Mësohet se Zamir Kalemi ka qenë duke lëvizur me një makinë Smart në momentin që është qëlluar me armë.

Të dy makinat kanë qenë në lëvizje, është qëlluar shumë herë me kallashnikov në drejtim të Smartit me të cilin lëvizte shënjestra.

Kalemi ndodhet jashtë rrezikut për jetën. Edhe pse u raportua se është plagosur me plumb në këmbë, mësohet se e kanë kapur më shumë plumba.

Në vendngjarje janë gjetur gëzhoja kallashnikovi.

Ndërkohë pas ngjarjes është gjetur një makinë në Bërzhitë, e cila dyshohet se ju përkiste autorëve.

Shënjëstra e atentatit, Zamir Kalemi, është vëllai i biznesmenit Adriatik Kalemi alias Andrea Kalemi, të cili breda pakmuajsh ju bë dy herë atentat në Greqi, por në të dyja rastet mori plagë të rënda por arriti të mbijetojë.

Njoftimi i policisë:

Më datë 12.01.2024, rreth orës 22:55, tek rrethi i Selitës, është plagosur me armë zjarri në këmbë, shtetasi Z. K., rreth 35 vjeç, i cili është transportuar dhe ndodhet në spital, nën kujdesin e mjekëve jashtë rrezikut për jetën.

Shërbimet e DVP Tiranë, po vijojnë krehjen e zonës dhe kanë ngritur pika kontrolli në të gjitha akset kryesore dhe hyrje-daljet e Tiranës, për identifikimin dhe kapjen e autorit/ve të dyshuar.

Grupi hetimor po punon për sqarimin e rrethanave të ngjarjes.

Zamir Kalemi dhe vëllai i tij Andrea Kalemi janë kushërinjtë e Aleksandër Sadikajt.

Vrasja e Aleksandër Sadikajt

Aleksandër Sadikaj u vra në një atentat me tritol në vitin 2022. Në qershor të 2022 Sadikaj ka qenë duke lëvizur me makinën  e tij pranë një qendre tregtare në Tiranë, ku është hedhur në erë me tritol të telekomanduar.

Vetëm dy ditë para se të ekzekutohej në 11 qershor 2022 në Tiranë, shumë pranë rreth rrotullimit të një qendre tregtare, Alekandër Sadikaj, ka qënë në qytetin e Sarandës.

I riu rezulton të ketë fjetur pikërisht në hotelin ”Blues Sky”, që është në pronësi të Edmond Papa dhe vëllait të këtij të fundit Kristo Qirici.

Dyshohet se vrasja e tij lidhej me dsa borxhe që ai i kishte Edmond Papës.

Vrasja e Edmond Papës dhe futja në “lojë” e Andrea Kalemit

Në 16 dhjetor të vitit 2022 u ekzekuua me armë zjarri pranë banesës së tij në Selitë Edmond Papa. Ai u dërgua menjëherë për ndihmë mjekësore në spital në atë kohë por për shkak të plagëve të shumta nuk arriti të mbijetojë.

Për vrasjen e Papës u arrestua shoku i Andrea Kalemit, Albano Velo dhe u shpall në kërkim shoku tjetër Andrea Bode.

Atentatet ndaj Andrea Kalemit

Biznesmeit 51-vjeçar Andrea Kalemi i është bërë dy herë atentat në Greqi. Herën e parë ai u qëllua me breshëri automatiku ndërsa ndodhej me pushime me familjen në ishullin Pax në Greqi.

Ndërsa herën e dytë në 14 dhjetor të vitit 2023, ndërsa ndodhej në burgun e Kordhialosit, ku u sulmua me mjet prerës nga një shtetas egjiptian.

Pas neutralizimit në telefonin e egjiptianit u gjet fotoja e Kalemit. Mediat greke në atë periudhë shruanin se për eleminimin e Kalemit ishte dhënë urdhëri nga një tjetër burg i Greqisë.

The post Vijon saga e hakmarrjes Papa-Sadikaj, shënjestra e atentatit në Selitë vëllai i biznesmenit, u plagos dy herë në Greqi appeared first on Albeu.com.

Berisha është shprehur se me kryeministrin Edi Rama rendi dhe siguria janë në duart e krimit.

Ai shton se Shqipëria dhe shqiptarët nuk meritojnë të qeverisen nga Edi Rama.

“Me Edi Ramen rendi dhe siguria ne duart e krimit!

Miq, ngjarja e sotme shenon nje tjeter rekord te zi te fuqizimit te krimit dhe deshtimit te shtetit per te garantuar siguri per qyetetaret.

Shperthimi i sotem i telekomanduar per eleminimin e kundershtarit dhe kercenuar jeten e shume te tjereve flet shume jo vetem per nivelin e organizimit te mafias por me rende akoma, ai mbart elemente te nje akti terrorist.

Edi Rama nuk mund te luftoje krimin pasi ashtu sic po del cdo dite nga deshmite e Dumanit, ai dhe politikane prane tij, jane aleate te grupeve kriminale te cilat i perdorin per te blere e vjedhur vota me qellim deformimin e vullnetit te qytetareve.

Shqiperia dhe shqiptaret nuk meritojne te qeverisen nga banditet ne qeveri dhe ne rruge. Me Edi Ramen nuk ka as siguri e as te ardhme”, është shprehur Berisha./albeu.com/

The post Atentati me tritol në Tiranë ku u vra 27-vjeçari, vjen reagimi i Sali Berishës appeared first on Albeu.com.

Sipas biznesmenit, autori ka qenë i moshës rreth 25 deri në 30 vjeç, i cili ka qenë i veshur me pantallona xhinse, ezmer me pak mjekër si dhe mbante veshur një kapele, ngjyrë të zezë. Sipas hetimeve dhe kqyrjeve që i është bërë mjetit me të cilin po lëvizte biznesmeni ai është prekur vetëm nga një plumb. Mes personave që janë marrë në pyetje përveç dëshmitarëve okularë dhe objektivit, në pyetje është marrë dhe vëllai i këtij të fundit, pasi ai rezulton person me precedent pasi shumë vite më parë, është dënuar me 15 vite burg për vrasje, dhe hetuesit kanë dyshime mos atentati është bërë për hakmarrje. Por deri më tani nuk ka asnjë të dhëne.

The post Administratori i shkollës “Wilson” ndryshon dëshminë dhe kërkon mbrojtje nga shteti, dyshohet se atentati iu bë për hakmarrje appeared first on Albeu.com.

I vrarë me armë zjarri ka mbetur Erion Çela, 35 vjeç. albeu.com bën me dije se viktima është pronar i një tabakino.

Janë plagosur: Arben Dani 46 vjeç i dëmtuar në këmbë. Azbi Selimaj 19 vjeç i dëmtuar ne shpatull. Selimaj mësohet se ka qenë kamarieri i lokalit.

Gjithashtu Blerim Çela 28 vjeç ka mbetur i dëmtuar në këmbën e djathtë dhe në fytyrë, i cili është edhe vëllai i viktimës.

Edmond Crroj 41 vjeç ka mbetur i pagosur në bark dhe këmbë.

Ndërkohë ka ardhur edhe reagimi i policisë lidhur me ngjarjen.

Si ndodhi ngjarja:

Sipas burimeve bëhet e ditur se viktima 35-vjeçare ishte pronar i një tabakinoje dhe ka ndryshuar emrin, pasi më herët është njohur si Adriatik Çela.

Mësohet gjithashtu se viktima priste të bëhej baba i një vajze. I plagosur ka mbetur po ashtu edhe vëllai i tij Blerim Çela 28 vjeç, i cili ka marrë plumba në këmbë dhe fytyrë si dhe daja, Edmond Cëroi, 41 vjeç. Ata janë me origjinë nga Dibra dhe jetojnë në Tiranë.

Ngjarja e rëndë ka ndodhur rreth orës 16:15, në zonën e “Don Boskos” në Tiranë. Persona të armatosur të cilët lëviznin me një automjet tip “Mercedes E Class” të zi dhe vetëm njëri prej tyre ka qëlluar me breshëri kallashnikovi nga jashtë në drejtim të lokalit, ku ndodheshin të ulur në një tavolinë viktima dhe personat e tjerë. Për pasojë ka mbetur i vdekur në vend Erion Çela si dhe janë plagosur katër të tjerë, të cilët janë dërguar te spitali i Traumës.

Sakaq, pasi kanë qëlluar me breshëri mjeti i autorëve është kthyer në vend dhe ka marrë po të njëjtën rrugë nga erdhi. Targat e makinës rezultojnë se janë të vjedhura nga një makinë Smart në Tiranë.

Burime zyrtare nga policia bëjnë me dije viktimë mbeti Erion Çela, 35 vjeç. Të plagosurit janë: Arben Dani 46 vjeç, Blerim Çela 28 vjeç, vëllai i viktimës, Edmond Cëroi, 41 vjeç daja i viktimës dhe Azbi Selimaj, 19 vjeç. Ky i fundit është kamarier i lokalit dhe fatmirësisht ndodhet jashtë rrezikut për jetën. Ende nuk dihet cili ka qenë objektivi i këtij atentati.

Njoftimi i Policisë:

 Tiranë/Informacion paraprak

Më datë 04.01.2022, rreth orës 16:15, në “Don Bosko”, në ambientet e një lokali dyshohet se është qëlluar me armë zjarri nga jashtë, në drejtim të një tavoline ku ishin ulur pesë shtetas.

Si pasojë e të shtënave, shtetasi E. Ç., 35 vjeç ka humbur jetën,  dhe janë plagosur shtetasit A. D., 46 vjeç, A. S., 19 vjeç, B. Ç., 28 vjeç dhe E. C., 41 vjeç.

Shërbimet e Policisë kanë ngritur pika kontrolli në të gjitha pikat hyrëse-dalëse të Tiranës dhe në brendësi të lagjeve ku dyshohet se janë larguar personat, të cilët pasi kanë qëlluar me armë zjarri, janë larguar me një automjet tip “Mercedes-Benz”.

Grupi hetimor ndodhet në vendngjarje dhe po punon për sqarimin e rrethanave të ngjarjes./albeu.com/

The post EMRAT/ Dinamika e atentatit me 1 viktimë dhe 4 të plagosur në Don Bosko, “zbardhen” detaje mbi personat në fjalë (VIDEO) appeared first on Albeu.com.