Kompania “Omni Bridgeway”, një financier i proceseve gjyqësore, ka marrë të drejtën nga një gjykatë federale në Uashington që të konfiskojë asetet që i përkasin Shqipërisë jashtë vendit.

Arsyeja lidhet me një vendim arbitrazhi prej rreth 13 milionë dollarësh në favor të kompanisë GBC Oil, një firmë me pronarë shqiptarë dhe një amerikan.

Ky vendim ka të bëjë me një konflikt që zgjat gati një dekadë, i nisur pas rritjes së taksave mbi koncesionet e naftës, kur kompania fillimisht Stream Oil, kishte marrë leje për të shfrytëzuar disa fusha nafte dhe më pas ndryshoi pronësia disa herë deri tek GBC Oil.

Në vitin 2017, fushat e naftës u rikombinuan nga Albpetrol, pasi kompania pretendonte se GBC Oil nuk kishte përmbushur detyrimet dhe kishte borxhe të mëdha ndaj shtetit.

GBC Oil iu drejtua Gjykatës Ndërkombëtare të Arbitrazhit në Zvicër, dhe në 2020 fitoi 12.7 milionë dollarë kompensim.

Vendimi u konfirmua më pas edhe nga gjykata amerikane në Uashington, por Shqipëria nuk ka ndërmarrë asnjë hap për ta ekzekutuar atë.

Prandaj, Omni Bridgeway, kërkoi nga gjykata lejen për të marrë masa kundër aseteve shqiptare jashtë vendit, duke shfrytëzuar të njëjtin parashikim që u përdor edhe në rastin e Albcontrol dhe Becchettit.

Gjykata e aprovoi kërkesën dhe pas këtij vendimi, Shqipëria pritet të humbasë para ose asete jashtë vendit për të përmbushur vendimin e arbitrazhit, duke u vënë përsëri nën presion financiar dhe ligjor.

Ky rast tregon se vendimet ndërkombëtare, sidomos ato për taksat dhe koncesionet e naftës, mund të kenë pasoja direkte për asetet e shtetit, veçanërisht kur vendi nuk i përmbahet vendimeve gjyqësore.

Shqipëria tani përballet me nevojën urgjente për të gjetur një zgjidhje ligjore për të shmangur konfiskimin e aseteve sovrane. /News24

The post Nuk zbatoi një vendim të arbitrazhit për të paguar 13 milionë dollarë/ Gjykata amerikane urdhëron konfiskimin e aseteve të Shqipërisë appeared first on Albeu.com.

Në raportin e saj vjetor, njësia e Bankës së Italisë kundër pastrimit të parave (UIF) tha se shifra prej 2 miliardë eurosh është përditësuar për të mbuluar periudhën deri në fund të qershorit.

Përpara se lufta në Ukrainë të fillonte në shkurt 2022, bregdeti dhe portet italiane ishin një destinacion popullor për rusët e pasur që blinin prona në vende të tilla si Liqeni i Komos, Sardenja, Toskana dhe bregdeti i Ligurisë.

The post Italia bën bilancet, në një vit janë sekuestruar 2 miliardë euro pasuri të oligarkëve rusë appeared first on Albeu.com.

Lista përfshin gjithashtu paketa aksionesh, një apartament në Mar de Plata dhe sende të tjera personale. Mallrat me vlerë sentimentale, si bluzat e dhuruara nga lojtarë të tjerë në funeralin e futbollistit, nuk do të dalin në ankand.

Gjyqtarja Susana Tedesco i ka ndezur dritën jeshile kërkesës së trashëgimtarëve. Ankandi, që do të organizohet nga Adrian Mercado, agjenci në kryeqytetin argjentinas Beunos Aires, do të jetë ndërkombëtar dhe do të transmetohet “live”.

Shtëpia e dhuruar prindërve doli në ankand për 900 mijë dollarë (780 mijë euro) ndërsa apartamenti për 65 mijë dollarë (57 mijë euro). Njëra nga dy BMV-të mban firmën e Diegos të gdhendur në xhamin e përparmë, me një çmim fillestar prej 165 mijë dollarësh. Gjithashtu në listë janë piktura, pulovra, këpucë, kitarë, kravata, kapele etj. Ofertat mund të dorëzohen deri më 15 nëntor.

The post Dalin në ankand asetet e Maradonës: Makina, letra e Fidel Castros dhe shtëpi appeared first on Albeu.com.