Mesa duket ky sezon nuk do e gjejë beqar reperin Mozzik, i cili kohët e fundit ngre shumë pikëpyetje me postimet që bën.

Pikërisht, postimi i tij i i fundit i bërë në profilin e Instagramit, duket se ka vërtetuar qartë se reperi është duke shijuar një lidhje të re dashurie.

Artisti ka publikuar në Instastory një fotografi teksa shihet duke përqafuar një vajzë. Reperi ka zgjedhur të mos zbulojë imazhin e partneres së tij të re, duke u përpjekur që ta mbulojë sa shumë të jetë e mundur. Mesa duket pushimet e fundit dyshja i kanë kaluar bashkë, pasi fotoja vjen pas imazheve të vendit ku ndodhet.

Nuk është ende e qartë se cila është vajza në foto por fansat me siguri janë shumë kuriozë të zbulojnë identitetin e saj.

The post Mozzik në një lidhje dashurie? Publikon foto në ashensor appeared first on Albeu.com.

I riu u tregua gjakftohtë dhe guximtar, kur kuptoi se hajdutët kishin hyrë në një banesë, ku pronarët e saj nuk ndodheshin aty.

Sipas gazetës “Eleftheria”, qiramarrësi që kishte vënë re lëvizje të dyshimta ditët e mëparshme, ka dëgjuar një zhurmë në orët e para të së hënës në katin e 6-të. Më pas ai kuptoi se bëhej fjalë për hajdutë, pasi familjarët e asaj banesë nuk ndodheshin aty.

Kështu ai zbriti në bodrumin e pallatit ku ndërpreu furnizimin me energji elektrike të ashensorit. Tre hajdutë mbetën të bllokuar brenda ashensorit.

Më pas, ai u ngjit në katin e 2-të dhe aty dëgjoi hajdutët e bllokuar duke folur brenda ashensorit.

Në hyrje të pallatit ka pasur bashkëpunëtorë, të cilët kur kanë dëgjuar zëra janë larguar.

Qiramarrësi lajmëroi policinë, ku sipas hetimeve të kryera u zbulua se autorët kishin hyrë në pallat nga çatia.

Në prani të punonjësve të tjerë të policisë në orën 5:45 të mëngjesit, qiramarrësi ka vënë sërish në funksion ashensorin, ku tre autorët kanë zbritur në katin përdhes dhe janë vënë menjëherë në pranga.

Siç thuhet në një njoftimin e policisë, tre autorët, pasi kishin mbuluar tiparet e fytyrës, tentuan të arratiseshin e dy prej tyre i larguan me duar policët, ndërsa i treti tentoi t’i godiste me një gërshërë.

Në posedim të tyre janë gjetur dhe konfiskuar mjete për vjedhje, si dhe sende për të fshehur karakteristikat e tyre prerëse, kollare, doreza etj.

The post U frymëzua nga filmat aksion, i riu bllokon hajdutët në ashensor derisa mbërrin policia appeared first on Albeu.com.

Gjëja e parë që të vjen ndërmend është e thjeshta, e dukshme: Të shikojmë veten ose të rregullojmë grimin. Është e vërtetë, por pas kësaj fshihet dhe një histori.

Kur filluan në “epokën industriale” të ndërtonin ndërtesa të larta dhe të konkurronin me kompanitë e ndërtimit për “ndërtesën më të lartë në botë”, katet ishin të mbushura me njerëz. Por kishte një problem. Në atë kohë ashensorët ishin të ngadaltë, dhe rrjedhimisht duhej shumë më shumë kohë se tani për të ngjitur katet. Njerëzit që i përdorin ankoheshin.

Zhvilluesit menduan se çfarë të bënin për të zgjidhur këtë problem që udhëtimin e bënte monoton. Dhe, voila, ata vendosën pasqyra.

Pas vënies së tyre, njerëzit pushuan së ankuari, pasi nuk e vërenin kohën duke parë veten në pasqyrë, duke rregulluar disa gjëra që nuk shkonin me pamjen e tyre ej.

Me pasqyra, njerëzit tani shohin reflektimin e tyre, që do të thotë harrojnë të kenë frikë dhe harrojnë kohën. Kjo është e gjitha./albeu.com

The post E keni menduar ndonjëherë? Ja pse ashensorët kanë pasqyra appeared first on Albeu.com.

“Nipash gjitmon jam krenu me ty gjithmon te kam pas idhull por sod me tradhtove ike per mos tu kthyer kurr. Faleminderit qe gjithmon na ke bër krenar. Lamtumir Komandant”, shkruan Abaz Beqa.

Lajmin për vdekjen e 54 vjeçarit e ka konfirmuar për “Gazetën Express“, zëdhënësi i policisë për rajonin e Pejës, Driton Rugova.

“Sot rreth orës 15:00, Policia është informuar se në rrugën “Ali pashë Tepelena” në Pejë, ka ndodhur një incident në ashensorin e një banese kolektive shumëkatëshe. Njësitet Policore menjëherë iu kanë përgjigjur vendit të ngjarjes, gjithashtu edhe ekipi mjekësor të cilët kanë konstatuar vdekjen e viktimës, mashkull 54 vjeçar”, tha Rugova.

Ai shtoi se në vendngjarje gjithashtu ka dalë edhe prokurori, i cili pas ekzaminimit të vendit të ngjarjes ka urdhëruar që trupi i pajetë i viktimës të dërgohet në Institutin e Mjekësisë Ligjore për obduksion, ndërsa rasti cilësohet “Hetim i vdekjes”.

The post E rëndë në Pejë, ish-komandanti i UÇK-së vdes pas një incidenti në ashensor appeared first on Albeu.com.

Kjo situatë e lakmueshme brenda Parkut Kombëtar Pyjor Zhangjiajie, në Hunan, është pikërisht një nga arsyet e kritikave. Ekspertët vendas u ankuan në atë kohë se ndërtimi i tij dëmtoi peizazhin natyror. Pas inaugurimit u mbyll për tre muaj, madje u diskutua për prishjen e tij.

Debatet sociale dhe shqetësimet e sigurisë motivuan këtë mbyllje të përkohshme. Megjithatë, dhjetë muaj më vonë rihapi dyert për vizitorët. Lartësia e kësaj ure, më shumë se 300 metra (335) e bën atë, sipas të dhënave lokale, më të gjatën në botë.

Libri Guinness e zvogëlon lartësinë e saj në 326 metra, një shifër po aq e lartë. Libri i mirënjohur vëren: “Ashensori më i lartë në ajër i hapur në botë është Bailong me mure xhami prej 326 metrash, i ndërtuar në faqen e një shkëmbi kuarci.

Në total ka tre ashensorë me dy kate, me kapacitet për të transportuar maksimumi 46 persona për udhëtim, të cilët mund të shijojnë pamje mbresëlënëse të formacioneve karstike të zonës. Shpejtësia e ngjitjes është tre metra në sekondë, me një kohë totale të ngjitjes 1:58 minuta, ndërsa mban një kapacitet maksimal prej 4900 kilogramësh.

Ndërtimi është prej xhami dhe çeliku dhe mund të transportojë rreth 1.380 njerëz në orë (rreth 18.000 në ditë). Për ta bërë realitet këtë punë inxhinierike u desh të bëheshin tunele dhe vrima të ndryshme në murin e zgjedhur prej guri ranor dhe kuarci, deri në 154 metra thellësi.

Nga ana tjetër, sizmografët u instaluan për të zbuluar tërmete të mundshme dhe, në atë rast, për të evakuar vizitorët me kohë të mjaftueshme. Bailong filloi të ndërtohej pa miratimin e UNESCO-s dhe vetëm pak vite pas katalogimit të këtij parku kombëtar si një sit i Trashëgimisë Botërore. Por, pavarësisht kësaj, puna vazhdoi dhe mijëra njerëz e vizitojnë çdo ditë.

The post 335 metra i lartë, ky është ashensori më i lartë në botë në natyrë appeared first on Albeu.com.

Ne do të donim të ndajmë me ju rekomandimet e shkencëtarëve dhe inxhinierëve në lidhje me atë që duhet e nuk duhet të bëni nëse e gjeni veten në një ashensor që bie.

Në asnjë rrethanë nuk duhet të përpiqeni të hidheni në momentin e goditjes

Së pari, do të jetë shumë e vështirë të hidhesh kur je në rënie të lirë. Së dyti, kërcimi  do të zvogëlojë shpejtësinë e rënies tuaj me të njëjtën sasi që po ndodh, dhe ky është një lajm i keq për shumicën e njerëzve. Së treti, nuk ka asnjë mënyrë për të parashikuar se në cilën pjesë të trupit tuaj do të uleni, dhe për këtë arsye çfarë dëmi do të bëjë kërcimi për trupin tuaj. Djemtë në Discovery Channel kanë provuar prej kohësh se nuk duhet ta bëni kurrë këtë gjë.

Mos qëndroni drejt në këmbë

Kjo gjithashtu nuk është një ide e mirë, pasi një peshë që është dhjetë herë më e madhe se ajo e trupit tuaj do të bjerë mbi këmbët tuaja gjatë rënies. Kjo mund të çojë në dëmtime jashtëzakonisht të rënda.

Pozicioni më i mirë për ta bërë gjatë goditjes: shtrihuni në dyshemenë e ashensorit

Sapo të ndjeni se ashensori po bie, shtrihuni menjëherë në shpinë në dyshemenë e ashensorit. Në këtë pozicion, forca e goditjes do të përhapet në mënyrë të barabartë në të gjithë zonën e trupit tuaj.

Nëse ka shumë njerëz dhe nuk mund të shtriheni, uluni ose përkulni gjunjët

Në këtë situatë, gjëja më e mirë që mund të bëni është të uleni në dyshemenë e ashensorit. Në këtë pozicion, ngarkesa në skeletin tuaj do të jetë më e vogël sesa nëse do të ishit në këmbë. Nëse ka shumë pak hapësirë, atëherë të paktën përpiquni të përkulni gjunjët, pasi kjo gjithashtu do të ndihmojë në zvogëlimin e forcës së goditjes.

The post Këshilla që ju duhen me patjetër, si të dilni gjallë nga një ashensor që bie appeared first on Albeu.com.

Një regjistrim i sulmit u regjistrua para se çifti të ndahej pas një lidhje dy-vjeçare.

Kamera e sigurisë regjistroi momentin kur Saviti goditi Quavo para se të hynte në ashensor dhe u përpoq ta parandalonte atë që ta ndiqte.

Pasi shtyu derën e ashensorit, reperi rrëzon ish-të dashurën në dysheme.

Edhe pse ashensori hapet në katin tjetër, Quavo nuk e ndihmon vajzën të ngrihet dhe qëndron në këmbë ndërsa qiramarrësit shikojnë skenën.

Burime për TMZ thonë se konflikti ndodhi në vitin 2020, disa muaj para ndarjes.

Reperi Quavo tha më 19 mars se tashmë është ndarë nga vajza.

Ndësra ajo pretendon se arsyeja ë kësaj ndarjeje është mashtrimi.

“Jam vetëm. Shumë herë jam tradhtuar dhe lënduar nga një histori që degradon personalitetin tim. Kam munguar emocionalisht për një kohë të gjatë, por më në fund jam e qetë dhe e lirë“, shkruante Saweetie në mediat sociale në atë kohë.

The post Dalin pamjet tronditëse, reperi tërheq të dashurën zvarrë në ashensor (VIDEO) appeared first on Albeu.com.