Olimpija Ljuubljana po dominon transfertën ndaj Koperit, ku rezultati momental është 0-3, ndërsa protagonistë janë bërë dy sulmuesit shqiptarë të skuadrës.

Marvin Çuni realizoi golin e parë të takimit në minutën e 52-të. Vetëm dy minuta më vonë, ai asistoi për Mitrovskin, i cili shënoi golin e dytë të Olimpija Ljuubljanës.

Goli i tretë mban firmën e Indrit Tucit. Futbollisti tjetër i Kombëtares shqiptare e dërgoi topin në rrjetë në minutën e 67-të.

Për Çunin, ky ishte realizimi i dytë në këtë sezon, ndërsa në llogarinë e tij janë edhe dy asistime.

Goli i Marvin Çunit

Goli i Indrit Tucit

The post VIDEO/ Çuni shënon dhe asiston, Tuci realizon në fitoren e Olimpija Ljuubljanës ndaj Koperit appeared first on Albeu.com.

Antalyaspor dhe Sivasspor po përballen në kuadër të javës së 6-të të Ligës së Parë turke.

Sivasspori kaloi në avantazh në minutën e 20-të, kur Kamil Fidan finalizoi aksionin. Sulmuesi i Kombëtares shqiptare, Rey Manaj, dha pasimin vendimtar për golin, duke vijuar paraqitjet e mira me skuadrën turke.

Sa u përket golave, lushnjari ka shënuar 5 herë gjatë këtij sezoni, duke konfirmuar formën e tij të mirë.

Asisti i Rey Manajt

The post VIDEO/ Rey Manaj asiston në golin e avantazhit për Sivassporin appeared first on Albeu.com.

Ernest Muçi po luan një rol të rëndësishëm për Trabzonspor, që po përballet në transfertë me Amedspor në javën e 3-të të Superligës turke. Pjesa e parë e takimit është mbyllur në barazim 1-1.

Golin e vetëm të Trabzonsporit deri në këtë moment e ka përgatitur sulmuesi i Kombëtares shqiptare. Muçi dha një asist perfekt për Mohamed Salah, i cili më pas e dërgoi topin në rrjetë.

Ky ishte asistimi i dytë i Ernest Muçit për ish-yllin e Liverpoolit. Dyshja duket se po përshtatet shumë mirë dhe po rezulton një kombinim i suksesshëm për Trabzonsporin në startin e sezonit.

Asisti i Ernest Muçit

The post VIDEO/ Ernest Muçi shkëlqen sërish në Turqi, shqiptari asiston Mohamed Salah appeared first on Albeu.com.

Futbollistët shqiptarë që luajnë në kampionatet europiane kanë dhënë shenja premtuese që në fillim të sezonit të ri. Gjatë javëve të para, disa legjionarë kuqezi kanë spikatur menjëherë me gola e asiste, ndërsa emra të tjerë i kanë nisur si titullarë aventurat me skuadrat përkatëse.

Qazim Laçi u kthye në heroin e Rizesporit në javën hapëse të kampionatit turk. Mesfushori i Kombëtares shqiptare ishte titullar përballë Konyasporit dhe, në minutën e 97-të, shënoi golin që vendosi fitoren 1-0. Ai u tregua i saktë nga pika e penalltisë së akorduar në kohën shtesë, duke i siguruar ekipit të tij tri pikët e para të sezonit.

Eksperienca e Taulant Seferit te Kayserispor ka nisur gjithashtu në mënyrë të shkëlqyer. Pasi realizoi dy herë në javën e parë, sulmuesi shqiptar shënoi përsëri në sfidën me Sivassporin. Në fundin e pjesës së parë, ai finalizoi një aksion të shpejtë dhe realizoi golin e dytë të skuadrës së tij.

Arbër Hoxha, ndërkohë, hapi llogarinë e golave për këtë sezon me Dinamo Zagrebin në Kroaci. Sulmuesi kuqezi gjeti rrjetën në triumfin 4-0 kundër Rudesit, duke kompletuar paraqitjen pozitive të kampionëve kroatë.

Edhe Mario Mitaj pati një debutim zyrtar të suksesshëm me fanellën e Genoas, duke dhënë menjëherë asist. Mbrojtësi i Kombëtares shqiptare kontribuoi në fitoren 4-1 ndaj Ascolit në Kupën e Italisë, pasi shërbeu Marcandallin për gol.

Në kampionatin polak, Juljan Shehu dha asistin e tij të parë sezonal me Widzew Łódź. Mesfushori shqiptar luajti rol vendimtar në aksionin nga i cili erdhi goli i epërsisë kundër Korona Kielces.

Mirlind Daku është një tjetër legjionar që po jep kontribut që në hapat e parë me ekipin e ri. Sulmuesi shqiptar u përfshi për herë të parë si titullar te Spartak Moscow dhe ndikoi menjëherë në suksesin 2-1 ndaj Baltikës, duke asistuar Ugalden në minutën e 20-të.

Përveç lojtarëve që spikatën përmes golave dhe asisteve, minutat e para si titullarë në kampionatet e tyre i regjistruan edhe Simon Simoni, Klisman Cake, Stavro Pilo, Adrion Pajaziti, Nedim Bajrami dhe Rey Manaj.

The post Gola dhe asiste nga legjionarët kuqezi, protagonistë Laçi, Seferi, Hoxha, Mitaj, Shehu e Daku appeared first on Albeu.com.

Mario Mitaj e nisi në mënyrë spektakolare aventurën e tij me Genoan. Në fillimin e pjesës së dytë të sfidës Genoa – Ascoli, e vlefshme për raundin e 1/32-ave të Kupës së Italisë, skuadra e drejtuar nga Daniele De Rossi kryeson me rezultatin 2 – 1.

Ascoli kaloi e para në avantazh në minutën e 25-të, falë golit të Silipos, por epërsia e saj mbeti vetëm për statistikë. Në minutën e 42-të, mbrojtësi i Kombëtares shqiptare ekzekutoi në mënyrë të përsosur me të majtën një goditje këndi, ndërsa Marcandalli dërgoi topin në rrjetë me kokë nga brenda zonës, duke vendosur përkohësisht baraspeshën 1 – 1.

Vetëm tre minuta pas golit të barazimit, Baldanzi finalizoi aksionin që kompletoi përmbysjen e madhe të Genoas. Në fraksionin e dytë të takimit, trajneri De Rossi vendosi ta nxirrte nga loja Mario Mitajn, duke aktivizuar në vend të tij Djibril Sow.

The post VIDEO/ Mario Mitaj shkëlqen në debutim, asistimi perfekt me të majtën nis përmbysjen e madhe të Genoas appeared first on Albeu.com.

Austin FC regjistroi një fitore 2-0 ndaj Club Tijuanës në ndeshjen e Leagues Cup, me Myrto Uzunin që u kthye sërish në protagonist për skuadrën e tij.

Në minutën e 16-të, sulmuesi i Kombëtares dha asistin për Joseph Rosales, i cili realizoi golin që zhbllokoi rezultatin.

Edhe pse ndodhej në një kënd disi të vështirë, beratasi ekzekutoi një pasim të shkëlqyer dhe e gjeti hondurasin të pozicionuar në mënyrë perfekte.

Uzuni zhvilloi një paraqitje mjaft pozitive dhe krijoi edhe 3 mundësi për të shënuar, ndërsa platforma e vlerësimeve “Sofascore” e notoi me 7.0.

Asisti i Uzunit për Rosales.

The post VIDEO/ Myrto Uzuni shkëlqen në Amerikë, asiston sërish në triumfin e Austin appeared first on Albeu.com.

Ylli portugez shënoi dy herë nga pika e bardhë (13′ dhe 38′) dhe në mes, madje iu anulua një gol për shkak të shtyrjes së kundërshtarit përpara se të drejtonte topin me kokë drejtë rrjetës(19′).

Lojtari i përfaqësueses portugeze asistoi gjithashtu për golin e Sadio Mané (40′) dhe fitoi një penallti për Ghareeb në minutën e 64-të. Anësori saudit përfundoi duke goditur shtyllën, por Al Nassr do të arrinte golin e katërt (80′). CR7 goditi traversën me kokë dhe rikuperimi i Sulltan Al Ghannam ktheu në rrjetë topin, kjo pasi Banega u përjashtua me të kuqe direkt, duke e lënë Al Shabab me një lojtar më pak nga minuta e 75-të e në vazhdim.

Me këtë rezultat, Al Nassr ngjitet në vendin e 6-të, me gjashtë pikë, gjashtë më pak se liderët Al Itthiad, nga Nuno Espírito Santo dhe Al Ahli, ndërsa Al Shabab vazhdon pa fituar në këtë edicion të Ligës Saudite dhe ndodhet në zonën e rënies, (vendi i 17-të), me dy pikë.

The post Ronaldo i papërmbajtshëm, dopietë dhe asist në ndeshjen e radhës (VIDEO) appeared first on Albeu.com.

Mbrojtësi portugez ka fituar totalisht besimin e Pep Guardiolës dhe tashmë ai është një lojtar i pazëvendësueshëm. Në fitoren 3-0 ndaj Everton, Cancelo ka spikatur pothuajse gjithë lojën por ai asistim perfekt në drejtim të Sterling i cili në fund u kthye në gol, ka tërhequr shumë vëmendje në rrjetet sociale.

Asistimi i portugezit është parë nga shumë kënde të ndryshme dhe përfundimi është se shumë pak lojtarë mund ta kishin përdorur atë teknikë dhe atë vizion gjatë lojës./h.ll/albeu.com

We certainly won’t get tired of watching this assist! ?#ManCity | @Sure pic.twitter.com/pQ2IH4nslr

— Manchester City (@ManCity) November 22, 2021

The post Asistimi perfekt i Jao Cancelo po tërheq vëmendjen në rrjetet sociale (VIDEO) appeared first on Albeu.com.