Megjithëse e merr emrin nga Athena, Mbretëresha e Diturisë, dhe konsiderohet si vendlindja e demokracisë dhe civilizimit perëndimor, ‘nëntoka’ e kryeqytetit grek duket se shënohet dhe këtu nga dhuna mes bandave të zhvatjes dhe trafiqeve.

Rrjeti Daily Mail shkruan për vrasjen e fundit me kallashnikov të një kreu mafioz në Greqi që u godit nga një rrebesh plumbash teksa qëndronte në makinën e tij.

Vangelis Zambounis ra në grackën e vdekjes në orët e para të 14 janarit teksa qëndronte në makinën e tij BMV.

44-vjeçari mafioz i njohur në vend me nofkën ‘Proshuta’ kishte parkuar pranë një pike karburanti, para se vrasësit të vinin nga prapa me një makinë të vjedhur Jeep Lexus me targa false.

Kamerat e sigurisë tregojnë burrin e maskuar që i afrohet fuoristradës së Zambounis para se të qëllojë dhjetra herë në dritaren e derës së tij.

Policia tha se ‘Proshuta’ zonat perëndimore e jugore të Athinës me një rrjet gjobash e zhvatjeje ndaj bizneseve e individëve, si dhe akuzohet për disa vrasje të rivalëve gangsterë.

Kreu i policisë Stavros Balaskas tha: “Ai jetonte ‘me shpatë në dorë’, dhe rrjedhimisht prej saj vdiq, ose më saktë prej plumbave”.

“Ata që kryen sulmin dukeshin të vendosur për ta realizuar”.

Policia tha se ka ndaluar shtatë të dyshuar për vrasjen me porosi që besohet se është ose një akt hakmarrjeje ose një tentativë marrje e kontrollit të aktivitetit mafioz.

‘Bizneset’ e tyre janë trafiku i drogave, kontrabanda e naftës, pastrimi i parave, prostitucioni e trafiku njerëzor.

The post Video/ Ekzekutimi mafioz në Athinë trondit kryeqytetit turistik të Greqisë appeared first on Albeu.com.

Më tej thuhet se sipas informacioneve, sot në COREPER (Këshilli i Përfaqësuesve të Përhershëm të Shteteve Anëtare të BE-së) Greqia ka shprehur hezitim në lidhje me ecurinë e procesit të anëtarësimit të Shqipërisë, duke bërë të qartë se nuk do të japë pëlqimin për ecurinë e negociatave të anëtarësimit të Shqipërisë nëse nuk do të ketë zhvillime pozitive në lidhje me marrjen e detyrave të kryetarit të zgjedhur të Bashkisë Himarës, Fredi Beleri.
Në tetor, Greqia nuk ka pranuar dërgimin e letrës së “27”-ve për hapjen e një sërë Kapitujsh në pikënisjen e negociatave të anëtarësimit në BE me Shqipërinë.

“Athina me deklaratat e ministrit të Jashtëm Giorgos Gerapetritis dhe me misionin në Tiranë të ministrit të shtetit Stavros Papastavros i cili vizitoi Fredi Belerin në burgun e Durrësit, ka dërguar një mesazh të qartë se do të përdorë çdo mjet presioni që ka në dispozicion, për të rrëzuar këtë ndjekje penale arbitrare dhe politike ndaj Belerit, i cili dhunon brutalisht Shtetin e Ligjit në Shqipëri”, shkruan “Protothema”.

The post Greqia paralajmëron sërish Shqipërinë, Athina letër BE: Pa u zgjidhur çështja e Belerit, nuk ka pajtim për hapjen e negociatave appeared first on Albeu.com.

Pas vendimit të sotëm të Apelit, ka reaguar Ministria e Jashtme e Greqisë, përmes një deklarate, ku thekson se mbajtja e tij në paraburgim nuk është e drejtë pasi është i vetmi i arrestuar në mesin e 31 ankesave për shkelje zgjedhore.

Ministria e Punëve të Jashtme shprehu reagimin e saj për vazhdimin e masës së paraburgimit për Fredi Beleris , siç vendosi sot Gjykata e Apelit e Gjykatës së Posaçme të Tiranës.

“Mbajtja në paraburgim e Fredi Belerit nuk përbën një trajtim të drejtë të një përfaqësuesi të zgjedhur të pushtetit vendor pasi është i vetmi i arrestuar në gjithsej 31 ankesa për shkelje zgjedhore.  Vendimi i autoriteteve shqiptare ngre pikëpyetje në lidhje me ekzistencën e përshtatshmërisë politike për mbajtjen e paraburgimit, pasi ngre pengesa thelbësore për marrjen e detyrës së Fredi Belerit, si kryetar bashkie”.

Reagimi i plotë:

“Refuzimi i sotëm i ankesës së kryetarit të zgjedhur të Himarës, Fredi Beleri, kundër vazhdimit të paraburgimit të tij, nuk rezulton të jetë në përputhje me dispozitat e shtetit të së drejtës, ndërkohë që nuk përbën trajtim të drejtë të një përfaqësues i zgjedhur i vetëqeverisjes vendore, pasi siç del nga Njoftimi i Prokurorisë Speciale të Shqipërisë, është i vetmi paraburgim në gjithsej 31 ankesa për krime zgjedhore.

Ai gjithashtu ngre pikëpyetje për ekzistencën e përshtatshmërisë politike për mbajtjen e paraburgimit, pasi ngre pengesa thelbësore që F. Beleri të marrë detyrën e tij si kryetar bashkie.

Paraburgimi në vazhdim i F. Belerit ka qenë objekti i bisedës së sotme mes ministrit të Jashtëm Vasilis Kaskareli dhe homologes së tij shqiptare Olta Xhaçka në Oslo, në margjinat e takimit joformal ministror të ministrave të jashtëm të NATO-s.

Ministria e Punëve të Jashtme e mban çështjen shumë lart në prioritetet e saj dhe, përtej dimensionit dypalësh të çështjes, do të vazhdojë të informojë dhe ndërgjegjësojë komunitetin ndërkombëtar dhe në veçanti partnerët europianë, pasi Shqipëria është vend kandidat për anëtarësim në BE”.

The post Fredi Beleri u la në burg, reagon Athina zyrtare: Vendimi i Apelit, jo në përputhje me dispozitat e shtetit të së drejtës appeared first on Albeu.com.