Gazetarja Klodiana Lala raporton se autorët lëviznin me dy automjete të dyja tip Audi, por janë larguar me vetëm një makinë, duke “ braktisur” automjetin tjetër përballë biznesit të viktimës.
Shkak për këtë mund të jetë bërë edhe shkëmbimi zjarrit që ka ndodhur në vendngjarje.

Autori i dyshuar i vrasjes Lulzim Tabaku bashkë me persona të tjerë shkoi në lokalin në pronësi të vëllezërve Ismaili për t’u sqaruar për një konflikt të mëparshëm.

Fillimisht autori ka debatuar me 66-vjeçarin dhe më pas janë përleshur fizikisht. Dyshohet se Rexhep Ismaili ka marrë një armë zjarri automatike dhe ka qëlluar drejt grupit të personave me të cilët u konfliktua, por kundërpërgjigjja ishte e menjëhershme. Lulzim Tabaku qëlloi me një plumb në kokë Rexhep Ismailin, i cili ndërroi jetë menjëherë në vendngjarje.

Policia e Sarandës bën të ditur se i plagosur mbeti edhe një person tjetër që shoqëronte Lulzim Tabakun autorin e dyshuar të vrasjes, por deri tani askush me plagë arme nuk është paraqitur në spital për të marrë ndihmë mjekësore.

The post Atentati në Sarandë/ Autorët me dy mjete “Audi”, njërën e lanë në vendngjarje! Ismaili qëlloi me automatik pastaj… appeared first on Albeu.com.

Gjatë publikimit të dokumentave që i referohen kësaj ngjarje, shihet se edhe pse Prokuroria Shkodër ishte e bindur në gjetjet e saj ndaj Jozef Mujecit dhe kushëririt të tij Kreshnik Mujeci në lidhje me vrasjen e Genc Mhillaj, Gjykata e Shkallës së Parë Shkodër çmoi se këto prova nuk ishin të mjaftueshme për të shpallur të fajshëm dy kushërinjtë Mujeci..

“Organi i akuzës çmon faktin se i pandehuri Jozef Mujeci pak ditë më parë ishte konfliktuar me të ndjerin Genc Mhillaj, kjo konfirmuar nga deklarimi i dëshmitarëve të pyetur në gjykim. Gjë që rezulton të jetë e vërtetë”, thuhet në vendimin e gjykatës së Shkodrës.

Por gjykata nuk rrëzoi dyshimin e fortë se atë ditë makina kishte lëvizur.

Kjo e bazuar edhe në disa përgjime ambientale që vërtetonin një gjë të tillë.

Ku në bisedën midis dy personave që kishin dijeni lidhur mbi këtë ngjarje, u përftua ky përgjim.

Nga përgjimet, shihet se Gj. H bisedon me B. M

Gj. H: Më kallëzo çfarë ke thënë?

B.M: Jo mor, nji orë para ka lëviz makina, ndryshe na rrasin brenda, e hajmë për moskallëzim krimi. Veç një orë para është parë makina tu lëviz, por nuk e njohim personin. Kështu ke më thënë.

E hamë për moskallëzim krimi deri në katër vjet. Një orë para se me ardh policia, por personin nuk e njohim…paska vra njërin ky.

Gj. H: Po e ka vra tjetri mor burrë…

B.M: Po mor po. Po ky i paska letrat e pikme, dëgjova tu fol.

Borxh i kemi vedit, si ka mundësi mor, kujt i shkoi mendja kjo punë, ça sta merr mendja. Po ai me e pru makinën në shpi’.

Një tjetër pikë e cila bindi Gjykatën të rrëzojë prokurorinë në pretendimet e saj, në lidhje me fajësinë e Jozef Mujecit, ishte edhe procesverbali i mbajtur në banesën e babait të tij, përsa i përket gjendjes në të cilën u gjet automjeti tip ‘Audi’ A3.

Ku pala mbrojtëse këmbënguli se ishin shtuar element të cilët nuk qëndronin, vetëm e vetëm për të fajësuar klientin e tyre.

“Në kërkesën për gjykim, prokuroria, citon se nga verifikimi në vend i mjetit ka rezultuar se sadokarti, kofano e makinës dhe tamburet ishin të nxehta. Sipas prokurorisë ky fakt tregon se automjeti ‘Audi’ A3, me targa AA 966 JL, në pronësi të Jozef Mujecit ka lëvizur në ditën e ngjarjes”, thuhet në vendim.

Ky pretendim i prokurorisë është kundërshtuar fort nga ana e mbrojtjes duke u pretenduar se ‘ky informacion është krejtësisht i pasaktë, abuziv deri në kufijtë e shpërdorimit të detyrës nga ana e personit që ka përpiluar një informacion të tillë’, pasi sipas mbrojtjes së të pandehurve në asnjë moment në procesverbalin në fjalë nuk pasqyrohet fakti i paraqitur nga ana e prokurorisë.

Po sipas mbrojtjes në asnjë provë të administruar gjatë këtij gjykimi nuk rezulton të jetë cilësuar fakti se mjeti i gjendur në banesën e babait të pandehurit Jozef Mujeci, ‘Audi’ A3 të ketë patur tamburë dhe sodokartë të nxehtë. Për këtë arsye gjykata pasi u njoh me ‘Procesverbalin e kqyrjes së mjetit’, datë 6 Tetor 2016, e gjen të drejtë pretendimin e mbrojtjes se në rastin konkret në kërkesën për gjykim dhe konkluzionet përfundimtare janë shtuar disa elementë, të cilat nuk janë konstatuar në fakt në procesverbalin e pyetjes.

Por pavarësisht se makina në pronësi të Jozef Mujecit, është e vërtetuar se ka lëvizur në vendin e ngjarjes, ditën e krimit, Gjykata çmoi se Prokuroria nuk vërtetoi se në drejtimin e këtij automjeti ishte pikërisht i dyshuari.

Ndërkohë që sipas Gjykatës, Prokuroria është ndalur vetëm në faktin se pronar me letra i makinës është i pandehuri Jozef Mujeci. Dhe kaq mjafton që të ketë qenë ky i fundit që e ka lëvizur automjetin ditën e ngjarjes.

Por nuk ka investiguar nëse këtë makinë këtë ditë mund ta ketë përdorur dikush tjetër, qoftë edhe i afërm i tij.

Ndërkohë që gjykata u mbështet në këtë deduksion edhe në aktin e ekspertimit daktiloskopik ku rezulton se në automjetin në pronësi të pandehurit Jozef Mujeci nuk konstatohet asnjë gjurmë e këtij të fundit.

Por përkundrazi është konstatuar gjurmë e shtetasit D. M dhe po ashtu gjurmë të tjera të personave të paidentifikuar.

“Ky fakt tregon qartazi se automjeti në fjalë është përdorur dhe nga persona të tjerë dhe fare mirë kjo mund të ketë ndodhur dhe ditën e ngjarjes.

Gjykata vlerëson se në mënyrë të gabuar gjithë hetimi i prokurorisë është drejtuar në funksion të gjetjes së provave në ngarkim të pandehurit Jozef Mujeci dhe jo në drejtim të gjetjes së autorëve të vrasjes së të ndjerit Genc Mhillaj”, thuhet në vendimin e gjykatës sëe Shkallës së Parë Shkodër.

Nga ana e prokurorisë nuk është hetuar në lidhje me automjetet e deklaruara në oborrin e banesës së shtetasit Pjetër Mujeci. Ndërkohë që shtetasi B. M, deklaron se ‘aty kanë qenë dy makina, një fuoristradë ngjyrë si e zezë dhe një veturë e vogël tip ‘Audi’, ngjyrë e zezë.’

Sipas gjykatës ky fakt konfirmohet edhe nga deklarimi i shtetasit Gj. H.

Po kështu në asnjë procesverbal të kontrollit apo të kqyrjes së vendit të ngjarjes nuk pasqyrohet mjeti fuoristradë e zezë dhe për rrjedhojë nuk dihet pronësia e këtij mjeti.

Si rrjedhojë Gjykata konkludon se ky mjet nuk është larguar.

Po kështu gjykata nuk i ka cilësuar të qëndrueshme pretendimet e prokurorisë se Jozef Mujeci pasi ka kryer vrasjen ka lënë mjetin tip ‘Audi’ në banesën e tij dhe më pas është larguar për në fshatin Boriç i Madh, me një kamionçinë, ku u gjet pas krimit, i fshehur te një i afërm i tij.

Ashtu sikurse gjykata nuk e cilësoi me vend faktin që Prokuroria e mbështeti akuzën e saj ndaj Jozef Mujecit dhe Kreshnik Mujecit në dëshminë e dhënë nga shtetasi T. E. i cili në gjykatë dha një version të ndryshëm nga ai në Prokurori.

Gjatë gjykimit në cilësinë e dëshmitarit T. E, deklaroi se: ‘Jozef Mujecin dhe Kreshnik Mujecin i njoh … ndodhi një vrasje, unë dëgjova krisma, i pashë duke gjuajtur me armë, ishin dy persona, nuk i njoha këta persona. I pashë, por nuk i njoha se ishte me sekonda kjo punë … larg nja 60-70 metër, ishte ditën. …

dëgjova krisma, pashë këta dy personat që hipën në makinë, njëri ishte me armë, tjetri me shkop në dorë, hipën në makinë ikën, ishte makinë e zezë, ‘Audi’ në mos gabohem, veturë, ‘Audi’ e zezë, targa nuk pashë. Personat qenë njëri me maskë, tjetri pa maskë…’

Ndërkohë që në prokurori T. E tha:

‘… Kur kam shkuar në afërsi të urës kam vënë re se një makinë tip ‘Audi’, ngjyrë e errët, targat nuk ia kujtoj, por ajo makinë me sa di unë është e shtetasit Jozef Mujeci dhe ka ndaluar në rrugë, në hyrje të urës duke bllokuar rrugën…

Nga mjeti ‘Audi’ kanë zbritur dy shtetas, njëri që zbriti nga sedilja e pasagjerit ishte me një shkop në dorë, kurse shoferi është ulur me automatik në dorë.

Personi që kishte automatikun ishte pa maskë, ndërsa ai që ishte me shkop në dorë ishte me maskë.

Kam dëgjuar se personi që kishte automatikun bërtiste ‘ulu në tokë’.

Pasi e vranë erdhën e hipën në makinë dhe duke u kthyer indietro ikën në drejtim të Torovicës…

Personi që ka patur shkopin në dorë ka qenë i gjatë dhe i dobët.

Për momentin nuk e kam njohur, por pas ngjarjes më kujtohet se ka qenë shtetasi Jozef Pjetër Mujeci që jeton në Koljakaj, të Torovicës, i gjatë, ezmer, me flokë të shkurtër, i veshur me rroba të zeza.

E njoh shtetasin Jozef Mujeci sepse janë malësorë, ashtu sikur jam dhe unë”.

Por ndryshe nga Prokuroria, gjykata vlerësoi se ka prova dhe dëshmi të mjaftueshme, të cilat vërtetojnë se atë ditë Jozef Mujeci nuk ka qenë në vendngjarje.

Ndërkohë që ana e prokurorisë, nuk u hodh poshtë me prova gjyqësore alibia e të pandehurit se në momentin e ngjarjes ai ka qenë në Koplik, duke shitur me kamionçinën e tij.

Apo qoftë me një provë gjyqësore prania e të pandehurit në vendin e ngjarjes.

Në të kundërt provat e paraqitura nga ana e të pandehurit Jozef Mujeci, por madje dhe provat e mbledhura nga vetë Prokuroria provojnë faktin se i pandehuri Jozef Mujeci ka qenë shumë larg vendit të ngjarjes në datën 6 Tetor 2016, rreth orës 11.00. kur është vrarë viktima Genc Mhillaj.

Gjykata e Shkallës së Parë Shkodër

Së pari, prania e të pandehurit Jozef Mujeci në vendin e deklaruar prej tij provohet prej dëshmisë së shtetasit N. D. Nga ana tjetër dëshmia e këtij shtetasi konfirmohet dhe nga dëshmitë e tri shtetasve të tjerë të cilët në harmoni me njëri-tjetrin pranojnë faktin se, ditën e ngjarjes rreth orës 11.00-11 30, Jozef Mujeci ka parkuar kamionçinën e tij në oborrin e Gjokë Ograjës, në fshatin Gruemirë.

Duke marrë parasysh faktin se ngjarja ka ndodhur rreth orës 11:00 në një zonë, e cila ndodhet rreth 1 orë larg, për gjykatën mundësia e qenies së të pandehurit në vendin e ngjarjes paraqitet e zbehtë.

Kjo sipas Gjykatës vërtetohet edhe nga përgjimet ambientale midis Jozef Mujecit dhe babait të tij Pjetër Mujeci.

Ky i fundit i cili i kërkon të birit t’i thotë të vërtetën, nëse është ai autor i vrasjes së Genc Mhillaj.

Gjë që mohohet nga Jozef Mujeci.

Ndërkohë që një nga dëshmitarët okularë të pranishëm në momentin e krimit, pavarësisht se e njihte Jozef Mujecin, nuk dha asnjë deklaratë që të ishte ky i fundit që qëlloi mbi Genc Mhillaj.

Gjykata e Shkallës së Parë Shkodër

Gjatë marrjes në pyetje F. K, deklaroi se: ‘ … Dua të them se personat që na dolën përpara, njëri nga ata ishte me maskë të zezë në kokë dhe ishte rreth 1.80 m i gjatë,

ndërsa personi i dytë që kishte automatikun ishte pak më i shkurtër se personi me maskë dhe kishte të veshur një bluzë të errët me krahë të shkurtra dhe një palë pantallona me ngjyrë të errët…

Dy personat erdhën me vrap dhe hipën në makinë, duke ikur në drejtim të rrugës që të çon në Torovicë’.

Ndërsa nga transkriptimi i përgjimit ambiental midis Jozef Mujecit dhe babait të tij ky i fundit e pyet nëse duke shitur bostan në Malësinë e Madhe ka qenë në shoqërinë e Nikollës së Zekës apo Nikollës së Zi dhe vetë i pandehuri i tregon se ka qenë në shoqërinë e Nikollës së Zekës.

N.D i cili në gjykim në cilësinë e dëshmitarit konfirmoi faktin e të qenit me të pandehurin ditën e ngjarjes në Koplik.

Por po kështu sipas Gjykatës prezenca e Jozef Mujecit ditën dhe orën e ngjarjes në rrethin e Koplikut u arrit të provohej në mënyrë shkencore edhe nga analizimi i tabulateve telefonike.

Ku rezulton të jetë i loguar në Koplik.

Ndërkohë që po kështu rezulton që as Kreshnik Mujeci dhe as Lin Mujeci të kenë komunikime me numrat e telefonit në përdorim nga Jozef Mujeci, më datën 6 Tetor 2016 dhe në vijim.

Gjykata e Shkallës së Parë Shkodër

Logimet e numrit të telefonit në përdorim të pandehurit tjetër Kreshnik Mujeci janë në antenat Komuna Balldren, fshati Torovicë dhe fshati Dajç.

Të tre numrat e telefonit në përdorim të Jozef Mujecit, nuk rezultojnë që gjatë harkut kohor 10:30 -12.00, të jenë loguar në të njëjtat antena me numrin në përdorim të Kreshnik Mujecit.

Përsa i përket Kreshnik Mujecit, Gjykata e vlerësoi si të pamjaftueshme vetëm faktin që makina e tij ishte gjetur 2-3 km larg vendit të ngjarjes.

Ndërkohë që nga dëshmitë e pronarit të lokalit ku u gjet ditën e ngjarjes makina e Kreshnik Mujecit, ky i fundit vinte shpesh në këtë lokal për të pirë kafe./BalkanWeb

The post Atentati në Lezhë për hakmarrje? Gjykata: S’ka prova që kushëriri i Mujecit të ketë vrarë Genc Mhillajn appeared first on Albeu.com.

Mësohet se çifti i bashkëshortëve Kreshnik dhe Gentiana Mujeci, pasi kanë konsumuar një drekë në një nga lokalet e Lezhës, kanë qenë duke ikur drejt banesës së tyre.

Ngjarja ka ndodhur në rrugën Balldren–Torovicë, pranë banesës së 39-vjeçarit. Në këtë segment, njëri prej dy automjeteve të përfshira në atentat i ka zënë pritë mjetit tip “Audi Q7” me të cilin udhëtonte çifti, duke i bllokuar rrugën.

Menjëherë më pas, një automjet i dytë pa targa, dyshohet tip “Alfa Romeo”, është afruar në vendngjarje. Nga ky mjet kanë zbritur dy persona, të cilët kanë hapur zjarr me armë automatike kallashnikov, duke qëlluar me breshëri plumbash në drejtim të çiftit.

Si pasojë e të shtënave, Kreshnik dhe Gentiana Mujeci kanë humbur jetën në vendngjarje. Automjeti i tyre është gjetur i shpuar nga plumbat në mënyrë të shumtë.

Mësohet se për realizimin e atentatit janë përdorur dy automjete: njëri për bllokimin e rrugës dhe tjetri për ekzekutimin. E gjithë ngjarja dyshohet se ka qenë e mirëorganizuar dhe e planifikuar, pasi autorët kanë ndjekur gjatë gjithë ditës lëvizjet e viktimës dhe kanë pritur momentin kur ai është nisur drejt banesës.

Në vendngjarje janë konstatuar dhe sekuestruar kamera sigurie të banesave private dhe bizneseve përreth, të cilat kanë filmuar të gjithë dinamikën e atentatit, nga zënia e pritës deri te momenti i ekzekutimit.

Trupat e pajetë të çiftit kanë qëndruar për rreth 15 minuta brenda automjetit, deri në mbërritjen e forcave zjarrfikëse, të cilat kanë ndërhyrë për nxjerrjen e tyre nga mjeti.

Sipas të dhënave, viktimat ishin prindër të katër fëmijëve dhe banonin në fshatin Koljakaj të Balldrenit.

Policia ka ngritur një grup të posaçëm hetimor, i cili po merret me sekuestrimin dhe analizimin e pamjeve filmike, të konsideruara si prova kryesore për zbardhjen e plotë të ngjarjes dhe identifikimin e autorëve.

Automjeti i viktimave është gjetur i “bërë shoshë” nga plumbat ku janë gjetur mbi 30 gëzhoja, ndërsa hetimet vijojnë në disa pista.

The post Atentati ndaj Kreshnik Mujecit dhe gruas së tij, kamerat fiksuan lëvizjen e automjetit të viktimës: Njëra makinë i preu rrugën, autorët qëlluan nga mjeti tjetër appeared first on Albeu.com.

Sipas informacioneve më të fundit, një nga viktimat është identifikuar si Kreshnik Mujeci, i cili udhëtonte së bashku me bashkëshorten e tij.

Çifti dyshohet se ka humbur jetën në vend si pasojë e të shtënave.

Automjeti në të cilin ndodheshin është gjetur i bërë shoshë nga plumbat, ndërsa autorët dyshohet se kanë vepruar në mënyrë të mirëorganizuar, duke i zënë pritë.

The post Atentati në Lezhë, identifikohet një nga viktimat e atentatit në Balldren të Lezhës (EMRI) appeared first on Albeu.com.

I vrarë mbeti Andi Maloku, ndërsa u plagosën vetë Arjan Ndoja si dhe Aleksandër Laho, i njohur si “Rrumi i Shijakut”.

Në këtë proces të pandehurit janë Amar Shkëmbi dhe Bledar Polovina, si të përfshirë në atentatin në mbikalimin e Shkozetit.

Amar Shkëmbi nuk është paraqitur, por ka nënshkruar deklaratë se nuk do të shkojë në gjykim dhe do të përfaqësohet nga avokatët e tij.

Ai theksoi se nuk kishte asnjë informacion konkret mbi autorët dhe se nuk kishte pasur asnjë sinjal paralajmërues më parë.

Ai deklaroi se nuk i njeh të pandehurit Amar Shkëmbi dhe Bledar Polovina, të cilët po gjykohen për këtë çështje. Gjithashtu, përmendi se emrin e Plaurent Dervishit e njeh vetëm nga një procedim i mëparshëm në Durrës.

“Përveçse nga ju si organ prokurorie, apo edhe nga vendimet gjyqësore, nuk ka ardhur askush të na takojë dhe të na thotë se ka ndodhur kjo gjë e arsyen pse e kanë bërë këtë gjënë. Të pandehurit e këtij procesi por gjithashtu edhe të bashkëpandehurit në një procedim të lidhur, unë nuk i njoh, Plaurent Dervishin e njoh si emër se ka pasur një procedim në Durrës”, ka deklaruar ai.

Ish-Prokurori Ndoja shtoi gjithashtu se, për shkak të sulmeve politike ndaj tij në atë periudhë për shkak të postit, kishte dyshime nëse mund të ishte vënë nën survejim nga struktura shtetërore, “për shkak të vettingut të famshëm”.

“Për shkak të sulmeve politike unë kam pasur dyshimet mos më kanë vënë shërbime të posaçme të policisë, për shkak të vettingut të famshëm, që shumica prej jush e kanë kaluar me sukses.”, ka thënë ai.

Deklarata e Arjan Ndojës në GJKKO:  

Arjan Ndoja: Në 2019 kam qenë prokuror në Durrës. Përveç anatemimit që më kanë bërë figura të larta politike, nuk kam pasur asnjë lloje problematike tjetër, kam pasur në pronësi një automjet familjar që ishte në emër të bashkëshortes time. Një muaj para se të ndodhte një ngjarje që e ka përdorur shtetasi i ndjerë Andi Maloku.

Në datën 1 nëntor 2019 kam dal nga shtëpia si zakonisht në orën 7 të mëngjesit kam shkuar tek puna me Andi Malokun. Rreth orës 12 kam dalë nga puna dhe jam zhvendosur në drejtim të lokalit me emrin koral pasi kam qenë i ftuar për drekë me disa persona mes tyre Aleksandër Laho.

Nga ora 13:00 deri rreth orës 16:00 kam qëndruar aty, kemi qenë më dy makina, ejmi zhvendosur në drejtim të urës së Dajlanit. Në drejtim të automjetit ishte Andi Maloku pasi unë nuk ndihesha mire. Unë ndodhesha në vendin e parë dhe Aleksandër Laho ishte mbrapa, ai kishte dhe makinën e tij por erdhi me mua për të bërë muhabet. Kur kam dal nga lokali deri kur ka ndodhur ngjarja nuk kam konstatuar asgjë të dyshimtë.

Kur kemi kaluar gomisteria që nis kilometri i parë i autostradës deri tek ura e Shkozetit kanë nisur krismat, automjeti im ishte në karrexhatën ngjitur me trafik ndarësen. Në momentet e para nuk e kam kuptuar se ishin të shtënat me armë zjarri.  Krismat nuk kanë qenë më breshëri kanë qenë të ndara. Kanë qenë dy armë pasi bënin zhurma të ndryshme dhe intervali i kohës i gjuajtjes. Që kur kanë filluar krismat deri kur automjeti ka dalë nga rruga ka zgjatur rreth 20 sekonda. Kur u plagos i ndjeri Andi Maloku ai i dha gaz makinës dhe kemi goditur një nga barrierat e rrugës dhe kemi përfunduar jashtë rruge.  Kur kemi dal nga rruga dhe ka ndalu se ka ngec makina në kanal vetëm Andi Maloku ishte me i vetëdijshëm dhe ai ka marrë babin në telefon dhe i ka thënë babë na kanë gjujt. Kur kam tentuar të dal nga makina kam humbur ndjenjat dhe nuk më kujtohet më. Ndërsa Andi Maloku u rrëzua kur hapi derën sepse mesa duket plumbin e kishte në shtylle kurrizore.

Nuk kam mësuar as më pas idenë se kush na ka qëlluar. Për Andi Malokun kam dërgu njerëzit e mi që të interesoheshin për gjendjen e tij shëndetësore. Familjarët nuk dine asgjë por as i ndjeri nuk ka parë gjë se ato nuk kanë qëlluar paralel kanë qëlluar nga mbrapa.

Përveçse nga ju si organ prokurorie, apo edhe nga vendimet gjyqësore, nuk ka ardhur askush të na takojë dhe të na thotë se ka ndodhur kjo gjë e arsyen pse e kanë bërë këtë gjënë. Të pandehurit e këtij procesi por gjithashtu edhe të bashkëpandehurit në një procedim të lidhur, unë nuk i njoh, Plaurent Dervishin e njoh si emër se ka pasur një procedim në Durrës.

Unë pushimet në 2019 i kam bërë në Shëngjin pasi kam një shtëpi atje.  Unë përgjithësisht për drekë ulesha tek Koral dhe tek një lokal Kamelia tek shkëmbi i Kavajës. Përpara ngjarjes unë nuk kam parë asgjë të dyshimtë.  Për shkak të sulmeve politike unë kam pasur dyshimet mos më kanë vënë shërbime të posaçme të policisë, për shkak të vettingut të famshëm, që shumica prej jush e kanë kaluar me sukses.

Nuk kam pas dyshime zoti prokuror se po të kisha pasur dyshime nuk do rrija në rrugë që të mësonin dorën në mua. Erjol Halilajn kur e kam parë në gjyq jam kujtuar që e kam pas parë në Durrës.

Tek une nuk ka ardhur askush për të na takuar, por di që tek familja e Andit kanë vajtur 3-4 veta për tu takuar. Por më mirë e di babi i Andit, që ju e keni edhe dëshmitar. Mua s’me ka sjell askush porosi. Rastësisht në gjykatën e Durrësit kam takuar xhaxhin e Eriol Halilajt, më tha që kishte dashtur të vinte të më takonte, i thashe pse nuk vjen, më tha por ja nipi im. I thashë po cfare di ti për nipin.

Prokurori: Dor Shabën e njihni, të ka sjell porosi.

Arjan Ndoja: Unë e njoh, por nuk më ka sjellë asnjë porosi. Nuk kam asnjë pasuri në zonën e Gjirit të alëzit. Vullnet Muçën se njoh, por nëse bëhet fjalë për Vullnet Muharremin, vëllain e Pëllumb Muharremit e njoh.  Në makinë time përveçse atë ditë s’ka udhëtu ndonjehrë. Por takime kemi pasur por s’kemi pasur asnjë lidhje biznesi me të.

Halit Valterin e njoh por nuk e kam takuar ndonjëherë për punën e ngjarjes, di që i ka ardh një CD nga babi i Andi Malokut, që të transmetonte pamjet e makinës që u gjet në shkafan.

Kur kam dal ne punë, kam takuar Basir Mecen krejt rastësisht, i kam thënë Basirit që më ka ardh një informacion që këtë ngjarje ma ka bërë Plaurent Dervishi, dhe që djali jot mund të ketë qenë në dijeni. I kam thënë hiqe djalin nga Shqipëria deri sa të sqarohen rrethanat e ngjarjes. I kam thënë kur të krijoj bindjen time për këtë gjënë do të ta them, që të marrësh masat e tuaja. Unë edhe sot ja ku jam sepse nuk i kam borxh askujt.

The post Nuk i kam borxh askujt/ Arjan Ndoja dëshmon në GJKKO për atentatin ndaj tij në vitin 2019: Për shkak të sulmeve politike, kam pasur dyshime se… appeared first on Albeu.com.

Hoxhaj deklaroi se Nuredin Dumani, i kishte ofruar 100 mijë euro për vrasjen e Lulzim Mashës dhe 150 mijë euro për vrasjen e të birit.

Porosia ishte për vrasjen e djalit, por sipas tij, nuk kishim mundur ta gjenin.

“Ne nuk po e gjenim dot djalin e Mashës, se rrinte në Maqedoni”, ka dëshmuar ai sipas gazetares Klodiana Lala.

Ndër të tjera, ai është shprehur se njëri nga vëllezërit Dizdari ka qenë i fejuar me vajzën e Mashës, por më pas janë ndarë.

“Dhëndri ka hedhur disa prona në emër të vjehrrit e kunatit. Dhëndri u nda nga vajza dhe këta nuk i kanë kthyer ato lekë a prona pas”, ka dëshmuar Hoxhaj.

Henrik Hoxha: Lulzim Masha në dijeninë time ka një shkollë private në Tiranë. E ka shtëpinë tek blloku. Unë kisha porosi nga Nuredin Dumani për djalin e Mashës, jo për Lulzimin.

Nuk e mbaj mend emrin e djalit, por Nuredini më tregoi një foto, më tregoi shtëpinë, shkollën. Djalin nuk po e gjenim dot. Njëri nga vëllezërit Dizdari ka qenë i fejuar me vajzën e Mashës.

Dhëndri ka hedhur disa prona në emër të vjehrrit e kunatit. Dhëndri u nda nga vajza dhe këta nuk i kanë kthyer ato lekë a prona pas. Ne nuk po e gjenim dot djalin e Mashës, se rrinte në Maqedoni. Në fillim diskutuam për 150 mijë euro. Pastaj për Lulzim Mashën për 100 mijë euro.

The post Atentati ndaj biznesmenit Lulzim Masha/ Vrasësi me pagesë Henrik Hoxha zbardh skemën: Shënjestër ishte i biri, por nuk e gjenim, dhëndri kishte vënë disa prona në emër të tyre… appeared first on Albeu.com.

Prokurori Adnan Xholi, paraqiti në sallë 67 fashikuj përpara gjykatës, duke kërkuar që të mbyllen dyert për mediat në mënyrë që të bëhej dhe prezantimi konkret i provave.

Prokurori Xholi: “Procesverbalet kanë të bëjnë me zbardhjen e komunikimeve në aplikacionin Sky Ecc etj. Kërkoj të jetë një seancë me dyer të mbyllura për ruajtjen e sekretit hetimor, duke qenë se ka të dhëna që deri më tani nuk janë ekspozuar”.

Gjykata e Posaçme, pranoi kërkesën e organit të akuzës që për këtë fazë të leximit të fashikullit që përmban të dhëna sekret, të mos jenë të pranishëm përfaqësues të mediave.

Seanca vijon pa praninë e gazetarëve.

The post Atentati te mbikalimi i Shkozetit në 2019-n, SPAK paraqet provat për Plaurent Dervishaj dhe Julian Meçajn: Gazetarët të dalin jashtë appeared first on Albeu.com.

Vendimi u dha nga gjyqtari Bib Ndreca, ndërsa në ditët në vijim do të hidhet shorti për të përcaktuar treshet e gjyqtarëve që do të shqyrtojnë dosjen në themel.

Amar Shkëmbi, ishte shpallur në kërkim nga SPAK dhe u ekstradua nga Dubai në Tiranë në tetor të vitit të kaluar.

Sipas hetimeve të kryera nga prokuroria, Shkëmbi dhe Polivina, së bashku me Plaurent Dervishaj, Julian Meçaj dhe Ariol Halilaj, dyshohet se kanë vepruar si grup i strukturuar kriminal, duke kryer vepra penale si vjedhje, mbajtje pa lejë të armëve, tentativë vrasjeje ndaj funksionarëve publikë dhe vrasje në rrethana të tjera cilësuese.

Ngjarja ndodhi më 1 nëntor 2019, ku mbeti i vrarë Andi Maloku, dhe u plagosën Arjan Ndoja dhe Aleksandër Laho, i njohur si “Rrumi i Shijakut”.

Në të njëjtën çështje penalë janë edhe Endrit Sinani, Genti Nderjaku, Bashkim Haxhia dhe Julian Pjetri.

The post Atentati ndaj ish-prokurorit Ndoja, SPAK dërgon për gjykim dy prej të akuzuarve (EMRAT) appeared first on Albeu.com.

Toska ka treguar njërin nga episodet, kur i është vjedhur makina në 2019.

“Kam pasur makinë në pronësi Mercedes Benz ngjyra gri në vitin 2019. Një kopje çelësash kam pasur për ketë automjet. Në shtator të 2019 e kam parkuar në darkë posh banesës. Të nesërmen shkoj në vendin ku kam parkuar mjetin dhe nuk e gjej mjetin aty. Kam bërë më pas kallëzim në komisariatin numër 6 në Tiranë. 2-3 muaj më pas më ka marrë policia ne telefon, më kanë pyetur, për makinën. Çelësin e kam pas dorëzu tek policia. Kur është bërë kallëzimi”, ka deklaruar ai.

Ndërkohë Plarent Dervishaj e pa pyetur: A të ka thirrur i njëjti prokuror edhe në një gjyq tjetër?

Toska: Jo nuk me kanë thirr.

Plarent Dervishaj: Si ka mundësi që ky dëshmitar kaq i rëndësishëm nuk është thirr tek procesi i Ariol Halilat dhe Redian Rrajës? Kaq kisha zotëri je i lirë mund të ikësh”, është përgjigjur më tej Dervishaj.

Ndërkohë në sallë ka dëshmuar edhe Ramazan Rraja, nipi i deputetit Rrahman Rraja, i cili akuzohet për sigurimin e kushteve për atentatin ndaj prokurorit Arjan Ndoja.

Ramazan Rraja: Në 2019 kam qenë edhe në Shqipëri edhe jashtë, nuk e mbaj mend mirë, në cilat periudha. Nuk kam qenë i punësuar para së të arrestohem. Nuk kam pas konflikt në Durrës dhe as diku tjetër. Plarentin e njoh, Redianin e kam kushuri, te tjerët jo i kam njohur të gjithë në burg.

Unë kam pas të njëjtin numër nga 2017 deri në momentin e arrestimit mos gaboj është në emrin tim. Për lokalin Sodiak e di ku ndodhet, se njoh pronarin por kam qenë vetëm 1 herë. Nuk e njoh Arjan Ndojnë, Aleksandër Lahon as Andi Malokun, i kam parë në televizor. Nuk kam pasur aplikacion të enkriptuar. Nuk e njoh Ervin Matën, nuk di ku bie hotel Viktoria.

Në burg ndodhem se më keni fut ju, nuk kam ardh me dëshirë të madhe. I nderuar zoti prokuror, me gjithë respektin dhe për drejtësinë dhe ju, unë se kam idenë për çfarë kam siguru kushte, për akënd dhe asgjë. Nuk kam komunikuar me askënd, nuk i ka ndodh asgjë Genci Malokut, se di pse më akuzoni.

Prokurori: A keni dijeni që familja e Genci Malokut kanë ardh tek familja juaj?

Ramazan Rraja: Kam dijeni për këtë por kam parë në tv që ata kanë dashur të vrasin familjarët e mi, por ka dasht Zoti që ne e bëjmë gjumin rehat.

Prokurori: A ke dijeni për një detyrim monetar ndaj Plaurent Devishajt?

Ramazan Rraja: Në dijeninë time, nuk i kam askujt, kemi pi kafen me Dervishajn dhe na ka pagu kafen por detyrim tjetër si kam askujt.

Plaurent Dervishaj: Me datë 1 nëntor kur ka ndodh atentati, mund të na thoni ku keni qenë

Ramazan Rraja: Kam qenë jashtë Shqipërisë para dhe pas ngjarjes.

Ndërkohë seancë është shtyrë deri sa Dervishaj të zgjedhë një avokat tjetër, pasi avokati kryesisht ka dhënë dorëheqjen nga mbrojta pasi sipas tij është paragjykuar në këtë proces.

The post Atentati ndaj ish-prokurorit Arjan Ndoj, nipi i deputetit të PS në GJKKO: Donin t’më vrisnin familjen, por… appeared first on Albeu.com.

Gjatë periudhës 1 janar-30 nëntor 2025, janë regjistruar 39 vrasje në territorin e Shqipërisë, ndërsa 8 prej tyre mbeten ende me autorë të paidentifikuar, kryesisht në zonat e Shkodrës dhe Lezhës. BalkanWeb sjell si më poshtë ngjarjet kriminale më të bujshme të vitit që sapo lëmë pas.

SKEDAT E KRIMIT

-Në 6 janar 2025, u regjistrua vrasja e Ramzan Matajt në Dragoç, Shkodër, i gjetur i vrarë brenda makinës së tij. Për krimin u arrestuan Arjon dhe Klisman Hasaj.

-Në 12 janar të 2025-ës u vra Bujar Nasufi në Tiranë, krim për të cilin u arrestuan vëllezërit përmetarë Voltan e Jugert Xhani. Ata dyshohen të jenë të implikuar ne cilësinë e organizatorëve dhe financuesve në vrasjen e biznesmenit, ngjarje që ndodhi në afërsi të zonës së njohur si Pallati me Shigjeta në Tiranë.

-Në 13 janar u vra Kristian Marku në Vlorë. Dosja e tij penale përmbante një sërë akuzash që lidhen kryesisht me përfshirjen në konfliktin e përgjakshëm mes fiseve Reçi, Gjini dhe Bardhi në qytetin e Rrëshenit.

-Në 24 janar vritet Lulzim Visha në Tiranë. Në pranga për krimin përfundoi Eduart Lami, 37-vjeç.
27 shkurt 2025 solli një tjetër vrasje të rëndë në Shkodër, ku u vra Pavlin Preka, krim për të cilin janë arrestuar Vasel Koçeku, 43 vjeç dhe Klaudio Lisaj, 20-vjeç.

-Më 17 prill 2025 u regjistrua vrasja e Gjovalin Prendit në Lezhë, edhe ky rast pa autorë të arrestuar, ndërsa si motiv dyshohet se është hakmarrja.

-Sakaq, një tjetër krim u regjistrua më 1 qershor 2025, ku u vra Pjetër Kazës, në Lezhë. Edhe ky krim dyshohet se ka ndodhur për shkak të gjakmarrjes që daton në 1994 mes fiseve Gjini dhe Kaza.

-Më 4 qershor 2025, në qytetin e Durrësit, u vra Ermir Dedja (29 vjeç), ngjarje e cila çoi në arrestimin e dy personave, Erion Ndoni dhe Klodian Berisha, ndërsa një tjetër i shpallur në kërkim Xhuljano Dyrmishi, dyshohet për përfshirje në këtë vrasje dhe në organizimin e saj kriminal.

-Një tjetër ngjarje e rëndë ndodhi më 4 gusht 2025 në Vau të Dejës, kur u vra Frrok Lleshaj, edhe ky rasti mbetet i pazbardhur nga policia. Ndonëse nuk ka të arrestuar, pista kryesore e vrasjes për policinë mbetet ajo e gjakmarrjes. Hasmëria mes familjes Lleshaj dhe dy familjeve të tjera ka prodhuar që nga fillim vitet ’90, 5 viktima deri më tani.

Frrok Lleshaj është i treti që vritet pas djalit dhe vëllait të tij në fillim vitet ’90 ndërsa të vrarë janë edhe kushëriri i tij Dodë Lleshaj me të cilin lindi konflikti dhe një shtetas tjetër nga Puka. Gjithçka nisi në vitin 1991 kur djali i 65-vjeçarit u vra në Greqi.

-Më 14 gusht mbeti i vrarë 14-vjeçar. I mituri Erald Xhejo u vra me thikë nga një bashkëmoshatar, pas një sherri për motive banale.

-Pirro Prroni (61 vjeç), u vra më 28 gusht 2025 në Abat i Postribë, ndërsa autori Ndoc Maçaj u dorëzua në polici.

-Kristian Kola (34 vjeç), u vra më 4 shtator 2025 pas një sulmi me armë në Shkodër.

-Armando Pali dhe Liridon Kraja (alias Lusha), u vranë më 8 shtator 2025 në një bar pranë Shkodrës në një sulm me armë, ku u plagosën edhe të tjerë. Autor Ragip Gila u arrestua.

-Më 18 shtator u nxor pa jetë në një humnerë Mirel Çokaj, ndërkohë familjarët e tij pretendojnë se ai është vrarë për parcelat e kanbanisit. Prokuroria e Shkodrës ka nisur hetimet.

-Ndërkohë, ngjarja më kriminale e këtij viti padyshim ishte vrasja e gjyqtarit Astrit Kalaja më 6 tetor 2025 në sallën e gjyqit. Kalaja u qëllua për vdekje brenda sallës së Gjykatës së Apelit në Tiranë nga një i pandehur gjatë një seance për një konflikt pronësie.

Dy persona të tjerë u plagosën, ndërsa për krimin u arrestua Elvis Shkambi, ndërsa për përkrahje të autorit u arrestua xhaxhai i tij, Gjon Shkambi. Akti tronditi sistemin e drejtësisë dhe pati reagime nga institucionet më të larta të shtetit.

-Krim i dyfishtë u regjistrua në 22 tetor, ku pas një sherri banal u vranë Flori Paluçi dhe Aranit Kurti. Ngjarja ndodhi jashtë një lokali në Manzë, ndërsa sherri nisi për një kafe.

-Një tjetër ngjarje e rëndë ishte ajo e ndodhur më 28 tetor të vitit që sapo lëmë pas, ku 42-vjeçari Keli Hoxha u vra nga Kristo Mema. Sherri nisi për kalin e autorit të dyshuar të krimit. Ky i fundit u arrestua pasi tentoi të arratisej.

-Po në këtë ditë, më 28 tetor, Filip Shehu, 41 vjeç, vrau kuzhinierin Indrit Ismaillari, 34 vjeç, i cili ndërroi jetë në spital pas goditjeve fatale me thikë.

Ndërkohë, një tjetër ngjarje e rëndë pasoi atë ditë, ku 25-vjeçari Marjan Kodheli vrau me thikë në banesën e tyre babanë, Pjetër Kodhelin. Ndonëse tentoi të arratisej, ai u arrestua nga policia.

-Më 11 nëntor 2025 u regjistrua atentati në afërsi të Rinasit, ku u vra Gilmando Dani dhe agjenti i AMP-së, Muçi Shaliani (Sheqeri).

-Më 26 nëntor, në Durrës mbeti i plagos pas një sherri për motive të dobëta 15-vjeçari Erion Boba. Ai ndërroi jetë në spital pas 9 ditësh, ndërsa një bashkëmoshatar u arrestua për krimin që zanafillën e sherrit e kishte në TikTok.

-Më 30 nëntor vritet në ambientet e biznesit të tij, brenda makinës Mondi Mëhall, në Elbasan, krim për të cilin janë arrestuar disa persona.

The post Nga ekzekutimi në sallën e gjyqit të gjyqtarit Kalaja, tek atentati në Rinas, ngjarjet e rënda kriminale që tronditën 2025-ën appeared first on Albeu.com.