SPAK ka kërkuar dënimin me 10 vite burg dhe ndalim për 5 vite nga ushtrimi i funksioneve publike për Ervis Berberin, ndërsa ka kërkuar 1 vit e 6 muaj burg për Gentjan Gjylin dhe t’i hiqet e drejta për ushtrimin e funksioneve publike për një periudhë 3 vjeçare. Të dy përfitojnë nga gjykimi i shkurtuar.

Pretenca për të pandehurit e tjerë:

1-Personi Juridik “Net Group”,

2-Personi Juridik “DAAM”,

3-Adela Kica, 1 vit burg që konvertohet në punë me interes publik dhe t’i hiqet e drejta për të ushtruar funksione publike për 3 vite

4-Adja Strazimiri,1 vit e 6 muaj që konvertohet në punë me interes publik dhe t’i hiqet e drejta për të ushtruar funksione publike për 3 vite

5-Adrian Kroi,1 vit e 6 muaj burg që konvertohet në 4 vite shërbim prove si dhe t’i hiqet e drejta për të ushtruar funksione publike për 3 vite

6-Altin Llazi Marko, 1 vit burg që konvertohet në 4 vite shërbim prove dhe t’i hiqet e drejta për të ushtruar funksione publike për 3 vite

7-Artan Leskoviku, 1 vit burg që konvertohet në 4 vite shërbim prove dhe t’i hiqet e drejta për të ushtruar funksione publike për 3 vite

8-Bledar Aliaj, 1 vit e 6 muaj burg që konvertohet në 4 vite shërbim prove si dhe t’i hiqet e drejta për të ushtruar funksione publike për 3 vite

9-Blerta Musabelli, 2 vite burg që konvertohet në punë me interes publik, si dhe t’i hiqet e drejta për të ushtruar funksione publike për 3 vite

10-Brunilda Luli, 7 vite e 6 muaj muaj burg, që konvertohet në shërbim prove për 4 vite

11-Denis Xhoxhi, 1 vit burg që konvertohet në punë me interes publik si dhe t’i hiqet e
drejta për të ushtruar funksione publike për 3 vite

12-Ela Goxhaj,1 vit 6 muaj burg që konvertohet në 150 orë pune me interes publik dhe t’i hiqet e drejta për të ushtruar funksione publike për 3 vite

13-Erald Elezi, 1 vit e 6 muaj burg që reduktohet me 1/3 për shkak të gjykimit të shkurtuar, si dhe t’i hiqet e drejta për të ushtruar funksione publike për 3 vite

14-Ervis Lami, 7 vjet e 6 muaj burgim që reduktohet me 1/3 nga gjykimi i shkurtuar pjesa e mbetur shërbim prove 4 vite.

15-Genti Raça, 1 vit e 6 muaj burg që konvertohet në shërbim prove dhe t’i hiqet e drejta për të ushtruar funksione publike për 3 vite

18-Gezim Ali Noni, 1 vit e 6 muaj burg që konvertohet në shërbim prove 4 vite dhe t’i hiqet e drejta për të ushtruar funksione publike për 3 vite

19-Jetmira Dervishi, 1 vit e 6 muaj burg që konvertohet bë punë me interes publik dhe t’i hiqet e drejta për të ushtruar funksione publike për 3 vite

21-Kamelia Fatri Tafaj, 2 vite burg që konvertohet bë punë me interes publik dhe t’i hiqet e drejta për të ushtruar funksione publike për 3 vite

22-Orjon Myzafer Islamaj, 1 vit burg që në shërbim prove 4 vite dhe t’i hiqet e drejta për të ushtruar funksione publike për 3 vite

23-Shkelqim Dervish Lusha, 1 vit e 6 muaj burg që konvertohet në shërbim prove 4 vite dhe t’i hiqet e drejta për të ushtruar funksione publike për 3 vite

24-Valbona Sulejman Pepa, 1 vit e 6 muaj burg që konvertohet në punë me interes publik dhe t’i hiqet e drejta për të ushtruar funksione publike për 3 vite

25-Valter Nimet Begaj eshte me gjykim te zakonshem

The post SPAK jep pretencën për ish-drejtuesit e ARRSH dhe të pandehurit e tjerë, burg vetëm për katër prej tyre, pjesa tjetër… appeared first on Albeu.com.

Me 75 vota kundër dhe 28 pro, Parlamenti ka refuzuar kërkesën e grupit PL-PD për ngritjen e Komisionit Hetimor për Autoritetin Rrugor Shqiptar (ARRSH).

Në bazë të projektvendimit të propozuar, komisioni do të kishte për detyrë të kontrollonte ligjshmërinë e veprimeve të ARRSH-së në realizimin e investimeve në infrastrukturën rrugore.

Ndërkohë, kërkesa e Partisë Demokratike për ngritjen e një komisioni hetimor për Agjencinë Kombëtare të Shoqërisë së Informacionit (AKSHI) është rrëzuar me 76 vota kundër dhe 28 pro.

PD-ja kishte dorëzuar kërkesën me 40 firma të deputetëve opozitarë, duke kërkuar hetimin e veprimeve të këtij institucioni, pas skandaleve dhe marrjes nën hetim të drejtuesve të lartë të këtij institucioni.

Ndërkohë, Kuvendi ka miratuar projektligjin për parandalimin e pastrimit të parave me 76 vota pro.

The post Kuvendi rrëzon kërkesat e opozitës për komisionet hetimore për ARRSH-në dhe AKSHI-n appeared first on Albeu.com.

Sipas një burimi pranë grupit hetimor, ARRSH pritet t’i dorëzojë dokumentet brenda një jave, për shkak se bëhet fjalë për materiale voluminoze, raporton gazetarja Klodiana Lala.

“Po hetojmë pjesën që lidhet me aksin ekzistues, konkretisht tenderin e mirëmbajtjes së rrugës. Pra, po shohim mënyrën sesi është zhvilluar procedura e tenderit dhe termat e kontratës së lidhur mes Autoritetit Rrugor Shqiptar dhe kompanisë fituese”, tha një burim pranë grupit të hetimit.

Grupi hetimor është ndalur po ashtu edhe tek pjesa e ndërtimit të rrugëve provizore, të cilat përdoren përkohësisht derisa të përfundojë ndërtimi i aksit.

Prokuroria po heton edhe lidhur me lejen për marrjen e inerteve në Shkumbin dhe zbatimin e saj, pasi është konstatuar se lumi po shfrytëzohet masivisht në disa zona.

Referuar të dhënave të Open Data, rezulton se tenderi i mirëmbajtjes, është fituar nga kompania InfraKonsult e Redi Strugës.

Nga verifikimet e para rezulton se kompania nuk i ka përmbushur detyrimet kontraktore, duke qenë në shkelje të ligjit dhe për pasojë dyshohet të ketë ndodhet dhe shembja e aksit që bllokoi juglindjen e vendit.

Prokuroria po heton për veprat penale “Shpërdorim i detyrës”, “Shkelje e barazisë në tendera apo ankande publike”, “Shkatërrimi i rrugës”, “Ndotja e ajrit, ujit apo tokës”.

Situata në segmentin rrugor është normalizuar, por problemi mbetet evident. Për ditë me radhë, automjetet nuk qarkullonin në aks, për shkak të rrëshqitjes së tokës dhe fundosjes së urës.

The post Shembja e aksit Librazhd-Prrenjas/ Prokuroria i kërkon ARRSH tenderin për mirëmbajtjen e rrugës, në hetim kompania “InfraKonsult” e Redi Strugës appeared first on Albeu.com.

Vendimi përfshin Arbër Troka, Miranda Shkurti, Nikollaq Mihali, Almir Hoxhaj, Erjon Zemanaj dhe Admir Pahumi, të cilët ishin të dyshuar për veprën penale “Shkelje e barazisë së pjesëmarrësve në tendera apo ankande publikë”, të kryer në bashkëpunim.

Sipas GJKKO, pushimi i akuzave u vendos për shkak të parashkrimit të ndjekjes penale.

Të pandehurit janë:

Arbër Troka

Miranda Shkurti

Nikollaq Mihali

Almir Hoxhaj

Erjon Zemanaj

Admir Pahumi

Nga hetimet e SPAK u konstatua se të pandehurit, në bashkëpunim me njëri-tjetrin, kanë ndërmarrë veprime që kanë cenuar rregullsinë e procedurës së tenderimit dhe kanë dëmtuar interesat ligjore të shtetit shqiptar.

The post Shkelje në një tender mbi 2.2 miliardë lekë të ARRSH-së, GJKKO pushon akuzat ndaj 6 ish-zyrtarëve (EMRAT) appeared first on Albeu.com.

Sipas njoftimit zyrtar të ARRSH-së, lëvizja e automjeteve do të kryhet përmes një devijimi provizor, të ndërtuar ngjitur me pozicionin ekzistues të mëparshëm.

Ky zgjidhje do të jetë funksionale deri në përfundimin e plotë të rrugës alternative, e cila do të ndërtohet në shtratin e lumit Shkumbin dhe do të integrohet me trupin e hekurudhës.

Autoritetet bëjnë me dije se segmenti do të funksionojë me sinjalistikë kantieri dhe përkohësisht do të jetë i paasfaltuar, deri në stabilizimin e plotë të shtresave rrugore. Pas këtij procesi do të kryhet edhe asfaltimi përfundimtar.

NJOFTIMI I ARRSH

Sot, datë 03.03.2026, ora 12:00, rikthehet qarkullimi për të gjitha mjetet në aksin Librazhd–Prrenjas, i cili ishte i bllokuar si pasojë e rrëshqitjes në zonën “Arrat e Gurrës”.

🚘Qarkullimi do të kryhet përmes një devijimi provizor, të ndërtuar ngjitur me pozicionin ekzistues të mëparshëm, deri në realizimin e plotë të rrugës alternative, tashmë të bërë publike, në shtratin e lumit Shkumbin dhe të integruar me trupin e hekurudhës.

🛣️Segmenti do të funksionojë me sinjalistikë kantieri dhe, përkohësisht, do të jetë i paasfaltuar deri në stabilizimin e shtresave, pas së cilës do të kryhet asfaltimi përfundimtar.

🙏Duke kërkuar mirëkuptim nga të gjithë përdoruesit e rrugës si dhe banorëve të zonës, u bëjmë thirrje të respektojnë sinjalistikën dhe udhëzimet e Policisë Rrugore, për të garantuar një qarkullim të sigurt për të gjithë.
#arrsh #mie

The post Pas 11 ditësh izolim, rihapet sot rruga Librazhd-Prrenjas, ARRSH: Si do të funksionojë qarkullimi i mjeteve appeared first on Albeu.com.

Në një video e shpërndarë nga vetë ARRSH, bëhet e ditur se janë hartuar dhe miratuar masa për ndihmën e menjëhershme të situatës.

Kjo përfshin ndërtimin e një segmenti alternativ 1.3 km përgjatë lumit Shkumbin, që do të vijojë përkrah hekurudhës, duke siguruar një kalim për automjetet dhe duke shmangur pjesët e rrezikshme të rrugës.

Për të realizuar këtë, janë ndërmarrë disa veprime të rëndësishme si, devijimi i rrjedhës së lumit për të shmangur ndikimin mbi infrastrukturën e rrugës, rregullimi i urës së dëmtuar dhe lehtësimi i ngarkesës në trupin e rrugës që ka pësuar rrëshqitje.

Sipas propozimeve paraprake, rruga alternative do të kalojë përgjatë rrjedhës së Lumi Shkumbin, paralel me trasenë hekurudhore ekzistuese.

Paralelisht, rezultatet e analizave nga Shërbimi Gjeologjik Shqiptar do të përcaktojnë nëse ekziston mundësia e ndërhyrjes dhe rikonstruksionit edhe në segmentin e dëmtuar.

Ndërkohë, vijon evakuimi i qindra metrave kub dhera dhe inertesh nga sipërfaqja e dëmtuar e shpatit në “Arrat e Gurrës”, me synim stabilizimin e masivit dhe rikthimin e ekuilibrit natyror të skarpateve.

Po ashtu, janë bërë ndërhyrje në bashkëpunim me Operatorin e Sistemit të Transmetimit (OST) dhe Operatorin e Sistemit të Shpërndarjes (OSSH), për demontimin e shtyllave të tensionit të lartë dhe të ulët, të cilat janë prekur nga rrëshqitja.

Punimet janë koordinuar me Policinë e Shtetit, me qëllim menaxhimin dhe garantimin e sigurisë së qarkullimit të mjeteve gjatë këtij procesi.

Kujtojmë se ky aks ka mbetur i mbyllur për disa ditë me radhë, për shkak të shembjes së rrugës që prej datës 1 shkurt, gjë e cila ka sjellë probleme të shumta në trafikun rrugor.

The post ARRSH publikon projektin e rrugës alternative për segmentin Librazhd-Prrenjas appeared first on Albeu.com.

Punimet kanë për qëllim lehtësimin e qarkullimit të mjeteve në këtë aks.

Qarkullimi i mjeteve do të kryhet me një sens lëvizjeje, ndërsa punimet pritet të zgjasin deri më 20 shkurt.

Autoritetet e ARRSH kërkojnë mirëkuptimin e drejtuesve të mjeteve dhe banorëve të zonës për këtë periudhë.

Njoftimi i ARRSH:

Në zbatim të punimeve të kontratës “Zgjerimi i rrugës Elbasan–Qafë Thanë, Faza II”, në zonën e Mirakës kanë filluar punimet e shtrimit me binder me qëllim lehtësimin e qarkullimit të mjeteve që kalojnë në këtë aks

Punimet do të zgjasin deri më datë 20 shkurt. Ju njoftojmë se në këtë segment, gjatë kryerjes së punimeve, qarkullimi i mjeteve do të kryhet me një sens lëvizjeje.

Kërkojmë mirëkuptimin e drejtuesve të mjeteve si dhe të banorëve të zonës!

The post Kujdes në aksin Elbasan – Qafë-Thanë/ ARRSH njofton nisjen e zgjerimit të rrugës në Mirakë, ja deri kur do zgjasin punimet appeared first on Albeu.com.

Teksa monitorimet dhe puna për pastrimin e rrugës është në vijm, ARRSH sugjeron që lëvizja e makinave dhe këmbësorëve në këtë zonë të shmanget deri në një moment të dytë.

Njoftimi:

Si pasojë e reshjeve intensive të borës dhe rrezikut të lartë të ortekëve rruga drejt Thethit do të vazhdojë të qëndrojë e mbyllur

Kontraktori i mirëmbajtjes është në terren, po monitoron nga afër situatën, por ndërhyrja me mjete të rënda krijon tronditje dhe aktivizon rrëshqitjen e shtresës së dëborës në masë.

Siguria e qytetarëve është prioritet, ndaj u bëjmë thirrje të gjithë drejtuesve të mjeteve dhe vizitorëve që të shmangin çdo lëvizje në këtë segment rrugor deri në përmirësimin e kushteve dhe stabilizimin e situatës.

Autoriteti Rrugor Shqiptar do të njoftojë menjëherë sapo rruga të jetë e sigurt për qarkullim.

The post Aksi Qafë Thore-Theth vijon të jetë i bllokuar, ARRSH sugjeron shmangien e rrugës: Po monitorojmë situatën, rrezikohet rrëshqitja e makinave appeared first on Albeu.com.

Si pasojë e reshjeve të dendura të borës, në një segment me gjatësi rreth 550 metra, është prezent rreziku i ortekëve nga lartësitë e shpateve. Ky rrezik shtohet gjatë orëve të mesditës me diell, kur fillon procesi i shkrirjes së borës.

Për këtë arsye, gjatë ditëve me mot të kthjellët dhe për arsye sigurie, do të ketë mbyllje provizore të qarkullimit deri në orët kur temperaturat ulen dhe bora ngrin sërish.

Qarkullimi gjatë intervaleve me rrezik do të realizohet me asistencën e punonjësve të kompanisë së mirëmbajtjes, thekson ARRSH.

Autoritetet u bëjnë thirrje drejtuesve të mjeteve të tregojnë kujdes dhe të ndjekin udhëzimet në terren.

The post Rruga e Thethit/ ARRSH: Mbyllje provizore e qarkullimit, shkak rreziku ndaj ortekëve appeared first on Albeu.com.

Rruga dytësore nga Casa Italia, konkretisht segmenti nga Spitali Hygeia deri te Megatek, është shndërruar në një simbol të gjallë të dështimit, papërgjegjshmërisë dhe mashtrimit institucional. Nuk është thjesht një rrugë e keqe. Është një fyerje e hapur për qytetarët, për taksapaguesit dhe për çdo koncept minimal të shtetit funksional.

Prej vitesh kjo rrugë “riparohet” herë pas here nga Bashkia Tiranë dhe ARRSH, me ndërhyrje kozmetike, të shpejta dhe pa asnjë standard teknik. Gropa mbulohet sot, hapet nesër. Asfalti hidhet sot, zhduket pas pak ditësh dhe askush nuk mban përgjegjësi. Askush nuk del të shpjegojë pse, në vitin 2026, në kryeqytet, një rrugë strategjike është më keq se një shteg fshati.

Vetëm dy javë më parë, autoritetet “u kujtuan” të mbushnin gropat me asfalt. U shfaqën makineritë, u bllokua përkohësisht qarkullimi dhe u dha iluzioni se më në fund po bëhej diçka. Sot, pas vetëm dy javësh, gropat janë kthyer sërish, sikur asfalti të mos ishte hedhur kurrë. E njëjta pamje, i njëjti kaos, i njëjti zhgënjim. Kjo nuk është më rastësi, ky është model.

Pasojat janë të përditshme dhe konkrete: trafik i rënduar, orë të humbura për qytetarët, konsum nervash, aksidente, dëmtime të makinave, amortizatorë të shkatërruar, goma të çara, kosto që bien drejtpërdrejt mbi xhepat e qytetarëve. Ndërsa institucionet heshtin, qytetarët paguajnë dy herë: një herë me taksa dhe herën e dytë me riparime.

Kjo rrugë lidh zona me fluks të lartë qarkullimi, biznese të mëdha, universitete, qendra shërbimi, spitale dhe akses drejt daljeve kryesore të Tiranës. Nuk është rrugë periferike pa rëndësi. Është një arterie e rëndësishme e lënë qëllimisht në degradim, e trajtuar si “punë sezonale”, sa për të mbyllur gojën e opinionit publik për disa ditë.

Pyetja që shtrohet është e thjeshtë: kush (nuk) po i bën këto punime dhe pse po paguhen? Kush i kontrollon? Kush firmos kolaudimin e një asfalti që shembet brenda dy javësh? Dhe pse askush nuk mban përgjegjë për këtë tallje publike?

Në çdo vend normal, kjo do të quhej abuzim me fondet publike. Në Shqipëri quhet “mirëmbajtje”. Në çdo qytet normal, një kompani që lë pas një rrugë në këtë gjendje do të penalizohej dhe përjashtohej. Këtu, vazhdon të marrë tenderë dhe të hedhë asfalt që tretet si rërë.

Rruga Hygeia–Megatek nuk është më thjesht problem infrastrukture. Është provë e qartë se si qeverisja urbane ka dështuar, se si paratë publike shpenzohen pa asnjë rezultat dhe se si qytetarët dhe taksapaguesit trajtohen si numra, jo si njerëz. Dhe kjo situatë nuk ka ndryshuar me dekada, edhe kur ishte Lali Eri “punësosur” në krye të Bashkisë edhe sot që praktikisht nuk është më.

Derisa kjo rrugë të ndërtohet seriozisht, me standarde reale dhe jo me arnime tallëse, çdo fjalë për “Tiranën moderne” është hipokrizi e pastër. Sepse një qytet nuk matet me fasada dhe sllogane, por me rrugët ku qytetarët ecin çdo ditë – dhe kjo rrugë është një plagë e hapur në një nga zonat më të rëndësishme të kryeqytetit. /albeu.com/

The post EDITORIAL/ Rruga e turpit urban Hygeia–Megatek: Taksa në asfalt, gropa në rrugë appeared first on Albeu.com.