Sipas SPAK, Duro ka marrë një përfitim të parregullt në shumën prej 330.000 lekë, për të favorizuar një Operator Ekonomik.

Këto para u dhanë nga shtetësja Laureta Sheto, me detyrë Specialiste e Nivelit të Lartë në Agjensinë e Ofrimit të Shërbimeve Publike të Integruara, e cila po ashtu është arrestuar.

Në zyrën Duros u bë e mundur edhe sekuestrimi në cilësinë e provës materiale të shumës së parave.

Njoftimi i plotë:

Prokuroria e Posaçme Kundër Korrupsionit dhe Krimit të Organizuar, mbi bazën e informacioneve të sigurura nga Hetuesit e Byrosë Kombëtare të Hetimit, ka regjistruar procedimin penal 10/1 të vitit 2023, për veprat penale “Korrupsioni pasiv i funksionarëve të lartë shtetërorë ose i të zgjedhurve vendorë” dhe “Korrupsioni aktiv i funksionarëve të lartë shtetërorë ose të zgjedhurve vendorë”, parashikuar nga nenet 260 dhe 245 të Kodit Penal.

Nga ndjekja me metoda speciale të hetimit janë grumbulluar prova të cilat kanë evidentuar se, një operator ekonomik do të jepte një përfitim të parregullt (në formën e shumave monetare) me qëllim shpalljen fitues në një procedure prokurimi të zhvilluar nga Ministria e Shëndetësisë e Mbrojtjes Sociale (në cilësinë e Autoritetit Kontraktor), Prokurimi në fjalë ishte me objekt “Lot 1 “Supervizim për rikonstruksionin e disa Qendrave Shëndetësore në qarqet Tiranë e Durrës”.

Pas kryerjes së disa veprimeve hetimore, u krijuan dyshime se shtetësia J. D., me detyrë Sekretare e Përgjithshme e Ministrisë së Shëndetësisë e Mbrojtjes Sociale ka marrë një përfitim të parregullt në shumën prej 330.000 (treqind e tridhjetë mijë) lekë, për të favorizuar një Operator Ekonomik.

Këto vlera monetare u dhanë nga shtetësja L. Sh., me detyrë Specialiste e Nivelit të Lartë në Agjensinë e Ofrimit të Shërbimeve Publike të Integruara. Hetuesit e Byrosë Kombëtare të Hetimit në bashkëpunim me Forcën e Posaçme Operacionale në Drejtorinë e Përgjithshme të Policisë së Shtetit, nën drejtimin dhe kontrollin e Prokurorisë së Posaçme, arrestuan në flagrance në datën 02.06.2023 shtetaset J. D. dhe L. Sh., për veprat penale “Korrupsioni pasiv i funksionarëve të lartë shtetërorë ose i të zgjedhurve vendorë” dhe “Korrupsioni aktiv i funksionarëve të lartë shtetërorë ose të zgjedhurve vendorë”, parashikuar nga nenet 260 dhe 245 të Kodit Penal. Gjithashtu në zyrën Sekretares së Përgjithshme u bë e mundur edhe sekuestrimi në cilësinë e provës materiale të shumës prej 330 000 (treqind e tridhjetë mijë) lekë (shumë e cila përbën përftimin e parregullt të dhënë nga shtetësja L. Sh.).

Sqarim: Gjithkush prezumohet i pafajshëm derisa nuk vërtetohet fajësia e tij me vendim të formës së prerë./albeu,com

The post Arrestimi i Sekretares së MSH, SPAK jep detaje nga hetimi: Mori 330 mijë lekë, kë do të favorizonte appeared first on Albeu.com.

Dy zyrtaret akuzohen për korrupsion dhe ryshfet, teksa mësohet se kanë qenë në përgjim dhe janë arrestuar në flagrancë duke marrë para.

Mësohet se Duro përveçse ka shërdoruar detyrën me veprën penale të korrupsionit, gjatë fushatës elektorale është gjobitur nga Komisioni Qendror i Zgjedhjeve, pasi kishte shkelur kodin zgjedhor, duke përdorur faqen zyrtare të institucionit në Facebook duke shpërndarë slogane politike të Partisë Socialiste.

The post U arrestua me urdhër të SPAK për korrupsion, sekretarja e MSH e gjobitur nga KQZ për shpërndarjen e sloganeve të PS-së appeared first on Albeu.com.

Para se rasti të bëhej publik në media, ka qenë kryeministri Rama ai që dha lajmin se është arrestuar një sekretare e përgjithshme, por pa përcaktuar se e cilës ministri.

Rama tha se ajo u kap në flagrancë duke marrë lekë dhe se kjo situatë e ka bërë të ndihet në një siklet të jashtëzakonshëm, duke shtuar se ka humbur sensi i detyrës dhe etikës së punës.

“Para pak orësh dëgjova për një situatë që realisht të vë në siklet të jashtëzakonshëm. Një sekretare e përgjithshme që kapet në flagrancë duke marrë lekë. Si mund të ndodhi kjo?! Natyrisht, që ana e pëlqyeshme e medalies është se kapet një person që është i padenjë për të qëndruar në një zyrë shteti. Uroj që të ketë sa më shumë raste tilla, por s’mund të uroj që të tillë njerëz të bëjnë gjëra të tilla, sepse është realisht dicka e rëndë dhe mungesa e sensit të patritizmit, detyrës, etikës në pikën që në një detyrë të rëndësishme të biesh në këtë lloj niveli është realisht e tmerrshme”, tha Rama.

The post Arrestimi i Sekretares së Përgjithshme të MSH, Rama: Situatë që të vë në siklet, u kap duke marrë lekë appeared first on Albeu.com.