Në strukturën sportive të Barcelonës, me Deco në krye, puna është e përqendruar te afrimi i lojtarëve të rinj që në sezonet e ardhshme mund t’i japin ekipit më shumë ekuilibër, qartësi taktike dhe cilësi në repartin të mesit.

Gjithsesi, te klubi katalanas e dinë se misioni për të marrë 18-vjeçarin nuk paraqitet aspak i thjeshtë, pasi interesimi për të vjen edhe nga disa prej emrave më të mëdhenj të futbollit europian.

Në këtë moment, Arsenali dhe Paris Saint-Germain shihen si skuadrat më të favorizuara në betejën për talentin franko-maroken, por në listën e klubeve të interesuara figurojnë edhe Liverpooli, Manchester City, Chelsea, Manchester United, Bayern Munich dhe Real Madridi.

Bouaddi ka rënë në sy jo vetëm për atë që tregon në fushë, por edhe për profilin e tij intelektual.

Ai vlerësohet si një lojtar me qasje analitike, me një aftësi të spikatur për ta kuptuar lojën, për të menaxhuar hapësirat dhe për të diktuar ritmin e ndeshjes me një pjekuri të pazakontë për moshën që ka.

I lindur në Francë dhe me prejardhje marokene, ai bëri debutimin në futbollin profesionist kur ishte vetëm 16 vjeç dhe që nga ai moment është kthyer në një prej talenteve më premtuese të futbollit europian.

Nga ana e saj, Lille nuk është e gatshme të ndahet lehtë me yllin e vet. Sipas raportimeve, klubi francez kërkon nga 70 deri në 80 milionë euro për kartonin e mesfushorit, i cili mbetet nën kontratë edhe për tri sezone të tjera.

Arsenali, sipas raportimeve, ka ofruar 60 milionë euro, por kjo shumë është hedhur poshtë nga drejtuesit e Lille.

Më herët, vetë futbollisti kishte zgjedhur të mos pranonte mundësinë për t’iu bashkuar PSG-së, pasi preferonte një mjedis ku do të kishte më shumë hapësirë për t’u zhvilluar dhe për të luajtur më shumë minuta.

Pas një sezoni shumë pozitiv, ku regjistroi 30 paraqitje në kampionatin francez, Bouaddi po e vlerëson me kujdes hapin e ardhshëm të karrierës së tij.

Sipas vlerësimeve të tregut, vlera e tij aktuale llogaritet rreth 50 milionë euro, por interesi i madh nga klubet e shumta mund ta çojë çmimin e tij dukshëm më lart gjatë kësaj vere.

The post Barcelona futet në garë për Ayyoub Bouaddi, por konkurrenca për talentin e Lille është e ashpër appeared first on Albeu.com.

Pamjet zbulojnë një shkëmbim të tensionuar mes gjyqtarit kryesor Chris Kavanagh, VAR-it Darren England dhe asistentit të VAR-it (AVAR) Akil Howson, lidhur me golin e barazimit në minutën e 95-të të shënuar nga Callum Wilson, i cili u anulua.

Teksa zyrtarët e rishikuan golin në monitor, audioja tregon se AVAR Akil Howson ngriti disa herë shqetësime për veprimet e Leandro Trosard ndaj lojtarit të Uest Hemit, Pablo Fornals.

Ndërsa ekipi i VAR-it fillimisht ishte i fokusuar te pretendimi se Pablo Fornals po ia mbante krahun portierit David Raja, Howson vuri në dukje një faull të mundshëm më herët ose paralelisht nga Trosard.

“E ke Deklan Rajs dhe e ke edhe Trosard”, tha Howson gjatë rishikimit të aksionit.

Gjyqtari Chris Kavanagh iu përgjigj: “Nuk e di çfarë po përpiqesh të më tregosh, ma jep një të dhënë”.

VAR: Dhe nëse do, mund të konsiderosh edhe veprimet e Deklan ndaj Mavropanos në prapavijë. Por faulli ndaj portierit ndodh më herët.

Gjyqtari: Para tij, pra… Pas rishikimit, Uest Hem numri…

VAR: 19.

Gjyqtari: 19. Faull. Ma konfirmo edhe një herë numrin, të lutem.

Gjyqtari: Pas rishikimit, lojtari i Uest Hemit me numrin 19 kryen faull ndaj portierit. Vendimi përfundimtar është goditje e lirë.

PANORAMASPORT.AL

The post VIDEO/ Zbardhet biseda e plotë mes gjyqtarëve, ja pse u anulua goli i minutës së 95-të kundër Arsenalit në Premier Ligë appeared first on Albeu.com.

Biletat më të leverdishme me kompaninë “Wizz Air” kanë shkuar në 1.195 mijë paund ndërsa udhëtimi më i lirë, ai që parashikon nisjen të premten dhe kthimin të dielën shitet për 918 paund.

Situatë e vështirë është edhe për akomodimin në Hungarin. Në portalin e njohur “Booking.com” gati 96% e hoteleve në Budapest për fundjavën e 30 majit janë të bllokuara.

Tashmë në Budapest kanë mbetur ende të lira hostele të ndryshëm ku në dhomat treshe një shtrat jepet për 268 paund. Me pak fjalë tifozëve vetëm për të siguruar një vend ku do të kalojnë natën dhe biletën e avionit do të duhet që të paguajnë gati 1.500 mijë paund.

The post Budapesti shtrenjtohet, biletat e avionëve dhe hoteleve do të jenë problem për tifozët e PSG-së dhe Arsenal-it appeared first on Albeu.com.

“Topçinjtë” zhbllokuan sfidën në minutën e 9-të me Gyokeres, të asistuar nga Saka.

Anësori anglez (i rikthyer nga dëmtimi) më pas dyfishoi epërsinë në minutën e 40-të, dhe suedezi, ish-lojtar i Sportingut, kompletoi dopietën personale në minutën e 49-të.

Arteta tani ka një epërsi prej gjashtë pikësh ndaj Guardiolës, por “Qytetarët” kanë dy ndeshje më pak të zhvilluara në krahasim me liderët aktualë të ligës.

The post Arsenali shtang Fulhamin dhe ushtron presion mbi Cityn appeared first on Albeu.com.

Në vigjilje të këtij super takimi, Pep Guardiola merr një lajm jo pozitiv pasi tekniku bask duhet të bëjë llogaritë pa Ruben Dias, i ndalur së fundmi për një problem në kavilje. I vetëdijshëm për peshën e këtij takimi është Pep Guardiola, me trajnerin e Man.City i cili u shpreh i bindur se nëse humbasin ndaj Arsenal atëherë janë jashtë garës për titull:

“Sigurisht, nëse humbasim gjithçka përfundon. Çdo rezultat tjetër na mban ende në garë pasi 6 ndeshje janë shumë”, theksoi Guardiola në konferencë për shtyp.

Kjo pritet të jetë një ndeshje me shumë emocion, me shumë presion, por nuk e sheh në këtë mënyrë Erling Haaland, me biondin që theksoi se nuk ndjen asgjë: “Më ndodh shumë rrallë që të ndjej këtë lloj presioni. Për të qenë i sinqertë nuk është se ndjej tension apo diçka tjetër, pasi kemi të gjithë sezonin që i ndjekim dhe nuk kemi asgjë për të humbur, pra nuk ndjej asnjë lloj presioni”, u shpreh Haaland.

Sigurisht, presioni në këtë rast është mbi Arsenal, pasi “topçinjtë” lëshuan “pe” në mënyrë të papritur, ku humbja e fundit kundër Bournemouth futi Man.City në garë. Arteta duhet të bëjë llogaritë në këtë sfidë pa Bukayo Saka:

“Është jashtë, kjo është e sigurt”, u shpreh fillimisht Arteta duke shtuar: “Ndaj Man.City është ndeshja më e rëndësishme, kjo pasi është ndeshja e radhës. Përballë do të kemi skuadrën dhe trajnerin më të mirë në këtë kampionat, por për ne kjo është një mundësi e shkëlqyer për të fituar, jemi përgatitur për këtë”, u shpreh Arteta në konferencë për shtyp.

The post Beteja për titull në Angli, Guardiola i sinqertë: Nëse nuk fitojmë, jemi jashtë appeared first on Albeu.com.

Ky ishte vendimi nga ndeshja e dytë çerekfinale kundër Sportingut, ku “Topçinjtë” barazuan 0-0 në stadiumin Emirates.

Të besuarit e Artetës u kualifikuan në fazën tjetër falë fitores 1-0 me firmën e Havertz në ndeshjen e parë në Lisbonë. Prandaj, skuadra portugeze u eliminua, duke dështuar të arrinte atë që do të kishte qenë një arritje historike për ta. Sporting nuk është paraqitur kurrë më parë në një gjysmëfinale të Ligës së Kampionëve.

The post Sporting dorëzohet, Arsenali kalon në gjysmëfinale ku e pret Atletico appeared first on Albeu.com.

Një dygolësh nga O’Reilly ndihmoi “qytetarët” të siguronin Kupën Carabao, një titull që nuk e kishin fituar që nga viti 2021.(Goli i Pare) (Goli i Dyte)

“Topçinjtë” tani do të përqendrohen edhe më me vendosmëri në Premier League dhe Ligën e Kampionëve. Për Pep Guardiolën, ky është trofeu i tij i 19-të si trajner i Manchester City-t.

Goli i parë i O’Railli (VIDEO)

Goli i dytë i O’Railli (VIDEO)

The post VIDEO/ Manchester City fiton Kupën e Ligës, O’Reilly ndëshkon Arsenalin appeared first on Albeu.com.

Në moshën 16-vjeçare, Doumen realizoi pas një vrapimi të gjatë dhe përfitoi nga porta e zbrazët e Evertonit për të dërguar topin në rrjetë, duke e afruar Arsenalin edhe një hap më pranë titullit në kampionatin anglez.

Me këtë gol, Doumen theu rekordin për golashënuesin më të ri në historinë e kampionatit anglez, rekord që më parë mbahej nga Xhejms Vaughan i Evertonit.

Golashënuesit më të rinj në historinë e Ligës Premier:

Maks Doumen – 16-vjeç, 73 ditë

Xhejms Vaughan – 16-vjeç, 270 ditë

Xhejms Milner – 16-vjeç, 356 ditë

Uejn Runi– 16-vjeç, 360 ditë

Rio Ngumoha – 16-vjeç, 361 ditë

Çesk Fabregas – 17-vjeç, 113 ditë

The post Talenti i Arsenalit thyen rekordin unik në Premier Ligë appeared first on Albeu.com.

Madueke, një zëvendësues, u rrëzua në zonën e penalltisë pas një ndërhyrjeje nga Tillman, por duke u nisur dhe nga pamjet filmike, rrëshqitja e lojtarit të Leverkusenit nuk e goditi topin ose këmbën e anglezit.

Megjithatë, në vrullin e tij, ai e goditi lojtarin dhe u rrëzua, duke e ekzagjeruar situatën. Gjyqtari turk Meler i fryu bilbilit dhe VAR nuk ndërhyri, duke shkaktuar zemërim të tifozëve në internet.

The post Champions, penalltia e Arsenalit në minutën e 90-të, shpërthejnë tifozët appeared first on Albeu.com.

Liverpool gjithashtu festoi një fitore bindëse, 5-2 në Anfield kundër West Ham. Ekitike mori vetëm pesë minuta kohë për të zhbllokuar sfidën, i ndihmuar nga një devijim i Mavropanos. Van Dijk më pas dyfishoi epërsinë në minutën e 24-të, ndërsa Mac Allister shtoi një të tretë në minutën e 43-të me një gjuajtje të bukur.

Soucek më pas u përpoq t’i fuste miqtë në lojë në minutën e 49-të, por Gakpo rivendosi epërsinë prej tre golash në minutën e 70-të. Castellanos, megjithatë, e uli diferencën përsëri në minutën e 75-të, përpara autogolit të Disasi në minutën e 83-të. Ekipi i Slot ngjitet kështu në 48 pikë në renditje, duke hyrë në garën për një vend në Ligën e Kampionëve të sezonit të ardhshëm.

Everton mposhti Newcastle me rezultatin 3-2, ndërsa Sunderland barazoi 1-1 në Bournemouth. Brentford siguroi një fitore spektakolare 4-3 ndaj Burnley.

The post Liverpool “shkatëron” West Hamin, City në ndjekje të Arsenalit appeared first on Albeu.com.