Ashraf Ghani në një intervistë për BBC-në tha se me t’u zgjuar më 15 gusht e dinte që kjo do të ishte dita e tij e fundit në Afganistan.

Ghani ishte akuzuar rëndë dhe kritikuar për vendimin e tij që të largohej nga vendi derisa tani ndodhët në Emiratet e Bashkuara Arabe.

Derisa dita filloi, tha Ghani, talibanët u pajtuan që të mos hynë në Kabul, “por dy orë më vonë, nuk ishte më kështu”, shtoi ai.

“Dy fraksione të ndryshme të talibanëve afroheshin nga dy drejtime”, shpjegoi Ghani. “Mundësia e një konflikti masiv mes tyre do të shkatërronte qytetin me 5 milionë banorë”.

Ai u pajtua që një numër personash të afërt me të, të largoheshin nga Kabuli, përfshirë bashkëshorten e tij. Edhe këshilltari i tij për siguri u largua derisa Ghani priste një veturë që ta dërgonte në Ministrinë e Mbrojtjes.

Vetura nuk erdhi asnjëherë. Në vend të kësaj, këshilltari i tij për siguri u kthye bashkë me shefin e sigurisë së presidencës dhe i thanë Ghanit që “të gjithë do të vriteshin” nëse qëndrojnë.

“Nuk më dha më shumë se dy minuta”, tha Ghani. “Nuk e dija se ku shkonim. Vetëm kur aeroplani u nis u bë e qartë se po largoheshim nga Afganistani. Gjithçka ishte e papritur” përfundoi ai.

Marrja e pushtetit nga talibanët, më 15 gusht, shënoi fundin e pranisë së huaj në Afganistan, për gati 20 vjet. Talibanët pushtuan kryeqytetin e parë provincial më 6 gusht. Dy javë më vonë, ata arritën në dyert e Kabulit.

The post “Kisha vetëm dy minuta kohë”, ish-presidenti afgan rrëfen tmerrin: Si më rrethuan talebanët appeared first on Albeu.com.

Sot, ambasadori afgan në Taxhikistan pretendon se presidenti, Ashraf Ghani, u arratis nga Afganistani të dielën me 169 milionë dollarë, pas marrjes së kontrollit të vendit nga talibanët.

Pak më parë u konfirmua se presidenti është strehuar në Emiratet e Bashkuara. Ambasadori e quajti ikjen e presidentit Ghani një “tradhti ndaj atdheut dhe kombit”.

Rikujtojmë se Ghani deklaroi se u largua nga vendi i tij, Afganistani, për të shmangur gjakderdhjen. /albeu.com/

The post 4 makina plot para! Ambasadori zbulon shumën e frikshme që presidenti afgan mori me vete  appeared first on Albeu.com.

Gjatë një interviste për agjensinë rusë “RT”, ambasada Ruse ka deklaruar se Ghanië shtë larguar nga vendi I tij me 4 makina plot para, të cilat nuk u mundën të ngarkoheshin të gjitha në helikopterin e tij.

“Ish-udhëheqësi afgan i mbështetur nga Perëndimi, Ashraf Ghani, u largua nga vendi i tij me aq shumë para saqë nuk mund të futeshin dot të gjitha në helikopterin e tij, dhe ai u detyrua të lërë disa në aeroport. Katër makina ishin të mbushura me para. [Ata] u përpoqën t’i vendosnin të gjitha paratë në helikopter, por jo të gjitha arriten t’i fusnin. Disa nga paratë i lanë përtokë në katin e katërt”, shpjegoi Nikita Ishchenko, pa dhënë hollësi se si e mori informacionin.

Ashraf Ghani u bë president i Afganistanit në shtator të vitit 2014, moment i cili shënonte herën e parë në historinë e vendit që pushteti transferohej në mënyrë demokratike. /albeu.com/

The post Ambasada Ruse zbulon si u arratis presidentit afgan: 4 makina plot para i ngarkoi në helikopter appeared first on Albeu.com.