Sipas BBC, deri më tani në Britani janë raportuar tridhjetë raste të mpiksjes së gjakut deri të premten, MHRA tha se “përfitimet e vaksinave kundër Covid-19 vazhdojnë të tejkalojnë çdo rrezik”, duke nxitur publikun të vazhdojë të marrë vaksinën.

Të dhënat e lëshuara nga MHRA të Premten, treguan 22 raste të trombozës së sinusit venoz cerebral (CVST) që është një lloj i mpiksjes së gjakut në tru. Këto shoqëroheshin me nivele të ulëta të trombociteve, të cilat ndihmojnë në formimin e mpiksjes së gjakut, në trup. MHRA gjithashtu gjeti probleme të tjera të mpiksjes së bashku me nivele të ulëta të trombociteve në tetë persona.

“Një hetim i plotë mbi këto incidente është duke vazhduar,”- tha Drejtori i MHRA, June Raine në një deklaratë. Ajo sqaroi se asnjë rast i ngjashëm nuk është raportuar për vaksinën Pfizer / BioNTech.

The post Edhe Britania në alarm nga AstraZeneca, raportohen 30 mpiksje gjaku e 7 viktima appeared first on Albeu.com.

Vetëm pak minuta më parë me anë të një postimi në rrjetet sociale kryeministri Rama shkruan se ka arritur të sigurojë edhe 50 mijë vaksina AstraZeneca jashtë marrëveshjes së deritanishme.

Postimi i plotë: 

LAJM I MIRË

Sapo kemi siguruar 50 mijë vaksina të tjera Astrazeneca jashtë marrëveshjeve të deritanishme

#ShqipëriaBuzëqesh /albeu.com/

The post Rama u jep lajmin e mirë shqiptarëve: Sapo sigurova 50 mijë vaksina AstraZeneca! appeared first on Albeu.com.

Studimi tregoi se si vaksina shkaktoi mpiksjen e gjakut në tru në pak pacientë. Zbulimi do të thotë që trajtimi për këtë problem mund të zhvillohet për të parandaluar pasojat.

Suksesi ishte rezultat i bashkëpunimit midis spitalit Greifswald, rregullatorit shtetëror të shëndetit Instituti Paul Ehrlich (PEI), si dhe mjekëve nga Austria – ku një infermiere vdiq nga tromboza në tru pasi u vaksinua me vaksinën AstraZeneca.

Mjekimi kur shfaqet tromboza

Studiuesit theksuan se mjekimi do të ishte i mundur vetëm te pacientët ku shfaqen mpiksjet e gjakut, jo si mjekim parandalues.

Informacioni është shpërndarë te spitalet e të gjithë Evropës.

Gjermania, si dhe disa shtete të tjera anëtare të BE, pezulluan përdorimin e vaksinës AstraZeneca të hënën pas raporteve të mpiksjes së pazakontë të gjakut.

Të enjten Agjencia Evropiane e Medikamenteve (EMA) tha se nuk ka asnjë lidhje të provuar midis vaksinës dhe mpiksjes së gjakut, bazuar në informacionin që ata kishin. Ata gjithashtu deklaruan se përfitimet nga vaksinimi kapërcejnë çdo rrezik të mundshëm.

Gjermania vendosi të rifillojë vaksinimet me vaksinën AstraZeneca të premten. Deri të enjten Gjermania kishte injektuar mbi 10 milionë doza të vaksinave COVID-19, përfshirë vaksinën AstraZeneca./dw

The post AstraZeneca, ekspertët gjermanë zbulojnë shkaktarin e trombozës appeared first on Albeu.com.

Të tre vendet nordike kanë thënë se do të rishikojnë vendimin e Agjencisë Evropiane të Barnave, që përfitimet e vaksinës të tejkalojnë rreziqet që lidhen me të.

Vendimet e këtyre tri vendeve bien ndesh me qëndrimin e marrë nga shumica e vendeve evropiane, duke njoftuar se ata planifikojnë të rifillojnë vaksinimet me formulimin e injeksionit AstraZeneca sot.

“Për shkak të shumë rasteve të rënda në Norvegji, ne duam të shohim situatën në detaje para se të arrijmë në një përfundim”, tha Gair Balkholm, kreu i Divizionit të Kontrollit të Infeksionit në Institutin Norvegjez të Shëndetit Publik, ndërsa shtoi: “Do të duhet pak kohë dhe ne do të azhurnohemi në fund të javës tjetër”.

Edhe shërbimi suedez i Shëndetit Publik sqaron se autoriteti rregullator kombëtar po heton rastet e trombozës pas dozës së parë të vaksinës AstraZeneca. “Shpresojmë që javën e ardhshme të jemi në gjendje të vendosim se si ta përdorim më mirë këtë vaksinë në të ardhmen”, deklaroi Anders Tegnel, shkruan panorama.

Në Danimarkë, autoritetet shëndetësore thanë se kishte pasur raste të trombozës së rëndë, por të rrallë pas vaksinimit me AstraZeneca dhe se ata do të rishikonin vlerësimin e Agjencisë Evropiane të Barnave në ditët në vijim.

The post EMA e konsideroi të sigurt, 3 shtete të fuqishme refuzojnë sërish AstraZeneca appeared first on Albeu.com.

E ftuar në emsionin “Log”, ajo ka thënë se vendosën që Shqipëria të renditet tek ato vende që u mbështetën te vendimet e OBSH-së dhe Agjencia e Barnave të Britanisë.

“Përgjatë një viti pandemie ne kemi vendosur, t’i besojmë ekspertëve dhe shkencës. Nuk duhet të lëkundet besimi te shkenca dhe ekspertët. Edhe kur patëm hezitime dhe disa vende Europiane morën vendime për të pezulluar për një kohë deri kur EMA të merrte një vendim, ne vendosëm të radhiteshim te ato vende që vijuan duke u mbështetur te OBSH dhe agjencia e barnave e Britanisë, e cila nuk çedoi në udhëzimet për të vijuar vaksinimin me AstraZeneca.

Këtë e bazuam gjithmonë edhe te vendimet e Komitetit tonë të Imunizimit. Nuk mendoj se duhet të kishte pezullim. Patjetër që krijohet nga një lloj konfuzioni dhe që mund të pasohet nga hezitimi dhe patjetër mund të cenohet nga informacione dhe lajme që vende të ndryshme, që gjysma e pezulluan dhe pjesa tjetër e vijoi. Vaksinimi nuk është i detyrueshëm. Mësuesit që kanë hezituar janë njoftuar me të gjitha informacionet. Nuk ka asnjë ngut, përveç një ngut të madh; të shpëtosh jetë, vetëm përmes vaksinimit. Vaksinimi ishte i garantuar nga OBSH” tha ajo.

Po nëse EMA do ta pezullonte?

“Nuk e mori qeveria vetë përsipër vendimin. Po pse Britania e Madhe nuk e ka serioze agjencinë? Ishte një vendim shumë i kujdesshëm, i rivlerësuar nga ekspertët tanë, nga profesorët tanë më të mirë të shëndetit publik. Ata kanë vlerësuar të gjitha aspektet në lidhje me vaksinën, rrethanat e ngjarjeve dhe gjithashtu kanë mbajtur lidhje me vendet e tjera dhe OBSH-në që nuk ka thënë në asnjë moment që duhet pezulluar” tha ajo. /abcnews

The post Manastirliu tregon arsyen pse Shqipëria nuk e pezulloi vaksinën AstraZeneca appeared first on Albeu.com.

Rastet e mpiksjes së gjakut dhe të trombozave, janë verifikuar si shumë të rralla në krahasim me 20 milionë individët e vaksinuar.

Ornela Ademi, i cila është drejtuese pranë  Agjencisë Evropiane të Barnave thotë se evidencat shkencore kanë zbuluar se përfitimet e AstraZeneca janë më të larta se pasojat që mund të shkaktojë njektimi i saj.

“Jo, nuk mund të them se ka agrumet shkencor që nuk ka efekte anësore, sepse barnat kanë efekte anësore, ashtu dhe kjo ka efekte anësore. Ka të dhëna shkencore se tejkalohen benefitet (përfitimet) në krahasim me risqet. Nuk ka evidenca se kjo ka një lidhje me mpiksjen e gjakut” , tha ajo.

Ajo i tha Euronews Albania se rastet e dyshuara për mpiksje gjaku janë nën hetim, por për momentin përfitimet e kësaj vaksine janë në një shkallë pozitive.

“Këto raste janë duke u hetuar dhe do hetohen kudo. Kjo punë do të hetohet dhe një vendim përfundimtar do të arrihet më vonë dhe për momentin benefitet (përfitimit) janë shumë më të mëdha”, tha ajo.

Mjekja përcolli një këshillë për pacientët që e marrin vaksinën kundër Covid-19, ndërsa listoi dy shenjat kryesore, të cilat sipas saj nuk duhet të nënvlerësohen për asnjë arsye.

“Jemi në një periudhë pandemie dhe shumë persona po vdesin si pasojë e infektimeve nga Covid-19. Të jenë të ndërgjegjshëm, që pasi të marrin vaksinën dhe nga 3-14 ditë pasi të kenë marrë vaksinën në qoftë se përjetojnë efekte si dhimbje të vazhdueshme koke apo dhimbje të stomakut, atëherë është shumë e rëndësishme që të komunikojnë me mjekun dhe për të zbuluar arsyen pse ka ndodhur kjo gjë, dhe nëse kjo ka ndodhur për shkak të vaksinës”, tha ajo.

The post Mjekja këshillon pacientët që marrin vaksinën: Dy shenjat që s’duhet t’i neglizhoni appeared first on Albeu.com.

Sot rregullatori i Mbretërisë së Bashkuar, pas një rishikimi rigoroz shkencor të të gjitha të dhënave në dispozicion, tha se provat e disponueshme nuk sugjerojnë që mpiksjet e gjakut në venat (tromboembolia venoze) shkaktohen nga vaksinat AstraZeneca.

Kjo pason një rishikim të hollësishëm të rasteve të raportit, si dhe të dhënave nga pranimet në spital dhe të dhënat e mbledhura. Kjo është konfirmuar nga grupi i pavarur këshillimor i Qeverisë, Komisioni për ilaçet njerëzore, shkencëtarët dhe klinikët ekspertë të të cilit gjithashtu kanë shqyrtuar të dhënat në dispozicion.

Një rishikim i mëtejshëm, i hollësishëm në pesë raporte në Mbretërinë e Bashkuar për një lloj shumë të rrallë dhe specifik të mpiksjes së gjakut në venat cerebrale (tromboza e venës sinusale) që ndodh së bashku me trombocitet e ulura (trombocitopeni) është duke vazhduar. Kjo është raportuar në më pak se 1 në një milion njerëz të vaksinuar deri më tani në Mbretërinë e Bashkuar, e cila mund të ndodhë natyrshëm. /albeu.com/

The post A shkakton AstraZeneca mpiksje gjaku? Anglia del me raport zyrtar e i jep fund dyshimeve appeared first on Albeu.com.

E ftuar në emisionin “EuroNews”, Kryemadhi tha ka pasur mësues që kanë bërë vaksinën dhe kanë shfaqur probleme.

“Prokuroria të fillojë një hetim të menjëhershëm, se ka shumë mësues që jo vetëm nuk kanë pranuar ta bëjnë vaksinën por edhe ata që e kanë bërë kanë patur probleme,”-tha Kryemadhi gjatë intervistës.

The post Kryemadhi bën deklaratën e fortë: Mësuesit e vaksinuar kanë shfaqur probleme! appeared first on Albeu.com.

Komuniteti Kombëtar i Imunizimit dhe Vaksinimit është mbledhur këtë mbrëmje për të diskutuar mbi procesin e vaksinimit me AstraZeneca në vendin tonë.

Në fund të mbledhjes Komiteti i Imunizimit ka vendosur që të vazhdojë vaksinimi kundër koronavirusit me AstraZeneca.

Vaksinimi me AstraZeneca ka nisur në vendin tonë prej disa ditësh dhe po injektohet te mësuesit. Ndërkohë, disa vende të Bashkimit Evropian kanë bllokuar vaksinën e AstraZeneca, pasi ka dyshime se shkakton mpiksje të gjakut.

The post Shqiptarët të friksuar për AstraZeneca, merret vendimi i fundit për procesin e vaksinimit appeared first on Albeu.com.

Të njejtat burime deklarojnë se këta nuk janë arsimtarët e vetëm që refuzojnë të bëjnë vaksinën, pasi frika nga pasojat e mundshme të kësaj vaksime ka nisur të përhapet masivisht në shumë shkolla publike të qytetit.

Kujtojmë se në Durrës, nisi sot, mes refuzimit dhe një entuziazmi të përmbajtur, vaksinimi i mësuesve me AstraZeneca.

Më shumë se një duzinë vendesh, shumica e të cilave në Evropë, kanë pezulluar përdorimin e vaksinës së kompanisë “AstraZeneca”, nga frika se doza e saj mund të shkaktojë mpiksje të gjakut.

Suedia dhe Letonia u bënë të enjten vendet më të fundit që ndërprenë procesin, pas lëvizjeve të ngjashme të mara nga Gjermania, Italia, Spanja, Franca, Danimarka, Norvegjia, Holanda etj.

Por Organizata Botërore e Shëndetësisë ka përsëritur dhe shprehur vazhdimisht besimin se vaksina është e sigurt.

Vetë drejtori i përgjithshëm Tedros Adhanom Ghebreyesus ka deklaruar se deri tani nuk ka prova që lidhin produktin e “AstraZeneca” me rastet e vdekjeve. /albeu.com/

The post Vdekje nga mpiksja e gjakut, mësuesit në Durrës refuzojnë vaksinën AstraZeneca appeared first on Albeu.com.