Disa persona janë shoqëruar në polici në lidhje me atentatin e ndodhur këtë pasdite në Dobraç të Shkodrës.

Të vdekur mbetën Hamza Lici, Arlind Bushati dhe Flutura Basha, ndërsa po lufton për jetën bashkëshorti i saj Bashkim Basha.

Si ndodhi ngjarja?

Një makinë në lëvizje me autorë ende të paidentifikuar qëlloi në armë zjarri drejt Hamza Licit dhe Arlind Bushatit.

Lici ndërroi jetë, ndërsa Arlind Bushati luftoi për jetën në spital për disa orë pasi mori një plumb në kokë.

Lici dhe Bushati po udhëtonin nga Shkodra drejt Koplikut me makinën tip Benz me targa kroate, në momentin që u qëlluan.

Viktima Hamza Lici është vëllai i Ibraim Licit, i kërkuar për vrasje.

Përpara disa ditësh Arlind Bushati denoncoi në polici një atentat të dështuar ndaj tij në qendër të qytetit të Shkodrës.

Ai po qëndronte jashtë një lokali kur dy të rinj iu afruan me motor dhe I drejtuan armën, por dyshohet se arma u është bllokuar.

Në këtë masakër me tre viktima, e vdekur mbeti edhe një kalimtare e cila po udhëtonte më motor së bashku me bashkëshortin.

Bashkim Basha dhe Flutura Basha kanë qenë duke udhëtuar me motor kur mjeti tip Benz me të cilin po udhëtonte Lici dhe Bushati ka humbur kontrollin dhe i ka përplasur.

Për shkak të plagëve të rënda Flutura Basha ka ndërruar jetë, ndërsa Bashkim Basha vazhdon të jetë në gjendje të rëndë, aktualisht i vetmi i plagosur nga ngjarja.

Dyshimet e para nga atentati janë përplasjet mes dy grupeve, Bajrave dhe Licëve.

Sipas policisë, është ngritur një grup i posaçëm hetimor dhe në drejtimin e Prokurorisë vijojnë hetimet për zbardhjen e rrethanave dhe sigurimin e provave, identifikimin dhe kapjen e autorëve.

Deri më tani disa persona janë shoqëruar në komisariat, ndërsa ende nuk ka një autor.

The post Vrasja në Shkodër/ Shoqërohen 10 persona në polici, mes tyre dhe Safet Bajri appeared first on Albeu.com.

Sipas burimeve mësohet se dy gjyqtarët Engert Pëllumbi dhe Laurant Fuçia kanë kërkuar të dorëhiqen por nuk kanë dhënë detaje mbi arsyen e dorëheqjes. I vetmi që nuk është dorëhequr ka qënë Sokol Ngresi nga treshja gjykuese.

Brënda seancës është bërë zëvendësimi i trupës gjykuese ndërsa dy gjyqtarët e rinj kanë kërkuar kohë për t’u njohur me aktet  e shkallës së parë ku po gjykohet çështja për të të përcaktuar nëse kanë kaluar ose jo afatet. Seanca e radhës pritet të jetë data 21 Prill në orën 13:00 .

Daut Elmazi, banues në Vlorë, Albano Goxhaj, banues në Fier, Dejvison Serjani, banues në Tiranë dhe Ardjan Ahmeti, banues në Tiranë nëpërmjet avokatëve të tyre kanë bërë kërkesë për ndryshim mase . Sipas burimeve nga gjykata, ata kanë kërkuar ndryshimin e masës së paraburgimit në një masë më të lehtë ndërkohë që shtyrja e seancës është bërë disa herë për arsye të ndryshme.

Ngjarja u regjistrua më 10 maj të 2019  në lagjen “Uji i Ftohtë” në Vlorë, ku Hajrulla u qëllua me armë zjarri nga një automjet në lëvizje, teksa ishte ulur në një lokal. Hajrulla i shpëtoi atentatit, por u plagos rastësisht Dajko Cenodemaj që po pinte kafe në Lungomare me disa miq. Autorët pasi u larguan dogjën automjetin në Babicë të Vogël./albeu.com/

The post Do të jepnin sot vendimin për atentatorët e Inez Hajrullait, dorëhiqen papritur dy gjyqtarët appeared first on Albeu.com.