Ndaj ai kërkoi që SPAK, të sekuestrojë asetet, ndërsa shtoi se së shpejti të tjera dokumente tronditëse do të denoncohen për korrupsionin e bandës famoze të bashkisë.

DEKLARATA E KËLLIÇIT:

Po bëhen tashmë 4 javë nga arrestimet e drejtorëve hajdutë të Bashkisë Tiranë, për mega aferën korruptive të kompanisë “5D” KONSTRUKSION.

Hetimet faktuan atë çka kemi kallëzuar 1 vit më parë, sesi korrupsioni në Bashkinë e Tiranës tashmë nga norma 20-30-40 % kishte kaluar në masën 100%.

45 tendera me vlerë 28 milionë euro dhe 3 leje ndërtimi, janë ajo që ne faktuam me dokumente dhe prova të pamohueshme, për këtë grup të strukturuar kriminal.

SPAK dhe në këtë rast prokurori Klodian Braho, duket se janë mjaftuar vetëm me arrestimin e Mariglen Qatos dhe Redi Mollës, duke kursyer për të disatën herë kreun e kësaj organizate kriminale, si dhe pronarin faktik të inceneratorit të Tiranës, Erion Veliaj.

Nga kjo foltore, prej më shumë se 7 muajsh kam bërë publike dokumentacionin që e lidh në mënyrë të drejtpërdrejtë Erion Veliajn me inceneratorin e Tiranës.

Nga kjo foltore kam publikuar komunikime telefonike dhe e-maile që lidhin në mënyrë të drejtpërdrejtë Erion Veliajn me inceneratorin e Tiranës.

Nga kjo foltore kam bërë publike shkresën e zv/ Kryeministres Belinda Balluku, që e shkruante e zezë mbi të bardhë se Erion Veliaj është përgjegjës direkt për bllokimin e Njësisë së Zbatimit të Projektit, për të cilën do të mbante ai përgjegjësi për dëmin që po i shkaktonte palës shtet.

Nga kjo foltore u kam dërguar prokurorëve të SPAK intervistën e ish zv. Kryeministrit Arben Ahmetaj, ku e akuzonte direkt Erion Veliajn se është pronari faktik i inceneratorit të Tiranës.

Ndërkohë, këto 4 javë kemi patur mundësi të lexojmë të gjithë dosjen e kompanisë “5D”, ku punonjëset shprehen hapur se pronar në hotelin e kësaj kompanie është “LALI”, e “lal” të vetëshpallur veç një ka në Shqipëri, ai është Erion Veliaj.

I rendita të gjitha këto fakte pasi ende sot nga SPAK nuk ka asnjë veprim për të sekuestruar asetet dhe paratë e kompanisë së Inceneratorit te Tiranës, por me flagrant është fakti se ende pas 1 muaji nuk kemi asnjë bllokim të aseteve të kompanisë së 5 Drejtorëve.

Administratori Nestor Muhametllari, është i lirë dhe asetet e llogaritë bankare vazhdojnë të jenë të pa sekuestruara.

E gjitha kjo është një drejtësi me regji, ku arrestojmë disa drejtorë që mbajnë burgun për shefin dhe paratë e pronarit faktit Erion Veliaj, nuk guxojnë të preken.

I bëjmë thirrje SPAK, se hetime boshe për të arrestuar disa drejtorë, hajdutë banalë që i kanë shërbyer shefit, për të vjedhur dhjetëra e qindra miliona euro, NUK QUHEN DREJTËSI.

Sot, jo nesër, por SOT, duhet të bllokohen të gjitha asetet e kompanisë 5D, Redi Mollës, Mariglen Qatos, Nestor Muhametllarit dhe çdo individi tjetër të përfshirë, duke mos harruar njëlloj si në dosjen e inceneratorëve, Kreun e Grupit të Strukturuar Kriminal “5D”, Erion Veliajn.

Të nderuar qytetarë,

Opozita është e angazhuar të mbajë premtimin e dhënë, për të bërë transparencë për bandën kriminale të Bashkisë Tiranë, ndaj ditët në vijim do të kemi të tjera dokumente tronditëse për korrupsionin dhe hajdutërinë e kësaj bande famoze.

Shtetasi Erion Veliaj, do të japë llogari për çdo vjedhje e abuzim që i ka bërë Tiranës, duke mos harruar kurrë as vdekjen e Ardit Gjoklajt, as shkatërrimin e Teatrit Kombëtar, as vjedhjen e taksave të kryeqytetasve dhe ta harrojë se ka SPAK apo ndërkombëtar që e mbron dot.

Gjej rastin sërish, të ftoj qytetarët e Tiranës, të mblidhemi në protestën e radhës, përpara bashkisë më të korruptuar në Europë, ditën e premte, datë 26 prill, ora 11:00, për ta çliruar Tiranën nga një bandit, i cili do të mbahet mend si hajduti më i madh i këtij qyteti.

O sot, o kurrë!

The post Belind Këlliçi: Të bllokohen asetet e “5D”, Redi Mollës, Mariglen Qatos, Nestor Muhametllarit appeared first on Albeu.com.

Por perandoria e pronarit të Chelseat është ngrirë nga qeveria angleze, si sanksion për lidhjet e tij me presidentin rus Vladimir Putin.

Ai akuzohet se ka “gjakun e popullit ukrainas në duart e tij” pas pushtimit të vazhdueshëm të Ukrainës nga Moska.

Forbes këtë vit e vlerësoi Chelsean me 2.4 miliardë funte (2.8 miliardë euro) – ndërsa Abramovich javën e kaluar e nxori klubin në shitje, duke kërkuar mbi 3 miliardë euro.

Skuadrës së Londrës Perëndimore i është ndaluar gjithashtu shitja e biletave për ndeshje dhe nënshkrimi me lojtarë të rinj.

Asetet e tjera të Abramovich të ngrira janë edhe një rezidencë në vlerë 170 milionë funte në Londër (200 milionë euro), një varkë prej 430 milionë funte (512 miionë euro) dhe një super veturë Pagani Zonda R.

Jahte

Abramovich zotëron jahtin e dytë më të madh në botë – Eclipse i blerë për më shumë se 300 milionë funte (mbi 350 milionë euro) në vitin 2010.

Por pas më shumë se një dekade përmirësimesh, besohet se tani mund të vlejë midis 550 deri 1 miliard euro.

Po ashtu jahti ka një  kinema, sallë konferencash, sallë lojërash për fëmijë, sallon flokësh dhe një mini-nëndetëse që mund të zhytet deri në 50 metra.

Dhe madje ka sistemin e vet të mbrojtjes raketore nëse sulmohet.

Jahti i tij i fundit, Solaris, mendohet të jetë i teti i tij ndër vite – që kushtoi me një kosto prej 500 milionë euro.

Ajo ka dy motorë të avancuar, tetë kuverta dhe 48 kabina – që mund strehojnë deri në 36 pasagjerë dhe një ekuipazh prej 60 njerëzish.

Abramovich zotëronte më parë edhe jahte si Le Grand Bleu, Ecstasea, Pelorus dhe Luna.

Makina

Kur ai nuk mund të lëvizë me varkë, Ambramovichi i pëlqen të ngasë me stil.

Ai ka një Ferrari FXX, të preferuarin e famshëm Bugatti Veyron dhe një Aston Martin Vulcan. Të gjitha këto në flotën e tij të supermakinave që kanë një vlerë prej 19 milionë euro së bashku.

Por vetura më e dashur thuhet se është Pagani Zonda R, pasi janë vetëm 15 copa në botë.

Avionë dhe helikopterë

Abramovich ka disa avionë privatë dhe helikopterë. Boeing 767-33AER i tij u përshkrua si një “rezidencë fluturuese” falë sallës së banketit të tij të praruar me ar dhe sistemin antiraketë.

Mësohet se ai ka blerë gjithashtu një Dreamliner 787-8, i cili mund të merret me qira për rreth 70,000 euro në orë.

Nuk dihet nëse Abramovich ka ende flotën e tij të helikopterëve, por dikur ai kishte tre.

Pronat

Abramovich në Londër ka një rezidencë me 15 dhoma gjumi në një rrugë të quajtur “rreshti i miliarderëve” në Kensington.

Ish-ndërtesa e ambasadës ruse mësohet se është blerë për 90 milionë funte në vitin 2009, por tani vlen 170 milionë funte.

Megjithatë, vlera e shtëpisë luksoze së shpejti mund të bjerë pasi sanksionet nënkuptojnë se Abramovich nuk mund ta vizitojë më.

Ai gjithashtu nuk mund të paguajë një kompani të energjisë elektrike për të ndezur dritat, duke ia bërë gati të pamundur shitjen.

Miliarderi zotëron gjithashtu një apartament nën çati në ndërtesën 37-katëshe Chelsea Ëaterfront, e cila ka pamje nga Stamford Bridge. E raportuar me vlerë 30 milionë funte.

Jashtë Mbretërisë së Bashkuar, Abramovich numëron një vilë prej 100 milionë euro në Cap d’Antibes në Cote d’Azur.

Dhe përtej pellgut, rus është pronari i një ferme skish në Kolorado prej 200 hektarësh në Aspen.

Një pronë prej 81 milionë euro në ishullin e Karaibeve, një hotel prej 17 milionë funtesh në Tel Aviv, Izrael dhe një pjesë të vogël rezidencash në Moskë.

Abramovich dikur numëronte pasuri të paluajtshme me vlerë 70 milionë funte në Nju Jork, por ai ia transferoi ato ish-bashkëshortes Dasha Zhukova.

Vepra artistike

Rusi është një nga koleksionistët më të mëdhenj të artit në botë me vepra nga disa prej emrave më të mëdhenj.

Një herë ai shpenzoi 60 milionë funte për një vepër të Francis Bacon dhe 35 milionë funte për Lucian Freud.

Aksionet

Ai ishte aksionari më i madh në një nga prodhuesit kryesorë të çelikut Evraz derisa ia transferoi këto drejtpërdrejt vetes para pushtimit të Ukrainës nga Vladimir Putin.

Ai gjithashtu zotëron prodhuesin më të madh të nikelit të rafinuar në botë, sipas Bloomberg.

Më parë, ai kishte para në linjën ajrore ruse Aeroflot, si dhe kompaninë e naftës Sibneft, por i shiti këto pas rënies së Bashkimit Sovjetik. /telegrafi/

The post Ja asetet në vlerë prej 2.5 miliardë euro të Roman Abramovich që janë ngrirë appeared first on Albeu.com.