Monaco ka konfirmuar se kontrata me mesfushorin Paul Pogba është ndërprerë me mirëkuptimin e të dyja palëve.

Sipas njoftimit të klubit, palët vlerësuan se synimet e përcaktuara në fillim ishin përmbushur vetëm pjesërisht. Për këtë arsye, përpara takimit të parë të sezonit të ri, u vendos përfundimi i parakohshëm i marrëveshjes, e cila ishte e vlefshme deri në qershor të vitit 2027.

Klubi e falënderoi fituesin e Kupës së Botës 2018 për besimin e treguar ndaj institucionit, si dhe për profesionalizmin maksimal gjatë periudhës së tij në Monaco.

Pas zyrtarizimit të vendimit reagoi edhe Pogba, i cili shprehu mirënjohje për presidentin, drejtuesit, bashkëlojtarët, stafin dhe tifozët që besuan tek ai.

Mesfushori francez e cilësoi të jashtëzakonshme përvojën e përfaqësimit të klubit dhe të Principatës. Ai theksoi se Monaco është një klub fantastik dhe se, ndonëse nuk arriti të luante aq ndeshje sa kishte shpresuar, do të mbetet gjithmonë mirënjohës për mundësinë që pati të vishte ngjyrat e tij. “Daghe Munegu!”, ishte mesazhi i tij përmbyllës.

Periudha e Pogbas te Monaco nuk arriti të zhvillohej siç pritej, pavarësisht rikthimit të tij pas pezullimit për doping, pasi problemet e vazhdueshme fizike e penguan të fitonte ritëm.

Gjatë përgatitjeve parasezonale, francezi pësoi së fundmi edhe një dëmtim tjetër në muskujt e pasmë të kofshës.

The post Paul Pogba largohet nga Monaco pas ndërprerjes së kontratës appeared first on Albeu.com.

Në përditësimin e tij më të fundit ekskluziv, Romano bën të ditur se PSG tashmë ka marrë epërsinë ndaj dy skuadrave angleze, identiteti i të cilave ende nuk është zbuluar.

Kampionët e Francës e konsiderojnë Akliouchen një prioritet në merkato, pasi synojnë t’i shtojnë më shumë cilësi dhe alternativa fazës sulmuese të drejtuar nga Luis Enrique.

Mesfushori ofensiv, që mund të aktivizohet edhe në krahun e djathtë, pritet të jetë ndër futbollistët më të kërkuar të kësaj merkatoje, ndërsa interesi dhe kontaktet rreth tij po shtohen. Monaco, ndërkohë, po bëhet gati për oferta zyrtare në javët në vijim.

Akliouche u bë pjesë e Monacos në vitin 2022 dhe që prej atëherë është kthyer në një nga lojtarët e rinj më premtues në Ligue 1.

Gjatë sezoneve të fundit, 24-vjeçari është dalluar për kreativitetin, driblimet dhe ndikimin e tij në gola e asistime, elemente që i kanë sjellë edhe ftesa nga kombëtarja e Francës, përfshirë periudhën e Kupës së Botës 2026.

Aftësia e tij me të majtën, vizioni në fushë dhe përshtatja në skema me presion të lartë e kanë bërë një nga profilet më të vlerësuara në futbollin evropian.

Nga ana tjetër, Monaco është e hapur ta shqyrtojë shitjen e lojtarit në rast se vjen oferta e duhur. Edhe vetë futbollisti ka sinjalizuar se një largim këtë verë mbetet një mundësi konkrete, pasi synon hapin e radhës në karrierë.

Për francezin kanë shprehur interes edhe klube të mëdha nga Anglia, mes tyre Liverpooli, Tottenhami dhe Manchester City, por aktualisht PSG mbetet favorit, falë projektit sportiv, njohjes së kampionatit francez dhe hapave konkretë të ndërmarrë deri tani.

The post PSG në krye të garës për Maghnes Akliouche, objektiv i rëndësishëm për Luis Enriquen appeared first on Albeu.com.