Arrestimi i tij u bë në pikën e kalimit kufitar me Kroacinë, Debeli Brijeg.

Sakaq, është zbardhur dhe itinerari i lëndës narkotike kokainë, në 18 pako të ndryshme.

Makina tip “BMW” e shkodranit Arvid Halili, i arrestuar nga policia e Malit të Zi, ka mundur të kalojë në pikën kufitare të Muriqanit, dhe destinacion final kishte kryeqytetin e Francës, Parisin, dhe vlera në tregun atje do të shkonte në rreth 2.2 milionë euro.

Policia e Shtetit konfirmon se droga fillimisht ka qenë brenda territorit të vendit tonë, ndryshe nga sa është raportuar e anasjellta në fillim.

Autoritetet malazeze mësohet se kanë pasur informacion për praninë e lëndës narkotike dhe e kanë mbajtur në vëzhgim të riun shkodran përgjatë udhëtimit të tij në tokën e shtetit fqinj drejt pikës kufitare të Debeli Brijeg me Kroacinë.

Dyshimet e hetuesve janë se kjo sasi kokainë ka mbërritur në vendin tonë përmes portit të Vlorës ose Durrësit, me origjinë nga vendet e Amerikës Latine.

Arvid Halili rezulton korrier i një prej klaneve shqiptare të transportimit të drogës, por nuk përjashtohet mundësia që këtë herë të ketë qenë i vetëm, edhe pse para hetuesve malazez nuk ka dhënë detaje.

/albeu.com

The post DETAJE/ 18 kg kokainë në makinën e shkodranit, itinerari: Droga hyri nga Shqipëria në Mal të Zi, do shitej në Paris appeared first on Albeu.com.

Burime nga hetimi thanë për gazetën “Vijesti” se është arrestuar shtetasi shqiptar Arvid Halili, 34-vjeç, drejtuesi i automjetit tip “BMW” me targa franceze.

“Mbrëmë, sipas të dhënave operative të Drejtorisë së Policisë, është kryer kontroll në një automjet në të cilin janë gjetur 18 kilogramë kokainë, e cila ka penguar kontrabandën e kësaj droge narkotike në vendin tonë. Oficerët e Sektorit të Policisë Kufitare dhe Sektori për luftë kundër krimit – Departamenti për luftë kundër drogës janë në bashkëpunim me zyrtarët e Drejtorisë së të hyrave dhe doganave, gjatë kontrollit të automjeteve në vendkalimin kufitar, gjetën dhe sekuestruan 18 kg kokainë”, thuhet në njoftimin e Policisë.

Ata shtojnë se mbrëmë, një orë pas mesnate, pjesëtarët e policisë në pikën kufitare Debeli Brijeg, dhe në hyrje të Malit të Zi, kanë kontrolluar një “BMW” me targa franceze të drejtuar nga Halili.

“Përmes kontrollit të detajuar të mjetit, në një hapësirë të prodhuar posaçërisht, janë gjetur dhe konfiskuar 18 pako me lëndë pluhuri të bardhë, e dyshuar si lëndë narkotike kokainë, me peshë totale rreth 18 kilogramë. Droga e sekuestruar do të jetë subjekt i ekspertimit në Qendrën Mjeko Ligjore të Administratës Policore. Me urdhër të prokurorit të shtetit në Prokurorinë e Lartë të Shtetit në Podgoricë, A.H është privuar nga liria nën dyshimin se ka kryer veprën penale të prodhimit, posedimit dhe shpërndarjes së paautorizuar të narkotikëve”, përfundon deklarata.

The post EMRI/ U kap me 18 kg kokainë në Mal të Zi, kush është 34-vjeçari shqiptar i arrestuar appeared first on Albeu.com.