Në një pritje të veçantë në NASA, në Qendrën Hapësinore Johnson në Houston, ekuipazhi i përbërë nga Reid Wiseman, Victor Glover, Christina Koch dhe Jeremy Hansen u prit me duartrokitje dhe entuziazëm nga publiku.
Astronautët përshkuan një distancë prej rreth 406,771 kilometrash nga Toka, një rekord i ri në historinë e eksplorimit hapësinor.
Gjatë fjalimeve të tyre, ata ndanë emocionet dhe sfidat e përjetuara në këtë mision unik. Christina Koch, e vetmja grua në ekuipazh, theksoi një moment që e kishte prekur veçanërisht.

“Njerëzit na pyesnin se çfarë përshtypje kishim. Nuk ishte vetëm Toka ajo që më tronditi, por errësira e pafund përreth saj. Dukej sikur planeti ynë ishte një anije që qëndronte pezull në univers”, u shpreh ajo.

Misioni Artemis II konsiderohet një hap i rëndësishëm drejt rikthimit të njerëzve në Hënë dhe më tej, duke hapur një kapitull të ri në eksplorimin hapësinor.

The post Misioni Artemis II/ Astronautja rrëfen përjetimin në hapësirë: Më tronditi që përreth Tokës dukej… appeared first on Albeu.com.

Ekuipazhi i përbërë nga Reid Wiseman, Victor Glover, Christina Koch dhe astronauti kanadez Jeremy Hansen realizoi me sukses një nga hapat më të rëndësishëm drejt rikthimit të njeriut në Hënë, një objektiv që synohet të arrihet rreth vitit 2030.

Momenti më kritik i misionit ishte rikthimi në atmosferën e Tokës, kur kapsula Orion hyri mbi Oqeanin Paqësor, rreth 3.200 kilometra larg brigjeve të SHBA-së.

Për rreth gjashtë minuta nuk pati asnjë komunikim me ekuipazhin, për shkak të temperaturave ekstreme që kalonin, 2.000 gradë Celsius gjatë hyrjes në atmosferë.

Megjithatë, gjithçka shkoi sipas planit. Parashutat u hapën në kohën e duhur, duke mundësuar një ulje të butë në det në orën 02:07 të mëngjesit, pa asnjë problem.

Sipas NASA-s, astronautët nuk kanë qenë në asnjë moment në rrezik, falë mburojës termike të avancuar të kapsulës. Në zonën e uljes ishin dislokuar dhjetëra mjete detare dhe ajrore të forcave të armatosura dhe Rojeve Bregdetare të SHBA-së, për të garantuar sigurinë e operacionit.

Pas uljes, u raportuan disa probleme të vogla në komunikimin mes kapsulës dhe qendrës së kontrollit, por ato nuk u konsideruan shqetësuese.

Misioni Artemis II konsiderohet një hap kyç për programin hapësinor amerikan, duke hapur rrugën për kthimin e njeriut në Hënë pas më shumë se pesë dekadash.

Orion’s main parachute has deployed. The spacecraft has a system of 11 chutes that will slow it down from around 300 mph to 20 mph for splashdown.

Get more updates on the Artemis II blog: https://t.co/7gicm7DWBt pic.twitter.com/ReXHTfkFld

— NASA (@NASA) April 11, 2026

The post VIDEO/ Përfundon me sukses misioni “Artemis II”, kapsula Orion ulet në Paqësor pas udhëtimit rreth Hënës appeared first on Albeu.com.

Deri tani, misioni po zhvillohet sipas planit, me përjashtim të një momenti tensioni: anija kozmike Orion humbi komunikimin me NASA për rreth 40 minuta gjatë kalimit në anën e largët të Hënës. Përveç këtij incidenti të izoluar, gjithçka tjetër ka ecur normalisht, ndërsa interesi publik është rritur ndjeshëm, jo vetëm për misionin, por edhe për jetën dhe shpërblimin e astronautëve.

Pavarësisht rrezikut dhe prestigjit të profesionit, astronautët e NASA-s paguhen sipas sistemit federal të njohur si “General Schedule” (Orari i Përgjithshëm). Ata zakonisht klasifikohen në nivelet GS-13 deri GS-14, me paga që variojnë nga rreth 90 mijë deri në 150 mijë dollarë në vit. Sipas të dhënave të vitit 2025, paga mesatare e një astronauti arrin në rreth 152,258 dollarë në vit. Nuk ka të dhëna të qarta për bonuse shtesë për misione të gjata apo kushte ekstreme në hapësirë. Për t’u bërë astronaut kërkohen vite të tëra përgatitjeje intensive. Trajnimi zhvillohet në qendra si Johnson Space Center, ku kandidatët mësojnë teknika mbijetese, zhytje, robotikë dhe funksionimin e sistemeve hapësinore.
Përveç aftësive teknike, kërkohet edhe formë e shkëlqyer fizike, disiplinë e lartë dhe aftësi për të përballuar stresin dhe izolimin. Misioni Artemis II po shënon edhe një epokë të re në fotografinë hapësinore. Për herë të parë, pajisje moderne si kamera DSLR, kamera pa pasqyrë, GoPro dhe madje edhe telefona inteligjentë si iPhone 17 Pro Max po përdoren në hapësirën e thellë.

Në total, anija Orion mbart 32 pajisje fotografike, nga të cilat 15 janë të montuara në strukturën e saj, ndërsa pjesa tjetër përdoret nga astronautët. NASA ka publikuar tashmë pamje të para mahnitëse, përfshirë një perspektivë të plotë të Hënës siç nuk është parë më parë, duke sjellë më afër publikun me misteret e hapësirës.

The post Misioni historik Artemis II, sa është paga e astronautëve që udhëtojnë rreth Hënës? appeared first on Albeu.com.

Fotografitë me rezolucion të lartë, të shkrepura nga komandanti Reid Wiseman, paraqesin planetin tonë me detaje të rralla – kontinente, oqeane dhe re me ngjyra të gjalla, si dhe aurora të dukshme pranë poleve.

Misioni Artemis 2 ka arritur një tjetër moment historik, pasi katër astronautët në bordin e anijes Orion kanë kaluar gjysmën e distancës mes Tokës dhe Hënës.

Sipas NASA, kapsula ndodhet tashmë mbi 219 mijë kilometra larg Tokës dhe vijon trajektoren drejt fluturimit rreth Hënës, i planifikuar për ditën e hënë. Ky është misioni i parë me ekuipazh drejt Hënës që nga Apollo 17.

Agjencia hapësinore amerikane ka publikuar edhe imazhet e para nga bordi, të realizuara nga komandanti Reid Wiseman. Fotografitë tregojnë Tokën si një hark të ndritshëm në errësirën e hapësirës, si dhe një pamje të plotë të globit me oqeane, re dhe një aurorë të gjelbër që ndriçon pranë poleve.
Në këtë mision marrin pjesë edhe Victor Glover, Christina Koch dhe Jeremy Hansen. Ata janë astronautët e parë që udhëtojnë drejt Hënës pas më shumë se gjysmë shekulli.

Ekuipazhi ka hyrë tashmë në një trajektore të ashtuquajtur “kthim i lirë”, duke përdorur gravitetin e Hënës për t’u rrotulluar rreth saj dhe më pas për t’u kthyer në Tokë pa nevojë për manovra të mëdha shtesë.

Astronautët pritet të kalojnë rreth 6,400 kilometra përtej Hënës, duke ofruar pamje të papara më parë të anës së largët të saj. Nëse misioni përfundon me sukses, ata do të vendosin një rekord të ri, duke u bërë njerëzit që janë larguar më shumë nga Toka në histori.

Misioni është pjesë e programit afatgjatë të NASA për rikthimin e njerëzimit në Hënë dhe ndërtimin e një pranie të qëndrueshme, si hap i parë drejt eksplorimeve më të thella në hapësirë.

https://rumble.com/v781i92-ekipi-i-artemis-2-n-gjysm-t-udhtimit-drejt-hns-publikohen-pamjet-e-para-nga.html

The post VIDEO-FOTO/ Pamje të mrekullueshme të Tokës nga hapësira, ekipi i Artemis 2 në gjysëm të udhëtimit drejt Hënës, publikohen pamjet e para nga ekuipazhi appeared first on Albeu.com.