“Xhelal Reçi ka trokitur te pesë drejtorët e fundit dhe ka thënë këta janë hasmit e mi dhe kërkojnë për të më vrarë. Janë 22 atentate, ky është i 23-ti për autor”, tha ish-zyrtari i Policisë së Shtetit, Shemsi Prençi,  në emisionin “BardhaZi”.

Zv/ drejtori i Policisë së Shtetit Albert Dervishaj deklaroi se në lidhje me këtë ngjarje tashmë po hetohet nga policia dhe do të ketë një përfundim. “Për vrasjen e Reçit po hetohet dhe do të kemi një përfundim”, deklaroi Dervishaj.

Xhelal Reçi mbeti viktimë, pasi u qëllua me armë pranë biznesit të tij në Laç. 60-vjeçari është babai i Besnik Reçit, të cilit iu bë atentat një vit më parë.

Ngjarja ndodhi në gusht të vitit 2020 në mes të Shëngjinit. Besniku, i shpëtoi atentatit të mirëorganizuar. Ai ishte duke udhëtuar në rrugën Lezhë-Shëngjin bashkë me dy fëmijët e mitur dhe bashkëshorten, kur dy persona të armatosur me motor, e ndoqën dhe tentuan ta qëllonin me plumba. /albeu.com/

The post I shpëtoi 22 atentateve! Ish-polici e dinte që do t’a vrisnin, lëvizjet e fundit para tragjedisë appeared first on Albeu.com.

Reçi u qëllua me breshëri plumbash nga dy persona të cilët organizuan atentatin për t’I marrë jetën në një ndër qendrat më të populluara të këtij qyteti përballë bizneseve të tij.

Policia ka nisur hetimet dhe është në kërkim të autorëve të cilët sipas dyshimeve pas atentatit kanë djegur makinën e krimit në Milot.

Sipas policisë, një pistë shumë e mundshme është ajo e djalit pasi rreth 1 vit më parë, atij iu tentua t’I bëhej një atentat, I cili dështoi.

Djali i viktimës, denoncoi te ish-kryeministri Sali Berisha se disa persona e kanë ndjekur me motor e më pas e kanë qëlluar.

Atentati ndaj tij ka ndodhur në 15 gusht 2020, përgjatë rrugës së Shëngjinit deri në Bushat të Shkodrës.

Reçi tregoi se personat e kanë qëlluar me armë teksa ai ishte në makinën e tij së bashku me bashkëshorten dhe dy fëmijët e tij.

NJOFTIMI/ ATENTATI NDAJ BESNIK REÇIT

Më datë 16.08.2020 u referuan materialet në Prokurorinë pranë Gjykatës së Shkallës Parë Lezhë dhe punohet për identifikimin dhe kapjen a autorëve, sepse më datë 15.08.2020, ora 19:30, në lagjen ‘’Xhenjo’’Lezhë, në rrugën Lezhë-Shëngjin, dy persona të paidentifikuar, të cilët lëviznin me një motorçikletë dhe skafanda në kokë, kanë qëlluar më armë zjarri pistoletë 3 herë, në drejtim të automjetit tip Mercedes Benz C Class me ngjyrë gri me targa AA 811 AB, me të cilin po lëvizte shtetasi Besnik Xhelal Reçi, i datëlindjes 31.08.1985, banues në Gjorme Kurbin, sëbashku me familjen e tij, bashkëshorten dhe 2 djemtë e mitur.

Në cilesinë e provës materiale u bllokua një gëzhojë me përmasa 9x19mm dhe një kapsollë detonatore e pa gropëzuar si dhe një fishek i pa gropëzuar. Nenet 76, 22, dhe 278 të K.Penal. /albeu.com/

The post Dalin pamjet! Si u shpëtoi atentatit djali i ish-policit që u vra sot në Laç (VIDEO) appeared first on Albeu.com.