Por një ngjarje e vetme e ndodhur në ambientet e hotel “Holiday” në Velipojë, solli përkeqësimin e situatës duke mbetur të vrarë dy personat Ersild Ishmi dhe Arsid Hoxha, të cilët kishin shkuar në pronën e vëllezërve Frroku, për të sqaruar një konflikt të ndodhur dy muaj më parë.

Për gjetjen e tyre policia e Shkodrës ka marrë kontakte dhe me familjarët me qëllim vetëdorëzimin tyre në polici.

Situata mes dy familjeve në Shkodër është mjaft e agravuar dhe për të shmangur çdo përkeqësim, policia ka shtuar shërbimet e kontrollit në zonë.

Në këtë atentat mbeti i plagosur aksidentalisht dhe kamerieri, Zyber Zagrad, 26 vjeç banues në Dibër, i cili pas mjekimit në spital është ndaluar nga policia.

Bashkë me të është arrestuar dhe Marjo Pali, 29 vjeç banues në Shkodër.

Të dy janë punonjës në hotelin në pronësi të vëllezërve Frroku, por roli i tyre në ngjarje ende nuk është sqaruar nga policia.

Ngjarja e rëndë ka zanafillën tek një konflikt i ndodhur mesditën e 28 qershorit 2024 në hotelin e dy vëllezërve, Edmir dhe Gëzim Frroku, ku Ersid Ishmi kishte shkuar për të drekuar.

Kamerieri në restorant, kushëri me Ishmin ka debatuar me kuzhinierin pasi është vonuar porosia.

Në këtë debat ka ndërhyrë 33-vjecari Ishmi, i cili ka nxjerrë pistoletën në restorantin e familjes Frroku dhe ka kërcënuar me jetë kuzhinierin. Ishmi u arrestua në Vaun e Dejës më 14 korrik dhe gjykata e Shkodrës la në masë sigurie “arrest shtëpie”.

Mbrëmjen e 19 gushtit, Ishmi theu masën e sigurisë, mori me vete kunatin Arsid Hoxhën dhe shkuan tek hoteli për të sqaruar konfliktin që kishin lënë përgjysmë. Rreth orës 21:00 ka pasur konflikt mes dy vëllezërve Frroku dhe dy kunetërve përpara hotelit.

Dy vëllezërit kanë qëlluar me armë duke lënë të plagosur rëndë dy kunetërit Hoxha dhe Ishmi të cilët gjetën vdekjen sapo hynë në sallën e operacionit në spitalin e Shkodrës.

Ersild Ishmi është goditur nga 3 plumba në gjoks e bark, ndërsa Hoxha është goditur nga 2 plumba po në gjoks e në bark. /oranews/

The post FOTO/ Policia në kërkim të Kampionit të Evropës në Mundje! Kush është Edmir Frroku që bëri dy vrasjet në Velipojë? appeared first on Albeu.com.

Efektivët kanë intensifikuar kërkimet e tyre për gjetjen e më pas kapjen e dy vëllezërve Frroku.  Nga ana tjetër përveç punë kërkimore, mësohet se policia është në negociata e sipër me familjen Frroku në mënyrë që dy vëllezërit të dorëzohen dhe të mos bëjnë rezistencë duke qëndruar të fshehur për t’i shpëtuar uniformave blu.

Gjatë negociatava familja Frroku ka dhënë sinjale pozitive se dy të dyshuarit mund të vetëdorëzohen për t’ia lënë shtetit këtë çështje në dorë. Babai i vëllezërve Frroku, sipas burimeve nga kjo familje gjatë një bisedë me policinë në negociata e sipër ka deklaruar se “nuk kalohet jeta ferrave e maleve”.

Megjithatë deri më tani një gjë e tillë ende nuk ka ndodhur dhe policia është në pritje të vendimit përfundimtar edhe pak ditë nëse Edmir dhë Gëzim Frroku do të vendosin që të vetëdorëzohen apo jo.

Një ditë më parë xhaxhai Zef Frroku deklaroi se është vështirë që dikush t’i dorëzohet këtij shteti por nga thellimi i negociatave pas ngjarjes së rëndë pritet që një gjë e tillë të ndodhë edhe pse ende nuk ka një vendimarrje përfundimtare.

Pas një konflikti të nisur që me 28 qershor të këtij viti, dy shtetas u vranë me armë zjarri pistoletë ndërsa një tjetër mbeti i plagosur në këmbë. Fillimisht viktimat Ersild Ishmi dhe kunati i tij Arsid Hoxha u përfshinë në një konflikt fizik me vëllezërit Frroku dhe më pas u përdorën armët.

 

View this post on Instagram

 

A post shared by Euronews Albania (@euronews_albania)

The post FOTO+VIDEO/ “Nuk kalohet jeta ferrave e maleve!” Policia negociata me familjen Frroku për vetëdorëzimin e dy djemve që “vranë” Ersild Ishmin dhe Arsid Hoxhën appeared first on Albeu.com.