Operacioni për kapjen e tij u kodua “Fundi i trishtë” dhe u zhvillua në bashkëpunim me policinë kosovare dhe agjencitë ligjzbatuese të vendeve partnerë strategjikë.

Policia kishte marrë informacione se në Ferizaj të Kosovës fshihej Çela i kërkuar prej vitesh nga drejtësia shqiptare dhe ajo italiane.

Menjëherë pasi është informuar ka kontaktuar me Policinë e Kosovës, e cila organizoi dhe finalizoi operacionin policor.

Gëzim Çelaj (Çela), 55 vjeç, lindur dhe banues në Krujë ishte shpallur në kërkim, pasi Gjykata e Shkallës së Parë për Korrupsionin dhe Krimin e Organizuar, Tiranë, i ka caktuar masën e sigurisë “Arrest në burg”, për veprat penale “Trafikimi i narkotikëve”, kryer në bashkëpunim, në kuadër të grupit të strukturuar kriminal dhe “Kryerja e veprave penale nga organizata kriminale dhe grupi i strukturuar kriminal”.

Gjithashtu, ishte shpallur në kërkim ndërkombëtar nga Interpol Tirana, pasi ish-Gjykata e Krimeve të Rënda e ka dënuar me 10 vjet e 8 muaj burgim, për veprat penale “Trafikimi i narkotikëve” dhe “Prodhimi dhe mbajtja pa leje e armëve dhe municione luftarake”, pasi:

-Më datë 12.06.2014, në orët e para të mëngjesit, është kapur në flagrancë shtetasi R. H., me lendë narkotike kokainë, e cila ishte nisur nga Kosova në Shqipëri, për llogari të shtetasit Gëzim Çelaj. Në banesat e këtij të fundit, në Kurbin dhe në Tiranë, janë ushtruar kontrolle dhe janë gjetur dhe sekuestruar 207 kg kanabis sativa, 22 kg heroinë, 500 gramë kokainë dhe 14 armë zjarri të llojeve të ndryshme.

55-vjeçari ishte shpallur në kërkim ndërkombëtar edhe nga Interpol Roma, Itali, pasi në vitin 2012, autoritetet gjyqësore italiane e kanë dënuar me 19 vjet, 9 muaj e 29 ditë burgim, për kryerjen e veprave penale “Organizator i migrimit ilegal” dhe “Organizatë kriminale për shfrytëzim prostitucioni”, parashikuar nga Kodi Penal i Italisë./albeu.com

The post “Fundi i trishtë”, policia reagon pas arrestimit të Gëzim Çelës në Kosovë: Si u kap “baroni” i drogës appeared first on Albeu.com.

Çela akuzohet për trafik droge dhe grup kriminal.

Më 9 tetor 2023, SPAK ndërmori një megaoperacion në disa qytet të vendit. Fpra të shumta policie blinduan Fushë Kuqen dhe rrethuan shtëpinë dhe lokalin e Gëzim Çelës.

Operacioni u shtri në Tiranë, Krujë, Durrës, Vlorë dhe Kurbin dhe mes të arrestuarve ishte shefi i komisariatit të Kurbinit, Dritan Meta.

Operacioni i 9 tetorit, ishte vijimësi e megaoperacionit të koduar “Flakë në det” ku u arrestuan 6 persona.

1-Arlind Ismailukaj, 47 vjeç, banues në Tiranë;

2-Armando Mema, 37 vjeç, banues në Tiranë;

3-Nerim Çela, 40 vjeç, banues në Fushë Kuqe, Laç;

4-Besnik Brokeri, 51 vjeç, banues në Vlorë;

5-Kyrylo Ponomarenko, 39 vjeç, banues në Ukrainë;

6-Kostiantyn Biellon, 44 vjeç, banues në Ukrainë.

Kush është Gëzim Çela? 

Gëzim Çela, banues në Kurbin, i dënuar për “shfrytëzim prostitucioni”, është një nga tre personat, që Operacioni Forca e Ligjit i ka dërguar më 5 qershor 2020 formularin e vetë-deklarimit të pasurisë.

Ai dyshohet se përdorte vilën e tij në Fushë Kuqe për trafik droge. Pikërisht aty, policia i gjeti 18 kilogramë kokainë. Në qershor të vitit 2014 policia shqiptare dhe ajo kosovare shkatërroi një grup të strukturuar kriminal, i cili trafikonte droga të forta nga Turqia drejt Europës Perëndimore, duke përdorur edhe territorin e Shqipërisë.

Në pikën kufitare të Morinit në Kukës u arrestua shtetasi, Erald Hysolli, me 7 kilogramë kokainë. Ai ishte korrier droge, që furnizohej në Prishtinë. Po në të njëjtën kohë, në kryeqytetin e Kosovës u arrestuan në flagrancë 3 persona, si u sekuestruan 50 kilogramë kokainë dhe heroinë.

Kurse, gjatë kontrollit në vilën e Çelës në Fushë Kuqe të Kurbinit u gjetën përpos 18 kilogramë kokainë, edhe 150 kilogramë kanabis sativa. Forcat policore sekuestruan po ashtu 9 armë, 3 snajpera, granata dhe makina të blinduara.

Çela u lirua nga gjykata shqiptare me argumentin se ai vuante nga një sëmundje e rëndë. Më pas ai u arrestua se kishte falsifikuar kartelën mjekësore dhe u la në “arrest shtëpie”.

Kur droga mbërrinte në Shqipëri, ajo dërgohej në vilën e Gëzim Celës në Fushë Kuqe, nga ku shpërndahej për në vendet perëndimore. Çela e kishte shndërruar vilën e familjes në laborator për përzierjen e drogës. Çela u shpall në kërkim si kreu i këtij rrjeti të trafikut të drogës.

Për të, ekziston një dënim nga gjykata italiane me 11 vjet burgim, si dhe 150 mijë euro gjobë, nën akuzën e trafikut ndërkombëtar të lëndëve narkotike. Gëzim Çela, përpara se të implikohej në trafikant droge e të ishte kryetari i një bande të trafikut të kokainës, ka qenë oficer i Forcave Speciale të Policisë. Këtë post e ka mbajtur përpara vitit 1997./Albeu.com  

The post I njohur si “baroni” i drogës, arrestohet në Kosovë Gëzim Çela appeared first on Albeu.com.