Një operacion policor kundër fajdesë përfundoi të martën në Prizren me arrestimin e tre personave.

Kryeprokurori i Prokurorisë Themelore në Prizren, Petrit Kryeziu, e konfirmoi rastin për Klankosova.tv.

Policia e Kosovës bëri të ditur sot se aksioni u zhvillua nga Sektori Rajonal i Hetimeve në Prizren, në koordinim me Drejtorinë për Hetimin e Krimit të Organizuar dhe Krimeve të Rënda, si dhe me Prokurorinë Themelore në Prizren.

Në pamjet e publikuara sot nga policia shfaqet operacioni gjatë të cilit u arrestuan të dyshuarit B. S., F. S. dhe A. D. Të tre dyshohet se janë përfshirë në veprën penale “fajde”.

Për B. S., përveç dyshimeve për fajde, policia po ashtu ka ngritur dyshime për “shkaktim të rrezikut të përgjithshëm” dhe “aksident trafiku me lëndime”.

Sipas njoftimit policor, teksa përpiqej t’i shmangej arrestimit, B. S. goditi me veturë një zyrtar policor dhe një qytetare, duke u shkaktuar lëndime.

Hetimet tregojnë se të dyshuarit ushtronin vazhdimisht presion mbi viktimën për të përfituar interes nga veprimtaria e fajdesë. Në këtë mënyrë, viktima ishte detyruar të ndërmerrte veprime në dëm të pasurisë së tij, ndërsa veprimet e kundërligjshme të të dyshuarve i kishin shkaktuar dëme të konsiderueshme materiale.

Në kuadër të aksionit u kontrolluan vendbanimet e të dyshuarve në 3 lokacione të ndryshme brenda komunës së Prizrenit. Aty u sekuestruan prova të ndryshme materiale, të cilat do të shfrytëzohen gjatë procedurës penale.

Pas intervistimit, me vendim të prokurorit të Prokurorisë Themelore në Prizren, ndaj tre të dyshuarve u caktua masa e ndalimit prej 48 orësh, njoftoi policia.

The post Publikohen pamjet nga aksioni i djeshëm kundër fajdesë në Prizren, arrestohen tre persona appeared first on Albeu.com.

Ai u lokalizua në një banesë tjetër pranë shtëpisë së tij në Zallë, ku sipas informacioneve të fundit ishte fshehur prej kohësh. Në momentin e arrestimit, Zalla ka qenë i armatosur me një kallashnikov dhe fishekë.

Një ditë para arrestimit, tritol në banesë

Sipas informacioneve të bëra të ditura dje (16 gusht), në banesën e Ylli Zallës në Zallë të Fushë-Krujës u vendos tritol.

Ngjarja ndodhi ndërsa Zalla ishte ende në kërkim nga Policia dhe një ditë përpara arrestimit të tij nga RENEA. Rrethanat, autorët dhe motivi i vendosjes së lëndës plasëse mbeten për t’u sqaruar nga hetimi.

Arrestimi pas muajsh në arrati

Zalla ishte shpallur në kërkim që prej nëntorit 2025 dhe për muaj të tërë kishte arritur t’u shpëtonte forcave të policisë.

Në qershor 2026, Policia e Tiranës, Komisariati i Krujës dhe RENEA zhvilluan një operacion në fshatin Zallë për kapjen e tij.

Por Zalla, pasi konstatoi praninë e policisë, arriti të largohej dhe të futej në një zonë të pyllëzuar, duke përfituar nga errësira.

Në banesën e tij u gjet një pistoletë me fishekë në fole, municion luftarak, një celular dhe një detektor frekuencash.

Në atë operacion u arrestua edhe një 55-vjeçar, i dyshuar se kishte njoftuar dhe ndihmuar Zallën të largohej.

Kësaj here, pas lokalizimit të tij në një banesë tjetër pranë shtëpisë, operacioni i RENEA-s ka përfunduar me arrestimin e të shumëkërkuarit.

Në kërkim pas atentatit në Rinas

Emri i Zallës u rikthye në vëmendje në nëntor 2025, pas atentatit në Rinas ku u vra Gilmando Dani dhe Muçi Shaljani.

Gjatë kontrolleve të kryera në zonën e Fushë-Krujës, në ambiente të lidhura me Zallën u zbulua një arsenal armësh dhe lëndësh plasëse. Për këtë arsye ai u shpall në kërkim.

Në fazat e para të hetimit u ngritën dyshime se Zalla mund të kishte ndihmuar autorët e atentatit, madje dyshohet se nga ambientet e banesës së tij mund të kishte dalë edhe automjeti i përdorur nga autorët.

Arsenali i parë armë, tritol dhe drogë

Në kontrollin e parë, në nëntor 2025, në ambientet e lidhura me Zallën u raportua sekuestrimi i:

3 kallëpeve tritoli;

12 granatave dore;

lëndëve plasëse të montuara me kapsolla detonatore;

ndezësve dhe kapsollave detonatore;

2 automatikëve dhe 2 pushkëve;

rreth 6 mijë fishekëve;

pjesëve të armëve dhe krehërave;

rreth 2 kilogramë kanabis.

Fillimisht, ky arsenal u lidh në hetime me pistën e atentatit në Rinas, por ekspertiza më pas përjashtoi përdorimin e këtyre armëve në atë ngjarje.

Shkurt 2026 zbulohet një tjetër bazë armësh

Në shkurt 2026, Policia zbuloi një tjetër arsenal të madh në zonën e Zallës, pranë banesës së 49-vjeçarit.

Sipas të dhënave të bëra publike nga policia, u sekuestruan 24 kallëpe tritoli, 11 granata dore, lëndë plasëse të montuara, 74 kapsolla detonatore, 19 mbështjellje sferike C4, 11 kallëpe dinamiti, 27 djegore, armë zjarri, dy silenciatorë, rreth 9 mijë fishekë, rreth 6 kilogramë lëndë të dyshuar narkotike Cannabis Sativa dhe uniforma policie.

Pas këtij zbulimi, Zalla u shpall sërish në kërkim dhe policia e konsideroi një person me rrezikshmëri të lartë.

The post Një ditë më parë iu vendos tritol në banesë, nga zbulimet e arsenaleve të armëve te lidhja me atentatin në Rinas! Profili i errët i Ylli Zallës appeared first on Albeu.com.

Sterjo u arrestua në mesnatë nga Policia e Korçës, pranë Mitropolisë, teksa po kthehej në banesë për të marrë para dhe për të vijuar arratinë.

Mësohet se 20-vjeçari kishte qëndruar i fshehur për rreth gjashtë orë pranë varrezave të qytetit, në zonën e njohur si “Fusha e Druve”.

Pas lokalizimit, policia ndërhyri dhe bëri të mundur arrestimin e tij, duke i dhënë fund arratisë disa orëshe pas ngjarjes së rëndë.

Dëshmia e autorit

Autori Kristjan Sterjo, i cili u kap pas rreth 6 orësh arrati, ka dhënë dëshminë e tij përpara grupit hetimor lidhur me motivin e ngjarjes së rëndë. Sipas dëshmisë së tij, konflikti mes dy të rinjve lidhej me disa episode të mëparshme, ndërsa një nga shkaqet që dyshohet se ka çuar në përshkallëzimin e situatës ka qenë ngacmimi i të dashurës së autorit të dyshuar.

Hetimet

Hetuesit po marrin në konsideratë edhe përplasjet e mëparshme mes dy të rinjve, të cilët dyshohet se kishin pasur debate për shkak të pretendimeve se kush ishte “më i forti” i lagjes.

Sipas të dhënave të deritanishme nga hetimi, autori i dyshuar dhe viktima ishin konfliktuar verbalisht disa ditë përpara ngjarjes. Dyshohet se të dy palët kishin pasur përplasje dhe ngacmime ndaj njëri-tjetrit, duke bërë që marrëdhënia mes tyre të përshkallëzohej.

Situata më pas do të merrte një tjetër përmasë. Sipas dëshmisë së autorit, ditën e ngjarjes ai ka marrë armën dhe ka shkuar në ndjekje të 20-vjeçarit, ndërsa e ka qëlluar me një plumb pas shpine, që rezultoi fatal për jetën e Johan Zukos.

Konflikti, i cili dyshohet se kishte nisur për motive të dobëta, duke filluar nga pretendimet se kush konsiderohej “i forti” i lagjes, më pas është shoqëruar me ngacmime, sharje dhe përplasje të vazhdueshme mes dy të rinjve.

Përplasja përfundoi tragjikisht me vrasjen e 20-vjeçarit Johan Zuko, ndërsa Kristjan Sterjo u largua nga vendi i ngjarjes dhe u arrestua rreth 6 orë më vonë nga forcat e policisë në afërsi të banesës së tij. Sterjo fshihej në një zonë në afërsi të varrezave të qytetit, por është larguar prej aty për tu afruar drejt banesës. Ka qenë ky moment që policia e ka pikasur dhe është ndërhyrë menjëherë për kapjen e tij.

Grupi hetimor vijon punën për të zbardhur të plotë dinamikën e ngjarjes, ndërsa dëshmia e autorit të dyshuar dhe provat e mbledhura pritet të ndihmojnë në përaktimin e rrethanave dhe motivit të saktë që çoi në krimin e rëndë.

Në video gjatë momentit të arrestimit, policia dëgjohet t’i thotë “shtrihu në tokë”:

The post VIDEO/ Publikohet momenti i arrestimit të 20-vjeçarit Kristjan Sterjo, akuzohet për vrasjen e Joan Zukos appeared first on Albeu.com.

Prokuroria Themelore në Prizren i është drejtuar Gjykatës Themelore në Prizren me kërkesë për caktimin e paraburgimit ndaj Egzon Reshanit. Ai dyshohet se ka kryer disa vepra penale, ndërsa Prokuroria vlerëson se janë përmbushur kushtet ligjore për vendosjen e kësaj mase.

Sipas organit të akuzës, Reshani ka qenë i kërkuar në bazë të dy urdhërarresteve aktive. Gjithashtu, ndaj tij ishin lëshuar letër-rreshtim vendor dhe ndërkombëtar nga gjykata kompetente, me kërkesë të Prokurorisë, transmeton Klankosova.tv.

Kërkesa për paraburgim lidhet me procedurën penale që po zhvillohet ndaj tij për veprat “Detyrimi”, “Privimi i kundërligjshëm i lirisë” dhe “Frikësimi gjatë procedurës penale në vazhdimësi”.

Përveç këtij rasti, ndaj të pandehurit po zhvillohen edhe procedura të tjera penale në Prokurorinë Themelore në Prizren, në Departamentin për Krime të Rënda dhe në Departamentin e Përgjithshëm. Procedura ka gjithashtu edhe në Prokurorinë Speciale të Republikës së Kosovës.

Rastet e tjera lidhen me dyshimet për veprat penale “Vrasja e rëndë e mbetur në tentativë”, “Mbajtja në pronësi, kontroll ose posedim të paautorizuar të armëve”, si dhe “Kanosja” ndaj zyrtarëve shtetëror.

Prokuroria ka deklaruar se, në këtë fazë të procedurës penale, ekzistojnë bazat ligjore për caktimin e paraburgimit. Në njoftim thuhet se i pandehuri ka qëndruar për një periudhë të gjatë i paarritshëm për organet e drejtësisë, ka qenë në kërkim përmes urdhërarresteve dhe letër-rreshtimeve vendor e ndërkombëtar, ndërsa ekziston rreziku që të arratiset ose të pengojë zhvillimin e procedurës penale.

The post Prokuroria kërkon paraburgimin e Egzon Reshanit, ndaj tij disa procedura penale appeared first on Albeu.com.

Sipas burimeve pranë Prokurorisë së Posaçme, SPAK i ka kërkuar ministrisë së Drejtësisë dërgimin e kërkesës zyrtare për ekstradim te autoritetet ligjzbatuese franceze.

Bashkë me kërkesën është dërguar edhe vendimi i Gjykatës së Posaçme, e cila ka caktuar ndaj Beqirit masën e sigurisë “arrest në burg”. Biznesmeni dyshohet për kryerjen e 7 veprave penale.

Ermal Beqiri u arrestua në Francë, pasi u kap duke fluturuar me avion privat mbi një central bërthamor në Normandi, në një lartësi nën kufirin e lejuar.

Pas arrestimit, SPAK bëri publike detaje nga operacioni ndërkombëtar që çoi në lokalizimin dhe ndalimin e tij.

Sipas SPAK, më 19 qershor 2026 u kërkua bashkëpunimi i autoriteteve franceze, pasi dyshohej se Beqiri ndodhej në territorin e Francës.

Hetimet e Prokurorisë së Posaçme kanë evidentuar pasuri me vlerë miliona euro, mes të cilave llogari bankare me mbi 2 milionë euro, dy apartamente, si dhe blerjen e një kështjelle në departamentin Oise të Francës me vlerë rreth 2.6 milionë euro. Për këto pasuri, SPAK ka kërkuar sekuestrimin nga autoritetet franceze.

Çështja ndaj Beqirit lidhet edhe me hetimet për aktivitetin e kompanisë “Soft & Solution”, institucion financiar i parasë elektronike, të cilit Banka e Shqipërisë i shfuqizoi licencën në prill të këtij viti. Vendimi erdhi pasi SPAK kishte lëshuar urdhër arresti ndaj aksionarit të shoqërisë, nën dyshimin për pjesëmarrje në grup të strukturuar kriminal.

Beqiri dyshohet gjithashtu se ka përfituar një tender me vlerë mbi 1.1 milionë euro, pasi krahu i tij i djathtë, Ergys Agasi, dyshohet se ka ushtruar kërcënime ndaj një kompanie pjesëmarrëse në garë.

Në kuadër të hetimeve për AKSHI-n, SPAK ka evidentuar edhe një jaht luksoz në pronësi të dyshuar të biznesmenit, një Predator 50 Skyfall, me vlerë tregu rreth 1 milion euro.

Jahti rezultonte i regjistruar në emër të Xhenila Tamizit, punonjëse e kompanisë “Soft & Solution”, por prokurorët dyshojnë se ai është blerë nga vetë Beqiri.

The post U arrestua teksa po fluturonte me avion privat në Francë, Ministria e Drejtësisë dërgon dokumentacionin për ekstradimin e biznesmenit Ermal Beqiri appeared first on Albeu.com.

Berisha ngriti dyshime se pasuritë luksoze, të cilat sipas tij janë krijuar me paratë e rrogave dhe pensioneve të shqiptarëve, mund të lidhen me njerëz pranë pushtetit.

Ai deklaroi se kryeministri Edi Rama, nuk do të pranonte persona të tjerë me kështjella në rrethin e tij.

Sipas Berishës, hetimi duhet të përcaktojë nëse kështjella është në pronësi të Ermal Beqirajt apo të Edi dhe Olsi Ramës. “Ai kishte kështjellë, jahte e avionë. Rrogat dhe pensionet e shqiptarëve janë vjedhur dhe shndërruar në pasuri përrallore nga Ermal Beqiri.

Megjithatë, hetimet do të tregojnë se kështjella mund të jetë e Edi Ramës, sepse ai nuk do të toleronte në rrethin e tij kështjellarë të tjerë përveç vetes”, u shpreh ai.

The post Pasuritë e shqiptarëve u kthyen në jahte e avionë/ Berisha kërkon të zbardhet nëse kështjella në Francë i përket Ermal Beqirajt apo Edi dhe Olsi Ramës appeared first on Albeu.com.

Ministria e Punëve të Brendshme e Serbisë bëri të ditur më 2 gusht se në pikëkalimin kufitar Horgosh, në kufi me Hungarinë, është arrestuar një person me inicialet M.M., i lindur në vitin 1981. Ai dyshohet për veprën penale “krim lufte kundër popullsisë civile”.

Në njoftimin e saj, MPB-ja serbe nuk publikoi as identitetin e plotë dhe as shtetësinë e personit të arrestuar.

Autoritetet serbe pretendojnë se më 26 korrik 1999, në fshatin Kllobukar të Kosovës, i dyshuari kishte “kryer krim lufte ndaj dy personave me inicialet T.S. dhe S.S”.

Arrestimi, sipas autoriteteve të Serbisë, u realizua nga pjesëtarët e Shërbimit për Zbulimin e Krimeve të Luftës, në bashkëpunim me Policinë Kufitare dhe Shërbimin për Luftimin e Terrorizmit.

Ndaj të dyshuarit është vendosur masa e ndalimit deri në 48 orë. Pas përfundimit të kësaj mase, ai pritet të dërgohet, bashkë me kallëzimin penal, në Prokurorinë Publike për Krime Lufte në Serbi.

Ndërkohë, avokati kosovar Arianit Koci njoftoi përmes Facebook-ut se autoritetet serbe kanë ndaluar Mentor Mustafën, shtetas të Kosovës, 44 vjeç, nga fshati Jasenovik i Komunës së Novobërdës.

Koci deklaroi se Mustafa u ndalua rreth orës 22:30 në pikëkalimin kufitar mes Hungarisë dhe Serbisë. Në atë kohë, ai po udhëtonte me autobus nga Shtutgarti për në Kosovë, së bashku me vëllain e tij, Fejzullah Mustafën.

Sipas avokatit, vëllai i Mustafës, i cili ndodhej aty gjatë ndalimit, ka treguar se autoritetet serbe e kishin arsyetuar veprimin me një letërnjoftim të dëmtuar.

Koci shtoi se tashmë ka filluar angazhimin për të zbardhur rrethanat e ndalimit dhe për t’i siguruar Mustafës ndihmë juridike.

Deri më tani, institucionet e Kosovës nuk kanë publikuar asnjë informacion lidhur me rastin.

Radio Evropa e Lirë iu drejtua Qeverisë së Kosovës dhe avokatit Arianit Koci për hollësi të tjera, si dhe për të verifikuar nëse bëhet fjalë për të njëjtin rast. Megjithatë, deri në publikimin e artikullit, nuk kishte marrë përgjigje. /REL

The post Arrestimi në kufirin serbo-hungarez, si e shpjegon rastin MPB-ja e Serbisë? appeared first on Albeu.com.

Mes tyre është një kështjellë në departamentin Oise, e blerë për 2.6 mln euro.

Pamjet e publikuara paraqesin si mjediset e brendshme të kështjellës, ashtu edhe pjesën e jashtme të saj.

Prona ndodhet në komunën Berneuil-en-Bray, në departamentin Oise, afërsisht një orë larg Parisit. Kompleksi rrethohet nga një park dhe një gardh mbrojtës, ndërsa fasadat dhe çatitë kanë statusin e monumentit historik nën mbrojtjen e shtetit francez.

Nga hetimet janë evidentuar gjithashtu mbi 2 mln euro në llogari bankare, 2 apartamente dhe disa mjete motorike. Autoritetet franceze konfirmuan informacionin dhe identifikuan në Francë disa asete me origjinë kriminale, përfshirë llogaritë bankare me një vlerë të përgjithshme prej më shumë se dy milionë eurosh, dy apartamentet dhe kështjellën e blerë në Oise (60) për rreth 2.6 milion euro.

SPAK njoftoi se autoriteteve gjyqësore franceze u është përcjellë një kërkesë për ndihmë juridike, me synim sekuestrimin e këtyre pasurive dhe të çdo aseti tjetër që mund të zbulohet gjatë vijimit të hetimeve.

Ermal Beqiri u arrestua më 24 korrik 2026 nga autoritetet franceze, pasi me një avion të lehtë hyri në hapësirën ajrore të kufizuar mbi centralin bërthamor të Penly-t, në Seine-Maritime. Ai u detyrua të ulej në aerodromin e Albert-it, në Somme.

Sipas sqarimit të mëhershëm të SPAK, gjykata franceze vendosi që Beqiri të qëndrojë në paraburgim për procedurat që lidhen me ekstradimin e tij drejt Shqipërisë.

Gjithashtu, Ermal Beqirit, i janë zbuluar mbi 2 mln euro në llogari bankare, 2 apartamente si dhe disa mjete motorike. Ai u arrestua na Francë ndërsa fluturonte me një avion mbi një central bërthamor.

Ndërsa SPAK në reagimin e tij zyrtar theksoi se këto pasuri të zbuluara do të sekuestrohen.

Kështjella ndodhet në komunën Berneuil-en-Bray, në departamentin Oise, rreth një orë larg Parisit. Kompleksi është i rrethuar nga park dhe gardh mbrojtës, ndërsa fasadat dhe çatitë gëzojnë statusin e monumentit historik të mbrojtur nga shteti francez.

“2 mln euro në llogari bankare, bleu kështjellë 2.6 mln euro, 2 apartamente

“Hetimet e mëtejshme nga autoritetet franceze e konfirmuan këtë informacion dhe identifikuan disa asete me origjinë kriminale të ndodhura në Francë, veçanërisht llogari bankar me një vlerë totale prej mbi dy milionë eurosh, dy apartamente, u evidentua blerja e një kështjelle në departamentin e Oise (60) rreth 2.6 milion euro, mjete motorike etj.

Për këto asete si dhe për të tjera të cilat do të rezultojnë nga hetimet e mëtejshme, i është dërguar kërkesë për ndihmë juridike autoriteteve gjyqësore franceze me qëllim sekuestrimin e tyre.

Më datë 24 korrik 2026, biznesmeni Ermal Beqiri u arrestua nga autoritetet franceze pasi hyri me një avion të lehtë në hapësirën ajrore të kufizuar të centralit bërthamor të Penly-t (Seine-Maritime) dhe u detyrua të ulej në aerodromin e Albert-it (Somme). Gjykata franceze urdhëroi vazhdimin e paraburgimit të tij, për qëllim ekstradimi drejt Shqipërisë”, sqaroi SPAK në njoftim zyrtar të bërë më herët.

The post FOTOLAJM/ Brenda kështjellës 2.6 mln euro të Ermal Beqirit në Francë, SPAK kërkon sekuestrimin e apartamenteve, avionit dhe mjeteve motorike appeared first on Albeu.com.

Berisha kërkoi transparencë mbi procedurën, duke ngritur pikëpyetje nëse urdhër-arresti u ishte përcjellë realisht vendeve të Bashkimit Europian. Ai shprehu gjithashtu dyshime për rolin e policisë.

“Ai ka bërë veprime me avionët e tij në Austri dhe Slloveni. Nëse do të ishte me mandat arrest ndërkombëtar, ai nuk bënte dot asnjë veprim. Atë mandat arrest ose nuk e lëshuan me urdhër të Ramës, ose e lëshuan dhe e bllokoi policia e Edi Ramës. Unë mendoj se transparenca është e domosdoshme. Mund të ketë dokumente, por autoritetet franceze e arrestuan krejtësisht rastësisht, pasi fluturonte në një lartësi që nuk mund ta bënte. Ermal Beqri kush ishte? Ishte Edi dhe Linda Rama. Ishte familja Rama. Ai ishte një njeri që grabiste mln në emër të tyre”, u shpreh Berisha.

The post Arrestimi i Ermal Beqirit në Francë/ Berisha ngre dyshime për mandatin ndërkombëtar: A e bllokoi policia? appeared first on Albeu.com.

Arrestimi në Serbi i një serbi nga Istogu ka nxitur reagimin e ekspertit të sigurisë, Gurakuç Kuçi. Autoritetet serbe pretendojnë se personi në fjalë ka kryer “spiunazh” duke dhënë informacione për një varrezë masive.

Ndalimi ndodhi vetëm disa ditë pasi nisën gërmimet në Kalludër të Vogël të Zubin Potokut. Në atë zonë dyshohet se ndodhet një varrezë masive e lidhur me luftën e fundit në Kosovë, ndërsa gjatë kërkimeve janë zbuluar mbetje mortore njerëzore dhe veshmbathje.

Në një reagim të publikuar në Facebook, Kuçi deklaroi se ky rast pasqyron mënyrën se si Beogradi i qaset zbardhjes së krimeve të luftës.

Sipas tij, sapo kanë filluar kërkimet për viktimat, autoritetet në Beograd e kanë paraqitur si veprim spiunazhi përpjekjen për të nxjerrë në dritë të vërtetën.

Kuçi vlerësoi se kjo sjellje tregon frikën e Serbisë nga zbulimi i fakteve për varrezat masive, si edhe nga vendosja e drejtësisë për personat e zhdukur.

Autoritetet serbe, ndërkaq, njoftuan se R.T. është vënë në pranga nën dyshimin për kryerjen e veprës penale të spiunazhit, me pretendimin se ai ka bashkëpunuar me shërbimet e inteligjencës së Kosovës.

The post Arrestohet dëshmitari në Serbi, Kuçi: Beogradi e cilëson spiunazh nxjerrjen e së vërtetës dhe i frikësohet zbulimit të varrezave masive appeared first on Albeu.com.