Sipas Berishës, në 8 vite, në Shqipëri është përgjysmuar numri i studentëve ndërsa është larguar 26% e popullsisë.

Berisha: Sot arsimi në Shqipëri, përjeton në një mënyrë pothuaj me shpejtësi të pabesueshme një rrënim krejtësisht të diktuar nga politika fund e krye e dëmshme dhe shkatërruese.

Këtu në 8 vite është larguar mbi 26% e popullsisë, janë mbyllur me qindra shkolla, këtu është përgjysmuar numri i studentëve. Mijëra intelektualë të diplomuar. Në 8 vite, njëlloj si në diktaturë, ndalojnë kohën ose ngadalësojnë kohën. Gjatë viteve të diktaturës, pothuajse çdo gazetar që vinte në Shqipëri fillonte shkrimin e tij me vendin e kohës së ndaluar.

Po të marrësh treguesit tek ne, ne jemi më shumë se të ndaluar. Ne i kemi rrënuar këto tregues me politika qeveritare. Ju jeni dëshmitarë se si kjo qeveri konfiskoi lirinë akademike përmes komisarëve dhe bordeve qeveritare. Se si ky njeri i cili me mburrje thotë se nuk kam asnjë master dhe doktoraturë, ndaloi me një urdhër prej injoranti, prej hakmarrësi doktoraturat ne universitetet publike. Njeriu që një vendim të tillë e merr vetëm ai që nuk ka “abc-në” e kërkimit shkencor. Një njeri i cili e shteroi tërësisht fondin për shkencën. Centralizoi më shumë se sa në diktaturë. Ka qenë kërkimi shkencor më i decentralizuar se sot./albeu.com

The post “Arsimi është rrënuar”, Berisha-Ramës: Është përgjysmuar numri i studentëve, ndaloi doktoraturat në universitete appeared first on Albeu.com.

Gjithashtu, ministrja ka dhënë edhe një mesazh për të gjithë studentët që vitin e ardhshëm akademik do të jenë në auditorë.

Nga data 29 korrik deri më 3 gusht portali U-Albania do të jetë i hapur për të gjithë maturantët që të bëjnë përzgjedhjet e tyre.

“Do t’ju ftoja që të keni në vëmendje maksimale edhe programet e studimit që ne i kemi cilësuar si prioritet kombëtar. Siç e dini, këto programe lidhen me disa fusha të shkencave humane, mësuesisë, shkencave natyrore, inxhinierisë, bujqësisë dhe fushës së shërbimeve. Studentët ekselentë dhe ata që zgjedhin programet prioritare do të përfitojnë përjashtim nga tarifat dhe bursa mujore me vlerë sa paga minimale, sipas parashikimeve të VKM-së Nr. 386 të miratuar në qershor të këtij viti”, shkruan ministrja.

Kushi nuk ka lënë pa bërë edhe një ftesë për të rinjtë dhe të rejat nga Kosova, të cilët sipas marrëveshjes së nënshkruar me Kosovën, mund të aplikojnë për të ndjekur studimet e larta në universitetet tona, me të drejta të barabarta njësoj si studentët në Shqipëri./albeu.com

The post Aplikimi për universitet, publikohen datat, Kushi: Edhe të rinjtë nga Kosova mund të zgjedhin universitetet tona appeared first on Albeu.com.

Këtë të premte janë publikuar notat e provimit të Gjuhës Shqipe dhe Letërsisë për maturën shtetërore.

Portali studentor ka dhënë një njoftim dhe bëhet me dije se nga 29 731 maturantë pjesëmarrës në testim, vetëm 4 kanë arritur të marrin notën maksimale, 10.

Rezulton nga të dhënat se 383 maturantë kanë marrë notë jo kaluese, ndërkohë që nota mesatare e përgjithshme është 7.45.

“Ky ishte provimi i gjuhës shqipe dhe letërsisë, të cilin e kryen në total 29731 maturantë. 383 maturantë kanë marrë notën 4.00, duke ngelur, ndërsa 4 maturantë kanë arritur të marrin notën 10.00, duke rezultuar ekselentë.

Kalueshmëria për këtë provim është 98.71% ndërsa nota mesatare është 7.45”, thuhet në njoftim.

Ju bëjmë me dije se të parë notën mund të klikoni linkun dhe të vendosin të dhënat tuaja.

The post Vetëm 4 dhjeta në provime, “merr fund” arsimi në Shqipëri (FOTO LAJM) appeared first on Albeu.com.

Ai ka thënë se situata e arsimit në vendin tonë është alarmante. dhe duhet të ndodhë një revolucion i cili do të sjellë risi në këtë fushë.

Kapexhiu theksoi gjithashtu se mestarja për shkollat me konkurs është absurde.

Bujar Kapexhiu:

“Kam qenë student, kam qenë dhe vazhdoj të jem pedagog, kam qenë rektor i Akademisë së Arteve dhe e njoh shumë mirë gjendjen ku ndodhemi sot. Gjendja është alarmante, duhet një revolucion për të ndryshuar shumë gjëra në arsimin tonë. Nga gjithë ligji i arsimit të lartë po kap vetëm një gjë fare të vogël.Nga ky ligj qindra student që kanë dashur të vijojnë shkollën e lartë kanë mbetur pa shkollë.

U vu një mesatare. Shumë mirë, për një shkollë të përgjithshme, por absurditeti ishte pasi u vendos mesatarja për shkollat me konkurs. Përderisa e ke me konkurs është konkursi që i zgjedh studentët, është absurde mesatarja. Nuk kisha fare lidhje me shkollën në atë kohë, por kam vajtur që nga ministrja deri te maja e piramidës për të diskutuar këtë problem. Të paktën shkollat me konkurs duhet ulur mesatarja”, tha Kapexhiu.

The post Bujar Kapexhiu: Studentët kanë mbetur pa shkollë, gjendja e arsimit është alarmante, appeared first on Albeu.com.

Soreca tha se Bashkimi Europian e kishte kuptuar rëndësinë e investimit në arsimimin e të rinjve shqiptarë.

Sipas tij ndihma nga BE nuk ka munguar, jo vetëm me fonde të caktuara por edhe me shkëmbimet erasmus+ të cilat sipas tij, shërbejnë për specializim të mëtejshëm dhe shkëmbim përtvojash mes studentëve europianë dhe atyre shqiptarë.

Ai tha se investimet në arsim do të vazhdonin dhe shtoi se ato i vijnë në ndihmë më shumë se 40 mijë nxënësve dhe mësuesve.

Ambasadori i BE, Luigi Soreca:

Shtetet e BE e kanë kuptuar rëndësinë e të investuarit tek të rinjtë dhe arsimimit të tyre në Shqipëri. Duhet tu japim juve mundësinë për t’u lidhur me kolegët. Ky investim gjatë 15 viteve të fundit ka arritur në 1.5 mld euro në grante, donacione të falura që kanë ardhur nga BE duke ndërtuar struktura madhore.

Duke avancuar bujqësinë dhe zhvillimin rural. Kjo është fushatë e më shumë se 500 mijë shqiptarëve që kanë përfituar nga asistenca e BE-së gjatë 10 vjeçarëve të fundit. Ne takohemi me ta çdo ditë, siç bëmë dhe gjatë turit të kaluar. Integrimi i Shqipërisë në BE po ndodh çdo ditë me anë të këtyre programeve që kemi përfshirë ne siç është Erasmus+. Jemi krenar për këtë program pasi me anën e saj, ju jeni bërë ambasadorët e Shqipërisë në BE. Universiteti politeknik po ju tregon rrugën e duhur pasi është partnere e programit Erasmus+. Një aspekt tjetër i mbështetjes së BE-së ka të bëjë me trajnimet profesionale. Ta shndërrojmë trajnimin professional. Mundësinë për të investuar 70 mln euro për rinovimin e 60 institucioneve arsimore. U kthye në një mundësi për të përmirësuar shkollat.

Më shumë se 40 mijë nxënës dhe mësues kanë përfituar nga investimet e unionit. Gjatë muajit të shkuar kishim në Shqipëri Ursula Von der Leyen. BE e ka konfirmuar mbështetjen e saj për të ardhmen europiane të Shqipërisë. Presidentja e KiE, tha se qytetarët e Shqipërisë meritojnë një të ardhme më të gjelbër dhe dixhitale. Ne na nevojitet ndihma dhe zëri i atyre që do jenë e ardhmja e Shqipërisë, e të rinjve. Duhet ta thoni me zë të lartë dhe ta vërtetoni me këmbënguljen tuaj. Ju duhet të kërkoni me këmbëngulje që Shqipëria të jetë pjesë e BE. Europa është këtu çdo ditë. Më lejoni që të them moton që kemi krijuar, Europa është këtu sepse këtu është Europë” – u shpreh ambasadori./albeu.com/

The post “Europa është këtu”, Soreca: Studentët shqiptarë kanë përfituar nga BE appeared first on Albeu.com.