesit e dyshuar, sipas policisë, kishin mbërritur me motoçikleta ndërsa në vendngjarje kanë mbetur të plagosur edhe një polic dhe një gazetar./Albeu.com

The post Video/ Ish-deputeti indian dhe vëllai i tij qëllohen për vdekje drejtpërdrejt në TV appeared first on Albeu.com.