Sherri për 5 euro është bërë shkaku që i ka marrë jetën të riut.

Familja e tij denoncoi në media se djali i saj, Artjol Ramaj ishte zhdukur që prej 2 marsit.

Sipas së ëmës, Valentinës, djali i saj kishte shkuar në Spanjë për të punuar dhe prej 2 marsit kishin humbur kontaktet.

Kanë qenë vetë familjarët të cilët kanë treguar se si u njoftuan nga policia dhe se si u zbulua që bëhet fjalë për Artjolin e tyre. Nëna e 29-vjeçarit, Valentina Ramaj në një lidhje telefonike  për ‘Pa Gjurmë’  mes lotësh tregoi se si e mësoi lajmin.

“Dorëzoi burri ADN-në dhe doli që është djali jonë. Asgjë nuk na thonë se çfarë ka ndodhur. Është një spanjoll brenda në burg. Ai Është i përfshirë por nëse ka të tjerë nuk e dimë. Po presim që të na sjellin trupin. Vajti burri para pak ditësh por trupin nuk ia kanë treguar. Mua s’më thonë gjë se unë jam e sëmurë dhe kam qenë në spital. Edhe vetë nuk e besoj që ka ndodhur”, tha Valentina e tronditur. 

Por si ndodhi ngjarja?

Arjol Ramaj dhe 52-vjeçari spanjoll punonin në një plantacion marijuhane në Can Fornac,a ndërsa ky i fundit akuzonte të riun se i kishte vjedhur 5 euro. Konflikti mes tyre u përshkallëzua derisa dyshohet se spanjolli e ka goditur me çekiç në kokë Artjolin ndërsa ky i fundit ishte në gjumë, goditje e cila i ka shkaktuar vdekjen.

52-vjeçari ka zhvendosur trupin e pajetë duke e fshehur më pas atë në pyll. Më vonë, më 17 prill, falë nuhatjes së qenit, u gjetën rrobat e viktimës dhe një thikë. Pasi policia konfirmoi se shenjat e gjakut të gjetura në plantacion dhe rrobat e gjetura në pyll i përkisnin viktimës, më 8 maj u arrestua autori i këtij krimi, 52-vjeçari spanjoll./Albeu.com/

The post I zhdukur prej 2 marsit, 29-vjeçari vlonjat gjendet i groposur në një plantacion kanabisi në Spanjë: U godit me çekiç për 5 euro appeared first on Albeu.com.

Sipas saj në drejtim të Gironas në Spanjë qytet ku qëndronte djali ka shkuar tashmë bashkëshorti i saj por edhe ai s’ka mundur të zbuloj asgjë. E ëma tregon edhe telefonatën e fundit me djalin ku tregon se ai i ka telefonuar i shqetësuar teksa telefonatën e fundit e ka ndërprerë në mes dhe më pas kanë humbur çdo kontakt. Valentina Ramaj ka një apel drejtuar shtetit të bëjnë të pamundurën për të gjetur djalin e saj.

Sipas policisë dyshohet se Artjol Ramaj ka qenë punonjës në shtëpi bari teksa mund të jetë zhdukur për shkak të tregut të drogës në Girona. Dyshimet e policisë krahas rrëmbimit ekzistojnë edhe në vrasjen e 29-vjeçarit./BW/

 

 

The post Prej 2 marsit rezulton i zhdukur në Spanjë, nëna e 29-vjeçarit nga Vlora apel për ndihmë appeared first on Albeu.com.