Simoni u zëvendësua nga dy avokate, Rabie Cenalia dhe Jalldiz Kastrat, për shkak të një postimi që kishte bërë në rrjetet sociale.

“Kushtetuta dhe vetëm Kushtetuta, e patë kush ishte fytyra e vërtetë e tyre. Nuk kam asnjë njoftim për caktimin e dy avokatëve, Ai që ishte, ishte ekzemplari më i shkëlqyer për fytyrën e Ramës”, tha Berisha.

Artan Simoni në një postim në Facebook, shkruante dy ditë më parë: “Bisha është plakur, bisha është lodhur, bisha s’mundet më. Shumë prej atyre që dikur bisha mbante mbi kurriz, pas kurrizit kanë filluar t’a çukasin. Ku gaboi bisha?!”, i cili sipas Shkëlzen Berishës i referohej babait të tij ish-kryeministër.

Shkëlzen Berisha reagoi duke shkruar: “Ky është “avokati” që gjykatësja që shkeli kushtetutën ka caktuar për të mbrojtur Sali Berishen! Do i kisha sugjeruar më mirë Taulant Ballën se njeh dhe dosjen!”, ndërkohë që shkrimit i ka bashkëngjitur statusin e avokatit./Albeu.com 

The post “Ku gaboi bisha?”, Berisha për avokatin Simoni: Ekzemplari më i shkëlqyer për fytyrën e Ramës appeared first on Albeu.com.

Me vendimin e saj të ndërmjetëm kryetarja e GJKKO-së Irena Gjoka, urdhëroi që përfaqësuesi ligjor i Berishës të ishte pikërisht avokati Artan Simoni.

Shumë pak kolegë dhe njerëzit e zakonshëm që njohin Artan Simonin, por dhe për atë pakicë njerëzish në SPAK, Simoni njihet si avokati i bashkëpunëtorëve të Drejtësisë që kanë rëfyer krimet e tyre në prokurori, shkruan Ora News.

Artan Simoni është avokati që thirret nga SPAK dhe oficerët e BKH-së sa herë nevojitet të pyesë Nuredin Dumanin, Luftar Reçin, Skerdi Tasin e të tjerë, persona këta të arrestuar në vitin 2021 gjatë operacionit të koduar “Plumbi i artë” dhe operacionin “Asgjë nuk harohet”.

Edhe gjetja e tij “blic” nga gjykata, duke e caktuar kryesisht në gjyqin kundër Sali Berishës, nuk është çudi që emri i Simonit të jetë kërkuar nga vetë prokurorët e SPAK, të cilët e kanë përdorur avokatin në shumë procedura të ngushtme, pyetje penditosh dhe jo vetëm.

Lexo edhe: Shtyhet sërish seanca për Berishën, GJKKO pranon kërkesën e SPAK për zëvendësimin e Artan Simonit me një avokat tjetër

Për zgjidhjen e seancës së djeshme, ku pritej të caktohej masa e sigurisë ndaj Berishës, u gjend pikërisht avokati i të penduarve të SPAK-ut, Nuredin Dumanit, Luftar Reçit, Skerdi Tasit dhe Klevis Allës.

Me sa duket urgjenca e SPAK-ut për të zgjidhur njëherë e mirë ngërçin procedurial të lindur me çështjen e Sali Berishës, solli riaktivizimin e avokatit Artan Simoni.

E teksa paraqitja e tij në sallën e gjyqit si avokat mbrojtës i Sali Berishës, solli pak frymëmarrje për prokurorët dhe gjykatën, sërisht dolën probleme proceduriale për shkak të një komenti që vetë avokati kishte botuar në statusin e tij në “FB”, koment që në dukje i adresohej pikërisht Sali Berishës.

“Bisha është plakur, bisha është lodhur, bisha s’mundet më. Shumë prej atyre që dikur bisha mbante mbi kurriz, pas kurrizit kanë filluar t’a çukasin. Ku gaboi bisha?!”-ishte statusi i Artan Simonit të publikuar dy ditë më parë.

Prokurorët pasi u njohën me raportimin mediatik rreth përmbajtjes së këtij statusi, i kërkuan gjykatëses Irena Gjoka, që të përjashtonte avokatin Simoni, pasi kishte paragjykuar dhe komentuar rreth subjektit të hetimit në këtë proces, Sali Berisha.

Kjo kërkesë e dy prokurorëve të SPAK, është pranuar nga gjykata e cila më pas vendosi të shtyjë seancën për ditën e sotme, duke caktuar dy avokatë të tjerë kryesisht, por pa treguar emrat e tyre.

“Me kërkese te Prokurorisë, me qellim garantimin e mbrojtjes efektive, Gjykata zëvendësoi avokatin Artan Simoni me avokat tjetër nga lista e avokatëve kryesisht dhe i la kohë të njihet me aktet. Seanca do të zhvillohet në datën 26.10.2023 ora 10am.”, thuhet në njoftimin e GJKKO-së./ALbeu.com 

The post “Plumbi i Artë” dhe “Asgjë nuk harrohet”, Gjykata i caktoi Berishës avokatin e “penditove”, postimi në Facebook që e dogji appeared first on Albeu.com.

Dy avokatët e ish-kryeministit Sali Berisha, Genc Gjokutaj dhe Sokol mëngjesi, kanë braktisur seancën gjyqësore me pretendimin se pasi Gjykata nuk ka kërkuar kërkesën e tyre për dërgimi për shqyrtim të çështjes në Gjykatën Kushtetuese.

Pas kësaj GJKKO ka vendosur të caktojë Artan Simonin si avokat për të mbrojtur ish-kryeministrin berisha, i akuzuar për korrupsion pasiv në privatizimin e ish-klubit Partiznai.

Seanca është shtyrë për dy orë, që avokati të njihet me aktet.

Njoftimi:

– Në datën 25.10.2023, ora 14.30, në Gjykatën e Posaçme të Shkallës së Parë për Korrupsionin dhe Krimin e Organizuar, u çel seanca gjyqësore për vijimin e shqyrtimit të kërkesës së paraqitur nga Prokuroria e Posaçme, me objekt marrjen në pyetje të shtetasit nën hetim Sali Berisha.

– Gjykata pasi verifikoi praninë e palëve, konstatoi se nuk ishte paraqitur personalisht i hetuari Sali Berisha dhe se ishin paraqitur 2 mbrojtësit e tij, të zgjedhur me prokurë të posaçme, av.Sokol Mëngjesi dhe av.Genc Gjokutaj.

– Nga ana e mbrojtësve u parashtruan 2 kërkesa, e konkretisht: Për vënien në dispozicion të kopjeve së akteve të hetimeve paraprake të depozituara nga ana e organit procedues, CD-audio të seancës së shkuar gjyqësore dhe transkriptimin e saj si dhe njëherazi kërkuan dërgimin e çështjes në Gjykatën Kushtetuese për gjykim incidental, lidhur me interpretimin e nenit 73, pika 2 të Kushtetutës.

– Pasi gjykata u tërhoq në dhomën e këshillimit, disponoi si vijon lidhur me kërkesat e parashtruara nga ana e mbrojtësve të zgjedhur të të hetuarit Sali Berisha:

Lidhur me kërkesën për vënien në dispozicion të kopjeve së akteve të hetimeve paraprake të depozituara nga ana e organit procedues, gjykata ka disponuar me vendim në seancën e shkuar gjyqësore të datës 24.10.2023, me të cilin është pranuar kërkesa e tyre për njohjen me aktet dhe njëkohësisht të marrin kopje të tyre konform nenit 105,110 dhe 248, pika 1 e K.Pr.Penale.

Pranoi kërkesën për vënien në dispozicion të CD-audio të seancës së shkuar gjyqësore dhe transkriptimin e saj, kundrejt tarifave respektive.

Rrëzoi kërkesën për dërgimin e çështjes në Gjykatën Kushtetuese për gjykim incidental, lidhur me interpretimin e nenit 73, pika 2 të Kushtetutës.

– Nga ana e mbrojtësve av.Sokol Mëngjesi dhe av.Genc Gjokutaj u bë me dije se kanë paraqitur kërkesë për përjashtimin e gjyqtares Irena Gjoka nga gjykimi i çështjes dhe në këto kushte u larguan nga salla e gjykimit, duke deklaruar se nuk mund të realizojnë një mbrojtje efektive.

– Gjykata njoftoi se në seancën e parë gjyqësore, në kushtet që nuk ishte në dijeni për zgjedhjen e një mbrojtësi nga ana e të hetuarit Sali Berisha, referuar listës së avokatëve kryesisht, urdhëroi njoftimin e avokatit Artan Simoni, duke i bërë me dije këtij të fundit që të paraqitej pranë kryesekretarisë së kësaj gjykate për tu njohur paraprakisht  me aktet, në eventualitet që nga ana e të hetuarit Sali Berisha nuk do të bëhej zgjedhja e një mbrojtësi.

– Pas marrjes së mendimit të prokurorëve, në kushtet që 2 avokatët e zgjedhur nga ana e të hetuarit Sali Berisha, av.Sokol Mëngjesi dhe av.Genc Gjokutaj  u larguan nga salla e gjyqit, bazuar në nenin 6, 48 dhe 248 të K.Pr.Penale, gjykata vendosi të caktojë kryesisht avokatin Artan Simoni, anëtar i Dhomës Vendore të Avokatisë Tiranë, në mbrojtje të interesave të ligjshme të të hetuarit Sali Berisha.

– Gjykata ndërpreu për disa minuta shqyrtimin gjyqësor në pritje të mbërritjes së avokatit Artan Simoni, për vijimin e seancës gjyqësore.

The post Avokatët e Berishës braktisin seancën, GJKKO cakton Artan Simonin të mbrojë ish-kryeministrin appeared first on Albeu.com.