Albeu.com mëson se një grup  i Forcave të Ndërhyrjes së Shpejtë, në mbështetje të policisë së Shkodrës, kanë ushtruar kontroll në banesën e Artan Gjinaj duke terrorizuar bashkëshorten e tij dhe dy fëmijët e mitur.

Kryefamiljari nuk ndodhej në banesë  pasi punon në Malin e Zi.

Familja Gjinaj deklaron se policia është futur me dhunë në banesën e tyre duke i terrorizuar, ndërsa nuk kanë ende një përgjigje se cila ishte arsyeja e kontrollit, teksa shtojnë se nuk kanë probleme me ligjin.

Nga policia e Lezhës është konfirmuar se para ndërhyrjes, salla operative është njoftuar nga Policia e Shkodrës për këtë aksion.

Ky aksion i policisë i mbështetur nga një grup i FNSH, është bërë për shkak se dyshohej se në këtë banesë fshihej një person i shpallur në kërkim, i cili është i afërmi i familjes Gjinaj.

Ndërkohë nuk konfirmohet nëse për këtë aksion ka pasur një urdhër nga Prokuroria apo jo.

Bashkëshortja e Artan Gjinaj, Kristina, e cila ka qenë e vetme në banesë me dy fëmijët, ka rrëfyer se si ka ndodhur ngjarja.

“Ishte një zhurmë, kur ‘Policia e Shtetit, Policia e Shtetit’… kur më thonë fëmijët ‘o mam, te dritarja’. U ula, tentuan të hapin derën, e hapa derën, më mbështetën për derë. Polici u ngjit lart, dy hynë poshtë. As dhanë shpjegim, as asgjë. Ishin të armatosur dhe me maska, ishin pak e shumë 5-6, 3 ishin brenda. Nuk thanë asgjë, vetëm ‘Policia e Shtetit’. Djalin e shtrinë për tokë, u frikësuam. Pa i bërë asgjë askujt, normal që është e rëndë, s’kemi probleme me ligjin, vetëm duke jetuar me mundin tonë”, shprehet Kristina.

/Albeu.com/

The post FNSH dhe Policia e Shkodrës terrorizuan familjen në Dajç, zbardhen detajet: Dyshohet se fshihej një person në kërkim appeared first on Albeu.com.

Familja pretendon se persona të maskuar kanë hyrë me dhunë në shtëpinë e tyre, duke terrorizuar të zonjën e shtëpisë dhe dy fëmijët.

Personat e maskuar kanë pretenduar se ishin policë. Ata hynë me dhunë në banesën e familjes Gjinaj për të kontrolluar shtëpinë.

Ndërkohë kryefamiljari , Artan Gjinaj ishte në Mal të Zi, ku punon si punëtor krahu. shkruan albeu.com.

Ai tha për mediet se u kthye sot në Lezhë, pasi bashkëshortja e kishte njoftuar se persona të maskuar që i ishin prezantuar si policë, kishin hyrë për kontroll në shtëpi.

Ende nuk dihet nëse personat të cilët kanë hyrë për kontroll në këtë banesë, kanë qenë policë. Personat e maskuar nuk kanë grabitur asgjë, vetëm kanë bërë kontrolle në dhoma të ndryshme të shtëpisë dhe janë larguar.

“Sot në orën 5 pa një çerek. Policia, kështu thanë, se nuk e dimë ende, kanë hyrë në kontroll në shtëpi pa asnjë lloj informacioni. Unë punoj në Mal të Zi. Gruaja më mori në telefon. Kanë ardhur me maska, kanë tentuar të thejnë dritaren. Pasi nusja u ka hapur derën, e kanë mbështetur për dere dhe kanë hyrë për kontroll në shtëpi. Unë vij njëherë në javë shtëpi, punoj atje si punëtor krahu, vetëm unë nga 4 pjestarët e familjes. Mbrëmë nuk kam qenë në shtëpi dhe kanë terrorizuar familjen”, u shpreh kryefamiljari./albeu.com/

The post Ngjarje misterioze në Lezhë, persona të maskuar terrorizojnë familjen, hyjnë me dhunë në banesë, kryefamiljari: Thanë se ishin policë appeared first on Albeu.com.