Arsene Wenger, ish-trajneri legjendar i Arsenalit dhe Drejtor i Zhvillimit Global të Futbollit në FIFA, ka folur më në fund për skemën e diskutueshme të Gianni Infantinos që synonte përfshirjen e investimeve private në Kupën e Botës. Projekti u anulua pas kundërshtimeve të shumta, të ardhura kryesisht nga UEFA.

Francezi është figura e fundit me ndikim që ka reaguar lidhur me nismën e Infantinos për Kupën e Botës.

“Ngjarjet e fundit në FIFA meritojnë sqarim nga ana ime”, deklaroi fillimisht 76-vjeçari.

Wenger shpjegoi se në FIFA mban postin e Shefit të Zhvillimit Global të Futbollit dhe, së bashku me ekipin e tij, mbikëqyr analizimin e të dhënave të lojës, qendrën e trajnimit online të FIFA-s, zhvillimin e edukimit të të rinjve nëpërmjet 60 akademive në 60 vende ku nevoja është më e madhe, si dhe garat rinore anembanë botës.

Ai bëri të ditur gjithashtu se është këshilltar teknik i IFAB-it, ndërsa theksoi se nuk kishte marrë pjesë në hartimin e planit strategjik dhe se për projektin ishte informuar nga raportimet e mediave.

“Vendimi për të tërhequr projektin ishte absolutisht i nevojshëm dhe i padiskutueshëm, sepse unë besoj fuqimisht në një FIFA të pavarur që i shërben lojës sonë me përkushtim, transparencë dhe integritet”, përfundoi Wenger.

Përpara publikimit të kësaj deklarate, mungesa e një reagimi nga Wenger kishte rënë në sy për shkak të pozitës së tij si një prej zyrtarëve më të lartë të FIFA-s. Heshtja e tij kishte nxitur kritika edhe nga tifozët e Arsenalit në rrjetet sociale.

Megjithatë, qëndrimi i tij ndaj skemës nuk përbën kritikën më të ashpër, madje as mes reagimeve të ardhura nga brenda organizatës. Deklarata u bë disa ditë pasi projekti ishte tërhequr.

The post Arsene Wenger reagon për herë të parë ndaj planit të debatueshëm të FIFA-s për shitjen e Kupës së Botës appeared first on Albeu.com.

Polemikat e fundit që kanë përfshirë institucionin drejtues të futbollit botëror kanë ngritur pikëpyetje mbi vazhdimësinë e Gianni Infantinos si president i FIFA-s.

Kritikat ndaj tij u intensifikuan për shkak të një plani që parashikonte shitjen e një pjese minoritare të aksioneve në një strukturë të re tregtare, të lidhur me Kupën e Botës dhe kompeticionet e tjera të organizuara nga FIFA. Ky propozim është tërhequr tashmë.

Sipas Infantinos, nisma synonte të krijonte më shumë të ardhura për zhvillimin e futbollit. Megjithatë, ideja u kundërshtua fuqishëm nga disa prej institucioneve kryesore të këtij sporti.

UEFA doli hapur kundër projektit, duke argumentuar se organet qeverisëse të futbollit nuk duhej të ndërmerrnin një hap të tillë. Shqetësime për transparencën dhe modelin e qeverisjes shprehën gjithashtu CONCACAF dhe konfederata të tjera.

Presioni i fortë bëri që FIFA të hiqte dorë nga projekti, ndërsa ky vendim shtoi zërat se posti i Infantinos mund të jetë seriozisht i kërcënuar.

Ndonëse për zgjedhjet e ardhshme presidenciale nuk është paraqitur ende asnjë kandidaturë zyrtare, në skenën e futbollit kanë nisur të qarkullojnë disa figura me peshë si zëvendësues të mundshëm.

5. Arsene Wenger

Legjenda e stolit të Arsenalit ushtron aktualisht detyrën e drejtorit të FIFA-s për zhvillimin global të futbollit.

Wenger ka njohuri të thella për funksionimin e organizatës dhe respektohet gjerësisht në botën e futbollit. Sidoqoftë, për të marrë drejtimin e FIFA-s nevojiten mbështetje politike, marrëveshje ndërmjet konfederatave dhe aftësi të konsiderueshme diplomatike, faktorë që mund t’ia komplikojnë një kandidaturë të mundshme.

4. Nasser Al-Khelaifi

Krahas drejtimit të Paris Saint-Germain, Al-Khelaifi është edhe në krye të Shoqatës Evropiane të Klubeve, duke u renditur mes personazheve më të fuqishme të futbollit evropian.

Rrjeti i tij i lidhjeve dhe burimet e shumta do t’i mundësonin ngritjen e një fushate të fortë. Nga ana tjetër, raporti i afërt me një klub të madh dhe përfshirja në interesa komerciale mund të shkaktojnë dyshime rreth një konflikti të mundshëm interesi.

3. Salman bin Ibrahim Al Khalifa

Kreu i Konfederatës Aziatike të Futbollit ka grumbulluar përvojë të gjatë në politikën ndërkombëtare të këtij sporti.

Në vitin 2016, ai ishte kandidat për presidencën e FIFA-s, por zgjedhjet i fitoi Infantino. Përkrahja e mundshme nga Azia e vendos mes pretendentëve seriozë, edhe pse polemikat që e kanë shoqëruar në të kaluarën mund t’i bëhen pengesë.

2. Victor Montagliani

Përvoja si president i CONCACAF dhe raportet pozitive që ka krijuar brenda FIFA-s bëjnë që Montagliani të vlerësohet si një nga alternativat më të fuqishme.

Ai mund të mos ketë njohjen më të madhe mes publikut të gjerë, por konsiderohet një figurë e aftë për të mbledhur mbështetje të gjerë përmes negociatave në prapaskenë.

1. Aleksander Ceferin

Presidenti i UEFA-s shihet si pretendenti kryesor për të pasuar Infantinon në postin më të lartë të FIFA-s.

Drejtimi i futbollit evropian i siguron Ceferinit ndikim të konsiderueshëm politik. Njëkohësisht, përplasjet e tij të mëparshme me Infantinon mund ta shndërrojnë në përfaqësuesin kryesor të një kursi të ri.

Autoriteti, eksperienca dhe profili i njohur në nivel botëror e vendosin Ceferinin në krye të listës së emrave që përfliten aktualisht si pasardhës të mundshëm të presidentit të FIFA-s.

The post Pesë emrat në garë për kreun e FIFA-s nëse largohet Infantino, nga Wenger te Al-Khelaifi appeared first on Albeu.com.

Arsene Wenger ka shprehur bindjen e tij për ekipin që mund t’i dalë përpara Francës në synimin për të fituar Kupën e Botës.

Franca shkoi në Botërorin që po luhet në Shtetet e Bashkuara, Kanada dhe Meksikë me statusin e favorites kryesore, ndërsa ajo që ka treguar deri tani në fushë vetëm e ka forcuar idenë se mund të ngrejë trofeun e tretë botëror më 19 korrik.

Nën drejtimin e Kylian Mbappe, francezët kanë pësuar vetëm dy gola në pesë takimet e para, ndërsa ishte penalltia e shënuar nga Mbappe kundër Paraguait që i çoi në çerekfinale, ku të enjten i pret përballja me Marokun.

Në një sfidë që sjell sërish kujtimet e gjysmëfinales së Botërorit 2022, ekipi i Didier Deschamps mund të arrijë gjysmëfinalen për herë të tretë rresht nëse triumfon ndaj përfaqësueses afrikane. Në rast kualifikimi, Franca do të ndeshet me skuadrën që do të dalë fituese nga përplasja mes Spanjës dhe Belgjikës.

Sipas Wenger, Franca është ekipi që do ta fitojë Kupën e Botës, pasi ai e konsideron skuadrën më bindëse të turneut deri në këtë fazë. Megjithatë, ai thekson se nëse ka një kundërshtar që mund ta ndalë, ai është Spanja.

“Franca do ta fitojë Kupën e Botës. E di që do të thoni: ‘Sigurisht që e thua këtë, sepse je francez’. Por kur e analizon Botërorin, ritmi i garës është shumë i lartë dhe duhet të jesh në gjendje t’i përshtatesh atij”.

Trajneri legjendar vlerëson se Spanja, me të cilën Franca mund të ndeshet në gjysmëfinale nëse të dyja skuadrat kalojnë çerekfinalet e tyre, ka një veçori që, sipas tij, mungon te çdo kombëtare tjetër në futbollin botëror.

“Për mua, pyetja e vërtetë është Spanja. Nëse ka një skuadër që mund ta mposhtë Francën në këtë moment, do të thosha se është Spanja, sepse niveli i saj teknik është më i lartë se ai i Francës”.

“Ata kanë cilësi dhe një kulturë të futbollit kolektiv që askush tjetër në botë nuk e ka në atë nivel”.

“Pikërisht kjo mund të jetë faktori vendimtar mes këtyre dy ekipeve, megjithëse Franca është më e fortë fizikisht”, përfundoi Wenger.//

The post Arsene Wenger tregon skuadrën e vetme që, sipas tij, mund t’ia prishë Francës rrugën drejt Kupës së Botës appeared first on Albeu.com.

Benzema po luan në Arabinë Saudite tek Al-Ittihadi momentalisht, por 36-vjeçari do të dëshironte një rikthim në Evropë.

Wenger beson se në rast se dëshira e francezit për rikthim në Evropë është serioze, Arsenali duhet të nënshkruajë me të.

Ai ndër të tjerash e pranoi se kishte tentuar transferimin e Benzemas, gjatë kohës sa ishte në krye të ekipit.

“Ai ishte në garë me Higuain për një kohë. Ishte tri ndeshje për Higuain, tri ndeshje për Benzema”, ka thënë fillimisht Wenger.

“Ai ka luajtur gjithmonë duke u bazuar në pasime dhe kombinime, kështu që ishte sulmuesi ideal”.

“Ai është një sulmues që i bën njerëzit rreth tij më të mirë dhe ndonjëherë ju keni sulmues që shënojnë gola, por ata i bëjnë lojtarët përreth më të dobët. Ai nuk është njëri nga ta. Nëse e vendosni Benzeman në skuadër, unë do të doja të luaja me të”, është shprehur Wenger.

Mikel Arteta jo shumë kohë më parë kishte thënë se është pothuajse “e pamundur” për ekipin e tij nënshkrimi me një sulmues këtë verë, ndërsa pretendoi se vështirësitë e tyre para golit me shumë mundësi janë një “problem psikologjik”./Telegrafi/

The post Wenger i jep udhëzime Arsenalit për transferimin e Benzemas, francezi mund të rikthehet në Europë appeared first on Albeu.com.

“Mospëlqimi ime drejtohej më shumë te klubet sesa te njerëzit e caktuar, nuk kam bërë kurrë ndonjë deklaratë me kalimin te individët.

Kisha shumë mosmarrëveshje me Mourinhon në atë kohë, sepse mendoja se Chelsea ishte klubi i parë që shpenzoi para që nuk i fitoi.

Në atë kohë, që nga viti 2004, nuk kishte “fair play” financiar dhe tani është krijuar, financat e klubit kontrollohen më mirë. Në përgjithësi, ishte një pikë kthese”, tha ish- trajneri i Arsenalit për Sky Sports.

UEFA prezantoi lojën e ndershme financiare në vitin 2009. /albeu.com/

The post Arsene Wenger ka treguar pse u përplas me Jose Mourinhon  appeared first on Albeu.com.

Ish-tekniku legjendar i Arsenalit, tani menaxher i FIFA-s, bëri disa deklarata të dyshimta pak ditë më parë në Freiburg, të cilat ndezën polemika në Amerikën e Jugut.

“Mbappe ka origjinë afrikane, por ai është stërvitur në Evropë. Nëse do të kishte lindur në Kamerun, nuk do të ishte bërë ky lojtar”, tha Wenger.

Më pas CONMEBOL u përgjigj me një deklaratë.

“CONMEBOL hedh poshtë dhe dënon fjalët e këqija të zyrtarit të lartë të FIFA-s, shumë pranë presidencës së organit. Ne amerikanët e jugut, e njohim shumë mirë këtë lloj qëndrimi dhe në ballë, që buron nga besimi se bota fillon dhe mbaron në Evropë.

Talenti, shpirti i sakrificës dhe dëshira për të shkëlqyer të lojtarëve afrikanë dhe amerikano-jugor duhet të vlerësohen dhe respektohen.”/ h.ll/albeu.com

The post “Nëse Mbappe do të kishte luajtur andej nga ka origjinën, nuk do ishte bërë ky lojtar”, Wenger krijon polemika appeared first on Albeu.com.

Interi mundi të kuqtë 1-0 në Anfield në raundin e 16-të të Ligës së Kampionëve, por djemtë e Jurgen Klopp ishin ata që u kualifikuan në çerekfinale pasi fituan 2-0 në ndeshjen e parë në San Siro. Nerazzurrët shënuan golin e fitores në minutën e 61-të me golin fantastik të Lautaro Martinez pasi Sanchez, i cili luajti nën drejtimin e Wengerit te “Topçinjtë”, dha asist.

Por, ish-asi i Manchester United u përjashtua nga fusha vetëm dy minuta më vonë për kartonin e dytë të verdhë pas një ndërhyrje ndaj Fabinhos.

Dhe Wenger beson se mesfushori i Liverpool-it “e bëri më shumë” për të nxjerrë ish-yllin e tij të Arsenalit nga fusha.

Francezi tha për “beIN SPORTS”: “Kufiri midis mashtrimit dhe të qenit i zgjuar.

“Ai po mashtronte, e bëri më shumë. Ndoshta ka pasur dhimbje, është prekur nga Sanchez. Nuk mund të thuash se ishte krejtësisht e rreme.

“Ndoshta mund të ngrihej më shpejt. Është një nga ato faullet, kur është një nga ndeshjet  e tua thua se është e zgjuar, kur je plotësisht neutral siç supozohet të jemi, mund të thuash se ai mund të kishte bërë më pak.

“Ai nuk donte ta dëmtonte, ai kapi fillimisht topin.”

Megjithatë, Wenger pranon se Liverpool e meritonte të kualifikohej pasi ata bënë një paraqitje mbresëlënëse pavarësisht humbjes së tyre.

Megjithatë, 72-vjeçari beson se arbitri “e vrau lojën” me atë karton të kuq ndaj Sanchez.

Wenger shtoi: “Arbitri e vrau lojën në momentin e gabuar. Mund të ishte interesante të shihje 25 minutat e fundit me 11 kundër 11.

“Në përgjithësi Liverpool e meritonte të kualifikohej, edhe sot ata goditën tre herë shtyllën. Por unë nuk jam dakord me vendimin e arbitrit. Ai vrau interesin e lojës”, u shpreh tekniku legjendar./ h.ll/albeu.com

The post Arsene Wenger: Dyshoj se Fabinho e kërkoi atë ndërhyrje nga Sanchez, mendoj se aktroi appeared first on Albeu.com.

FootMercato bën më dije se nga Doha  po mendojnë për zëvendësimin e drejtorit aktual duke i dhënë “çelësat” e bordit Arsene Wenger dhe stoli sic dihet tanimë do t’i besohet Zinedine Zidane.

Parisienët kanë edhe opsione të tjera për tolin e drejtorit sportiv siç është rasti i Fabio Paratici, drejtori sportiv i Tottenham, i cili mbërriti në Londër gjatë kësaj vere. /albeu.com

The post PSG ëndërron dyshen Wenger – Zidane appeared first on Albeu.com.