Dako akuzohet për shpërdorim detyre, në lidhje me një pallat të ndërtuar në qendër të qytetit të Durrësit, godinë e cila pësoi dëme të mëdha nga tërmeti i 2019-ës.

Urdhër-arresti ishte lëshuar ditën e premte, ndërkohë që u ekzekutua 4 ditë më vonë.

Dyshohet se ka pasur një rrjedhje të informacioneve dhe ish-kryebashkiaku është mbajtur nën vëzhgim.

Nga informacionet, gjatë këtyre ditëve nuk është larguar nga Durrësi dhe ka qëndruar pranë shtabeve elektorale. Që në momentin që Prokuroria bëri kërkesë për arrestim të tij, ishte nën vëzhgim nga policia.

Por kush është Vangjush Dako?

Vangjush Dako,inxhinieri i ndërtimit i shpallur non gratat nga SHBA-të me arsyetimin e përfshirjes së tij në raste të mëdha korrupsioni është bërë pjesë e administratës në Durrës që prej viti 2001, periudhë kur drejtonte shërbimin e policisë ndërtimore në këtë qark.

Në vitin 2004-2005, Dako mori drejtimin e hipotekës në këtë qark, duke e mbajtur si pozicion deri në kohën kur dha dorëheqjen për të kandiduar në zgjedhjet vendore të 2007-ës për kryetar bashkië në Durrës, si emër i propozuar nga Partia Socialiste.

Vitet e para të Vangjush Dakos në krye të bashkisë së Durrësit ishin të qeta.

Me afrimin e zgjedhjeve vendore të 2011-ës, Dako nisi të akuzohej gjithnjë e më shumë nga Partia Demokratike për korrupsion dhe shpërdorim me lejet e ndërtimit dhe betonizimin e qytetit.

Sakaq zgjedhjet e 25 qershorit të vitit 2017 ishin kulmi i shkëlqimit elektoral të Vangjush Dakos, megjithëse pak muaj më parë bashkia e drejtuar prej tij kishte dalë garante për lirimin e parakohshëm nga burgu të Lulzim Berishës, kreu famëkeq i bandës së Durrësit.

Më pas Dako u mënjanua nga jeta politikë, por akuzat e opozitës ndaj tij, sidomos pas publikimit të përgjimeve të Prokurorisë nga gazeta Bild u perforcuan. Përgjimet e dosjes janë bërë nga janari 2017 deri në shkurt 2018. Në përgjime doli se kryebashkiaku i Durrësit Vangjush Dako kishte marrëdhënie të afërta me Avdulajt, e madje edhe drekonin bashkë./albeu.com/

The post Arrestimi i Vangjush Dakos, dyshime për rrjedhje të informacioneve, ish-kryebashkiaku u mbajt në vëzhgim nga policia appeared first on Albeu.com.

Ai theksoi se ish-kryebashkiaku ka lidhje direkte me kryeministrin dhe influenca e tij nuk është vetëm politike.

Artan Hoxha: Të premten në mbrëmje më kanë thënë që është firmosur nga SPAK urdhër-arresti për Vangjush Dakon. Sigurisht është një ngjarje vërtet e madhe, për mua është personazhi më i rëndësishëm deri tani.

Blendi Fevziu: Më i rëndësishëm, i ndaluar deri tani?

Artan Hoxha: Personazhi me ndikim politik, ekonomik, ku të duash…Unë ka qëlluar rasti që kam qenë në disa ambiente që…

Klodiana Lala: Pas ish-ministrit të Brendshëm ë?

Artan Hoxha: Më i rëndësishëm! Unë po të them, Vangjush Dako mund të ulte në tavolinë nja 7 ministra aty. Vangjush Dako është njeriu më i rëndësishëm nga të gjithë ata. Dhe kur është dhënë në korrik të 2019-ës vendimi nga DASH, që atë ditë kam thënë që ky mesazh nuk është për Vangjush Dakon, por për dikë më lart. Për atë që nxore ti dhe që tha “nuk vendosin ata se kë kam mik unë.” Vangjush Dako është lidhje direkte e Edi Ramës. Hapni arkivat, shihni kur u arrestua Saimir Tahiri, kush është personi që e pret te porta dhe e përcjell? Vangjush Dako!

The post “Ulte në tavolinë 7 ministra”, Artan Hoxha: Vangjush Dako, personazhi më i rëndësishëm politik, edhe më shumë se Tahiri appeared first on Albeu.com.

“Ka sjellë dëm ekonomik. Nuk e shikoj në burg, sepse nuk plotëson kriteret për të qenë, në rastet e tjera, nuk i intimidon dëshmitarët. Është gjykuar përkohësisht. Ende s’ka vepër tjetër penale.” tha eksperti Ervin Karamuço mbrëmjen e djeshme në Top Story.

Gazetarja Anduena Llabani tha se shumë shpejt, Dako do të lërë qelinë.

“Me këto akuza, nuk duhet të kishte masë arresti, e shoh të tepër, edhe për shkak të kushteve me të cilat Dako është sjellë karshi hetimit. Këto janë elementë kyç që çojnë në masën që vendos gjykata. E shoh proces të lehtë për Dakon. Pavarësisht se janë 200 banorë që pretendojnë që nga papërgjegjshmëria e zyrtarëve kanë humbur pronën apo shtëpinë e tyre, e shoh shumë të lehtë “shpërdorim detyre”. Pavarësish peshës që ka ky personazh, e shikoj si “peshkun e madh” por a do të jetë procesi i vërtetë gjyqësor, këtë kam pikëpyetjet e mia. Fakti që përfundon në “shpërdorim detyre”, shikoj që pozitat e tij në raport me masën e sigurimit, shumë shpejt Dako do të lej qelitë.”-tha gazetarja Anduena Llabani.

The post “Shumë shpejt do lërë qelinë”, Karamuço: Dako nuk i plotëson kriteret për burg appeared first on Albeu.com.

Duke vënë një paralele mes çështjes Tahiri dhe arrestimit të Dakos, gazetari u shpreh se Dako mund të hetohej edhe në gjendje të lirë apo në deteyrim paraqitje duke i marrë pasaportën.

“Është bërë një luftë e madhe për të shmangur pikërisht këtë gjë: prangosjen. Dhe mund të hetohej në gjendje të lirë dhe është e ligjshme. Mund të hetohej në detyrim paraqitje, mund t’i merrje pasaportën. Ka 100 mënyra të tjera që janë të parashikuara me ligj. Por pse shkojmë tek finalja? Pra tek masa ekstreme te arresti? Sepse masa ekstreme në këtë rast, edhe pse akuza është shpërdorim detyre… është bërë zhurmë e madhe këto ditë, doli Tahiri. Tahiri nuk është dënuar as për kultivimin e kanabisit, por për shpërdorim detyre. Ne sot si republikë nuk kemi një vendim të na tregojë kush e kanabizoi Shqipërinë në 2016. Zero. Në rastin konkret, kur nuk ndodhi kjo me rastin e parë, gjithë kjo zhurma me Tahirin u bë sepse ai vendoset me kanabizimin. Ndërkohë ka akuzë për shpërdorim detyre. Ndërkohë Dako akuzën e ka minimale, krahasuar me masën e sigurisë që e ka ekstreme. Kemi raste të ngjashme që janë në hetim, por nuk është marrë masa ekstreme. Lajm sot nuk përbën fakti që ka filluar çështja ndaj Vangjush Dakos, lajm sot përbën fakti që Vangjush Dako është ndaluar”, u shpreh Hoxha.

The post Arrestimi i Dakos, Hoxha: Është bërë luftë e madhe për të shmangur prangosjen appeared first on Albeu.com.