Sipas burimeve, ai u arrestua në Brunico, në bazë të një urdhër-arresti europian, pasi akuzohet për një vrasje të kryer në Greqi në korrik të vitit 2010.

Sipas mediave, shqiptari kishte 4 vite që jetonte rregullisht në Brunico, ishte i doktoruar dhe punonte për një kompani lokale. Të mërkurën ai priti një vizitë nga oficerët e komisariatit të San Candido.

Burri, një 32-vjeçar shqiptar me inicialet S.P., ndodhet në burgun e Bolzanos që nga mbrëmja e së mërkurës.

Akuza ndaj tij sipas urdhrit të arrestit është e rëndë, konkretisht se ka kryer një vrasje në korrik të vitit 2010 gjatë një vjedhjeje në Greqi.

“Ne nuk dimë asgjë për rrethanat e krimit për të cilin akuzohet klienti ynë,” thotë avokati penal Marco Dall’Aglio, i cili mbron të arrestuarin së bashku me Nicola Nettis. Kur e arrestuan, u shokua, nuk dinte asgjë për një hetim ndaj tij në Greqi.

Deri më tani avokatët nuk kanë mundur të flasin me të, por të afërmit e tij kanë thënë se ai nuk mund të ketë lidhje me rastin në Greqi. Shqiptari në 2010 ishte student universiteti në Shqipëri. “Qëndrimi i tij i vetëm në Greqi daton në një udhëtim shkollor kur ishte 13 vjeç”, tha avokati Dall’Aglio.

Prandaj, dyshimi është i qartë se urdhër-arresti bazohet në një ngatërresë. Pra një gabim drejtësie.

Tashmë avokatët mbrojtës po përpiqen të marrin informacione të mëtejshme për vrasjen e dyshuar në Greqi, pasi në shtator do të zhvillohet seanca dëgjimore në Gjykatën e Lartë Rajonale për ankesën kundër ekstradimit në Greqi, e cila do të depozitohet së shpejti. Duhen mbledhur prova për të treguar se P.S. nuk ishte në Greqi në korrik 2010.

The post Prangoset 32-vjeçari shqiptar në Itali, kërkohej për vrasje në Greqi appeared first on Albeu.com.

Bëhet fjalë për shtetasin Andon (Ardit) Dusha.

Ai ishte i shpallur në kërkim prej një viti pasi kishte përgatitur terrenin që në tokën e zotëruar prej tij, të mbillte rreth 400 fidanë me kanabis.

Arrestimi i tij u bë në kuadër të operacionit “Sulta” të realizuar në njësinë administrative me të njëjtin emër.

Njoftimi i Plotë:

DVP Elbasan

Vijojnë operacionet e njëpasnjëshme, për kapjen e personave në kërkim.

Finalizohet operacioni policor i koduar “Sulta”.

Kapet dhe vihet në pranga një shtetas i kërkuar për kultivim të rreth 400 fidanëve kanabis, në vitin 2021, në njësinë administrative Sultë.

Specialistët për Hetimin e Krimeve të Komisariatit të Policisë Gramsh, në bashkëpunim me shërbimet operacionale të DVP Elbasan, në kuadër të operacionit policor të koduar “Sulta”, kapën dhe ndaluan shtetasin A. D., 32 vjeç, banues në Elbasan.

Ky shtetas ishte i shpallur në kërkim pasi Gjykata e Shkallës së Parë Elbasan i ka caktuar masën e sigurisë “Arrest në burg “, për veprën penale “Kultivimi i bimëve narkotike”. Në korrik të vitit 2021, në tokën në pronësi të 32-vjeçarit, shërbimet e Komisariatit të Policisë Gramsh, si rezultat i kontrolleve masive të territorit, kanë gjetur dhe sekuestruar rreth 400 fidanë kanabis të kultivuar në gota plastike, gati për t’u mbjellë./albeu.com/

The post 32-vjeçari me dy emra e i shpallur në kërkim prej një viti, “Sulta” në Elbasan e “fundos” appeared first on Albeu.com.