Ajo doli hapur kundër, duke kritikuar zhvillimet brenda PS-së dhe organizimin e një “antimitingu”, siç e cilëson ajo.

Gjithashtu, Dade thekson se socialistët e vërtetë, sipas saj, nuk gjenden në aktivitetet e organizuara nga lart, por në sheshin ku prej 13 ditësh po zhvillohet protesta e rinisë për dinjitet dhe të drejta sociale.

Ajo shprehet se Partia Socialiste, nuk ka qenë historikisht parti e kundër-protestave të organizuara, por një forcë politike që ka lindur si “avangardë e ndryshimit” dhe ka qenë në ballë të zhvillimeve të rëndësishme historike në vend.

Në deklaratë, Dade kritikon ashpër mënyrën e funksionimit të sotëm të PS-së, duke e cilësuar situatën aktuale si një “tjetërsim” të partisë dhe duke e akuzuar për korrupsion, klientelizëm dhe arrogancë të pushtetit. Ajo përmend gjithashtu se protesta e rinisë nuk është kundër së majtës, por përfaqëson kërkesa sociale dhe barazi, duke e cilësuar atë si një thirrje për rikthimin e vlerave të së majtës.

Dade kritikon edhe ish-funksionarë të PS-së që, sipas saj, rreshtohen në “antimiting”, duke i cilësuar si të motivuar nga interesa personale dhe jo nga parime politike.

Në përfundim, ajo bën thirrje për një “të majtë të rilindur”, me moral, integritet dhe afër qytetarëve, duke theksuar se “ora e rikthimit ka trokitur”.

Reagimi i Arta Dades:

Sot, socialistët e vërtetë, ata që u rritën me idealet e drejtësisë shoqërore, nuk gjenden në antimitingun e thirrur “nga lart”. Ata janë aty ku ka qenë gjithmonë shpirti i të majtës, në sheshin ku prej 13 ditësh rinia po proteston për dinjitet. Partia Socialiste nuk ka qenë kurrë partia e kundër-protestave të organizuara me administratë dhe presion. Ajo lindi si avangardë e ndryshimit dhe ka ditur të jetë edhe në vitet më pas, në krye të çdo kthese historike të vendit. Ai shesh që kërkon të mbushë sot zoti Rama nuk përfaqëson historinë e saj, por tjetërsimin e saj.

Vendi im sot është aty ku kam qenë gjithmonë dhe e di që sot flas në emër të çdo socialisti që nuk e ka shitur kujtesën. Socialistët e vërtetë kanë qenë në krye të përballjeve në vitet më të errëta të tranzicionit, në ’92, në ’94, në vitin tragjik ’97, dhe në atë 21 Janar të përgjakur që pasoi krimin shtetëror të Gërdecit. Kemi qenë aty përballë Sali Berishës dhe regjimit të tij. Tragjedi është se ai sistem që luftuam nuk u shkatërrua. Ai u betonua nga ai që sot ka zaptuar kreun e PS-së. Refuzimi im i sotëm është ndaj tij dhe ndaj antimitingjeve të korrupsionit e të fasadës, të cilat i përkulen vetëm parasë e pushtetit, dhe harrojnë gjakun e derdhur në bulevard.

Z.Rama po përpiqet ta shesë revoltën e rinisë si një lëvizje destabilizuese, por e vërteta është krejt ndryshe. Mbi të gjitha, kjo protestë nuk është kundër së majtës. Përkundrazi, ajo ka kërkesa thellësisht të majta dhe sociale, kërkesa për barazi, për mundësi, për mbrojtjen e atyre që kjo qeverisje i ka lënë pas dore. Ndaj ​kjo është një revoltë edhe kundër zaptimit të së majtës. Ajo që ndodhi me Partinë Demokratike në vitin ’90, kur Sali Berisha e ktheu atë në pronë private dhe zaptoi të djathtën, po përsëritet sot simetrikisht me Partinë Socialiste. Ky zaptim duhet të marrë fund.

Asnjë forcë tjetër politike në historinë moderne të Shqipërisë nuk ka bërë më shumë për shtetformimin dhe progresin sesa Partia Socialiste. Por së fundmi, në trupin e kësaj partie janë rritur tumore të rrezikshme, korrupsioni galopant, klientelizmi dhe së fundmi arroganca e pushtetit absolut. ​Diferenca historike e PS-së ka qenë aftësia e saj për vetëkorrigjim. Socialistët e vërtetë janë vetëpastruar përmes vullnetit, idealeve dhe zërit kritik, jo përmes duartrokitjeve servile nëpër anti mitingje të rreme. ​Në këtë ndarje të madhe epokale, është e dhimbshme dhe zhgënjyese të shohësh disa ish-përfaqësues të Partisë Socialiste, njerëz me të cilët kemi ndarë beteja të vështira, që sot do rreshtohen në atë antimiting. Të vjen vërtet keq për rënien e tyre morale. ​Është e trishtueshme të konstatosh se si këto figura që dikur kishin zë, sot pranojnë të përdoren si dekor, të nxitur nga interesa të vogla, meskine të çastit.

Nuk përfaqësojnë më asgjë veçse kompromisin e tyre personal me të keqen. Duke pranuar të bëhen mburojë e korrupsionit, ata kanë dorëzuar dinjitetin e tyre përpara historisë së kësaj partie, duke zgjedhur të jenë në anën e gabuar të sheshit dhe të kohës. Shqipëria ka sot nevojë për një të majtë të rilindur mbi idealet e saj fillestare. Ka nevojë për një shpallje platforme për të rikthyer shtëpinë ideologjike të së majtës te njerëzit. Ka nevojë për një organizatë politike me moral, me integritet dhe me sytë nga populli, jo nga xhepat.

Ora e këtij rikthimi ka trokitur!

The post Arta Dade “shuplakë” Ramës, refuzon ftesën për tubimin e sotëm: Po përpiqet ta shesë revoltën e tyre, shpirti i PS-së s’është në antimitingun, por në sheshin e rinisë appeared first on Albeu.com.

E ndjera Zymbyle Dade, 89 vjeç do përcillet nga familja dhe të afërmit për në banesën e fundit këtë të mërkurë, datë 30.08.2023, ora 14:00 në “Sharrë”.

Ceremonia mortore do të zhvillohet në ambientet e “Funeral Home Alba 2000” tek rruga e Dibrës, pranë Medresesë.

Familja njofton se vizitat do të priten ditën e Enjte datë 31.08.2023, të premten dt. 01.09.2023, ora 10:00-13:00 dhe 17:00-20:00 në ambjentet e Hotel “Rogner”./Albeu.com/

The post Zi në familjen e Arta Dades, politikania socialiste humb nënën appeared first on Albeu.com.

Në një intervistë për Aulona Mingën, Arta Dade ka rrëfyer jo vetëm karrierën e saj në politikë, por është rikthyer shumë prapa në kohë, duke zbuluar shumë detaje interesante nga jeta e saj.

A e keni ditur se Dade ka qenë zyshë e shume personazheve të njohura.

“Shumë miq, shokë e shoqe më thërrasin zysh edhe sot. Duke e dashuruar profesionin e mësuesit, jam munduar t’i ngarkoja sa më shumë nxënësit, pasi anglishten do ta kishin profesion. Ndërkohë, në inxhinieri i kam dhënë mësim Pandeli Majkos dhe shumë të tjerëve. Në letërsi, Andi Bejtja është një nga studentët, grupi tjetër ka qenë Ben Blushi, Blendi Fevziu”, shprehet Arta Dade.

The post “Zysha e Pandeli Majkos, Ben Blushit e Blendi Fevziut”, dikur aktore e sot politikane e zonja, e gjeni dot për cilën bëhet fjalë appeared first on Albeu.com.

Dade ka bërë një rrëfim ndryshe për jetën e saj, gjatë një interviste për “Rudinën”. Dade ka rrëfyer sakrificën për të veshur fustanin e saj të bardhë, ndërsa ka treguar se nipi i saj është bërë tashmë 25 vjeç.

Arta ka treguar se me bashkëshortin nuk ka këmbyer unaza dhe se e ka pasur shumë të vështirë të gjente fustan të bardhë.

“Ishin ndaluar për ato që kishin në familje anëtarë partie dhe nuk duhej të vishnin fustan të bardhë, konsiderohej si shfaqje e huaj. Nuk kemi këmbyer as unaza dhe vendosëm të vishesha. Në fakt, nuk gjenim as fustan të bardhë. Është gjetur te një italiane që kishte filluar t’i sillte nga Italia. Në darkë kam veshur fustan që e kisha qepur vetë se që 12 vjeç i qepja vetë rrobat e mia. Kanë qenë disa stofe të hollë kinezë që e qepa vetë për ta mbajtur.

U martova pa marrë diplomën se duhej të bëja 1 vit stazh, më pas të merrja diplomën. Djalin e kam lindur pas 1-2 vitesh, nuk doja që kur të mbroja diplomën të isha shtatzënë. Albi tani është 45 vjeç. Nipin e kam 25 vjeç.”, tregoi Arta Dade.

Ndër të tjera ish politikania ka rrëfyer edhe një situatë me producentin Esat Teliti, me të cilin kishte bashkëpunuar për festivalin e 13 të RTSH-së.

“Kur bëra provën për prezantim ai më tha sa e bukur je bërë dhe unë nuk i fola 4 ditë. Tani na pëlqejnë komplimentet por në atë kohë nuk ishim mësuar”, tregoi ajo.

The post “Sakrifica për të veshur fustanin e bardhë të nusërisë”, foto e rrallë e ish-ministres shqiptare në ditën e dasmës (FOTO LAJM) appeared first on Albeu.com.

Dade ka bërë një rrëfim ndryshe për jetën e saj, gjatë një interviste për “Rudinën”. Dade ka rrëfyer sakrificën për të veshur fustanin e saj të bardhë, ndërsa ka treguar se nipi i saj është bërë tashmë 25 vjeç.

Arta ka treguar se me bashkëshortin nuk ka këmbyer unaza dhe se e ka pasur shumë të vështirë të gjente fustan të bardhë.

“Ishin ndaluar për ato që kishin në familje anëtarë partie dhe nuk duhej të vishnin fustan të bardhë, konsiderohej si shfaqje e huaj. Nuk kemi këmbyer as unaza dhe vendosëm të vishesha. Në fakt, nuk gjenim as fustan të bardhë. Është gjetur te një italiane që kishte filluar t’i sillte nga Italia. Në darkë kam veshur fustan që e kisha qepur vetë se që 12 vjeç i qepja vetë rrobat e mia. Kanë qenë disa stofe të hollë kinezë që e qepa vetë për ta mbajtur.

U martova pa marrë diplomën se duhej të bëja 1 vit stazh, më pas të merrja diplomën. Djalin e kam lindur pas 1-2 vitesh, nuk doja që kur të mbroja diplomën të isha shtatzënë. Albi tani është 45 vjeç. Nipin e kam 25 vjeç.”, tregoi Arta Dade.

Ndër të tjera ish politikania ka rrëfyer edhe një situatë me producentin Esat Teliti, me të cilin kishte bashkëpunuar për festivalin e 13 të RTSH-së.

“Kur bëra provën për prezantim ai më tha sa e bukur je bërë dhe unë nuk i fola 4 ditë. Tani na pëlqejnë komplimentet por në atë kohë nuk ishim mësuar”, tregoi ajo.

The post Politikania e njohur kthehet vite me parë: Nuk kemi këmbyer unaza, fustanin e bardhë e kam pas të veshtirë ta gjeja (FOTO LAJM) appeared first on Albeu.com.

Gjatë intervistës së saj Duma u ndal dhe tek zonjat me sharm të politikës shqiptare, ku veçoi Arta Daden, Mimi Kodhelin dhe Blerina Gjylametin nga kampi i majtë, ndërkohë që nga kampi i djathtë zgjodhi Jozefina Topallin, Majlinda Bregun dhe Jorida Tabakun.

“Të bukura ka plot zonja në politikë. Unë e them gjithmonë, për mua Arta Dade është grua e bukur. Mimi Kodheli është grua e mbajtur dhe që do t’i shkonte fjala kinge. E nisa andej për të hedhur poshtë klishetë që do duhej ta nisja nga PD-ja.

Patjetër Jozefina Topalli ka një sharm politik, Majlinda ka sharm politik, Jorida ka sharmin e vet. Blerina Gjylameti ka sharmin e vet dhe elegancë”, tha deputetja. /albeu.com/

The post Njihet për sharmin dhe stilin, Grida Duma zbulon kush është politikania më kinge në Shqipëri (FOTO LAJM) appeared first on Albeu.com.

Ish-deputetja e Partisë Socialiste, Arta Dade duket se ka hedhur pas historinë e “përplasjeve” në distancë me kryeministrit Edi Rama. Ajo është shfaqur në klipin prezantues të historisë së PS në 30 vjetorin e themelimit.

Krah figurave të tjera, si Namik Dokle apo dhe Rexhep Mejdani, Dade tregon fillimet e viteve të pluralizimit, duke kujtuar edhe kohen kur kandidonte si deputete në Lushnje.

Mesa duket ajo ka hedhur pas krahëve pikat e mosmarrëveshjeve me Ramën, të cilin e ka konsideruar si shkelësin më të madh të demokracisë në PS.

The post Lënë pas mosmarrëveshjet! Arta Dade i bashkëngjitet Ramës në ditën e rëndësishme për PS (VIDEO) appeared first on Albeu.com.