atentati ne athine Archives - Albeu.com

Me dy emra dhe dy mbiemra, kush është 32-vjeçari shqiptar i plagosur në Athinë

Xh — Mon, 28 Aug 2023 08:51:51 +0000

Jorgo Zeneli alias Rafaeolo Tona është 32-vjeçari shqiptar i cili mbeti i plagosur në Athinë.

Së bashku me të u plagos edhe një 20-vjeçare greke. Sipas raportimeve të para, të dy ndodheshin rastësisht në vendin e ngjarjes dhe nuk njiheshin me njëri-tjetrin.

Ngjarja ka ndodhur mbrëmjen e djeshme jashtë një shkolle në rrugën Panormou në lagjen Ambeloqipi të Athinës.

Për policinë greke çdo gjë është e mbuluar me mister, pasi kur ata mbërritën në vendin e ngjarjes nuk gjetën persona të plagosur, as gëzhoja dhe as dëshmitarë.

Më vonë u lajmëruar nga mjekët se në spital kishin mbërritur dy persona të plagosur me armë zjarri.

32-vjeçari kishte marrë një plumb në shpallur, ndërsa e reja greke ishte plagosur në këmbë.

Të dy janë jashtë rrezikut për jetën.

Policia dyshon se shënjestra e atentatit ka qenë shtetasi shqiptar, 32-vjeçari Jorgo Zeneli.

Sipas informacioneve të para, Zeneli ka qenë i ndaluar disa herë prej policisë greke për shitje të sasive të vogla të drogës, ndërsa dy herë është kapur dhe është deportuar pasi nuk kishte leje qëndrimi në Greqi.

Në databazën e policisë helene, ai është skeduar edhe me emrin Rafaelo Tona. Hetimet lidhur me ngjarjen janë nisur nga departamenti kundër krimeve të policisë së Athinës./albeu.com/

The post Me dy emra dhe dy mbiemra, kush është 32-vjeçari shqiptar i plagosur në Athinë appeared first on Albeu.com.

Atentat me armë zjarri shqiptarit në Athinë, dyshimet e para

admin — Sat, 16 Jul 2022 05:39:24 +0000

Një atentat me armë zjarri ka ndodhur në Athinë na orët e vona të mbrëmjes së djeshme.

Si pasojë e sulmit ka mbetur i plagosur një shtetas shqiptar.

Sipas burimeve nga mediat greke, ngjarja ka ndodhur në Metaksurgio, në rrugën Xiuo 6.

Mësohet se shqiptari ka marrë plagë në bark dhe këmbë dhe është transportuar me urgjence në spital. Ngjarja dyshohet për larje hesapesh për trafikun e drogës.

Sakaq forca të shumta policie zbritën në terren, ndërsa po punohet për zbardhjen e ngjarjes.

The post Atentat me armë zjarri shqiptarit në Athinë, dyshimet e para appeared first on Albeu.com.

Përplasja me armë në Athinë, flasin dëshmitarët të tronditur: Menduam se ishin fishekzjarrë, pamë një polic që çalonte, kishim frikë

E S — Sun, 03 Jul 2022 09:25:41 +0000

Kështu shprehet një dëshmitar okular i përplasjes me armë që ndodhi mbrëmjen e kaluar në Athinë, ku mbetën të vrarë 3 shqiptarë dhe u plagosën 3 persona të tjerë, mes tyre dy efektivë të policisë greke.

Sipas mediave greke, dy efektivët e policisë të plagosur janë transportuar në Spitalin e Përgjithshëm Ushtarak 401 të Athinës dhe janë jashtë rrezikut për jetën.

Dëshmitarët kanë treguar të tronditur ngjarjen, teksa thonë se janë trembur dhe për jetën e tyre.

“Ndodhi 50 metra larg nesh. Ne pamë një oficer policie që çalë dhe një tjetër që ishte poshtë. Kishim frikë se do afrohej. Disa thonë se ka grabitur një dyqan dhe teksa po kalonin policët, aksidentalisht u përplasën me ta”, tha një dëshmitar.
Dy shqiptarët e vrarë fillimisht rezultojnë me precedentë penalë në Greqi për çështjes droge dhe ishin arrestuar këtë vit nga policia. Dyshohet se aktiviteti ilegal ka qenë dhe motivi i përplasjes mes tyre që i mori jetën dhe një shqiptari të tretë./albeu.com

The post Përplasja me armë në Athinë, flasin dëshmitarët të tronditur: Menduam se ishin fishekzjarrë, pamë një polic që çalonte, kishim frikë appeared first on Albeu.com.