“Të jesh aktor është si të jesh sportist, duhet fuqi dhe përkushtim. Kam vendosur që pas një roli kryesor në teatër të mos merrem më me aktrim në skenë. Në film dhe televizion do të vazhdoj, sepse janë më të lehta fizikisht. Do të përqendrohem në regji dhe dramaturgji.”- tha Petrovci, duke shpjeguar arsyet pse po zgjidh të tërhiqet gradualisht nga skena.
Në një moment emocional, ai foli për mënyrën se si vlerësohen artistët në hapësirën shqiptare dhe la një mesazh të qartë për brezat e ardhshëm:

“Unë gjithmonë e kam mbajtur për vete mendimin tim, duke menduar se mënyra se si jetoj dhe çfarë bëj një ditë do të tregojë kush jam. Kam kuptuar se tek ne, tek shqiptarët, njeriu vlerësohet më shumë pas vdekjes. Shpresoj që, kur të vdes, atëherë të vlerësojnë saktësisht kush kam qenë unë.”

Petrovci foli edhe për respektin ndaj kolegëve të tij dhe për një peng personal: nuk kishte pasur kurrë mundësinë të shihte në skenë aktorin legjendar Sulejman Pitarka, një mungesë që e konsideronte të rëndësishme për formimin e tij artistik.

I pyetur çfarë do të bëhej nëse nuk do të ishte aktor, ai u përgjigj me sinqeritet: “Do të kisha qenë marangoz”, duke rrëfyer dashurinë e tij për punën me drurin dhe dëshirën e hershme për të ndërtuar një shtëpi prej druri.

The post “Shpresoj që kur të vdes…”/ Fjalët e fundit të Enver Petrovcit për artin dhe jetën appeared first on Albeu.com.

Njoftimin për ndarjen e Tij nga jeta e dha z. Constantine P. Carambelas-Sgourdas, në emër të Bordit të Drejtorëve të Shoqatës Greke të Muzikës, Teatrit dhe të Dansit.

Leocakos erdhi për të parën herë në Shqipëri në fillim të viteve 1980.

Interesi i tij studimor përfshinte gjithçka që lidhej me muzikën në Shqipërinë e mbyllur të atyre viteve, prej muzikës popullore, edukimit muzikor në shkollat tona, interpretimi i muzikës dhe sidomos krijimtaria muzikore shqiptare.

Ai u njoh nga afër më gjithë klasën e krijuesve dhe studiuesve shqiptarë, duke lidhur me secilin prej tyre një marrëdhënie profesionale dhe miqësore. Lecakos e donte dhe e do muzikën shqiptare dhe krijuesit e saj.

Janë të shumta takimet e tij me Çesk.Zadejën, Tish Dainë, Nikolla Zoraqin, Feim Ibrahimin, Tonin Harapin, Gjon Simonin, Simon Gjonin, Aleksandër Peçi, Thomas Simaku etj.

Falë Leocakos, krijuesit shqiptarë janë pasqyruar në enciklopedinë e madhe të muzikës botërore GROVE DICTIONARY OF MUSIC dhe po falë tij zëri ALBANIAN MUSIC është pjesë përbërëse e kësaj enciklopedie emërmadhe.

Dhjetëra shkrime e libra të publikuara prej tij kanë hapësirën e tyre të dedikuar për muzikën dhe krijuesit tanë.

Arkivi i i Leocakos për muzikën shqiptare mund të jetë ndoshta më i pasur edhe se ndonjë arkiv institucioni që e ka për detyrë kujdesin ndaj trashëgimisë sonë muzikore.

Ai nuk i shkëputi marrëdhëniet me Shqipërinë edhe pas viteve 1990, duke u bërë pjesë e aktiviteteve muzikore që organizoheshin dhe duke na vlerësuar me prezencën dhe fjalën e tij që peshon shumë si mendim profesional dhe jo vetëm.

The post Arti grek në zi, ndahet nga jeta kompozitori George Leocakos, ja lidhja e tij me artin shqiptar appeared first on Albeu.com.

Emra të spikatur të artit pamor nga Gjirokastra, Dropulli, Saranda e Vlora, erdhën në këtë ekspozitë me punimet e tyre, realizuar ndër vite.

‘Ka një gjeografi të gjerë të autorëve janë rreth 27 piktorë të arteve figurative, skulptorë dhe grafistë të cilët me punët e tyre më të bukura kanë ardhur me kënaqësi për të pasqyruar veprat e tyre. E veçanta e kësaj ekspozite është se këtu janë bashkuar artistë shqiptarë me artistë minoritarë dhe kjo bëhet me qëllim që arti i bashkon njerëzit edhe në këtë fushë.’- tha Stefan Arseni, kurator.

“Ekspozita të tilla duhet të ketë shpesh sepse ato na mbledhin të gjithëve, ato na bashkojnë të gjithëve, dhe në fund dhurojnë atë për të cilin ne kemi nevojë ushqimin shpirtëror i cili na ushqen çdo ditë dhe na mban gjallë në jetën dhe në përditshmërinë tonë”, u shpreh Llambi Margariti, pedagog i arteve figurative.

Ekspozita vjen si bashkëpunim i shoqatës “Miqësia” dhe Konsullatës së të Greqisë në Gjirokastër. Përgjatë këtij viti në qytetin e gurtë janë çelur disa ekspozita të arteve figurative që kanë tërhequr vemendjen e artdashësve.

The post Gjirokastër/ Arti bën bashkë shqiptarët dhe minoritarët grek, 27 piktorë e skulptorë në ekspozitë appeared first on Albeu.com.

Lajmi është konfirmuar nga familjarë të tij. Homazhet në nder të tij do të zhvillohen ditën e nesërme në hollin e Teatrit “Aleksandër Mosiu”.

Hoxha numëron shumë role në filmat shqiptar si “Shoku ynë Tili”, “Dollia e dasmës sime”, “Tingujt e luftës”, etj.

Lutfi Hoxha lindi më 1 Qershor 1934) është një aktor shqiptar. Në janar 1953 ishte një nga themeluesit e teatrit “Aleksandër Moisiu”, në Durrës, ku ai luajti deri në fund të karrierës së tij artistike. Në vitin 1989 ka dalë në pension.

Filmat ku ka luajtur

Ne dhe Lenini (2009)

Një ditë e mrekullueshme (2003) TV

Vetmi (1990) – Leko

Pranvera s’erdhi vetëm (1988)

Nata e parë e lirisë (1984) – Hamalli

Shoku ynë Tili (1981) – Qemali

Në prag të lirisë (1981) – Veliu

Intendenti (1980) – File

Dollia e dasmës sime (1978) – Krushku

Një udhëtim i vështirë (1977)

Tingujt e luftës (1976)

Thirrja (1976) – Ndue

Pylli i lirisë (1976) – Nauni

Ilegalet (1976)

Rrugicat që kërkonin diell (1975) – Përgjegjës i bojaxhinjve – anëtar i njësitit

Detyre e posaçme (1963)

The post Arti në zi, ndërron jetë aktori i madh shqiptar (EMRI-FOTO) appeared first on Albeu.com.

Gjat këtij takimi Veliaj renditi disa nga investimet e kryera nga Bashkia e Tiranës për artin dhe kulturën në kryeqytet, duke filluar nga Amfiteatri i ri e deri te KombinArt, lagjja e re në Kombinat, ku do të ketë disa ndërtesa ekskluzive për instalacione, skulpturë dhe pikturë.

“Kemi futur një traditë shumë të mirë në shkolla, të cilat i pajisim edhe me një sallë koncertore, siç rasti sallës ‘Tonin Arapi’ te Liceu, apo ‘Avni Mula’ te shkolla ‘Servete Maçi’, ose te shkolla ‘Lasgush Poradeci’ në Kombinat. Po mundohemi të mbjellim këtë lloj akupunkture artistike në qytet. Kemi edhe kinemanë ‘Maks Velo’, e cila përdoret edhe nga kundërshtarët tanë për takime. Po bëjmë një ndërhyrje shumë të madhe në Kinostudio dhe sapo morëm mbrapsht kinema ‘Agimin’ nga privati, e cila do të hapet së shpejti. Jemi duke punuar me një kompani prestigjioze për zonën e artistëve te Komuna e Parisit, po ashtu po punojmë për ‘KombinArt-in’; pra, të kemi disa ndërtesa ekskluzive për instalacione, skulpturë dhe picture. Të njëjtën gjë do të bëjmë edhe tek lagja e re ‘5 Maji’”, tha Veliaj.

Mandej, ai foli edhe për disa investime të tjera që do të vendosen në Bulevardin e Ri të Tiranës. Veliaj tha se është gjetur zgjidhja për punimet te Teatri i Ri, kur tha se për hyrjen e makinerive të mëdha do të përdoret hapësira te ish-Drejtoria e Burgjeve, mes Ministrisë së Transporteve dhe Torre Drinit, në mënyrë që Pedonalja të vazhdojë normalisht.

“Gara e parë që hapëm për Bulevardin e Ri ishte për Pallatin e Ri të Koncerteve sepse ajo që kemi është ezauruar si hapësirë. Ka mbërritur dita që opozita bën fushatë me luftë ndaj Amerikës, luftë me pemët dhe me artistët, çka do të thotë se shumicën e gjërave i kemi rregulluar në atë farë feje, sa tani jemi duke diskutuar për bindjen e Noizy-t dhe Rita Orës. Në anën tjetër të Bulevardit të Ri është përcaktuar hapësira për një muze të artit modern. Edhe Teatri i Kukullave do të jetë një tjetër hapësirë e restauruar”, tha Veliaj.

The post Fushata zgjedhore, Veliaj tregon projektet e reja për kulturën dhe artin në Tiranë appeared first on Albeu.com.

The post Shiti veprat e tij të artit, Johnny Depp fiton 3 milionë paund në pak orë appeared first on Albeu.com.

Si aktore ajo u bë e famshme me komedinë “Edhe ashtu edhe kështu”, ku luajti krah Frederik Ndocit, me regji dhe skenar të Bujar Kapexhiut, e muzikë të Ardit Gjebresë.

Filmi, prodhim i vitit 1989 nga “Kinostudio Shqipëria e Re”, pëlqehet edhe sot e kësaj dite.

Sesilia Plasari ishte vetëm 23 vjeçe kur luajti në atë film, ndërsa sot ajo e ka ndërtuar jetën mes Shqipërisë dhe Francës duke u angazhuar në jetën artistike atje. Sesilia është pak më shumë se 50 vjeç dhe ruan të njëjtën fisnikëri e freski, edhe pse vitet kanë kaluar.

Por nëse Sesilia pati fat që ishte në hapat e parë të karrierës, kur u ndërrua sistemi, teksa hasi vështirësi gjatë largimit, historia e saj tregon po ashtu se shumë artistë të tjerë që kaluan jetën në komunizëm i dhanë gjithçka artit dhe në fund dolën po aq të varfër sa të gjithë shqiptarët. Dhe nuk fituan asgjë, por më dramatikja ndryshe nga kolegët e tyre, në mbarë botën, ata që qëndruan mbetën ndoshta edhe më të humbur, madje edhe të pavlerësuar në 30 vitet e fundit demokraci.

The post Krahas largimit me para borxh nga Shqipëria, ku jeton sot aktorja dhe a e ka braktisur profesionin? (FOTO LAJM) appeared first on Albeu.com.

Shaka e nisi karrierën e tij artistike në rolin e shoferit në pantomimën “Shoferi dhe Pasagjeri” në vititn 1966.

Ishte rreth moshës 16 vjeç kur luajti këtë rol dhe i befasoi të gjithë, pasi askush nuk e priste atë rezultat.

Pjesëmarrja në filma ishte shkas i daljes në skenë me sukses dhe as qe e mendonte që do ta merrnin kaq shpejt për të xhiruar në ndonjë film.

Pasi realizoi me sukses disa vepra, në vitin 1998 ai së bashku me familjen e tij, si shumë shqiptarë të tjerë, emigruan në Greqi.

Gjatë karrieres së tij artistike, ai ka pasur shumë shokë dhe miq, por më pranë ka pasur Skënder Plasarin, Xhemal Myftiu (Kacja), Enver Dauti, këta dy të fundit, fatkeqësisht, nuk jetojnë më.

Ndërsa më afër në skenën e Estradës së Tiranës bashkinterpretuesit e tij kanë qenë Skendër Sallaku, Xhemal Myftiu, Vasillaq Vangjeli, Maxhide Pici (PUPI), Vegim Xhani, Dario Llukaci etj. Ka pasur fatin që të luaj në skenën e Estradës dhe me të madhin Mihal Popi dhe më vonë me Melpomeni Çobanin, nje aktore e shkëlqyer karakteri.

Filmi “Cirku në fshat” (1977), ku luante Arben Shaka në rolin e Agronit, ishte një sukses, por ka pasur shumë role të tjerë si në varietete televizive dhe në estradë me sukses të plotë. Per here te parë merr pjese ne nje film ne vitin 1969 tek “Perse bie kjo daulle”. Me pas vazdhon perseri ne filmin e dyte ne v. 1972 tek “Odiseja e tifozeve” .

Ai ka kaluar plot tridhjetë e tre vite në cirk, në skenë dhe në ekran, për artdashësit shqiptarë./albeu.com/

The post Arti shqiptar në zi, ndërron jetë aktori i njohur appeared first on Albeu.com.