Ka qenë vetë këngëtari ku me anë të një postimi në faqen e tij në Instagram ka njoftuar edhe fansat e tij dhe lokalet ku do të performonte.

Ky vendim i këngëtarit ka ardhur si pasojë e vrasjes së mikut të tij, Brilant Martinaj një ditë më parë në atentatin në Fushë Krujë.

Në postimin e tij, Stresi thotë ndër të tjera se ka nevojë për qetësi në këtë moment të vështirë për të.  “I kërkoj ndjesë publikut. I kërkoj ndjesë të gjitha clubeve ku do performoja, por anuloj çdo aktivitet timin, kam nevojë për qetësi”, shkruan Stresi.

Në videon e publikuar, reperi dëgjohet teksa ka thënë në një nga permormancat e tij: “Një përshendetje speciale shkon për Brilant Martinaj”.

Brilant Martinaj mbeti i vrarë ditën e djeshme te mbikalimi i Fushë-Krujës. Ai ra pre e një atentati sëbashku me Diklen Vatën dhe Besmir Hoxhën, të cilët gjithashtu humbën jetën./albeu.com

The post Vrasja e Brilant Martinajt, Stresi merr vendimin: Anuloj çdo koncert appeared first on Albeu.com.

Në faqen e tij zyrtare në Facebook ai ka bërë një postim në lidhje me vrasjen e trefishtë në Fushë Krujë tregon se bandat nuk i tremben më policinë.

Deputeti demokrat akuzon qeverinë për lidhje me krimin duke nxjerrë kështu edhe “nga loja” policinë. Sipas Xhaferajt, ngjarje të tilla që po ndodhin në mes të ditës tregojnë se “shteti dhe bandat janë një.”

FERDINAND XHAFERAJ NË FACEBOOK

“Sot në Komision të Sigurisë dënova ashpër gjunjëzimin e shtetit përpara krimit.
Vrasja e trefishtë e së dielës na kujtoi dhunshëm se kur bandat nuk i tremben policisë, qytetarëve u mbetet të jetojnë në terror. Lidhjet e krimit me qeverinë kanë zhveshur policinë nga funksionet dhe e kanë kthyer atë në inventarizuese të makinave të djegura të bandave. Qetësia me të cilën vepruan autorët, në mes të ditës, në një aks të rëndësishëm, injekton frikë dhe pasiguri tek cdokush. Heshtja sa i përket krimit të ndodhur dhe masave që duhet të merren vërteton se shteti dhe bandat janë një.”/albeu.com

The post Atentati në Fushë Krujë, reagon Xhaferaj: Shteti dhe bandat janë një appeared first on Albeu.com.

“Nuk ke kohë për shkëmbim zjarri. Në atë pozicion, ka kamare poshtë urës, por ata kanë qëlluar mbi urë. Aty mund të dilte nga rruga por aty nuk ka pasur ku të shkosh. Ata po shkonin nga Fushë Kruja për në Laç. Autorët vijnë përballë. Autorët kanë pasur dijeni për viktimat. Dje i gjetën teksa nuk ishin vigjilent. Automjeti ka ardhur nga Fushë Kuqja. Ka ndaluar në Rinas ka pirë një kafe. Nga aeroporti po ktheheshin.” tha Hoxha në “Abc live”.

“E kanë ditur intinerarin dhe kanë gjetur vendin më të përshtatshëm. Mbi urë nuk shmangesh askush nuk ecën shpejt. Dhe objektivi nuk ka ku të shkojë. Rrezja e veprimit është shumë e ngushtë. Ata kanë qenë të sigurt se viktimat mund të jenë të armatosur. Janë minimumi 60 plumba kallashnikovi. Është përdorur edhe një MP5. Me breshëri se ata nuk donin që të kundërpërgjigjeshin. Ata kanë qëlluar në atë formë që të mos përgjigjeshe. Vetëm me makinë të blinduar mund të kundërpërgjigjesh.” tha Hoxha.

Hoxha ka shtuar se autorët kanë tentuar të godasin dikë më të madh se Brilant Martinaj, por nuk kanë mundur, dhe kanë gjetur rastin të godasin personat që janë treguar më pak vigjilent.

“Njëri prej tyre është ri qëlluar. A kanë synuar ata të godisnin një më të madh se Brilant Martinaj? Sigurisht. Po nuk kanë mundur. Autorët nga ura kanë zbaritur kanë ikur në Larushkë kanë djegur makinën dhe kanë ikur me makinë tjetër.” tha Hoxha.

Më tej, gazetari u shpreh se tashmë organizatat kriminale janë duke bashkëpunuar me njëra-tjetrën, duke bashkuar burimet financiare, ato njerëzore dhe logjistikën, gjë që i bën mjaft të rrezikshme për shoqërinë.

Gazetari Hoxha theksoi se ai kishte paralajmëruar edhe më herët në lidhje me ngarkesën kriminale të aksit Lezhë-Laç-Fushë Krujë, e cila ishte në pikën e vlimit dhe do të vinte një ditë që do të shpërthente.

“Kjo ngjarje në fakt është vijim i disa ngjarjeve të mëparshme. Kemi bërë shpesh apel në këtë studio, sidomos për qarkun e Lezhës dhe zonën e Fushë Krujës duke thënë se situata atje është në pikën e vlimit dhe pritet të shpërthejë. Gjatë këtyre viteve ka patur ngjarje ku herë është goditur njëra palë dhe më herë pala tjetër.

Unë më parë i quaja banda këto grupe, por tashmë janë kthyer në grupe kriminale të mirëstrukturuara. Grupet kriminale janë futur në aleanca me njëri-tjetrin duke bashkua financat, burimet njerëzore dhe logjistikën duke u fuqizuar ndjeshëm. Kjo i bën ata një rrezik përmanent për banorët e zonës. Për fat të mirë, deri më tani kanë goditur njeri-tjetrin dhe jo qytetarët”, tha Hoxha.

Gazetari i ABC kujtoi edhe vrasjen e Endrit Alibejt në fund të dhjetorit 2018 duke theksuar se edhe ajo ishte një ngjarje ku u ekzekutuan tre persona dhe më pas u pasua nga një numër i madh krimesh, deri në plagosjen e Nuredin Dumanit sëfundmi.

“Ajo që ndodhi dje në Fushë Krujë është tepër e rëndë. Për të kujtuar një ngjarje të ngjashme duhet të kthehemi katër vite pas, në dhjetor 2018 ku u vranë tre veta në Bradashesh. Ajo ngjarje pastaj u pasua me shumë vrasje të tjera, deri në plagosjen e Nuredin Dumanit”, tha Hoxha, ndërsa shtoi se ekzekutorët e Fushë Krujës ishin tepër profesionistë.

“Është një ekzekutim tipik mafioz, me njerëz profesionistë, të mirëorganizuar dhe mirëfinalizuar ku autorët nuk tërhiqen nga vendi i ngjarjes pa u siguruar se kanë realizuar objektivin”, tha Hoxha./abcnews.al

The post Atentati i trefishtë, trondit Artan Hoxha: Është tentuar të vritej “një kokë” më e madhe se Brilant Martinaj appeared first on Albeu.com.

Sipas burimeve, tre të rinjtë që mbetën viktimë e atentatit të sotëm në Fushë-Krujë ishin me precedent penal në fushën e krimeve ndaj personit.

Brilant Martinaj, 23 vjeç, banues në Fushë-Kuqe ishte me precedent kriminal, i dyshuar për veprën penale “vrasja e kryer në bashkëpunim” dhe “armëmbajtje pa leje.”

Diklen Vata, 30 vjeç njihej si person me precedent penal, kishte lidhje të afërt shoqërore me Brilant Martinaj dhe pjesëtar i grupit kriminal të Ervis Martinajt.

Besmir Hoxha, 34 vjeç, nga Fushë-Kuqe kishte lidhje të afërta shoqërore me Brilant Martinaj.

Ky i fundit dyshohet si autor i ekzekutimi të efektivit të FNSH-së Xhuliano Prela në dhjetor 2020 dhe ish-policit Xhelal Reçi më 1 nëntor 2021.

Asnjë nga krimet nuk është provuar.

Ndërsa Diklen Vata është kapur në shtator të 2017-ës me kokainë në Tiranë.

Dyshohet se ishin 4 autorë të cilët kanë vëzhguar makinën e viktimave, tip “Volsëagen Passat” që nga Rinasi deri në mbikalimin e Fushë-Krujës ku i kanë zënë pritë.

Gjithashtu bëhet me dije se autorët u larguan në drejtim të paditur, duke përfituar edhe nga mungesa e kamerave në atë zonë./albeu.com/

The post Pjesë e grupit të Ervis Martinajt, “ferri” ku ishin përfshirë 3 viktimat e atentatit të Fushë-Krujës appeared first on Albeu.com.

Stresi ka postuar në Instastory bisedën e tyre të fundit, ku Brilanti i shpreh dashurinë, duke e konsideruar si vëlla.

“Zemra vëllait krejt botën ma përmbyse”, ka shkruar reperi krahas mesazheve në Whasapp.

Në atentatin e sotëm mbetën të vrarë edhe dy persona të tjerë Besmir Hoxha dhe Diklen Vata.

Kujtojmë që vendi ku ndodhi ekzekutimi i të rinjve nuk ka kamera sigurie. Tre nga autorët që lëviznin me një makinë “Volswagen Passat” kanë zbritur dhe kanë qëlluar me breshëri plumbash në drejtim të tyre. Janë rreth 80 gëzhoja të gjetura në vendin e ngjarjes./abcnews.al

The post U “hoq qafe” me breshëri plumbash në atentatin me 3 viktima në Fushë-Krujë, STRESI publikon bisedën e fundit me Brilant Martinajn (FOTO&VIDEO) appeared first on Albeu.com.

Brilant Martinaj, Diklen Vata dhe Besmir Hoxha u ekzekutuan me breshëri plumbash ndërsa ishin duke lëvizur me një makinë tip “Volswagen Passat.”

Sipas burimeve, bëhet me dije se të rinjtë po lëviznin drejt nga Tirana drejt zonës së Mamurrasit.

Vendi i fundit ku është pikasur makina e 3 viktimave ishte aeroporti i Rinasit. Prej aty dyshohet se ka nisur edhe ndjekja e tyre. Autorët, të cilët janë 4 sipas policisë, i kanë mbajtur nën vëzhgim dhe i kanë zënë pritë në mbikalimin e Fushë-Krujës.

Vendi ku ndodhi ekzekutimi i të rinjve nuk ka kamera sigurie.

Tre nga autorët që lëviznin me një makinë “Volswagen Passat” kanë zbritur dhe kanë qëlluar me breshëri plumbash në drejtim të tyre. Janë rreth 80 gëzhoja të gjetura në vendin e ngjarjes.

Policia gjeti në fshatin Larushkë një makinë të djegur e cila dyshohet se i përket autorë. Brenda makinës u gjetën edhe 3 armë të cilat janë përdorur për të ekzekutuar Martinaj, Hoxhën dhe Vatën.

Makina e viktimave, sipas burimeve të grupit hetimor ka marrë flakë nga breshëria e plumbave. Si pasojë Martinaj dhe Hoxha u shkrumbuan brenda mjetit, ndërsa Vata kishte tentuar të lërgohej, por autorët e kthyen dhe e qëlluan duke e lënë të vdekur jashtë makinës.

Policia dhe RENEA kanë blinduar Larushkën dhe Niklën për të bërë të mundur kapjen e autorëve./Abcnews.al/

The post DETAJET/ Autorët i vëzhguan 3 viktimat që nga Rinasi, i zunë pritë në Fushë-Krujë dhe i ekzekutuan me 50 plumba appeared first on Albeu.com.

Nëpërmjet një postimi në Instagram, Prenga shpreh dhimbjen që ndjen pas ndarjes nga jeta të 22-vjeçarit Martinaj.

“Na e bane zemren copash Brilant. Copash o vellai jone. Ne ma t’miren dite e ma t’miren moshe i shkon afer Zotit. Tu prehte shpirti ne paqe. Ngushellime miqte e mi Zoti ju forcofte ���”, shkruan boksieri.

 

View this post on Instagram

 

A post shared by Kristian Prenga (@kristprenga)

Nuk dihet ende nëse ka një lidhje familjare apo shoqërore midis Prengës dhe Brilant Martinaj, por vlen të theksohet se shpeshherë i riu është parë në shoqërinë e emrave të njohur të muzikës dhe shoëbizit në Shqipëri, mes tyre edhe rreperin Stresi.

Kujtojmë se në atentatin e sotëm në Fushë-Krujë mbetën të vrarë Brilant Martinaj, Diklen Vata dhe Besmir Hoxha./albeu.com/

The post “La kockat” në atentatin e Fushë-Krujës, boksieri shqiptar dedikim prekës për Brilant Martinaj (FOTO LAJM) appeared first on Albeu.com.

Postimi i Lutfi Dervishit:

Ngjarja ndodh në mes të ditës. (natën as autorët nuk e ndjejnë veten të sigurtë)

2.Viktima del që duhet të ishte në burg bazuar mbi akuzat që i bëhen publike ose person në kërkim!

Viktimat mund të jenë “emra të njohur” për policinë e shtetit me shumë gjasë biznesmen.

Autori/autorët largohen gjithmonë në një drejtim: “drejtim të paditur”.

Makina e autorëve gjendet, nga gazetarët, e djegur pak kilometra nga vendngjarja. Makina ose është e vjedhur ose ka numër rekord gjobash të papaguara.

Zjarrëfiksja dhe ambulanca bllokohen në trafik.

Makina funeralit mbërrin e para.

Policia mbërrin në vendngjarje dhe qetëson publikun. “Autorët dhe viktima janë me precedent penal. Asgjë për t’u shqetësuar, është larje hesapesh mes bandave rivale.

Policia nis punën për zbardhjen e ngjarjes dhe kapjen e autorëve.

Policia saktëson se nuk pati viktima në makinat e tjera që po qarkullonin në atë moment.

11.Policia informon se ka ngritur postoblloqe në të gjitha pikat hyrëse e dalëse të Fushë Krujës e rrethinave. (Në pritje që autorët të paraqiten në ndonjë postobllok).

Pas reagimit të opozitës, policia do të thotë: “ju bëjmë thirrje të mos bëni politike me krimin!

Në darkë policia do të njoftojë se jep x lekë për këdo që jep informacion për identitetin e vendndodhjen e autorëve.

Nëse do të ishte fushatë zgjedhore policia do të shtonte: “në makinë nuk u gjetën materiale zgjedhore”

P.S. Përfundimi: Këto ngjarje ndodhin kudo në botë. Bëhen edhe filma.

The post Atentati me 3 viktima në Fushë-Krujë, ironia e gazetarit: Ngjarje si kjo ndodhin kudo, bëhen edhe filma appeared first on Albeu.com.

Bëhet fjalë për A. Hoxha, Diklen Vata dhe Brilant Martinaj. Ky i fundit ka qenë edhe mik i ngushtë me reperin e njohur, Stresi.

Këtë e konfirmojnë edhe disa fotografi që ata kanë shkrepur së bashku, në një berberhane.

Kujtojmë që Brilant Martinaj është kushëriri i Ervis Martinajt. Ai dyshohet se ka qenë autor i vrasjes së së dy efektivëve./albeu.com/

The post U “hoq qafe” në atentatin me 3 viktima të Fushë-Krujës, kushëriri i Ervis Martinajt shok me Stresin (FOTO LAJM) appeared first on Albeu.com.

Sipas burimeve, dyshohet se kanë qenë 4 autorë, 3 prej të cilëve kanë dalë nga makina dhe kanë qëlluar në drejtim të makinës me të cilin udhëtonin 3 personat e vrarë.

Gjithashtu uniformat blu kanë dyshime të forta se atentatorët janë nga Nikla dhe po punohet për kapjen dhe vënien e tyre para drejtësisë./albeu.com/

The post Dyshohet se janë nga Nikla, RENEA “i sulet” autorëve të atentatit me 3 viktima appeared first on Albeu.com.