Kërkoni kujdes mjekësor nëse përjetoni një nga simptomat e mëposhtme:

1 – Marramendje
Shumica e sulmeve në zemër nuk shkaktojnë humbjen e papritur të vetëdijes, por ato mund të pakësojnë ose të ndërpresin rrjedhjen e gjakut që çon oksigjen në zemër dhe në tru, gjë që mund t’ju bëjë të përjetoni paqartësi.

2 – Dhembje në pjesën e sipërme të trupit
Zemra jonë nuk ka shumë mbaresa nervore, kështu që ndonjëherë ndan një rrugë me nervat e pjesëve të tjera të trupit, duke shkaktuar dhembje që ndihen në shpinë, shpatulla, krahë, qafë ose nofull.

3 – Lodhje e pajustifikuar
Ndjenja e lodhjes pas një nate pa gjumë ose një dite stresuese është normale, por më shumë se gjysma e grave ndihen të lodhura ose kanë dobësi trupore për më shumë se një muaj përpara se të pësojnë një atak në zemër.

4 – Djersitje
Me përjashtim të rasteve kur jeni duke kaluar menopauzën ose keni kryer aktivitet fizik, djersët e ftohta mund të sinjalizojnë një sulm në zemër.

5 – Të përziera
Një sulm në zemër mund të shkaktojë të përziera, një situatë e cila ndodh më shpesh te femrat sesa te meshkujt (shumë prej tyre gjithashtu ndihen sikur po preken nga gripi para një sulmi në zemër). Nëse keni të përziera të papritura dhe konstante që nuk vijnë nga ushqimi i konsumuar, duhet të shkoni te mjeku.

6 – Frymëmarrje e shpeshtë
Nëse ushtrimet fizike të një ngarkese normale ju duken të papërballueshme, duhet të bëni një vizitë me mjekun. Nëse papritur frymëmarrja ju vështirësohet sikur të ishit duke ngjitur shkallët dhe nuk mund të qetësoheni duhet t’i telefononi urgjencës.

The post Nuk është dhimbje kraharori, 6 shenjat që jep trupi para goditjes nga ataku kardiak appeared first on Albeu.com.

Për të shmangur sulmet ne zemër, mjekët kardiologë këshillojnë që futja në det të mos bëhet në mënyrë të menjëhershme.

Mimoza Luzati, mjeke kardiologe: Ne rekomandojmë gjithmonë që futja të jetë graduale, asnjëherë hedhje të menjëhershme, të lagen këmbët, duart, të mësohet trupi me temperaturën e ujit dhe më pas të bëhet zhytja e plotë e trupit në ujë.

Të moshuarit janë ata që kryesisht kanë humbur jetën në det si pasojë e atakut kardiak, megjithatë nuk mungojnë edhe moshat më të reja, pasi viteve të fundit edhe tek ta janë shtuar rastet me sëmundje zemre.

Mimoza luzati, mjeke kardiologe: Kemi një trend në ulje të moshës së pacientëve të prekur me sëmundje kardiovaskulare, dhe 35 vjeç kemi pasur raste gjatë muajve të fundit që kemi konstatuar këtu në qendrën tonë.

Prania e vrojtuesve të plazhit dhe kontakti direkt me urgjencën menjëherë sapo ndjehet shtrëngim në gjoks, lodhje apo marrje mendsh, janë domosdoshmëri për shmangien e ngjarjeve fatale.

Gjergj Gjata, përfaqësues, Federata Shqiptare e Vrojtuesve të Plazhit: Rastet kanë qenë goxha të shpeshta nga mosinformimi i këtyre personave. Prandaj duhet të jetë me se s’bën vrojtuesi i plazhit për të dhënë ndihmën e parë.

Përpara se të nisin pushimet, personat me sëmundje të zemrës apo hipertension rekomandohen që të konsultohen kardiologun për të marrë këshillat dhe trajtimet përkatëse mjekësore. /Tv Klan/

The post Vdekjet nga ataku kardiak në det, mjekët japin alarmin: Po rritet numri i të rinjve të prekur nga sëmundjet e zemrës appeared first on Albeu.com.