“Gjatë kryerjes së punimeve qarkullimi i mjeteve do të jetë me shpejtësi të reduktuar dhe do të realizohet në përputhje me sinjalistikën e vendosur sipas Planit të Menaxhimit të Trafikut të miratuar…”

Njoftimi i plotë: 

DEKLARATË E PËRBASHKËT PËR MEDIAN DHE OPINIONIN PUBLIK

AUTORITETI RRUGOR SHQIPTAR

POLICIA E QARKULLIMIT RRUGOR

Fillojnë punimet për riparimin e shtresave asfaltike dhe elementeve të sigurisë rrugore në aksin:

K/DALJE KAVAJË- DEGËZIM BISHTI ZHURIT (RROGOZHINË).

Autoriteti Rrugor Shqiptar dhe Policia e Qarkullimit Rrugor informojnë median dhe opinionin publik se duke nisur nga dita e enjte, datë 1 prill 2021, ora 08:00 në mëngjes, në kuadër të projektit “Mirëmbajtja dhe Siguria Rrugore Bazuar në Rezultate”, financim i Qeverisë së Shqipërisë dhe Bankës Botërore, do të realizohen punime në rrugë si më poshtë vijon:

Punimet konsistojnë në riparime te shtresës asfaltike dhe të elementëve të sigurisë rrugore në segmentin rrugor Spille–Bishti i Zhurit (Rrethrrotullimi i Rrogozhinës) në të dyja drejtimet.

Gjatë kryerjes së punimeve qarkullimi i mjeteve do të jetë me shpejtësi të reduktuar dhe do të realizohet në përputhje me sinjalistikën e vendosur sipas Planit të Menaxhimit të Trafikut të miratuar.

Punimet planifikohen të realizohen gjatë harkut kohor: prej datës 01.04.2021 deri në datë 08.04.2021, kjo edhe në varësi të motit.

Punonjësit e Autoritetit Rrugor Shqiptar, Policisë së Qarkullimit Rrugor dhe kompanisë së mirëmbajtjes do të jenë në terren për mbarëvajtjen e ndërhyrjes dhe orientimin e trafikut sipas planit të menaxhimit të miratuar.

Nga ana e Autoritetit Rrugor Shqiptar dhe Policisë së Qarkullimit Rrugor është hartuar një plan operacional i ndërhyrjes dhe menaxhimit të trafikut për të lehtësuar qarkullimin e mjeteve dhe garantuar mbarëvajtjen e punës në terren.

ARRSH dhe Policia e Qarkullimit Rrugor kërkojnë mirëkuptimin dhe bashkëpunimin e drejtuesve të mjeteve dhe bizneseve të zonës gjatë procesit të ndërhyrjes në këtë segment rrugor, respektimin në mënyrë rigoroze të sinjalistikës provizore të vendosur, rregullat e qarkullimit rrugor, si dhe udhëzimet e policisë rrugore në terren.

The post Do të punohet në aksin e rëndësishëm, ARRSH ka një njoftim për shoferët appeared first on Albeu.com.

Ministrja e Energjisë dhe Infrastrukturës Belinda Balluku ishte në segmentin Uzina e Autotraktorëve-Shkozë-Materniteti i Ri dhe duke ndjekur punimet që po bëhen në këtë segment.

Veç të tjerash Balluku tha se me këtë segment Shkoza bëhet pjesë e  kryeqytetit.

“Me trotuar, me ndriçim, shtrati i Lanës i hapur, për ta futur Shkozën në kryeqytet dhe për të mos bërë asnjë dallim,” tha ministrja.

Po ashtu Balluku shtoi se javën e ardhshme ky segment do të jetë i hapur dhe më pas nis asfaltimi për pjesën e dytë.

“Të gjitha projektet që bëjmë sot janë me studime të mirëfillta. Kemi pasur një problematikë para vitit 2013, kemi gjetur projekte që nuk kishim asnjë studim për pjesën e shpronësimeve. Ne tani nuk nisim asnjë projekt pa pasur të qartë pjesën e shpronësimeve,” tha ministrja.

The post Nis asfaltimi i lotit 3 të Unazës së Madhe, Balluku merr kameran mes pluhurit appeared first on Albeu.com.