Deputetët e Partisë Demokratike të Kosovës (PDK) kanë vijuar edhe këtë të enjte aksionin për bllokimin e hyrjes së Qeverisë, në kundërshtim të mosvazhdimit të seancës konstituive të Kuvendit. Atyre u janë bashkuar asamblistë dhe aktivistë të kësaj partie nga komunat e Shtimes dhe Fushë Kosovës.

Ky aksion protestues i deputetëve të PDK-së po zhvillohet prej disa ditësh para ndërtesës së Qeverisë.

Përmes protestës, ata kërkojnë tejkalimin e bllokadës në procesin e konstituimit të Kuvendit dhe krijimin e institucioneve të reja të vendit.

PDK-ja dhe Aleanca e kanë kundërshtuar në vazhdimësi ndërprerjen e seancës konstituive, duke kërkuar nisjen e punës së Kuvendit dhe hapjen e rrugës për formimin e institucioneve të reja.

The post PDK vazhdon protestën para Qeverisë, mbështetet nga asamblistë e aktivistë të Shtimes dhe Fushë Kosovës appeared first on Albeu.com.