Dikur ushtar i bandës së tij, Tafani dëshoi sot në GJKKO, në cilësinë e dëshmitarit.

Ai ka shpjeguar para togave të zeza njohjen me të fortin e Lushnjes dhe disa prej krimeve që ka kryer me urdhër të Haxhiut.

“Me Laertin jam njohur nga një çun nga Lushnja. Jemi takuar në Dajt nëpërmjet Lulzim Arapit, ai ma ka prezantuar. Laerti më ka thënë ‘ça di të bësh’, pasi ai kishte marrë informacionet që unë kisha bërë vjedhje me dhunë. Herën e parë më ka dhënë 1 mijë euro. Më ka kërkuar Laerti t’i vendos një sasi tritoli në një banesë në Lushnje, në pronësi të Erjon Çokut. Për këtë ngjarje kam taku Laertin dhe më ka thënë se çfarë duhet të bëj. Tritolin e kisha unë, ma kishte dhënë Sajmir Krasniqi. Më ka dhënë Laerti 100 euro sa për lek xhepi. Nga Korça shkova direkt në Lushnje dhe nga ora 2-3 e natës shkoj e ve tritolin dhe kthehem prapë në shpi.

Në atë kohë flisja me Laertin dhe i thashë çfarë veprimesh bëra. Erjon Çoku ishte një person që shiste heroinë dhe e njihja se isha përdorues. Ky i kishte marrë Laertit mallin dhe nuk i kishte dhënë lekët. Besnik Çoku është vëllai i Erjonit, rrinte jashtë shtetit. Ishte hera e parë që e bëja një gjë të tillë”, mësohet të jetë shprehur Tafani.

The post Më kërkoi të vendosja lëndë plasëse në një banesë/ I penduari i drejtësisë rrëfen njohjen me Laert Haxhinë, i forti i Lushnjes refuzon përballjen me “ushtarin” e tij appeared first on Albeu.com.

Në dëshminë e tij, Tafani ka treguar se urdhri për eliminimin e Bashaliut, erdhi nga Laert Haxhiu, i cili kërkonte hakmarrje në emër të Lorenc Lalës.

Sipas Tafanit, babai i viktimës kishte vrarë babanë e Lorencit në burg, ç`ka ndezi zinxhirin e gjakmarrjes.

“Duhej ta bënim për Lorenc Lalën”, është shprehur Tafani në sallën e gjyqit.

Gjithashtu, ai rrëfeu se viktima, që merrej me tregtinë e pulave, u lokalizua në fshatin Gjonçaj. Aty ishte organizuar vrasja, me planifikim dhe logjistikë të mirëpërgatitur: makina e përdorur ishte një Audi i bardhë, ndërsa armët me silenciator u siguruan nga Bledar Berberi.

“Kam qëlluar katër herë, dy herë në gjoks dhe dy në shpatull. Tjetër armë nuk punoi”, tha Tafani, duke shtuar se pas vrasjes u larguan me një Benz me targa greke, i cili më vonë u dërgua në Greqi nga Laerti.

Tafani theksoi se veprimtaria kriminale, ishte e organizuar dhe e mbështetur nga figura kyçe të krimit të strukturuar, përfshirë njerëz të afërt me Saimir Taullain, Ligor Romaçka e Bledar Berberi.

The post Dëshmia tronditëse e Artan Tafanit për ekzekutimin e Albi Bashaliut/ E kam qëlluar 4 herë, Laert Haxhiu kërkonte… appeared first on Albeu.com.

Në dëshminë e tij, Tafani ka treguar për nisjen e jetës së tij kriminale.

“Kam qenë emigrant në Greqi, ku u përfshiva me drogë dhe pata probleme. Më pas u ktheva në Shqipëri, ku në vitin 2015 u arrestova për vjedhje. Kisha probleme ekonomike dhe e vuajta dënimin në burgjet e Rrogozhinës, Kosovës dhe Lushnjes”, rrëfeu ai.

“Në 1997 më vranë babanë në fshatin Karbunare dhe ika me nënën në Greqi. Isha i vogël dhe kishim një biznes familjar me materiale ndërtimi. Fillimisht punova me punë të ndershme në Greqi, me bojëra dhe lyerje. Në 2006, pasi u ktheva në Lushnje, punova me xhaxhain në ndërtim dhe lyerje. Lashe drogën, por më pas u ngatërrova sërish dhe në 2015 rashe në burg për vjedhje në Western Union. Pas disa muajsh u arrestova dhe u dënova me 6 vjet burg”, ka rrëfyer ai.

Gjatë kohës në paraburgim, Tafani tregon se u njoh me disa anëtarë të bandës nga Lushnja.

Ai përmendi se një person me emrin Lulzim Spahiu, ishte në burg pas një ngjarjeje ku u plagos Xhulio Shkurti, nipi i Aldo Bares.

“Arma u gjet tek stani i babait të Laert Haxhiut. Pas Lulzimit erdhi dhe Qamili aty, me Lulzimin kemi ndenj aty, pasi dola nga burgu e kam takuar te një karburant i Saimir Taullahut, pasi dola nga burgu me çoi fjalë Klajd Taullahu do të takoj Lulzimin, donte të bënim ndonjë punë me mall. Pastaj u takuam tek Palma Nova me Laert Haxhiun, ishte hera e parë që e takoja. Anterio Kaloshin e kisha në burg në Rrogozhinë, un vetë kam dhe emrin tjetër Marius”, tha ai.

The post Zbërtheu 17 ngjarje kriminale, Artan Tafani rrëfehet në GJKKO: Laert Haxhiun e takova për herë të parë… appeared first on Albeu.com.

Personat përdornin thuajse të njëjtin truk, duke kapur gafil çiftet e rinj që kryenin marëdhënie seksuale në makinë ose të rinj që konsumonin drogë brenda në mjetet e tyre.

“...Jemi policia, mos lëvizni…”.

Kjo ishte fjalia e parë që përdornin anëtarët e grupit dhe pas kësaj, detyronin çiftet e kapur në marëdhënie seksuale apo duke pirë drogë të zbrisnin nga mjeti, me idenë se ishin kapur në paligjshmëri nga policia.

Brenda në makinë hipnin anëtarët e grupit, duke e larguar me shpejtësi. Më pas mjetet e vjedhura përdoreshin për të kryer vrasje dhe krime të tjera.

Artan Tafani, bashkëpuntori i prokurorisë ka treguar disa momente kur kanë përdorur këtë truk për vjedhjen e automjeteve.

Një makinë tip “Benz-Mercedez” e gjendur dhe sekuestruar në garazhin e Enio Meçaj në zonën e “Astirit”, rezulton e vjedhur në Durrës nga Tafani dhe Lulzim Arapi.

Këta dy persona në bashkëpunim me Laert Haxhiun kanë survejuar një të ri, teksa po konsumonte kokainë brenda makinës së tij. Tafani dhe Arapi, kanë zbritur nga makina e Laertit dhe prej andej janë drejtur tek benzi ku qëndronte i riu.

“…Jemi policia mos lëviz…”-i janë drejtuar të riun, i cili ishte duke pirë kokainë.

I riu ka zbritur nga makina me idenë se kishte të bënte me punonjës policie.

Por sapo i kanë marë çelësin, Tafani dhe Arapi kanë hipur në mjetin e tij “Benz” dhe janë larguar. Ky mjet është çuar në Sarandë, duke u përdorur për survejimin me qëllim vrasjen e shtetasit R. Çaushi.

Por në pamundësi për të gjetur këtë të fundit, “Benzi” i vjedhur është sjellë në Tiranë, duke u mbajtur i mbyllur në ambjentet e një garazhi, derisa në muajin qershor u sekuestrua nga policia.

Një tjetër rast i mbetur në tentativë për vjedhjen e një benzi është në rrugën Tiranë-Elbasan. Tafani, Lulzim Arapi dhe Firdeus Berberi, kanë kapur gafil dy të rinj teksa kryenin marëdhënie seksuale brenda në makinë.

Ata janë prezantuar si punonjës policie, duke i kërkuar të zbrisnin nga makina.

Siç tregonin Tafani, nga makina ka dalë vetëm vajza e cila ka filluar të qajë, ndërsa Tafani i ka kërkuar që të merte rrobat dhe të vishej.

Nga makina nuk ka pranuar të zbriste djali i ri, i cili u ka thënë se makinën ja kishte blerë babai dhe s’mund tia dorëzonte askujt.

Ai ka ngjallur dyshime mbi prezantimin e tyre si policë dhe ka mbyllur dyer nga brenda, duke mos pranuar të dali jashtë.

Në pamundësi për ti marë makinën dhe me vajzën që po qante pasi ndodhej e zhveshur, ata janë larguar duke mos arritur të vjedhin makinën që i kishin vënë syrin.

Një tjetër rast të vjedhjes së mjeteve, teksa kapnin çiftet duke kryer marëdhënie seskuale, është ai i grabitjes së automjetit “Fiat Chroma”.

Brenda mjetit me targë AA913ML ndodheshin Endri.H dhe e dashura e tij Ermira.L. Dy të rinjtë kishin parkuar makinën në zonën pas “Casa Italia” dhe teksa kryenin marëdhënie seksuale, janë përballur me persona të panjohur dhe të armatosur me pistoleta me silenciatorë.

Gjithçka ka ndodhur në 24 shtator 2019 kur rreth orës 19:40, para çiftit është shfaqur një person duke i thënë “…Policia, ndal mos lëviz…”.

Sips dëshmisë së Endri.H, dy personat që e kishin rrethuar kanë dalë nga një automjet “Mercedes-Benz”. Njëri prej tyre e ka goditur me shuplakë, ndërsa tjetri që mbante pistoletë i ka pohuar: ”…policia mos lëviz…dilni nga makina…”.

Ky person ishte i gjatë rreth 180 cm, trup i dobët dhe me flokët të ngritura përpjetë, dhe kur fliste kishte theksin e Beratit dhe Fierit.

Endri ka dalë nga makina dhe ky person i ka vendosur sendin si pistoletë në pjesën e kurrizit dhe ai është ulur në gjunjë në rrugë pranë mjetit.

Në këtë kohë personi tjetër, i cili ishte trup i shkurtër, me trup mesatar, i cili mbante një bluzë me zinxhir, me kapuç në kokë është afruar pranë tyre, ka dalë nga pjesa e pasme e mjetit dhe prej andej ai ka zbritur Ermirën, e cila ishte në sediljen e pasme të mjetit.

Në kohën që të dy këta persona po merreshin me ta, automjeti tip “Benz Mercedes C Clasik”, është ndezur ka dhënë gaz dhe me shpejtësi është larguar, shkruan Ora News.

“…personi që ishte trup vogël me kapuç në kokë, ka hipur në sediljen e drejtuesit të mjetit “Fiat Croma”.

Personi me trup të gjatë që më mbante nën kërcënimim e pistoletës, ka hipur në sediljen e parë të pasagjerit dhe më pas ata janë larguar me shpejtësi në drejtim të rrugës së lagjes “Astir”.

Sapo ata janë larguar unë kam njoftuar policinë…”-ka treguar në dëshminë e tij Endri.H.

Sipas tij makina e vjedhur në Tiranë që më pas u përdor në vrasjen e Besnik Hidës në Lushnjë, i përkistet hallës së Endrit, shtetases K.S, por për shkak se halla ishte larguar në Itali, makinën e përdorte nipi.

The post “Policia ndal mos lëviz..”, i kapnin të rinjtë gjatë marëdhënieve intime apo duke pirë drogë. Truku që përdorte grupi i Haxhiut për të vjedhur makina appeared first on Albeu.com.

Së fundmi, i arrestuari Artan Tafani, që tashmë është kthyer në bashkëpunëtorin e prokurorisë, i ka dhënë prokurorit Kreshnik Ajazi 5 kode “Sky Ecc” që përdorte Laert Haxhiu dhe disa persona të tjerë, me të cilët kryenin vrasjet në Lushnjë dhe jo vetëm.

Sipas dosjes hetimore kodet e “Sky Ecc” Tafani i ka pasur të shënuara në një letër dhe pikërisht këtë letër, ja ka dorëzuar grupit të hetimit.

“Ora News” ka mësuar se Tafani, ka rrëfyer dhe kodin e tij që përdorte në “Sky”, por ka shtuar në dëshmi se këtë lloj aparati ai e ka shitur dhe lekët që kishte fituar i kishte përdorur për të blerë drogë.

Me dëshminë e të penduarit Tafani dhe dorëzimi nga ana e tij e kodeve në “Sky” të përdorura nga disa prej anëtarëve të grupit kriminal të drejtuar nga Laert Haxhiu, pritet të sjellë zhvillime të reja kjo dosje.

Gjatë kësaj jave, prokuroria e Elbasanit do shpallë moskompetencën dhe çështja penale së bashku me të penduarin Artan Tafani, do kalojë në SPAK, me qëllim vijim e hetimeve.

Do jenë prokurorët e SPAK, ata që më pas do verifikojnë bisedat e zhvilluara në 5 kodet e “Sky” që ka dhënë Artan Tafani.

Ky i fundit është kthyer në bashkëpunëtor i prokurorisë, duke treguar se së bashku me Lulzim Arapin, Laert Haxhiun, Mariglen Topuzin, Bledar Berberin dhe persona të tjerë kanë kryer 6 vrasje, në Shqipëri, Greqi dhe disa tentative vrasje.

Përmes dëshmisë së Tafanit, prokuroria e Elbasanit lëshoi 16 urdhëra-ndalimi, për anëtarët e bandës së Laert Haxhiut, 13 nga të cilët u ekzekutuan dhe 3 persona të tjerë u shpallën në kërkim ndërkombëtar.

Laert Haxhiu, aktualisht ndodhet i izoluar në burgun e Koridhalosit në Greqi, ku është përfshirë në një proces gjyqësor ekstradimi me drejtësinë Shqiptare.

Së bashku me të në burg në Greqi është dhe Firdeus Berberi nga Pogradeci.

Ndërsa në kërkim vijojnë të jenë Lorenc Lala, i cili ndodhet në Angli, Kristi Bixheku dhe Ederin Çaushi, i cili aktualisht ndodhet në Shtetet e Bashkuara të Amerikës./ora

The post Tafani nxjerr 5 kodet e “Sky” të Laert Haxhiut dhe miqve. SPAK merr këtë javë dosjen, pritet të zbardhen bisedat për krimet appeared first on Albeu.com.

“Ora News” ka mësuar se vizita e oficerëve brenda në burg, ka marë indicie nga dëshmia e bashkëpuntorit të prokurorisë së Elbasanit, Artan Tafani.

Tafani, ka pohuar se Arapi është një nga vrasësit e tjerë që ka kryer krime për llogari të Laert Haxhiut.

Për të qënë i besueshëm para oficerëve dhe prokurorit, Kreshnik Ajazi, Tafani në dëshminë e tij, ka bërë një përshkrim fizik të hollësishëm të Lulzim Arapit.

I penduari ka treguar se Arapi ka një tatuazh në trup si dhe një shenjë në njërën nga këmbët.

Sipas Tafanit, kjo shenjë i është shkaktuar Arapit gjatë një grabitje të kryer, ku në ikje e sipër atij i ka hyrë një hekur, duke i krijuar çarjen në njërën nga këmbët.

Edhe pas ndërhyrjes mjekësore, sërish plaga e shkaktuar i ka mbetur shenjë në trup.

Për verifikimin e këtij detaji të vogël por mjaft interesant në besueshmërinë e të penduarit Artan Tafani, oficerë të policisë Elbasan, javën e kaluar kanë kryer një kqyrje fizike brenda në burgun e Beratit të Lulzim Arapit.

Në vizitën e parë Arapi nuk ka pranuar të kqyret fizikisht pa prezencën e një avokati.

Ndërsa pas mbëritjes së këtij të fundit kjo procedurë është realizuar dhe oficerët e policisë, kanë konstatuar shenjën në njërën nga kembët si dhe tatuazhin, e përshkruar nga bashkëpuntori i drejtësisë Artan Tafani.

Përmes dëshmisë së këtij të fundit, prokuroria e Elbasanit lëshoi 16 urdhëra-ndalimi, për anëtarët e bandës së Laert Haxhiut, 13 nga të cilët u ekzekutuan dhe 3 persona të tjerë u shpallën në kërkim ndërkombëtar.

Laert Haxhiu, aktualisht ndodhet i izoluar në burgun e Koridhalosit në Greqi, ku është përfshirë në një proces gjyqësor ekstradimi me drejtësinë shqiptare.

Ndërsa në Tiranë, Haxhiu ka prokuruar një nga zyrat juridike më të shtrenjta që drejtohet nga avokat Detar Hysi.

Njeriu më i kërkuar nga drejtësia shqiptare, si i akuzuar për disa krime të rënda në 5 qytete, ka shpenzuar mijëra euro tek studio e avokatisë “Hysi”, me qëllimin e vetëm rrëzimin e akuzave të prokurorisë dhe daljen i pafajshëm.

The post “…ka shenjë në këmbë dhe një tatuazh…”, OPGJ vizitë Arapit në burgun e Beratit. I gjejnë dy shenjat në trup të treguara nga Artan Tafani appeared first on Albeu.com.

Ky që shihni në këtë foto është Lulzim Spahija, i cili aktualisht po mbahet i izoluar në ambjentet e burgut të Beratit, si person i dyshuar për vrasjen e Fridman Xhaferaj në Korçë dhe “Prodhim e shitje të lëndëve narkotike”.

Sipas dëshmisë së vëllait të viktimës, Fridman Xhaferaj, Aleksandër Xhaferaj, tregon se të vëllanë e ka lënë në dorë të Lulzim Arapit.

“…në datën 24 Maj 2021, së bashku me vëllanë tim Fridmanin ka ardhur në shtëpi një person me emrin Kristi Bixheku, që drejtonte makinën tip “Mercedez-Benz” me ngjyrë të zezë me targa AA 980, ndërsa dy shkronjat e fundit nuk i mbaj mend. Bixheku, na ka marë mua dhe Fridmanin dhe së bashku kemi shkuar në Elbasan, dhe aty jemi takuar me Lulzim Arapin. Mbasi kemi konsumuar kafe, jemi ndarë ku unë dhe Kristi jemi kthyer në Lushnjë, ndërsa Lulzimi dhe Fridmani, kanë shkuar në drejtim të Korçës. Kur kemi shkuar në Lushnjë, Kristi Bixheku, ka paguar një shumë prej 22.000 lekë, pasi i ka prerë biletën për të shkuar në Greqi…”-është shprehur Aleksandër Xhaferaj.

Sipas Artan Tafanit, bashkëpuntorit të prokurorisë së Elbasanit, Lulzim Arapi, është një nga personat që vret për llomgari të Laert Haxhiut.

Në dëshminë e Tafanit, Arapi përmendet si pjesëmarës thuajse në të gjitha ngjarjet kriminale që kanë kryer në Lushnjë dhe disa qytete të vendit, si Tepelenë, Peqin, Pogradec dhe Korçë.

Bashkëpuntori ka treguar se Lulzim Arapi, njeriu që ka qëlluar me pistoletë nga pas koke, Fridman Xhaferaj, teksa dy vetë të tjerë e mbanin tek dy krahët.

Pjesëmarës në një tjetër vrasje, Artan Tafani e fut Arapin edhe tek ngjarje e eleminimit të Çajup Selimit në Tepelenë, vrasjen e Albi Bashaliut, Elton Mermalit në Peqin dhe tentativën e vrasjes me paramendim ndaj, Kujtim Meta në Lushnjë, i cili ishte shok me Besnik Hidën.

Gjithashtu Lulzim Spahija alias Arapi, sipas dëshmitarit ka marë pjesë në tentativën për të goditur me armë dhe vrarë, avokatin Adriatik Doga dhe vendosjen e tritoleve tek banesat dhe biznesnet e Bujar Turkut, Bashkim Rajkut, Arian Aliço dhe Erion Çoku.

Gjithashtu, sipas bashkëpuntorit të prokurorisë, Lulzim Arapi alias Spahija, është autor i disa vjedhjeve në Lushnjë./oranews

The post I përfshirë në disa vrasje, kush është “killeri” besnik i Laert Haxhisë? (FOTO LAJM) appeared first on Albeu.com.

Ora News shkruan se Lala tashmë është larguar në Angli dhe qëndron prej disa kohësh në këtë shtet.

Sipas rrëfimit të bashkëpuntorit të prokurorisë Artan Tafani, vrasjen e Bashaliut e ka kryer ai së bashku me Lulzim Arapin, Bledar Berberin, Enrico Xhahysën dhe Laert Haxhiun.

Shuma financiare është paguar nga Lala tek Laert Haxhiu i cili më pas ka mobilizuar grupin e tij për të kryer vrasjen.

Tafani, ka pranuar pjesëmarjen në vrasjen e Bashaliut, duke treguar se këtë krim e ka orkestruar Laert Haxhiu, me financimin e familjes së Ylber Xhahysës, me qëllim hakmarjen për vrasjen e Ylberit nga Leonard Bashaliu, në vitin 2021.

Në këtë episod kriminal, Tafani ka treguar të gjithë dinamikën e vrasjes, përgatitjen, sigurimin e armëve, momentin e vrasjes e deri tek largimi, duke braktisur makinën në Kavajë.

Por brenda në mjetin e braktisur policia dhe prokuroria e Elbasanit gjetën filtrin e cigares, ku dhe u zbulua profili i ADN-së, që solli më pas identifikimin e njërit per autorëve pjesëmarës në këtë vrasje, Artan Tafani.

Tafani, u lokalizua në fshatin Savër të Lushnjës dhe u arrestua nga policia operacionale disa ditë më parë.

Për tre ditë me rradhë, ai është njohur me faktet dhe akuzat që kishte ngritur prokuroria e Elbasanit, si njëri nga vrasësit e Albi Bashaliut.

Të arrestuarit i është hedhur në tavolinë oferta e bashkëpunimit me prokurorinë, i cili ka pranuar të japë shpjegime për të gjitha krimet që di, në këmbim të garancisë së mbrojtjes fizike të tij dhe familjarëve por edhe një dënimi sa më të butë.

Ai ka pranuar pjesëmarjen në vrasjen e Bashaliut, duke treguar se këtë krim e ka orkestruar Laert Haxhiu, me financimin e familjes së Ylber Xhahysës dhe Kristian Lala, me qëllim hakmarjen për vrasjen e Ylberit nga Leonard Bashaliu, në vitin 2021.

Pas kësaj, Tafani tregoi dhe krime të tjera të organizuara nga grupi i Laert Haxhiut.

The post “50 mijë euro për vrasjen e Bashaliut”, Lorenc Lala i dorëzoi paratë “killerit” Haxhiu dhe iku në Angli appeared first on Albeu.com.

Përmes një postimi në Fcebook, ambasada  ka shprehur shqetësimin lidhur me kërcënimet kundër hetuesve, prokurorëve dhe gjyqtarëve në Shqipëri, ndërsa shton se të gjithë ata që punojnë në Sistemin e Drejtësisë duhet të jenë të lirë të kryejnë punën e tyre, pa frikë apo favore.

Më tej në deklaratë thuhet se Mbretëria e Bashkuar do të vazhdojë t’i mbështesë ata në misionin e tyre jetik për të garantuar sigurinë e qytetarëve shqiptarë.

Reagimi i plotë:

Mbretëria e Bashkuar shpreh shqetësimin lidhur me kërcënimet kundër hetuesve, prokurorëve dhe gjyqtarëve në Shqipëri. Të gjithë ata që punojnë në Sistemin e Drejtësisë duhet të jenë të lirë të kryejnë punën e tyre, pa frikë apo favore. Mbretëria e Bashkuar do të vazhdojë t’i mbështesë ata në misionin e tyre jetik për të garantuar sigurinë e qytetarëve shqiptarë.

Sakaq, reagimeve i është bashkuar edhe Delegacioni i BE-së në Shqipëri, i cili shpreh shqetësimin lidhur me kërcënimet. BE u kërkon autoriteteve shqiptare të hetojnë me shpejtësi këto kërcënime dhe të vënë para përgjegjësisë autorët.

Reagimi i plotë:

Delegacioni i BE-së në Shqipëri është thellësisht i shqetësuar për kërcënimet e bëra ndaj autoriteteve të drejtësisë që punojnë çdo ditë në luftën kundër krimit të organizuar në Shqipëri. Ne mirëpresim angazhimin e autoriteteve shqiptare për të hetuar me shpejtësi këto kërcënime dhe për të mbajtur përgjegjës autorët. BE-ja mbështet plotësisht të gjithë zyrtarët që punojnë në luftën kundër korrupsionit dhe krimit të organizuar në Shqipëri, dënon çdo formë sjelljeje kërcënuese ndaj tyre dhe vazhdon të mbështesë vendin në përpjekjet e tij për forcimin e shtetit të së drejtës.

Artan Tafani, pjesë e bandës së Laert Haxhiut ka deklaruar se po thurej plani për ‘të hequr qafe’ magjistraten Merita Selimi si dhe prokuroren Doloreza Musabelliu si dhe avokatin e Lushnjës, Adriatik Doga.

“I kemi ndjekur. Laerti ka dashur të sulmojë Doloreza Musabelli, pasi ishte prokurorja e çështjes së tij në SPAK. Kjo prokurore kishte dënuar me burgim të përjetshëm shokun e Laertit Orgest Bilbilin dhe Anterio Kaloshin. I kemi mbajtur nën vëzhgim dhe familjet e tyre. Laerti, pretendonte se nuk kishte lidhje me ngjarjen dhe se kjo prokurore po i bënte gropën. Atij ju fiksua që ta vriste prokuroren ose ndonjë njeri të afërm të familjes. I kemi bërë foto prokurores, burrit avokat dhe fëmijëve. Laerti tha se fotot e fëmijëve duhet më parë t’ia nisnim burrit të prokurores për të parë se çfarë ndikimi dhe reagimi do sillte”, ka deklaruar i penduari Tafani.

/Albeu.com

The post Laert Haxhiu do “hiqte qafe” njerëzit e drejtësisë, Delegacioni i BE dhe Ambasada Britanike të shqetësuar: Autorët para përgjegjësisë appeared first on Albeu.com.

Tafani, ka shpjeguar para grupit të hetimit se ekzekutimin e Elton Mermalit e kërkonte Laert Haxhiu, për shkak se Mermali ishte pjese e bandës së Aldo Bares dhe në vitin 1998, ai kishte marrë pjesë në vrasjen e Bledar Haxhiut dhe Artan Sulçes në zonën e “Plasmasit” në Lushnjë.

Sipas bashkëpunëtorit të prokurorisë, Laert Haxhiu i ka kërkuar më insistim që vrasjen e Mermalit ta bëjmë në muajin Tetor, pasi në këtë muaj ishte vrarë nga Mermali dhe kushëriri i Haxhiut në Lushnjë.

Në fakt Bledar Haxhiu dhe Artan Sulçe, janë ekzekutuar mëngjesin e 23 tetorit të vitit 1998, kur po udhëtonin të dy me një automjet tip fuoristradë.

Por tek një kryqëzim tek ish-fabrika e plasmanit, i prisnin Petrit Liçi, Erjon Kashari dhe Elton Mermali të cilët hapën zjarr me kallashnikov duke i lënë të vdekur të dy.

Sipas dosjes hetimore të dënimit të Elton Mermalit, thuhet se pranë dy viktimave afrohen me pistoleta Edjan Xhafaj dhe Dritan Vila që u dhanë plumbin e sigurisë.

Kjo ngjarje e ndodhur 23 vite më parë është bërë shkak që Laert Haxhiu të hakmerret, duke ja kërkuar vrasjen si nder dy killerave të grupit të tij, Lulzim Spahiu dhe Artan Tafani.

Ky i fundit tashmë i penduar, ka pohuar se për këtë vrasje nuk ka marrë asnjë lek dhe se gjithçka e ka kryer për nder ndaj shokut të tij Laert Haxhiu, shkruan Ora News.

“…ne kishim rënë në dijeni se Mermali kishte dalë nga burgu dhe pinte heroinë me disa djem të lagjes, por edhe me mua. Atë ditë kam qenë i veshur me një bokser jelek ngjyrë të zezë. Mermalin e njihja herët dhe ai ishte përdorues i heroinës. Duke pasur informacion që ai kërkonte të pinte heroinë, e kam gënjyer duke i thënë se në një vend kam fshehur heroinë, të shkojmë ta marrim dhe ta pijmë. Mermali ka pranuar në mbrëmjen e 13 qershorit 2021 kam shkuar me makinë tek lagjja e tij. Ai sapo më ka parë ka hipur vetë në makinë dhe më pas jam drejtuar drejt rrugës që del nga Lushnja. Atë mbrëmje me vete kam marrë dhe Lulzim Arapin, që ishte pjesë e planit të bërë me Laert Haxhiun. Kemi shkuar në Peqin, dhe buzë një muri jemi drejtuar tek disa ferra, duke e gënjyer Mermalin se aty ndodhej heroina. E gjitha ka qenë një mashtrim. Në kërkime për të gjetur heroinën, është përfshirë dhe vetë Mermali, i cili sapo ka ulur kokën për të parë nëse kishte heroinë, e kam qëlluar me plumb pas koke. Një plumb në kokë dhe dy në trup, për tu siguruar që ai kishte vdekur. Më pas jemi larguar, duke lënë trupin e tij aty mes ferrave… ndërsa pas ngjarjes kemi njoftuar dhe Laert Haxhiun” – ka treguar bashkëpunëtori i Prokurorisë, Artan Tafani.

Për këtë vrasje, prokuroria e Elbasanit ka arrestuar si ekzekutorë Laert Haxhiun, Lulzim Spahinë dhe Artan Tafanin. Ndaj tre persona është ngritur akuza e “Vrasjes me paramendim” kryer në bashkëpunim dhe “Mbajtjes pa lejë të armëve”.

The post “Për vrasjen e Mermalit s’mora asnjë lek, ja bëra Laert Haxhiu si nder”, Tafani: I bëmë kurthin me heroinën, pastaj e vramë appeared first on Albeu.com.