Gjendja e Brahimit i cili ishte edhe shënjestra e atentatit, raportohet të jetë përkeqësuar.

Ndërkohë ky i fundit ende nuk ka dhënë dëshminë e tij.

DVR e kamerave të sigurisë në banesën e Brahimit është dërguar për ekzaminim të specializuar në Tiranë, pasi mendohet se këto kamera e kanë filmuar sulmin me armë, por nuk janë arritur të hapen nga hetuesit.

Ylli Brahimi 46-vjeç dhe Klisman Preçi 27-vjeç që të dy banues në Milot u sulmuan me armë zjarri mbrëmjen e së premtes, teksa po hynin me automjetin e tyre të blinduar tek pallati ku ata jetonin. Hetimet në lidhje me ngjarjen janë përqendruar tek e shkuara e dy personave brenda dhe jashtë vendit, ndërsa ishin sulmuar dhe me parë me armë zjarri, por atentatet kishin dështuar./albeu.com

The post Ende nuk ka dëshmuar, rëndohet gjendja e Ylli Brahimit, pamjet filmike dërgohen për ekzaminim appeared first on Albeu.com.

Kujtojmë që i vrarë mbeti Klisman Preçi, ndërsa i plagosur rëndë Ylli Ibrahimi.

Policia deri më tani ka shoqëruar dhe ka marrë në pyetje 12 persona të dyshuar që kishin dijeni për ngjarjen, por dëshmitë e tyre nuk e kanë ndihmuar grupin hetimor për të rënë në gjurmët e autorëve.

Në vendin e ngjarjes janë gjetur dhe sekuestruar 108 gëzhoja kallashnikovi, çka tregon se ka pasur një intensitet të lartë të goditjeve në drejtim të automjetit foristradë “Land Cruiser”, në të cilin udhëtonin Klisman Preçi dhe Ylli Brahimi.

Sipas burimeve, plumbat nuk kanë depërtuar brenda makinës së blinduar, por 27-vjeçari Preçi, i cili u qëllua i pari, ka zbritur nga makina dhe është prekur nga breshëria e armës, çka i shkaktoi plagë vdekjeprurëse.

Në ato momente, edhe Ylli Brahimi ka hapur derën dhe ka tentuar të dalë nga mjeti në të cilin ishte si pasagjer, por përballë të shtënave pa ndërprerje që kanë zgjatur rreth 5 minuta, ai ka hyrë sërish në makinë, për të gjetur mbrojtje dhe vetëm 2 plumba e kanë prekur në bark dhe këmbë.

Ndërkohë, janë kontrolluar dhe administruar pamje filmike të subjekteve përreth vendit ku ka ndodhur ngjarja, si dhe të rrugëve nga ku dyshohet se mund të kenë lëvizur në ardhje e largim autorët e dyshuar. Pamjet filmike po analizohen, për të parë lëvizjet e automjetit të autorëve, të cilët mendohen se kanë ardhur përgjatë rrugës së vjetër Milot-Fushë Krujë dhe pas ngjarjes, kanë ndjekur sërish këtë itinerar.

Gjithashtu janë kontrolluar 8 ambiente, dhe çdo provë, mjet e armë të administruara në vendngjarje apo ambiente të tjera në kuadër të këtij hetimi, do të përpunohen e ekzaminohen në laboratorin e Policisë Shkencore.

Ndërkohë, referuar pyetjes së dëshmitarëve dhe këqyrjes së kamerave të sigurisë së bizneseve në zonë, Policia ka arritur të zbardhë dinamikën e ngjarjes.

Automjeti tip “Audi” i atentatorëve ka qëndruar përreth 10 minuta në rrugën përballë rrugicës së pallatit ku jetonin dy personat. Sapo makina e tyre iu afrua për të hyrë aty, kanë dalë dy atentatorët, duke qëlluar me breshëri plumbash në drejtim të makinës. Duke qenë se mjeti ishte i blinduar, njëri prej tyre është afruar te xhami dhe ka qëlluar në distancë të afërt dhe me pas ata janë larguar me automjetin tip “Audi”.

Ngjarja u regjistrua rreth orës 21:00 të mbrëmjes të së premtes në sheshpushimin e një pallati, ndërsa në shënjestër të sulmit me armë ishin Ylli Ibrahimi, 46 vjeç dhe Klisman Preçi, 27 vjeç, që të dy banues në Milot.

Ata po lëviznin me një automjet të blinduar tip foristradë “Land Cruiser” dhe në momentin kur po hynin në rrugicën e pallatit ku jetonin, makina e tyre e blinduar u qëllua me breshëri plumbash nga dy persona, të cilët zbritën nga një automjet tip “Audi” që iu kishte zënë pritë. Plumbat lanë të plagosur rëndë Klisman Preçin dhe Ylli Ibrahimin, të cilët banonin në të njëjtin pallat dhe ishin fqinj me njëri-tjetrin, shkruan Panorama.

Ata u dërguan me urgjence drejt Spitalit të Traumës në Tiranë, por 27-vjeçari Preçi nuk mundi të mbijetojë si shkak i plagëve të marra. Pas atentatit, një automjet u gjet i djegur në fshatin Gramës të Krujës, brenda të cilit ishin edhe dy armë zjarri kallashnikovë, të cilat dyshohet të jenë përdorur nga atentatorët.

Forca të shumta Policie të mbështetura edhe nga Forcat e Ndërhyrjes së Shpejtë të Shkodrës mbërritën menjëherë në vendin e ngjarjes, duke bërë krehjen e zonës dhe duke ngritur pika kontrolli, por pa arritur të bien në gjurmët e atentatorëve, që mendohet të kenë qenë tre persona, dy në rolin e qitësve dhe tjetri drejtues i automjetit.

The post Atentati me një viktimë dhe një të plagosur në Milot mbetet pa autorë, zbardhet dinamika e krimit appeared first on Albeu.com.

Një prej shënjestrave të atentatit të djeshëm, Ylli Brahimi njihej si krah dhe lidhje e Ervis Martinaj.

Brahimi po lufton me jetën në spitalin e Traumës në kryeqytet.

Lexo këtu gjithçka për atentatin në Milot

Por kush po e godet Ervis Martinaj?

Ylli Brahimi nuk i vetmi mik apo bashkëpunëtor i Ervis Martinajt, që ka rënë pre e atentateve.

23 vjeçari Brilant Martinaj, kushëri i Ervis Martinajt mbeti viktime e atentatit të trefishtë në Fushë-Krujë, të ndodhur rreth një javë më parë.

Lexo këtu gjithçka për ngjarjen në Fushë-Krujë

Po kështu, në gusht të 2019 në Tiranë do ekzekutohej Santiago Malko. Për këtë ngjarje u dënua vetëm Bledi Teta me 25 burg.

Ndërsa në kërkim janë Leonard dhe Erlis Duka dhe disa persona te tjerë të cilët kishin rol në këtë organizimin dhe ekzekutimin e Malkos.

Motiv i vrasje ishte kontrolli i tregut i basteve sportive ku në njërin krahë qëndronte Malko dhe Martinaj dhe krahun tjetër vellezërit Duka.

Sakaq, në 13 nentor te vitit të kaluar po në Tiranë do ekzekutohej Erigers Mihasi, lidhje e ngushtë e Ervis Martinajt./euronews

The post Pas Brilantit, Ervis Martinajt tentojnë t’i eliminojnë dhe një tjetër mik, lidhja e tij me “shënjestrën” e Milotit appeared first on Albeu.com.

Kujtojmë se vetëm 2 muaj më parë Preçi bashkë me kushëririn e tij Blerim Preçi i shpëtuan një atentati teksa udhëtonin me një Benz ML dhe u qëlluan nga një “Audi” e zezë.

Ngjarja ndodhi më 14 maj rreth orës 20:05, në Ishull Lezhë.

Njoftimi i Policisë:

Kurbin/Informacion paraprak

Në qytet Milot, në sheshpushimin e një pallati, rreth orës 21:00, është qëlluar me armë zjarri në drejtim të automjetit tip fuoristradë “Land Chrysler”, brenda të cilit ndodheshin shtetasit K. P., 28 vjeç dhe Y. B., 46 vjeç, banues në Kurbin, të cilët janë dërguar në Spitalin e Traumës, në Tiranë. Shtetasi K. P. ka ndërruar jetë.

Në vendngjarje kanë shkuar menjëherë forca të shumta policie dhe grupi hetimor.

Gjithashtu, nga forcat policore të Komisariateve të Policisë Kurbin dhe Lezhë, me mbështetje edhe nga grupet e FNSH Shkodër, po bëhet krehja e zonës dhe janë ngritur pika kontrolli, me qëllim kapjen e autorit/ëve.

Janë ngritur pika kontrolli në Rrugën e Kombit, në drejtim të Matit, të Lezhës, të Tiranës dhe të Krujës.

Në fshatin Gramëz, rrethi Krujë, është konstatuar duke u djegur një automjet, që dyshohet se është automjeti i përdorur nga autori/ët për kryerjen e kësaj ngjarjeje kriminale. Nga kqyrja paraprake, brenda tij, janë gjetur 2 armë zjarri kallashnikovë.

Grupi hetimor, nën drejtimin e Prokurorisë së Rrethit Gjyqësor Kurbin, vazhdon veprimet hetimore, duke administruar çdo provë, pamje filmike, informacion si dhe dëshmi, për zbardhjen e plotë të rrethanave të ngjarjes./albeu.com/

The post Ky është Klisman Preçi që u “hoq qafe” sot në Milot (FOTO LAJM) appeared first on Albeu.com.

Sipas burimeve, 100 plumba u zbrazën në drejtim të Klevis Preçit dhe Ylli Brahimit pak minuta më parë.

Mesa duket edhe kësaj radhe atentatorët nuk ia arritën dot qëllimit. Biznesmeni 47-vjeçar Ylli Brahimi i shpëtoi një atentati në janar të 2021, ndërsa i riu Preçi i shpëtoi një atentati në maj të këtij viti.

ATENTATI NDAJ KLISMAN PREÇIT

Më 14 maj të këtij viti, Blerim Preçi u qëllua me armë rreth orës 20:00 teksa lëvizte me një makinë tip “ML” në të cilën ishte pasagjer edhe kushëriri i tij Klisman Preçi. 28-vjeçari Blerim Preçi, dyshohet se është ndjekur për disa kohë dhe autorët i dinin lëvizjet e tij.

Autorët të cilët lëviznin me një makinë “Audi” raportohet se i janë afruar makinë se të riut nga Miloti  duke dalë paralel dhe më pas kanë hapur zjarr ndaj tij. Sapo ka dëgjuar të shtënat Blerim Preçi ka frenuar makinën dhe më pas është hedhur në lëvizje e sipër. Makina ka vijuar të ecë dhe ka dalë jashtë rruge pas disa metrash.

The post Vdes te Trauma pas atentatit me 100 plumba, kush është Klisman Preçi që donin ta “hiqnin qafe” edhe 2 muaj më parë (VIDEO) appeared first on Albeu.com.

Bëhet fjalë për Klevis (Klisman) Preçi dhe biznesmenin Ylli Brahimi.

Mësohet të plagosurit janë nisur drejt spitalit të Traumës në Tiranë.

Drejt vendngjarjes janë nisur forcat e policisë për të zbardhur krimin. Dinamika dhe rrethanat e ngjarjes janë të paqarta.

Kjo ngjarje e rëndë vjen pas asaj të regjistruar disa ditë në parë në mbikalimin e Fushë-Krujës, ku mbetën të vrarë 3 persona.

Viktimat ishin Brilant Martinaj, Diklen Vata dhe Besmir Hoxha./albeu.com

The post Atentati në Milot, zbulohen emrat e të plagosurve appeared first on Albeu.com.