Rama theksoi gjatë fjalës së tij se GJKKO nuk po del ende nga hija e SPAK-ut duke shtuar se “ato dy institucione na kanë dhënë publikisht në më shumë se një rast edhe arsye për tu habitur por edhe arsye për tu shqetësuar shumë seriozisht”.

Edi Rama: Prokurorë e gjykatës jo pak dritëshkurtër, mendje ngushtë dhe nganjëherë me mungesë lemeritëse integriteti, të cilët e bëjnë të bardhën të zezë, ndërkohë që qeverisja e pavarur e sistemit reagon sikur fle në këmbë.

Individë që paguhen nga taksat tona ku e ku më shumë se sa mësuesit, apo se sa mjekët e infermierët e përdorin pavarësinë e tyre për të goditur interesat e shtetit, vetë familje të një lagje të tërë banimi të zë lemeria nga shfaqja e drejtësisë së vjetër me fytyrë të re.

Dhe në këtë pikë e vërteta e madhe është se nuk bëjnë përjashtim as vetë SPAK, krenaria e vetme deri më sot e zbatimit të reformës në Drejtësi dhe as GJKKO, jo se jo, e cila nuk po del ende nga hija e SPAK-ut, edhe ato dy institucione na dhënë publikisht në më shumë se një rast edhe arsye për tu habitur por edhe arsye për tu shqetësuar shumë seriozisht.

Mosrespektimi i prezumimit të pafajësisë, intimidimi i personave të ashtuquajtur në dijeni, paraburgimi si presion publik e juridik, nxjerrja e të dhënave hetimore rrugëve me qëllim për të linçuar në Pazar fatin e personave të hetuar, marrja forcërisht e rolit të institucionit tjetër ligjzbatues nga prokurorë, apo dalja e gjykatësve nga roli i garancisë së barazisë para ligjit, për të marrë rolin e noterit të prokurorëve ose të superprokurorit janë shenjat e sëmundjeve të trashëguara nga trupi i kalbur i drejtësisë së vjetër 100 e ca vjeçare, tek organizmi fëminor i drejtësisë së re 7 vjeçare.

Por kujdes, kura për këto sëmundje nuk është kthimi kurrsesi mbrapa nga pavarësimi i drejtësisë, në asnjë mënyrë.

The post Edi Rama: SPAK, krenaria e vetme deri më sot e zbatimit të Reformës në Drejtësi, GJKKO nuk po del nga hija e Prokurorisë së Posaçme appeared first on Albeu.com.

Lajmin e ka dhënë Romina Kuko, sekretare për Marrëdhëniet me Jashtë në PS, si fillimi i një rrugëtimi të ri drejt bashkimit dhe organizimit rinor.

“Me 28 shtator, nën udhëheqjen e @rominakuko, Sekretare për Marrëdhëniet me Jashtë dhe @roy_bashaj, Sekretar për Rininë në Partinë Socialiste, u themelua Asambleja Rinore — një iniciativë plot energji dhe vizion për të rikthyer fuqinë e rinisë socialiste, që do të shtrihet në të gjithë Shqipërinë”, thuhet në njoftim.

The post E kërkoi Kryeministri Rama, krijohet Asambleja Rinore e PS appeared first on Albeu.com.

Ai shton se nuk ka makijazh që mund të mbulojë hajdutërinë skizofrenike, krimet monstruoze dhe tradhtinë kombëtare të Edi Ramës ndaj Kosovës dhe çështjes së Detit.

Blushi: Asambleja kuislinge e internacionales së surrogacisë dhe perversitetit që u mblodh për të rrjepur shqiptarët dhe tradhtuar interesin kombëtar duhet trajtuar si armike e kombit tonë. Edi Rama në 11 vite në pushtet nuk la gur pa lëvizur për të zhbërë Shqipërinë, për ta ndarë Kosovën, për të falur detin, për ta zbrazur dhe mpakur vendin nga shqiptarët, për ta rrjepur barbarisht dhe për ta nxjerrë në ankand.

Edi Rama renditi Shqipërinë të parën në Europë për korrupsion dhe të dytën në botë për ryshfet. Jemi të parët në Europë për eksport-import emigrantësh, krimi dhe droge, por ku prodhimet e fermerëve kalben në fusha dhe kanabisi “gjelbëron” në male. Jemi të parët në Europë dhe në rajon për nivelin mizerabël të pagave dhe pensioneve, por me koston e jetesës më të lartë aq sa një çifti të ri i duhen 60-70 vite për të blerë një apartament në Tiranë dhe ku një pensionist mezi shtyn muajin me bukë.

Jemi vendi i fundit në Evropë dhe rajon për nivelin e arsimit, ku testet e PISA-s provojnë vit pas viti thellimin e honit të injorancës. Sot në Shqipëri 1 km asfalt kushton 6 herë më shtrenjtë se në rajon, por ku nuk ka ujë të pijshëm, ku “shëndetësia falas” koston më shumë se në BE.

Jemi të fundit në Europë për lirinë e medias dhe kampionë të kapjes për fyti të sistemit të drejtësisë me një organizatë kriminale si SPAK që godet një fshat për një autokombajnë pa leje por që mbyll sytë për aferat monstruoze korruptive të Edi Ramës që DumDumani as guxon t’i përmendë emrin. Kjo farë e keqe duhet shkulur nga rrënjët dhe asnjë dyshim nuk duhet të ketë se kjo do të ndodhë. Shporrja e Edi Ramës është mision kombëtar dhe patriotik e në këtë betejë për Shqipërinë ja vlen çdo sakrificë dhe me çdo çmim! A vdekje a liri!

The post Blushi: Asambleja e tradhtarëve duhet qëlluar me top, u mblodhën për të rrjepur shqiptarët appeared first on Albeu.com.

Në Kongres morën pjesë 1330 delegatë, nga të cilët 1092 ishin të zgjedhur dhe 238 janë delegatë me status ex-officio.

Bazuar në Statutin dhe Kodin e Zgjedhjeve në Parti, pasi Komisioni i Verifikimit të Mandateve të Delegatëve të Kongresit të Partisë Socialiste bëri verifikimet e duhura, u hap procesi zgjedhor në të 12 qarqet e vendit.

The post Asamblea Kombëtare e Partisë Socialiste, ja kush janë 157 anëtarët e rinj appeared first on Albeu.com.

Ky është hapi i parafundit drejt pranimit me të drejta të plota të Kosovës në KiE, pasi kemi bindjen e plotë se edhe Këshilli i Ministrave në mbledhjen në mesin e muajit maj, do të votojë për pranimin e plotë të Kosovës në Këshillin e Europës, bazuar pikërisht mbi meritat dhe arritjet e Kosovës në fushën e zbatimit të ligjit dhe respektimit të të drejtave të njeriut.

KASH vlerëson se votimi i djeshëm pozitiv dhe deklaratat e përfaqësuesve të vendeve të ndryshme në favor të Kosovës, është një nga arritjet më të rëndësishme politike e diplomatike të Kosovës që nga shpallja e pavarësisë së saj.

Uniteti i grupit të përfaqësuesve të parlamentit të Kosovës dhe koordinimi i punëve, është edhe një shembull i mirë qe së bashku ia arrijmë në çdo gjë.

KASH vlerëson lart ngritjen e statusit te Kosovës edhe në Asamblenë Parlamentare të NATO-s, ku për shumë vite Kosova kishte statusin e anëtarit vëzhgues dhe tani është Anëtare e Asociuar e Asamblesë Parlamentare të NATOS, vendim i cili do të formalizohet me votim në Asamblenë Parlamentare të NATO-s në sesionin pranveror të Asamblesë, që do të mbahet më 27 maj në Sofje të Bullgarisë.

Këshilli i Ambasadorëve Shqiptarë (KASH), ju gëzohet pa masë të gjitha arritjeve diplomatike dhe anëtarësimit të Kosovës në organizatat dhe institucionet e rëndësishme ndërkombëtare, por në mënyrë të veçantë vlerëson bashkimin dhe bashkëveprimin brendashqiptar, si në politikë, diplomaci, ekonomi dhe në çdo fushë tjetër të jetës.

The post Asambleja votoi pro pranimit të Kosovës në KiE, reagon Këshilli i Ambasadorëve Shqiptarë: Një nga arritjet më të rëndësishme politike e diplomatike të Prishtinës appeared first on Albeu.com.

‘Një tjetër moment historik për Kosovën. Rekomandimi i Asamblesë Parlamentare të Këshillit të Evropës për anëtarësimin e Kosovës është një njohje e progresit dhe potencialit të saj.

Është një hap vendimtar drejt rritjes së bashkëpunimit, stabilitetit dhe prosperitetit për popullin e Kosovës. Është një dëshmi e përkushtimit të Kosovës ndaj vlerave evropiane. Hapi tjetër: Komiteti i Ministrave.’- shkruan ministri Hasani në rrjetet sociale.

The post Asambleja e KiE voton pro anëtarësimit të Kosovës, ministri Hasani: Një tjetër moment historik appeared first on Albeu.com.

Siaps tij 5 vitet e ardhshme do të jenë prova e zjarrit për turizmin shqiptar.

Ai theksoi se sot duhet të punojmë fort për të ruajtur imazhin.

“5 vitet që do të kemi përpara do të jenë një provë zjarri. Që nga viti tjetër do të përballemi me një provë zjarrri. nëse nuk do të jemi në lartësinë e pritshmërisë, atëherë ky lajm i mirë do të na kthhet në bumerang dhe do të na hajë të gjallë, konkurenca empamëshirshme e këtyre që kemi rrotull. Lajmi më i burku nuk ëhstë umri marramëndës i tursitëve, por rikonfirmimi i shqipërisë i rikthyer në destinacion kombëtar. këtij vendi i ëhstë zbardhur faqja e nxirë e një të shkuare të rëndë. E shkura e ngjyer me atë bojën e murrme të paragjykimeve që e shkelmuan në rrugën e stërmbundishme të ngritjes në këmbë dhe përndoqën si hije çdo shqiptar. E shkuara e helmatisur që e përndjek Shqipërinë prej më shuëms e një shekulli, në luftën qorre për t’i rrëmbyer vëmendjen tjetrit. Shqipërisë i ka ardhur çehrja në vend në sytë e botës, flamuri ynë ka fituar respekt. Pas pak ditës e jithë europa do të jetë në Nju jork, dhe Shqipëria do të jetë në krye të tryezës, ku shqipëria ka presidencën e atij Këshilli. Detyra jonë ëhstë jo vetëm të ruajmë imazhin e ri të endit, por ta kthejmë në një kapital ekonomik. ne nuk duhet të jemi vendi ekskluziv i turizmit masiv. Rreziku i humbjes së ekulibrit mes të ardhurave dhe shpenzimeve në rritje që sjell vazhdimisht, ëhstë një kërcënim real për të nesërmen, me të cilin duhet të merremi sot”, tha Rama.

The post Rama: 5 vitet e ardhshme na pret prova e zjarrit, duhet të ruajmë imazhin pozitiv të turizmit appeared first on Albeu.com.

Ai tha se ndryshe nga 10 vite më parë Shqipëria ka bërë hapa shumë përpara, por ka ende shumë punë për tu bërë.

Siaps tij dy janë komponentët që e pohojnë këtë zhvillim, e para bumi turistik dhe e dyta drejtësia e re.

“Shqipëria ka hyrë në një fazë të re, ka plot arsye që e pohojnë këtë të vërtetë, por dy janë pohimet më të mëdha të saj. E para sezoni i jashtëzakonshëm turistik, e dyta impakti i pazakonshëm i organeve të reja të drejtësisë në këtë periudhë progresi të vendit tonë. Të kuptohemi drejt që në fillim, ky ëhstë vetëm një fillim i ri nga një nivel i ri, nuk ëhstë maja ku duam të arrijmë në fund të kësaj dekade. Rruga drejt asaj maje është ende përpjetë, sfidat janë edhe më të mëdha. Sa më shumë bëjmë progres, aq më shumë rritet nevoja për dije, fuqizim politike, instiucional, aftësi e shpejtësi vendimmarrëse. Kur kthejmë kokën pas kemi 1011 arsye për rrugën që kemi bërë. Shqipëria e 10 viteve më parë kishte po kto dete, male e lumenj e po ato hire të bukura, por nuk ishte një destinacion turstik euroia. Turistët më eurpianë ishin emigrantët shqiptarë dhe shqiptarët nga prishtina apo tetova. për të tjerët Shqiëpria ishte sinonim i prapambetjes”, tha Rama.

The post Asambleja e PS, Rama: Sot nisim një fillim të ri appeared first on Albeu.com.

Kjo e hënë do t’i japë fund “vuajtjeve” brenda qeverisë Rama, pasi shumë nga ministrat nuk kanë qenë aspak të qetë, prej momentit kur kryeministri lajmëroi se në shtator do të mblidhet Asambleja e PS e cila do të sjellë edhe “prerje kokash” brenda kabinetit.

“Më mirë një fund me dhimbje, se sa një dhimbje pafund”, do të ishte ky varg muzikor që do të përshkruante këtë verë të stërzgjatur për shkak të ankhit për ministrat e Ramës.

AlbEu.com, pak ditë më parë në një analizë të detajuar solli një listë me emrat e ministrave që këtë të hënë pritet të shkarkohen, por nuk do të mbeten pa kaluar në sitë as ata të cilët do të qendrojnë në krah të Edi Ramës.

Ulsi Manja, Frida krifca, Edona Bilali, Bora Muzhaqi, Delina Ibrahimaj dhe Olta Xhaçka, janë emrat që janë lakuar gjatë ditëve të fundit, si ministrat që pritet të shkarkohen.

Megjithatë Asambleja nuk përjashton të sjellë edhe lëvizje surprizuese, pasi jo pak herë Ramës i ka pëlqyer që të nxjerrë “bllof” burimet mediatike.

Të gjithëve na kujtohet çfarë ndodhi në korrik, ku menjëherë pas skandalit me fondet e IPARD, në të gjitha mediat u aportua, madje edhe vetë zyrtarët më të lartë të PS ishin të bindur për shkarkimin e Krifcës, por pas mbledhjes si ministrja ashtu edhe Rama dhanë mesazhin se nuk kishte asgjë të vërtetë mbi këtë lajm.

Faktorët për këto ndryshime në qeveri janë aq sa të jashtëm edhe të brendshëm. Nga njëra anë janë hetimet e SPAK, të cilat nuk kanë lënë jashtë as emra ministrash, po ashtu edhe përgjimet e Sky Ç, ku flitet se në dosje janë emra big të politikës.

KUSH IKËN

Sigurisht, pritshmëria më e madhe është për emrat e ministrave që ikin dhe vijnë. Me gjasë, ata që do të vijnë nuk e dinë as vetë, përveç Ramës, por sa i përket atyre që do të ikin, lista nuk është dhe aq e shkurtër:

Ulsi Manja

Ulsi Manja, një ndër emrat e preferuar të Ramës, pritet të jetë një ndër emrat e parë që do të ndryshohet në qeveri. Manja ka qenë i besuari i Ramës në krye të Ministrisë së Drejtësisë, por në korridoret e ministrisë thuhet se ministri ka qenë i pakujdesshëm në disa SMS që ka shkëmbyer duke menduar se bisedat nuk do të dilnin kurrë.

Delina Ibrahimaj

Koka tjetër që “pritet” do të jetë Delina Ibrahimaj, e cila u shkarkuar njëherë në fakt nga Rama, por për arsye ende të paqarta vijoi punën në qeveri, të paktën edhe për disa javë. Ibrahimaj u shkarkua pas një sherri gjatë mbledhjes së kabinetit, por më pas edhe ajo edhe Rama dolën në publik dhe mohuan një lajm të tillë.

Duket se kryeministri nuk është nxituar në shkarkimin e saj duke pritur vjeshtën për t’ja përfshirë emrin në listën e ministrave të tjerë që ikin në kuadër të një riformatimi të qeverisë. Ibrahimaj në fakt nuk qenë ndonjëherë ministre më shumë se sa një investim i grupeve të fuqishme të biznesit në vend.

Olta Xhaçka

Xhaçka është një ndër bashkëudhëtaret e vjetra të Ramës, madje kryeministri e shpalli dhe Investitore Strategjike, por rrugëtimit të saj i erdhi fundi.

Xhaçka është e vetmja ministre investitorë strategjike, të paktën me letra, në kabinetin Rama, ndërsa afera që po e merr më qafë është koncensioni i Portit të Limionit ndaj një kompanie private, e cila tashmë është sekuestruar nga SPAK dhe po hetohet prej prokurorëve që këto ditë po trembin shumë “të fuqishëm” në Tiranë, shkruan AlbEu.com.

Deri më tani Xhaçka është paraqitur disa herë në SPAK për të dhënë llogari për një vendim që e la vendin pa një bazë detare kur ajo ishte në krye të Ministrisë së Mbrojtjes.

Frida Krifca

Pavarësisht se tashmë ajo ka nisur një fushatë agresive në rrjetet sociale me investime të fermerëve të bëra sipas saj me mbështetjen e Ministrisë së Bujqësisë duke arritur statistika të larta në Facebook, një kriter thelbësor ky për të ruajtur postin e ministrit, Krifcën nuk e kap tetori në krye të punëve.

Nëse largimet nga qeveria do të ishin çështje bastesh, është e sigurt se largimi i Krifcës do të kishte koeficientin më të ulët, ndoshta 1.20.

Anulimi i fondeve IPARD nga KE dhe zbulimi se nga fondet kanë përfituar trafikantë droge apo personazhe pranë maxhorancës si edhe konfirmimi se fondet janë dhënë përmes procedurave korruptive janë një shkak i mjaftueshëm për ta hequr Krifcën nga Ministria e Bujqësisë. Kujtojmë se KE ka kërkuar paratë e IPARD mbrapsht nga Maqedonia kur u hasën shpërdorime, kurse në Bullgari dje u arrestua një kryebashkiak.

Rama ka treguar deri më tani se ministrat mund të abuzojnë me pushtetin, por mbajnë përgjegjësi pastaj nëse kapen.

Bora Muzhaqi

Nuk është kuptuar ndonjëherë se çfarë bën Bora Muzhaqi në krye të ministrisë dhe çfarë bën në fakt ministria që ajo drejton, por politikania e re do të mbahet mend në publik për gafat e shumta që ka lënë. E kush nuk i mban mend deklaratat se nuk kishte kohë të fliste kur mediat e pyesnin mbi një krim makabër ndaj një fëmijë në Fier apo se do t’u mësonte fëmijëve në klasë të parë kodimin para abetares?

Ramës nuk i duhen më fytyrat e reja dhe investimet e të tjerëve në qeveri, tashmë që rripi po shtrëngohet dhe përgjegjësinë do ta mbajë ai vetë.

Edona Bilali

Bilali ka qenë në qendër të një skandali me shpërndarjen e fondeve për START UP-et duke ia shpërndarë njerëzve pranë saj. Tashmë që situata politike ka ndryshuar në Shkodër, kurse investitori i saj politik pritet të ketë probleme me drejtësinë, Edona Bilali është një emër që nuk i duhet më Ramës në kabinet. /AlbEu.com

The post Nesër dita e madhe, të gjjthë ministrat në “gijotinë” appeared first on Albeu.com.

Burime bëjnë me dije se kryeministri Rama do të mbledhë në një takim informal pune për dy ditë në Tepelenë kabinetin qeveritar, në datat 28-29 korrik.

Kujtojmë që ditën e mërkurë në orën 17:00 kryeministri Rama njëhërësh dhe kryetar i PS, ka thirrur asamblenë e Partisë Socialiste në Tiranë.

Në këtë mbledhje pritet të analizohet puna e ccdo ministrie, si dhe puna organizitive e strukturave.

Gjithashtu të mërkurën pritet të emërohet edhe kryetari i ri i grupit parlamentar, vend i mbetur vakant pas emërimit të Taulant Ballës në postin e Ministrit të Brendshëm.

Kryeministri Edi Rama do të mbledhë në një takim informal pune kabinetin qeveritar në Tepelenë.

/AlbEu.com/

The post Pas Asamblesë, Rama mbledh në fundjavë në një takim informal ministrat në Tepelenë appeared first on Albeu.com.