I ftuar në “Radarin Informativ” në ABC, Patozi është shprehur se nuk është simpatizant as i Bashës as i Berishës, por sipas tij, kur bëhet fjalë për përballjen me Ramën, ai mbështet opozitën.

“Mes Bashës dhe Berishës nuk zgjedh asnjërin. Do zë hundët dhe do e pranoj si opozitë të bashkuar. Por mes Edi Ramës dhe tyre më mirë zgjedh opozitën. Nuk më takon” tha Patozi.

“Beteja e sotme është selia e PD. Ka vlerë. Se Sali Berisha edhe nëse ka shumicë dërrmuese në 6 mars, prapë juridikisht PD e ka të vështirë që ta pushtojë. Mbështetësit e tij janë ndarë nga Basha me betejë fizike dhe duan një trofe. Ku po shkojnë. Sali Berisha e ka të nevojshme tu japë diçka atyre. Po pastaj përtej 6 marsit? U kam sugjeruar që të pranojnë të ndahen”, ka shtuar ai.

Për Patozin, nëse në PD nuk bashkohen forcat atëherë i humburi është Sali Berisha.

“Kjo do prodhoj dy parti. Se Meta e Nano ditën që të ndahen në kohë. Vota ka rrjedhur tani ku këta ishin bashkë dhe nuk fituan dot. Pra problemet e brendshme që sot ishin në sipërfaqe kanë pasur rolin e tyre edhe në 25 prill. Sot nuk kanë cfarë të ruajnë. Tani duhet të mbyllin këtë betejë të ribashkohen. Nëse nuk e bëjnë vetëm Berisha është i humbur. Se Berisha sot është në rrugë. Fakti që Meta e njeh si përfaqësues të opozitës nuk e ndihmon”, përfundoi Patozi./albeu.com/

The post “Do zë hundët”, Astrit Patozi tregon nëse mbështet Bashën apo Berishën appeared first on Albeu.com.

Patozi tha se Meta duhet të kishte dekretuar datën e zgjedhjeve shumë kohë më parë, por zgjodhi ta bënte pikërisht tani kur në PD është krijuar konflikti Berisha-Basha.

“Është një lëvizje politike e Ilir Metës në ndihmë të Sali Berishës. Test për të dy forcat brenda PD. Presidenti duhet të bënte zgjedhjet atëherë kur ranë kryetarët.” ka thënë Patozi.

“Meta nuk e bëri zgjedhjet edhe për komisionin Vencias. Vetëm kur doli ky problemi mes Bashës e Berishës. Meta do ti japi oksigjeni. Ata duan të ekspozojnë Bashën si pakicë. Mund t’ja arrijnë këtë qëllim. Por kanë një gjë se do humbin një betejë me publikun shqiptarë. Se duan të provojnë se nuk janë misionar të opozitës e duhet ta kishin betejën me Edi Ramëns. Basha e Berisha do e humbin betejën nëse nuk do arrijnë të kenë kandidat të përbashkët.” tha Patozi./albeu.com/

The post Dekreti për zgjedhjet, Patozi “hap kartat”: Meta po i jep oksigjen Berishës appeared first on Albeu.com.

Patozi e ka cilësuar vendimin fund të një marrëzie politike dhe me një kosto shumë të lartë për opozitën dhe veçanërisht PD-në, që pasoi aventurën e rrezikshme të bojkotimit të zgjedhjeve të 30 qershorit.

Reagimi i Patozit:

FUNDI I PRITSHËM I NJË MARRËZIE POLITIKE

Fundi i pritshëm i një marrëzie politike, gjatë kohës kur “Foltorja” dhe vulëmbajtësit e partisë mendonin dhe vepronin njësoj. Një aventurë e rrezikshme, e cila përfundoi me një kosto shumë të lartë për të gjithë opozitën, por veçanërisht për Partinë Demokratike.

Do të habitesha shumë, nëse dikush nga palët ndërluftuese do të shprehte sot pendesë apo reflektim, pas vendimit të së vetmes gjykatë në Shqipëri, e cila, të paktën deri tani, nuk konsiderohet ende si e kapur nga pushteti. E cila, në fakt, nuk ka bërë ndonjë gjë më shumë, se sa ka përkthyer fermanin e ashpër dhe të qartë të Komisionit të Venecias.

Një provë e tërthortë se sot nuk po kacafyten për parime apo për marrje përgjegjësish ndaj dëmeve serioze që i kanë shkaktuar kauzave opozitare, por thjesht dhe vetëm për pronësinë e Partisë Demokratike.

Tani e kanë të mbyllur një herë e përgjithmonë atë shteg. Sepse e kanë të shkruar si në pllakë të varrit, se jo vetëm nuk mund ta përsërisin më atë eksperiment të çmendur, por as nuk mund të guxojnë ta çojnë atë nëpër mend.

The post Zgjedhjet e 30 qershorit legjitime, Patozi: Fund i pritshëm i një marrëzie politike appeared first on Albeu.com.

Sipas Patozit, Basha duhet të dalë përballë demokratëve dhe t’i mbushë mendjen atyre që Berisha e ka gabim me këto qëndrime. Në “Opinion” Patozi thotë se gjatë karrierës së tij politike nuk ka pasur kurrë idhull.

“Një njeri që pretendon të ketë një parti të tijën, ai ka frikë nga partia e vet. I ka dalë tjetri si “Tursun Pasha” dhe po e mban të rrethuar në kështjellë, po e mban pa e sulmuar, po e mban që t’i mbarojë uji, ai nuk del.

Basha duhet të shpjegohet dhe të dalë përballë demokratëve dhe të thotë që këto janë të pavërteta pavarësisht se ky është Sali Berisha pavarësisht se ai ishte idhulli i tij. Sepse unë skam pas kurrë idhull dhe skam për të pasur, do vdes i qetë për këtë pjesë”, tha Patozi.

The post Astrit Patozi: Lulzim Basha po e pëson keq nga idhulli i tij, Sali Berisha appeared first on Albeu.com.

Patozi shkruan se politikanët në perëndim ikin po i humbur kurrë zgjedhjet, ndërsa në Shqipëri nuk largohen edhe po t’i vrasësh.

“Ja kaq “e vogël” është diferenca e për pasojë edhe kontrasti mes dy botëve”, shkruan më tej Patozi.

Postimi i Astrit Patozit:

JA KAQ ËSHTË DIFERENCA…

Në perëndim politikanët ikin edhe pa i humbur kurrë zgjedhjet, ndërsa në Shqipëri ata nuk largohen edhe po t’i vrasësh.

Sepse humbjet nuk i quajnë fare problem, por thjesht etapa krejtësisht normale të karrierës së tyre.

Ja kaq “e vogël” është diferenca e për pasojë edhe kontrasti mes dy botëve./albeu.com

The post “Kaq është diferenca” Patozi krahason Bashën me Merkelin appeared first on Albeu.com.

POSTIMI I PLOTË I ASTRIT PATOZIT: 

The post Lufta Berisha-Basha, Astrit Patozi u nxjerr të palarat: Kush bashkëpunoi më shumë me Ramën? appeared first on Albeu.com.

Kjo do të thotë që në zgjedhjet e ardhshme, deputeti që merr më shumë vota hyn në Kuvend, pa pasur rëndësi renditja.

Pas këtij vendimi ka reaguar Patozi përmes një postimi në Facebook. Ai shkruan se është një vendim i duhur, edhe pse i vonuar.

Reagimi i Patozit:

VENDIM I DUHUR EDHE PSE I VONUAR

E përshëndesim vendimin e sotëm të Gjykatës Kushtetuese për rrëzimin e herësit të Damianit, i cili e mbyllte me dry kinez listën e deputetëve, që e kishte hapur më parë Kushtetuta.

Në pritje të zbardhjes të vendimit, për të cilin nuk besojmë të ketë të papritura, e falenderojmë trupën, që për këtë çështje nuk iu drejtua Komisionit të Venecias.

E kemi ditur që në fillim dhe nuk prisnim që kjo e drejtë do të aplikohej për zgjedhjet e 25 prillit, i cili do të kishte qenë shërbimi i duhur dhe në kohë për demokracinë dhe shtetin tonë të së drejtës. Por tek e fundit, në Shqipëri do të ketë prapë zgjedhje edhe pas 25 prillit. Kjo ishte e vetmja mundësi që kishim për të vlerësuar votën dhe vullnetin e qytetarëve shqiptarë, siç ata e hedhin, dhe ne atë e shfrytëzuam.

Pas kësaj, presim që këtë vendim ta përshëndesë edhe Partia Demokratike, si forca kryesore e opozitës, sepse ajo para zgjedhjeve është shprehur për lista 100 përqind të hapura./albeu.com

The post Gjykata Kushtetuese pranoi vendimin e tij për hapjen e listave, Patozi: Vendim i duhur, edhe pse i vonuar appeared first on Albeu.com.

Kjo do të thotë që në zgjedhjet e ardhshme, deputeti që merr më shumë vota hyn në Kuvend, pa pasur rëndësi renditja.

Vendimi i GJK:

Gjykata Kushtetuese e Republikës së Shqipërisë mori në shqyrtim në seancën plenare publike të datës 09.06.2021 çështjen me kërkuese partinë “Bindja Demokratike” dhe partinë “Lëvizja Demokratike Shqiptare”, me objekt shfuqizimin e nenit 163 të ligjit nr. 10019, datë 29.12.2008 “Kodi Zgjedhor i Republikës së Shqipërisë”, të ndryshuar me nenin 21 të ligjit nr. 118/2020, si i papajtueshëm me Kushtetutën e Republikës së Shqipërisë.

Në përfundim të shqyrtimit, Gjykata Kushtetuese

VENDOSI:

– Pranimin pjesërisht të kërkesës.

– Shfuqizimin e pikës 3 të nenit 163 të Kodit Zgjedhor si të papajtueshëm me Kushtetutën.

Vendimi përfundimtar do të shpallet i arsyetuar brenda afateve ligjore të parashikuara nga ligji nr. 8577, datë 10.02.2000 “Për organizimin dhe funksionimin e Gjykatës Kushtetuese të Republikës së Shqipërisë”, i ndryshuar.

Ndërsa me një vendim tjetër, gjykata rrëzon 5 aleatet e Bashës që kishin pretendime për formulën e financimin të partive me fondet shtetërore.

Vendimi i GJK:

Gjykata Kushtetuese e Republikës së Shqipërisë mori në shqyrtim në seancën plenare publike të datës 17.06.2021 çështjen me kërkuese Partinë Republikane të Shqipërisë, Partinë Agrare Ambientaliste, Partinë Lëvizja për Zhvillim Kombëtar, Partinë Bashkimi për të Drejtat e Njeriut dhe Partia Demokristiane të Shqipërisë, me objekt shfuqizimin e fjalisë së dytë të paragrafit të tretë të nenit 88 të Kodit Zgjedhor: “Për partitë pjesëtare në koalicion, numri i votave të vlefshme takuese përllogaritet duke mbledhur mesataren e votave për mandat për çdo kandidat të zgjedhur nga radhët e tyre.”, si të papajtueshme me Kushtetutën e Republikës së Shqipërisë.
Në përfundim të shqyrtimit, Gjykata Kushtetuese
VENDOSI:

– Rrëzimin e kërkesës.Vendimi përfundimtar do të shpallet i arsyetuar brenda afateve ligjore të parashikuara nga ligji nr. 8577, datë 10.02.2000 “Për organizimin dhe funksionimin e Gjykatës Kushtetuese të Republikës së Shqipërisë”, i ndryshuar./albeu.com

The post Gjykata Kushtetuese merr vendimin, hap listat e kandidatëve për deputetë appeared first on Albeu.com.

Përmes një statusi në rrjetet sociale, me nota ironie ai shkruan se “në Shqipëri të gjithë fitojnë pastër”, duke iu referuar kështu fitores së Lulzim Bashës, por edhe të mandatit të tretë të PS-së më 25 prill.

Më tej ai shkruan se “rëndësi ka pjesëmarrja çuna” duke shtuar se fituesit flasin për demokraci funksionale, ndërsa të mundurit janë të lirë të ankohen.

Postimi i Astrit Patozit

NË SHQIPËRI TË GJITHË FITOJNË PASTËR

Edi Rama fiton pastër me Lulin, megjithëse për dikë kjo quhet masakër zgjedhore ose inxhinjeri manipulimi.

Basha, po ashtu, i mund pastër rivalët e vet në PD, ndonëse kjo konsiderohet si maskaradë zgjedhore.

Por edhe “të mundurit” e tij do të fitonin thellë me ndjekësit e tyre në FB, gjithmonë, nëse do të ishin vetëm ata që do të votonin.

Ndërkohë që secili prej këtyre të fundit ndjehet pa asnjë dyshim Zot, kur shkon në shtëpinë e vet, sepse e vë në rresht gruan bashkë me fëmijët, në shumicën e rasteve pa asnjë kontestim rezultati.

Rëndësi ka pjesëmarrja çuna, se të tjerat rregullohen. Nuk prishemi asnjëherë për termat. Fituesit le të flasin për demokraci funksionale, ndërsa të mundurit janë të lirë të ankohen për autokraci, madje edhe për diktaturë, po nuk u mjaftoi llogaria.

Puna është si të shtyhen ditët deri në zgjedhjet e tjera, secili sipas rangut, mjafton që të kesh dikë poshtë vetes.

The post “Rëndësi ka pjesëmarrja çuna”, Astrit Patozi ironizon rizgjedhjen e Bashës në krye të demokratëve appeared first on Albeu.com.

Në argumentin e tyre të dy partitë edhe pse kanë dorëzuar kërkesa të ndarë shprehen se antikushtetueshmëria e të ashtuquajtuarit herës në shpërndarjen e mandateve është një element që cenon barazinë e votës dhe që praktikisht bie ndesh me parimin e listës së hapur të sanksionuar në kushtetutë.

Kjo çështje do të merret në shqyrtim nga Gjykata Kushtetuese më 9 qershor 2021, dhe është çështja e dytë më e rëndësishme që shqyrtohet pas 25 prillit. Çështja e parë është ajo e 3 qershorit ku do të shqyrtohen dy kërkesat e presidenti Ilir Meta lidhur me Teatrin Kombëtar që janë për shfuqizimin e  kalimit të pronësisë së Teatrit nga Ministria e Kulturës tek Bashkia Tiranë dhe shfuqizim të procedurës së kontratës për ndërtimin e godinës së re të Teatrit Kombëtar.

Neni 163 i Kodit Zgjedhor

Ndarja e mandateve brenda koalicionit

1. Menjëherë pas përfundimit të llogaritjes së rezultatit, sipas nenit 162 të këtij Kodi, KQZ-ja përllogarit shpërndarjen e mandateve brenda koalicionit në çdo zonë zgjedhore, mbi bazën e numrit të votave të vlefshme që secila parti pjesëtare e koalicionit ka marrë në zonën zgjedhore përkatëse dhe numrit të mandateve që koalicioni ka fituar në zonën zgjedhore përkatëse.

2. Numri i votave të vlefshme të secilës parti pjesëtohet në mënyrë të vazhdueshme me numra natyrorë tek të njëpasnjëshëm, të quajtur pjesëtues, duke filluar me numrin 1 dhe duke përfunduar me numrin natyror që i korrespondon dyfishit të numrit të mandateve që shpërndahen në zonën zgjedhore përkatëse. Në rast se herësi që përftohe  nga pjesëtimi është një numër me mbetje dhjetore, si herës merret numri i plotë më i afërt.

3. Herësit e përftuar nga çdo pjesëtim renditen në listë nga herësi më i madh tek ai më i vogël, duke renditur përkrah tyre subjektin, të cilit i përket herësi përkatës. Në rast se herësi është një numër me mbetje dhjetore, si herës merret numri i plotë më i afërt. Renditja vazhdon derisa të renditen aq herës sa është numri i mandateve që shpërndahen brenda koalicionit në zonën zgjedhore përkatëse.

4. Një parti politike përfiton një numër mandatesh të barabartë me numrin e herësve të përfshirë në listën e përcaktuar në pikën 3 të këtij neni. Në rast se për vendin e fundit në listën e përcaktuar në pikën 3 të këtij neni rezultojnë dy apo më shumë subjekte me të njëjtin herës, mandati i jepet atij subjekti që ka fituar numrin më të madh të votave dhe nëse ato kanë numër të barabartë votash, atëherë përcaktohet me short midis atyre partive. Shorti hidhet publikisht në KQZ, në prani të subjekteve të interesuara.

5. Menjëherë pas përfundimit të procedurave për ndarjen e mandateve për çdo parti politike, sipas këtij neni, KQZ-ja përcakton mandatet nominale për çdo parti politike, në bazë të renditjes së kandidatëve në listë, të depozituar sipas pikës 4 të nenit 67 të këtij Kodi, në rend zbritës, duke filluar nga numri rendor një.

6. Kryetari i partisë, i regjistruar në më shumë sesa një listë, sipas pikës 3 të nenit 67 të këtij Kodi, i cili ka fituar mandat në më shumë se një zonë zgjedhore, mban vetëm mandatin e fituar në zonën zgjedhore ku lista fituese ka marrë numrin më të vogël të votave, sipas përllogaritjes së neneve 162 dhe 163 të këtij Kodi. Mandatet e tjera të fituara nga kryetari i partisë u shpërndahen kandidatëve të tjerë, që renditen menjëherë pas tij në listën shumemërore përkatëse.

7. Shpërndarja e mandateve, sipas nenit 162 dhe këtij neni për çdo zonë zgjedhore miratohet me vendim. Vendimi nxirret për çdo zonë zgjedhore më vete. Vendimi mund të ankimohet në Kolegjin Zgjedhor, sipas procedurave të pjesës XI të këtij Kodi, nga subjektet e parashikuara në pikën 1 të nenit 124, përfshirë edhe kandidatët e listës shumemërore.

The post Patozi e Murrizi kërkuan rrëzimin e nenit për ndarjen e mandateve, Kushtetuesja cakton datën e seancës appeared first on Albeu.com.