Bomba prej 450 kg u gjet nga peshkatarët në brigjet e lumit Po, pas thatësires. Sipërfaqe rreth 650 km e lumit është tharë, në thatësirën më ekstreme të Italisë në 70 vitet e fundit, shkruan BBC.

Moti i nxehtë dhe nivelet e ulëta të reshjeve kanë bërë që të këtë mungesë uji në veri të Italisë, ndërsa kanë shtuar frikën për pasojat e ndryshimeve klimatike.

“Bomba u gjet nga peshkatarët në bregun e lumit Po,” tha zyrtari i ushtrisë, koloneli Marco Nasi për agjencinë e lajmeve Reuters.

Pajisja e pashpërthyer, për të cilën zyrtarët ushtarakë italianë thanë se përmbante 240 kg eksploziv, u zbulua pranë fshatit Borgo Virgilio të Lombardisë, në korrik.

Rreth 3,000 banorë pranë zonës thuhet se u evakuuan në mënyrë që ekspertët e asgjësimit të bombave të mund të kryenin shpërthim të kontrolluar, të dielën. Hapësira ajrore e zonës u bllokua po ashtu për një kohë të shkurtër gjatë shpërthimit.

Zyrtarët italianë shpallën gjendjen e jashtëzakonshme muajin e kaluar për zonat përreth Po, lum që ujit rreth një të tretën e prodhimit bujqësor të vendit.

Rryma e lumit është dobësuar aq shumë për shkak të nxehtësisë dhe mungesës së reshjeve në muajt e fundit, sa fermerët në Luginën e Po-së thonë se uji i kripur i detit = po depërton në lumë, duke shkatërruar të korrat./albeu.com

The post Zbulohet në Ballkan bomba e pashpërthyer e Luftës së Dytë Botërore appeared first on Albeu.com.

Këtë javë në Britani mbi 450 trupa ukrainase përfunduan trajnimin për përdorimin e armëve të reja, përfshirë sisteme moderne raketash “MLRS”, të afta të lëshojnë disa raketa përnjëherësh. Këto armë vlerësohen si vendimtare në luftën kundër artilerisë ruse.

Britania dhe Shtetet e Bashkuara e kanë furnizuar Ukrainën me disa sisteme të tilla si dhe armatime të tjera të rënda, mes të tjerash dronë, autoblinda, dhe sisteme të mbrojtjes ajrore. Presidenti ukrainas Volodymyr Zelenskyy u tha udhëheqësve të NATO-s se vendi i tij ka nevojë urgjente për armë më të avancuara.

“Duke na dhënë këto armë, ju mund të shkatërroni plotësisht taktikat ruse të rrënimit të qyteteve dhe terrorizimit të popullsisë civile”./albeu.com

The post Takimi i NATO-s, ja çfarë armësh të reja i janë premtuar Ukrainës appeared first on Albeu.com.

Megjithatë, ai nuk dha detaje në lidhje me numrin e tankeve të dërguara në Ukrainë.

Në mars, Polonia tha se ishte gati t’i dorëzonte të gjithë avionët e saj luftarakë MIG-29 në një bazë ajrore amerikane në Gjermani “menjëherë dhe pa pagesë” si pjesë e një plani për t’i ofruar avionë ukrainasve.

Por Pentagoni tha se oferta nuk ishte “e qëndrueshme”.

Zëdhënësi John Kirby tha se propozimi për dërgimin e avionëve në bazën ajrore amerikane Ramstein “ngre shqetësime serioze për aleancën e NATO-s”.

Të premten Ministria e Mbrojtjes  konfirmoi  se Mbretëria e Bashkuar dhe Polonia po bashkëpunojnë për të furnizuar Ukrainën me tanke.

BBC raportoi se ukrainasit do të merrnin  tanket polake T-72 dhe se  tanket polake të dërguara në Ukrainë do të zëvendësohen me tanket britanike “Challenger 2”.

Tanket janë lëvizja më e fundit e britanikëve ndaj Ukrainës, krahas mjeteve të tjera të blinduara që do të dërgohen, për të cilat është vendosur më herët./albeu.com

The post Polonia dërgon artileri të rëndë në Ukrainë appeared first on Albeu.com.

Mbijetesa e Ukrainës si shtet sovran mund të vendoset në Donbas – dhe varet nga ajo, se me çfarë armësh Ukraina do t’i dalë përballë pushtuesit rus.

Prandaj qeveria ukrainase kërkon me kaq këmbëngulje pajisjen me armë të rënda të forcave të saj ushtarake.

Këtu bëjnë pjesë tanke të tipit PzH 200, dhe raketahedhëse, si dhe anije lufte, helikopterë ushtarakë, avionë gjuajtës.

Ndërkohë gati të gjitha shtetet e NATO-s kanë dërguar armë të lehta, pajisje mbrojtëse apo municion, por jo armë të rënda, sepse shihej si rrezik që të interpretohej nga Rusia si ndërhyrje në luftë dhe me këtë të justifikohej një sulm ndaj NATO-s.

Por tani para ofensivës së madhe që ka filluar në Donbas duket se njëri pas tjetrit vendet e NATO-s po i lenë mënjanë këto shqetësime.

Një sërë vendesh të NATO-s kanë bërë të ditura, se do të dërgojnë armë të rënda. Për shkak të sekretit ushtarak shumë detaje nuk bëhen publike. Por disa informacione kanë rrjedhur.

Çekia

Qeveria e Pragës ishte ndër të parat që premtoi furnizime me armë për Ukrainën. Që në janar me marshimin e trupave ruse në kufirin ukrainas, Çekia ofroi municion luftarak dhe granata tankesh që përshtateshin me sistemet sovjetike të armëve që shumë ish-vende të Traktatit të Varshavës i kanë ende në arsenalet e tyre.

Me gjasë, Çekia është vendi i parë që i ka dhënë Ukrainës tanke po nga rezervat sovjetike. Dhe jo vetëm tipin mbrojtës BMP, por edhe tanke luftarake të tipit T-72. Të dyja këto ushtria ukrainase i ka pasur në përdorim.

Polonia

Edhe Polonia ka kontribuar para luftës për modernizimin e ushtrisë ukrainase dhe ka ofruar sisteme armësh ruse të zhvilluara më tej së bashku me municione. Propozimi i Polonisë në fillim të marsit që të dërgohen avionë ushtarakë të tipit MiG29 u frenua nga partnerët e tjerë të NATO-s. Në fillim të prillit Varshava solli një propozim tjetër, stacionimin e armëve atomike në vend. Tani ky vend ka premtuar edhe armë të rënda, por nuk jep detaje për këtë.

Sllovenia

Edhe ky vend është i gatshëm të japë tanke nga rezervat sovjetike. Si kompensim Gjermania ka ofruar tanke mbrojtës dhe përgjimi të tipit Marder dhe Luchs. Sipas agjencisë së lajmeve, dpa, Sllovenia kërkon modele moderne pasuese, Puma dhe Boxer si edhe zëvendësimin e tankeve luftarake me tankun gjerman Leopard 2.

Turqia

Turqia i ka shitur Ukrainës në vitet e kaluara të paktën 20 avionë luftarakë dhe përgjues të tipit Bayraktar TB2. Këto furnizime nuk janë të lidhura me sulmin rus, sepse janë ofruar më parë, por realisht ato janë armët e vetme sulmuese të ofruar nga vende të NATO-s, të cilat Ukraina i ka vënë në përdorim.

Gjermania

Qeveria gjermane nuk do të dërgojë armë të rënda në Ukrainë. Në vend të kësaj ajo i ofron Kievit tanke mbrojtës, granata, drone, pajisje mbrojtëse dhe municion nga rezervat e industrisë. Në ofertë si arma më e rëndë janë 12 granatahedhëse të kalibrit 120 mm deri në një distancë 7.5 km.

Shtete të tjera të NATO-s

Ndërkohë që Italia dhe Franca gati nuk bëjnë aspak publike furnizime me armë për Ukrainën, vende të tjera të NATO-s ka bërë të ditura zyrtarisht dërgimin e armëve të rënda, mes tyre Belgjika, Norvegjia, Kanadaja. Më konkretisht është shprehur kryeministri, Boris Johnson, që përmendi dërgimin e raketave që mund të sulmojnë në det, dhe kryeministri holandez, Mark Rutte që bëri fjalë për dërgimin e tankeve.

SHBA

Deri më tani SHBA ka dhënë kontributin më të madh për ushtrinë ukrainase. Rreth 2,5 miliardë dollarë ka miratuar Uashingtoni që nga fillimi i luftës. Kështu ushtria ukrainase me raketat antitank, Javelin ka shkatërruar një sërë tankesh rusë. Javën e kaluar Uashingtoni bëri të ditur dërgimin sa më shpejt të 18 pajisjeve të artilerisë së rëndë me 40.000 pjesë municioni, 300 automjete të blinduara, 11 helikopterë transportues MI-17 si edhe armë të tjera. Një pjesë e furnizimeve ushtarake ka mbërritur ndërkohë. Presidentin Biden ka premtuar ndihma të tjera.

Bashkimi Europian

BE ka miratuar që nga fillimi i luftës 1,5 miliard euro të ashtuquajturat opcionet e paqes, nga të cilat shtetet anëtare mund të blejnë për Ukrainën “pajisje mbrojtëse, paketa të ndihmës së parë, karburante, si dhe pajisje ushtarake dhe platforma me të cilat për qëllime mbrojtëse mund të përdoret dhunë vdekjeprurëse”. Por me këto fonde nuk lejohet të financohen armë të rënda, siç duan tani shumë vende të NATO-s.

Deri tani jo furnizime me avionë luftarakë

Zëdhënësi i Pentagonit, John Kirby bëri të ditur këtë javë, se Ukraina ka marrë edhe avionë luftarakë të tipit MiG- 29 nga ish-vende të paktit të Varshavës. Këtë pohim Kirby e ka tërhequr ndërkohë. Kanë qenë vetëm pjesë këmbimi, me të cilat avionët mund të rivihen në punë. Në të njëjtën kohë vazhdon debati, nëse armë të tilla MiG-29 do duhet të furnizohen nga Polonia, Bullgaria apo Rumania. Pilotët ukrainas e njohin këtë tip avioni dhe mund ta përdorin atë, ndryshe nga avionët perëndimorë, ku kanë nevojë për trajnim të veçantë. /dw/

The post LUFTA/ Ja kush janë shtetet që kanë furnizuar Ukrainën me artileri të rëndë appeared first on Albeu.com.

Në një intervistë me median franceze Ouest-France të premten, presidenti francez, Emmanuel Macron tha se vendi po shpërndante pajisje të konsiderueshme, nga MILANI në CAESAR dhe disa lloje armësh.

Rreth 40 anëtarë të shërbimit ushtarak ukrainas do të mbërrijnë në Francë për t’u trajnuar mbi pajisjet ushtarake, sipas Elysée. Sistemet e armëve antitank MILAN tashmë janë dorëzuar. CAESAR është një sistem artilerie i montuar në kamion me një armë vetëlëvizëse të zhvilluar nga Nexter Systems.

Sipas kompanisë, njësitë CAESAR janë dislokuar nga ushtria franceze që nga viti 2009 në vende të ndryshme, duke përfshirë Afganistanin, Libanin, Malin dhe Sahelin, Irakun dhe Azinë Lindore.

“Franca vazhdon të mbështesë Ukrainën ushtarakisht. Presidenti i Republikës ka vendosur të dorëzojë disa armë artilerie CAESAR dhe mijëra predha. Ne qëndrojmë me popullin ukrainas,” tha të premten ministria franceze e mbrojtjes./albeu.com

The post Franca, sistem artilerie vetëlëvizëse drejt Ukrainës appeared first on Albeu.com.

Kjo është një lëvizje e paralajmëruar nga Britania e Madhe.

Sekretari i Mbrojtjes Ben Wallace pritet të bëjë një deklaratë më vonë në lidhje me dërgesën e tankeve.

Boris Johnson tha në një konferencë shtypi në Dehli të Indisë se vendi i tij do të intensifikojë mbështetjen ushtarake ushtarake për Ukrainën./albeu.com

The post Tanke T-72, Britania furnizon Ukrainën me artileri të rëndë appeared first on Albeu.com.

Përmes rrjeteve sociale Kadyrov i veshur ushtarak dhe i armatosur rëndë tregon sikur është duke luftuar në Ukrainë kundër forcave ukrainase.

Madje vetë Kadyrov në rrjete sociale pretendon sikur ka vrarë disa ushtarë ukrainas, mes tyre edhe një snajper.

Kujtojmë që Kadyrov hyri në Ukrainë edhe muajin e shkuar, por u detyrua të kthehej mbrapsht pas një surprize të hidhur që kishin organizuar forcat ukrainase, duke vrarë disa ushtarë çeçenë./albeu.com

The post Rikthehet lideri çeçen, qëllon me bomba dhe armë mbi Ukrainë appeared first on Albeu.com.

Ky trajnimi do të bëhet jashtë Ukrainës, shtuan ata. Ukrainasit e pajisur me njohuri do të mund të rihynin në vendin e tyre për tu treguar të tjerëve se si t’i përdornin sistemet.

Zyrtari tha gjithashtu se forcat ruse po përgatisnin kushtet për fillimin e një ofensive në Ukrainën lindore.

Ata shtuan:

SHBA ende e konsideron qytetin port të Mariupolit si të kontestuar, por nëse bie, trupat ruse mund të shkojnë për të ndihmuar forcat e tjera në rajonin lindor të Donbasit.

Sulmet me raketa ruse në Kiev dhe Lviv gjatë fundjavës duket se kanë pasur për qëllim objektiva ushtarakë.

Shumica e sulmeve ajrore, megjithatë janë ende të përqendruara në Mariupol dhe rajonin e Donbas

Departamenti Amerikan i Mbrojtjes nuk mundi të verifikonte imazhet në mediat sociale që shfaqnin dëmtime në anijen luftarake ruse “Moskva”, e cila u fundos javën e kaluar. Por nuk mund t’i kundërshtonte as ato.

Pasi Presidenti Biden njogtoi një ndihmë prej 800 milion dollarësh javën e kaluar, 4 fluturime janë

Katër fluturime pajisjesh janë bërë në Ukrainë pasi Presidenti Biden njoftoi një ndihmë tjetër prej 800 milion dollarësh (615 milion £) javën e kaluar. Një tjetër pritet në 24 orët e ardhshme./albeu.com

The post SHBA trajnim ushtarëve ukrainas, do u mësojmë të përdorin artilerinë e rëndë, howitzer appeared first on Albeu.com.