Një 42 vjeçar është arrestuar në Rinas pasi ka tentuar të kalojë kufirin me mjet identifikimi të falsikuar.

Pasi është identifikuar, shtetasi Fatos Zaharia tentoi të korruptonte punonjësin e policisë kufitare me 110 euro.

Në cilësinë e provës materiale u sekuestruan dokumenti i falsifikuar dhe 2 kartëmonedha të prerjes 50 euro.

Njoftimi i policisë:

Rinas

Arrestohet në flagrancë një shtetas që tentoi të korruptonte punonjësit e Policisë Kufitare, që të kalonte kufirin, me mjet identifikimi të falsifikuar.

Shërbimet e Policisë Kufitare Rinas, në vijim të kontrolleve të detajuara të dokumentacioneve që paraqesin shtetasit që hyjnë dhe dalin në këtë pikë të kalimit kufitar, kanë evidentuar dhe goditur një rast të tentativës për korrupsion, me qëllim kalimin e kufirit në mënyrë të paligjshme, me dokumente false.

Në përfundim të veprimeve u arrestua në flagrancë, për veprat penale “Falsifikimi i letërnjoftimeve, i pasaportave ose i vizave” dhe “Korrupsioni aktiv i personave që ushtrojnë funksione publike”, shtetasi:

– F. Z., 42 vjeç, banues në Tiranë.

Ky shtetas i ka paraqitur fillimisht punonjësve të Policisë, një dokument identifikimi të falsifikuar, dhe më pas iu ka ofruar atyre 100 euro, që ta lejonin të kalonte kufirin, në mënyrë të paligjshme. Gjatë kontrollit të detajuar rezultoi se dokumenti që kishte paraqitur ky shtetas ishte me gjeneralitetet e një shtetasi tjetër.

Në cilësinë e provës materiale u sekuestruan dokumenti i falsifikuar dhe 2 kartëmonedha të prerjes 50 euro.

Materialet i kaluan Prokurorisë pranë Gjykatës së Rrethit Gjyqësor Tiranë, për veprime të mëtejshme/.albeu.com

The post EMRI/ Kërkoi të kalonte kufirin me dokumenta të falsifikuara duke korruptuar me 100 euro policin, arrestohet 42 vjeçari në Rinas appeared first on Albeu.com.

Agjentët e Policisë së Brindisit, në kuadër të veprimeve të kontrollit të territorit, arrestuan 42-vjeçarin me qëllim ekstradimin në vendin tonë,

Ai është dënuar me 1 muaj e 8 vjet burgim të dhënë nga Gjykata e Apelit Vlorë për veprën penale të “shpërdorim detyre” i parashikuar nga kodi penal shqiptar në nenin 248.

Personi i shoqëruar në Komisariatin e Policisë, pas formaliteteve të zakonshme të kryera së bashku me Shërbimin e Bashkëpunimit Ndërkombëtar të Departamentit të Sigurisë Publike, është shoqëruar me burgun lokal në Brindisit./albeu.com

The post I dënuar me 1.8 vite burg në Shqipëri për shpërdorim detyre, arrestohet 42-vjeçari shqiptar në Itali appeared first on Albeu.com.

Policia bën me dije se Klodjan Hajderlli, 42 vjeç, banues në lagjen “Emin Matraxhiu”, Elbasan, është arrestuar me qëllim ekstradimi në drejtim të vendi fqinj.

Ky shtetas ishte shpallur në kërkim ndërkombëtar, pasi Gjykata e Apelit Romë, Itali, më datë 13.10.2017, e ka dënuar me 8 vjet burgim për veprën penale “Trafikimi i lëndëve narkotike”, parashikuar nga Kodi Penal i Italisë, nga të cilat i kanë mbetur për të vuajtur edhe 5 vjet burgim.

“Vijon puna për kapjen dhe ndalimin e shtetasve në kërkim kombëtar dhe ndërkombëtar.

Falë bashkëpunimit me Interpol Tirana kapet dhe vihet në pranga me qëllim ekstradimi drejt Italisë, një shtetas i shpallur në kërkim ndërkombëtar për trafikim të narkotikëve.

Në vijim të punës për kapjen e personave në kërkim, nga shërbimet e Seksionit për Hetimin e Narkotikëve në Drejtorinë Vendore të Policisë Elbasan, në bashkëpunim me shërbimet e Komisariatit të Policisë Elbasan dhe Interpol Tirana, u bë kapja dhe arrestimi me qëllim ekstradimi, i shtetasit:

Klodjan Hajderlli, 42 vjeç, banues në lagjen “Emin Matraxhiu”, Elbasan.

Ky shtetas ishte shpallur në kërkim ndërkombëtar, pasi Gjykata e Apelit Romë, Itali, më datë 13.10.2017, e ka dënuar me 8 vjet burgim për veprën penale “Trafikimi i lëndëve narkotike”, parashikuar nga Kodi Penal i Italisë, nga të cilat i kanë mbetur për të vuajtur edhe 5 vjet burgim.

Interpol Tirana, në bashkëpunim me autoritetet ligjzbatuese italiane, vijon procedurat për ekstradimin e këtij shtetasi drejt Italisë”, thuhet në njoftimin e policisë.

The post I shpallur në kërkim ndërkombëtar, arrestohet 42-vjeçari në Elbasan appeared first on Albeu.com.