arrestohet 49 vjecari Archives - Albeu.com

Çmenduri në Tiranë! 49-vjeçari i hedh benzinë gruas dhe vetes, “arratiset” me makinë por shkakton aksident

Xh — Thu, 26 Oct 2023 10:23:03 +0000

Një ngjarje aspak e zakontë ka ndodhur në Tiranë ditën e djeshme, 25 tetor.

Policia njofton se kanë vënë në pranga shtetasin B. D., 49 vjeç, banues në Tiranë.

“Ditën e djeshme, në rrugën “Vangjel Noti”, rreth orës 07:00, duke qenë në gjendje të dehur, ka lagur në trup, me lëndë djegëse, veten dhe bashkëshorten e tij. Më pas është larguar me një automjet të cilin e ka përplasur me murin rrethues të një banese. Gjatë kontrollit fizik, shërbimet e Policisë i gjetën dhe sekuestruan, 49-vjeçarit, një mjet prerës (thikë)’\, njoftojnë blutë e kryeqytetit.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme./Albeu.com

The post Çmenduri në Tiranë! 49-vjeçari i hedh benzinë gruas dhe vetes, “arratiset” me makinë por shkakton aksident appeared first on Albeu.com.

Pjesë e një organizate kriminale, arrestohet në Tiranë 49-vjeçari i kërkuar nga autoritetet britanike (VIDEO)

E B — Sat, 18 Mar 2023 08:48:17 +0000

Policia ka arrestuar një 49-vjeçar në Tiranë, i cili ishte shpallur në kërkim ndërkombëtar, pasi Gjykata District Judge, Stevenge Magistrates Court, ka lëshuar urdhër arresti ndaj tij, për veprat penale “Organizatë kriminale me qëllim trafikun e drogës”, dhe “Mbajtja, blerja, shitja, dhe transferimi i produkteve të veprës penale”, parashikuar nga Kodi Penal Britanik.

Interpol Tirana vijon procedurat për ekstradimin e këtij shtetasi drejt Britanisë.

Njoftimi i i policisë:

Tiranë

Finalizohet nga Seksioni i Kërkimit në DVP Tiranë, operacioni policor i koduar “Catch”.

Kapet dhe vihet në pranga, me qëllim ekstradimi, 1 shtetas i shpallur në kërkim ndërkombëtar për organizatë kriminale me qëllim trafikun e drogës, dhe mbajtja, blerja, shitja, dhe transferimi i produkteve të veprës penale.

Shërbimet e Seksionit të Kërkimit, në vijim të punës për kapjen e personave të shpallur në kërkim ndërkombëtar, në bashkëpunim me Interpol Tirana, në bazë të informacioneve të siguruara në rrugë policore, kanë organizuar dhe finalizuar operacionin policor të koduar “Catch”, si rezultat i të cilit u bë kapja dhe arrestimi provizor, me qëllim ekstradimin drejt Britanisë, i shtetasit:

– M. C., 49 vjeç, banues në Tiranë.

Ky shtetas ishte shpallur në kërkim ndërkombëtar, pasi Gjykata District Judge, Stevenge Magistrates Court, ka lëshuar urdhër arresti ndaj tij, për veprat penale “Organizatë kriminale me qëllim trafikun e drogës”, dhe “Mbajtja, blerja, shitja, dhe transferimi i produkteve të veprës penale”, parashikuar nga Kodi Penal Britanik.

Interpol Tirana vijon procedurat për ekstradimin e këtij shtetasi drejt Britanisë.

The post Pjesë e një organizate kriminale, arrestohet në Tiranë 49-vjeçari i kërkuar nga autoritetet britanike (VIDEO) appeared first on Albeu.com.

Qëlloi me armë drejt një banese në Shkodër, arrestohet autori i shpallur në kërkim

E B — Thu, 16 Mar 2023 11:03:19 +0000

Policia ka arrestuar autorin e të shtënave me armë në Shkodër në janar të vitit 2022. Bëhet fjalë për 49-vjeçarin me iniciale D. A., në fshatin Dukagjinin e Ri, Krujë.

Ndaj tij Gjykata e Rrethit Gjyqësor Shkodër ka caktuar masën e sigurisë “Arrest në burg”, për veprat penale “Mbajtja pa leje dhe prodhimi i armëve, armëve shpërthyese dhe i municionit” dhe “Prishja e qetësisë publike”.

Mësohet se 49-vjeçari ka qëlluar në drejtim të banesës së shtetasit N.U., për shkak të një konflikti për motive pronësie.

Njoftimi i policisë:

Krujë/Finalizohet operacioni policor i koduar “Rakordimi”, për lokalizimin dhe kapjen e një shtetasi të shpallur në kërkim.

Qëlloi me armë zjarri, në drejtim të një banese në Shkodër, në janar të vitit 2022, për shkak të një konflikti për motive pronësie, lokalizohet, kapet dhe vihet në pranga 49-vjeçari.

Shërbimet e Komisariatit të Policisë Krujë, me mbështetjen e inteligjencës informative dhe si rezultat i shkëmbimit të informacionit me Policinë e Shkodrës, me qëllim lokalizimin dhe kapjen e një shtetasi të shpallur në kërkim për armëmbajtje pa leje, kanë organizuar dhe finalizuar operacionin policor të koduar “Rakordimi”.

Në kuadër të këtij operacioni, u kap dhe u vu në pranga shtetasi i kërkuar D. A., 49 vjeç, banues në fshatin Dukagjinin e Ri, Krujë, pasi Gjykata e Rrethit Gjyqësor Shkodër i ka caktuar masën e sigurisë “Arrest në burg”, për veprat penale “Mbajtja pa leje dhe prodhimi i armëve, armëve shpërthyese dhe i municionit” dhe “Prishja e qetësisë publike”.

Shtetasi D. A., më datë 26.01.2022, në fshatin Kasnec, Shkodër, për shkak të një konflikti për motive pronësie, ka qëlluar me armë zjarri, në drejtim të banesës së shtetasit N. U.

49-vjeçari iu dorëzua Drejtorisë Vendore të Policisë Shkodër, për kryerjen e veprimeve të mëtejshme procedurale.

The post Qëlloi me armë drejt një banese në Shkodër, arrestohet autori i shpallur në kërkim appeared first on Albeu.com.

Dhunoi bashkëjetuesen dhe djalin e saj të mitur, arrestohet 49-vjeçari në Gjirokastër

E S — Thu, 30 Jun 2022 07:36:17 +0000

Policia e Gjirokastrës ka vënë në pranga një 49-vjeçar, pasi ka ushtruar dhunë fizike ndaj bashkëjetueses së tij dhe djalit të saj të mitur.

“Specialistët e Seksionit për Hetimin e Krimeve në Komisariatin e Policisë Gjirokastër arrestuan në flagrancë shtetasin K. R., 49 vjeç, banues në Gjirokastër, pasi në banesën e tij, në lagjen “Punëtori”, Gjirokastër, ka ushtruar dhunë fizike ndaj bashkëjetueses së tij dhe ndaj djalit të saj të mitur”, thuhet në njoftimin e policisë.

Sakaq, materialet në ngarkim të shtetasit K. R. i kaluan Prokurorisë pranë Gjykatës së Shkallës së Parë Gjirokastër, për veprën penale “Dhuna në familje”.

The post Dhunoi bashkëjetuesen dhe djalin e saj të mitur, arrestohet 49-vjeçari në Gjirokastër appeared first on Albeu.com.