Sipas dëshmitarëve okularë, momenti pas të shtënave ishte kaotik. Në pamje e bëra publike në media, shihet se si i plagosuri Kevin Hajrulla, i mbuluar me gjak dhe në gjendje të rënduar, futet me vështirësi në një makinë nga të afërmit që përpiqeshin ta transportonin drejt spitalit. Dëgjohet zëri i një personi që thotë: “Iku ore, iku”.

Atentati ka ndodhur në një kryqëzim të populluar të lagjes Çole, ku drejt një automjeti të parkuar, që dyshohet se i përkiste Kevin Hajrullës, u qëllua me breshëri plumbash nga një automjet tjetër në lëvizje.

Pas atentatit, policia ka gjetur një automjet të djegur në fshatin Panaja, i cili dyshohet se është përdorur nga autorët për të realizuar sulmin dhe më pas për t’u larguar.

Forcat e rendit kanë rrethuar vendngjarjen dhe kanë nisur hetimet për zbardhjen e motiveve të atentatit. Pistat kryesore përqendrohen në konfliktet e mëparshme të Kevin Hajrullës, i cili është i njohur për lidhjet e tij me grupe kriminale në zonë.

The post VIDEO/ “Iku ore ikuuu”, pamje të rënda nga atentati në Vlorë/ Momenti kur i plagosuri futet në makinë appeared first on Albeu.com.

Gazetari investigativ Artan Hoxha ka komentuar vrasjen mafioze të biznesmenit Bledar Birçaj në Vlorë.

Në një staus në Facebook, Hoxha shkruan se “çunat problematikë” e inauguruan sezonin pranverë-vjeshtë 2021 te “Bishti i Kalldrëmit”, nën moton e vjetër, “godit, asgjëso dhe largohu pa firo”, ndërkohë që të gjithë prisnin që të çelej turizmi me një ceremoni pompoze nga Bashkia e Qeveria.

Ai shton më tej se është merita e këtyre djemve që jeta e një shqiptari vlen sot sa karikatori i një “AK-47”, teksa dhe mallkon: Mos e gëzofshi sezonin “çuna”!!!

Reagimi i plotë:

Ne mezi po prisnim qe, bashkia dhe qeveria të hapnin sezonin turistik maj-shtator 2021, me nje ceremoni pompoze në Lungomaren e Vlores….ndersa “çunat problematike” e inauguruan sezonin pranvere-vjeshte 2021 te “Bishti Kalldremit”, nen moton e vjeter, “godit, asgjeso dhe largohu pa firo”…

Mos e gezofshi sezonin “çuna”!!! Eshte “merita” juaj qe, vlera e jetes se nje shqiptari eshte ulur në koston e nje karikatori AK-47.

The post Atentati me 1 viktimë në Vlorë, Artan Hoxha: Mos e gëzofshi sezonin o çuna! appeared first on Albeu.com.