185 deputetë nga e Djathta dhe Qendra votuan pro (përfshirë 17 deputetë nga Horizons, partia e qendrës së djathtë e ish-kryeministrit Edouard Philippe) dhe 184 deputetë, kryesisht nga e Majta votuan kundër. Në të kaluarën, edhe kreu i partisë së Macron, Gabriel Attal, ka bërë thirrje që marrëveshja të anulohet, mes tensioneve në rritje midis Francës dhe Algjerisë.

Attal mungonte gjatë votimit të së enjtes, dhe vetëm 30 nga 92 deputetët e Macron votuan kundër tekstit. Pjesa tjetër mungonte. Vota pro ngre pyetje në lidhje me rrezikun e normalizimit të partisë së ekstremit të djathtë.

Sidoqoftë, është një fitore e rëndësishme simbolike për partinë e Le Pen, e cila deri më tani ka qenë e izoluar nga deputetët e qendrës së majtë dhe të krahut të majtë për shkak të të ashtuquajturës “zonë sanitare”, një rregull i pashkruar që i pengon ata të bashkëpunojnë me të djathtën ekstreme.

The post Fitore simbolike për Le Pen!/ Për herë të parë, Asambleja Kombëtare e Francës votoi në favor të një propozimi nga partia e saj appeared first on Albeu.com.